Sosial şəbəkədən istifadə edən qadın, arxiv şəkli

Hər kəsin özünü rahat hiss etdiyi məkanda vəziyyət kökündən dəyişə bilər

1339
(Yenilənib 16:17 31.07.2020)
Tahir Kərimlinin fikrincə, Azərbaycanda 100 min istifadəçisi olan sosial şəbəkənin nümayəndəliyi olmalı və o təhqir-nöhtan, narkotiklərin təbliği və s. Məsələlərə məsuliyyət daşımalıdır.

İradə Cəlilova, Sputnik Azərbaycan

BAKI, 31 iyul — Sputnik. Bir neçə gün öncə Türkiyədə sosial şəbəkələrlə bağlı qanun layihəsi qəbul edildi. Belə ki, qanuna görə ölkədə bir milyondan çox istifadəçisi olan sosial şəbəkələrin nümayəndəlikləri yaradılmalıdır və həmin nümayəndəlik, sosial şəbəkələrdə şər-böhtan, təhqir, terrora çağırış və narkotiklərin təbliği ilə məsələlərə məsuliyyət daşımalıdır.

Bu gün Azərbaycanda da belə qanun qəbul edilməsinə ehtiyac varmı? Çünki sosial şəbəkələrdə insanlar təhqir edilir, şər-böhtan dolu informasiyalarla dolaşır. Habelə terrora çağırış və narkotiklərin təbliği ilə bağlı məsələlər sosial şəbəkələrdə yer alır.

Və təəsüf olsun ki, hüquq-mühafizə orqanları bu məsələ qarşısında acizdir.

Millət vəkili Tahir Kərimli Sputnik Azərbaycan-a açıqlmasında bildirib ki, son iki onillikdə Amerikada, Avropa dövlətlərində, dünyanın inkişaf etmiş ölkələrində sosial şəbəkələrlə bağlı qanunlarda dəyişikliklərin edilməsi barədə müzakirələr aparılır, mülahizələr irəli sürülür.

"Bu dövlətlərdə müvafiq qanunlarda dəyişikliklər də olub. Azərbaycanda mətbuatla, təhqir-böhtanla, narkotiklərin satışı və təbliğatı ilə bağlı qanunlar qəbul edilir, müəyyən dəyişikliklər olur. Ancaq nədənsə hər dəfə sosial şəbəkələr kənarda qalır. Sosial şəbəkə mətbuat hesab edilmədiyi üçün heç bir addım atılmır. Maraqlıdır, 5 min tirajlı mətbuatda insan təhqir edilirsə, orqan məsuliyyətə cəlb edilir, amma bir milyonluq auditoriyada təhqir edilirsə, heç kim məsuliyyətə cəlb edilmir. Burada bir anormallıq var" deyən millət vəkili vurğulayıb ki, Türkiyə təcrübəsini müsbət qiymətləndirir.

Onun fikrincə, Türkiyə əhalisi Azərbaycan əhalisindən çox olduğu üçün burada 1 milyon istifadəçi nəzərədə tutulub. Azərbaycan üçün isə bu rəqəm 100 min olmalıdır.

Yəni, Azərbaycanda 100 min istifadəçisi olan sosial şəbəkənin nümayəndəliyi olmalı və o təhqir-nöhtan, narkotiklərin təbliği və s. Məsələlərə məsuliyyət daşımalıdır.

"Mən hesab edirəm ki, bu tənzimləməni qəbul etməyən sosial şəbəkəyə qarşı müəyyən sanksiyalar tətbiq edilməlidir. Övladlarımızın bu günü və gələcəyi hamını narahat edir. Bu səbəbdən də sosial şəbəkələrlə bağlı çox ciddi ölçü götürməyin vaxtı çatıb" – deyə o bildirib.

Millət vəkilinin sözlərinə görə, sosial şəbəkələrdə şər-böhtan, təhqir və s. məsələlərlə balı qanunvericilikdə dəyişiklik etmək lazımdır. Bu dəyişikliklər edilən zaman millii mentallitet və beynəlxalq təcrübə nəzərə alınmalıdır.

1339
Miraj restoranı

Bu dəfə restoranın adı da kömək eləmədi, tapdılar, cərimələdilər

2
Obyektin icarədarı Yaşar Mövsümov barəsində Mingəçevir Şəhər Polis Şöbəsində toplanmış material hüquqi qiymət verilməsi üçün məhkəməyə göndərilib

BAKI, 14 avqust — Sputnik. Mingəçevir Şəhər Polis Şöbəsinin əməkdaşları tərəfindən keçirilən tədbirlərlə şəhər ərazisində xüsusi karantin rejimi qaydalarına zidd olaraq gizli fəaliyyət göstərən restoran aşkar edilib.

© AR Ministry of Internal Affairs
Yaşar Mövsümov

DİN-in Mətbuat Xidmətinin Şəki regional qrupundan Sputnik Azərbaycan-a verilən məlumata görə, şəhərin Heydər Hüseynov küçəsində yerləşən “Miraj” restoranının qaydaları pozaraq, müştəri qəbul etdiyi məlum olub. Obyektin icarədarı Yaşar Mövsümov barəsində Mingəçevir Şəhər Polis Şöbəsində toplanmış material hüquqi qiymət verilməsi üçün məhkəməyə göndərilib. Məhkəmənin qərarı ilə o, 3100 manat cərimə edilib.

 

2
Əlaqədar
Əvvəllər yeyib-içənləri tuturdular, indi onun şəklini paylaşanları
Dağ kəndində karantin rejimini pozan kafe aşkarlanıb
İcazəsiz Qusara istirahətə gələn 18 nəfər cərimələnib
Üç yüz manat xeyir götürəcəkdi, 15 günlük həbsə düşdü - FOTO
Baba nəvəsinə ad günü təşkil etdi, qonaqlar hədiyyə əvəzinə cərimə ödədilər
Əli Abbasov, arxiv şəkli

Keçmiş nazirimizin daha bir vəzifəsini əlindən aldılar

14
(Yenilənib 11:12 14.08.2020)
Əli Abbasovun xələfi parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb.

BAKI, 14 avqust — Sputnik. AMEA Rəyasət Heyətinin qərarı ilə əməkdar mühəndis Vasif Abbasov AMEA “Yüksək Texnologiyalar Parkı” MMC-nin direktoru vəzifəsinə təyin olunub. O bu vəzifədə Əli Abbasovu əvəz edib.

YTP-dən Sputnik Azərbaycan-a verilən məlumata görə, V.Abbasov parka rəhbərlik edəcəyi dövrdə ona göstərilən etimadı doğruldacağını, qurumun fəaliyyətinin gücləndirilməsi üçün əlindən gələni əsirgəməyəcəyini vurğulayıb. O, AMEA Yüksək Texnologiyalar Parkının innovativ layihələri həyata keçirən bir qurum kimi dövlətin bu istiqamətdə siyasətinə dəstək verəcəyini, elmi nəticələrin tətbiqi əsasında rəqabətqabiliyyətli məhsulların istehsalını və dünya bazarına çıxarılmasını əsas hədəf kimi qarşıya qoyan YT Parkda Azərbaycan iqtisadiyyatının davamlı inkişafını təmin etmək üçün bütün lazımi tədbirlərin görüləcəyini diqqətə çatdırıb.

14