Bakıda tibbi maskada olan insanlar, arxiv şəkli

Dəqiq rəqəmi heç kim deyə bilmir! Pandemiya on minlərlə insanı işsiz qoyub

1491
(Yenilənib 15:46 29.07.2020)
Ekspert deyir ki, Azərbaycanda işsizlər ordusu rəsmi rəqəmlərdən dəfələrlə çoxdur. Eyni zamanda, etiraf etmək lazımdır ki, bu şəxslərin bir qismi qeyri-rəsmi şəkildə çalışır.

Nigar İsgəndərova, Sputnik Azərbaycan

BAKI, 29 iyul — Sputnik. Koronavirus pandemiyası ağır xəstəliyə, ölümlərə səbəb olmaqla yanaşı, digər bəlalar da gətirib. Bütün dünya dərin iqtisadi böhran içindədir. Ölkələr arasında sərhədlər bağlanıb, turizm sektoru iflic olub.

Xəstəliyin gətirdiyi əsas bəlalardan biri də işsizlik oldu. Dünyada iş yerləri ilə bağlı ciddi problem yaşanır. Bir çox məşhur, nəhəng şirkətlər belə, virusun gətirdiyi iqtisadi problemlərə qarşı duruş gətirə bilməyərək, iş yerlərinin bağlandığını elan edirlər.

Azərbaycanda da bəzi sahələrdə fəaliyyət dayandı. Qısamüddətli və uzunmüddətli perspektivdə bir çox insanlar işsiz qalıblar. Ekspertlər, itirilmiş iş yerlərinin hamısının tezliklə bərpa olunacağını proqnozlaşdırmırlar. Yəni, bu xəmir hələ çox su aparacaq.

Maraqlıdır, ölkədə işsizliklə bağlı son durum necədir?

İqtisadçı-ekspert Natiq Cəfərli son vəziyyəti Sputnik Azərbaycan-a şərh edib bildirib ki, rəsmi və dolayı olan rəqəmlər işsizliklə bağlı müəyyən təsəvvürlər yaradır: "Təkcə yanvarın 1-nə olan məlumatlara görə, ölkədə 5 milyon 700 minə yaxın əmək qabiliyyətli vətəndaş yaşayır. Rəsmi statistikaya əsasən də onların hansı sahələrdə çalışdığını görə bilirik. Bu şəxslərin 1.6 milyonu əmək müqaviləsi ilə çalışanlar idi, 1 milyon 700 mini fermer kimi qeydiyyatdan keçmişdi, 600 minə yaxın isə fərdi sahibkar var idi. Pandemiyanın, karantin rejiminin gətirdiyi özəlliklərdən biri bu oldu ki, ölkədə işsizliklə bağlı rəqəmlər hətta ən yüksək səviyyədə belə, tənqid olundu. Bununla da indiyə kimi açıqlanan məlumatların doğru olmadığı, məlumatlarda problemlər olduğu aşkara çıxdı. Məlum oldu ki, işsizlərin sayı açıqlanan rəsmi rəqəmlərdən xeyli çoxdur. Pandemiya dövründə işsizlərə yardım kimi 600 min nəfərə 190 manat verildi və bəzi məlumatlara görə, daha on minlərlə insan haqqı olsa da, bu və ya digər səbəbdən 190 manat ala bilmədi. Belə çıxır ki, hazırda işsizlərin sayı 600 mindən də çoxdur".

"Başqa bir məsələ də var. Etiraf edək ki, bizdə qeyri-rəsmi iş yerləri də çoxdur. İqtisadiyyatın elə sahələri var ki, orada qeyri-rəsmi işləyənlər üstünlük təşkil edir. Məsələn, Azərbaycanda turizm sahəsində rəsmi çalışanların sayı 24 min, müqaviləsiz çalışanalrın sayı isə bundan təxminən 3-4 dəfə çox idi. Turizmin hazırda tamamilə fəaliyyətini dayandırması ən azı 24 min insanın işsiz qalmasıdır", - deyə ekspert əlavə edib.

N.Cəfərli bildirib ki, ictimai-iaşə sektorunda da qeyri-rəsmi çalışanların sayı 10 minlərlə olub və bu şəxslər də artıq 4 aydır ki, işləmir: "Bundan başqa, şəhərlərarası nəqliyyatdaşımada da qeyri-rəsmi çalışanlar vardı. Hazırda məhdudiyyətlərin olması bu sahədə də işsizliyin olduğunu deməyə əsas verir. Bundan başqa, eyni vəziyyəti tikinti sahəsində də müşahidə etmək olar. Artıq ölkədə hökumətdən asılı olmayan səbəblərdən bəlkə də yüz minlərlə işsiz ordusu yaranıb".

1491
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Azərbaycanın Xalq artisti Emin Ağalarov, arxiv şəkli

Emin Ağalarov: "Yeganə yol Azərbaycanın ərazi bütövlüyüdür"

4
(Yenilənib 13:30 23.09.2020)
Emin Ağalarov Rusiya kanallarının birinə müsahibəsində deyib: Mənim Azərbaycan pasportum olmasa da, ilk öncə özümü Rusiyada yaşayan azərbaycanlı hesab edirəm.

BAKI, 23 sentyabr — Sputnik. Azərbaycan-ın Xalq artisti Emin Ağalarov Rusiya kanallarının birində Ermənistanın Qarabağı işğal etməsindən danışıb.

Sputnik Azərbaycan xəbər verir ki, müğənni aparıcının "Uzun zaman davam edən və bu yay daha da kəskinləşən Ermənistan-Azərbaycan münaqişəsinin həll yollarını nədə görürsünüz? Sizin biznesinizə bu məsələ necə təsir edib? Bu cür geosiyası məsələlər, ümumiyyətlə digər ölkələrdə biznesə təsir etməyə bilərmi?" suallarına Xalq artistinin cavabı belə olub:

Посмотреть эту публикацию в Instagram

Публикация от az.maqazin (@maqazinaze)

"Bu sual mənim üçün çox çətindir, çünki mənim Azərbaycan pasportum olmasa da, ilk öncə özümü Rusiyada yaşayan azərbaycanlı hesab edirəm. Bu, münaqişənin ağlabatan hesab etdiyim yeganə həll yolu bizim Azərbaycan torpaqlarımızın Dağlıq Qarabağ ərazisindəki erməni işğalından azad olunmasıdır. Bu hal baş versə, hesab edirəm ki, münaqişənin həllinə doğru ilk addım atılmış olacaq. Münaqişənin bizim gündəlik həyatımıza təsirinə gəldikə isə, əlbəttə ki, bəli, təsir edir, çünki iki ölkə prinsipcə münaqişədədir. Ona görə də, digər millətlə hər hansı bir əlaqə bir çox mübahisələrə və söz-söhbətə səbəb olur. Şəxsən mən istəyirəm ki, münaqişə həllini tapsın. Lakin yeganə yol Azərbaycanın ərazi bütövlüyüdür".

4
Əlaqədar
Emin boşanması haqda: “Məni artıq evləndiriblər” - VİDEO
Çox sağ ol, müəllimim! Emin yeni mahnıya görə Fadeyevə təşəkkür edib
Emin Ağalarovdan şəhidlərimizlə bağlı paylaşım
Emin Ağalarov Fatimə adlı qıza həsr etdiyi mahnını paylaşdı
Emin Ağalarovun oğlu yeni klipini təqdim edib
İnternat məktəbi, arxiv şəkli

Azərbaycan internatlarında yaşayan balacalarla bağlı kədərli statistika

5
(Yenilənib 12:55 23.09.2020)
Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər

BAKI, 23 sentyabr — Sputnik. "Hazırda Azərbaycanda müəssisələrdə valideyn himayəsindən məhrum olan 1500 uşaq var".

Sputnik Azərbaycan-ın məlumatına görə, bu sözləri Sosial Xidmətlər Agentliyinin Övladlığagötürmə və valideyn himayəsindən məhrum olmuş uşaqlarla iş departamentinin müdiri Cavid Şahmalıyev deyib. O bildirib ki, 0-3 yaşa qədər uşaqlarla bağlı qeydiyyat səhiyyə müəssisələri tərəfindən aparılır: "3 yaşdan yuxarı uşaqlarla bağlı qeydiyyat isə Təhsil Nazirliyinin və İcra Hakimiyyətinin nəzdində olan uşaq evlərində aparılır. Həmçinin dövlət statusu olmayan sığınacaqlarda da uşaqlar var".

C.Şahverdiyev övladlığa uşaq götürmə ilə bağlı tələblərə də toxunub. O bildirib ki, hər valideyn himayəsindən məhrum olunmuş uşaq övladlığa götürülmə üçün münasib sayılmır: "Bunun üçün təhlillər aparılır, valideyn razı olarsa, uşaq övladlığa verilir. Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər".

5
Əlaqədar
İnternat məktəblərinə qəbul qaydası dəyişib
İnternat məktəbinin direktoru kimsəsiz uşaqlara olmazın işgəncələr verib
Təhsil Nazirliyi internat məktəbi ilə bağlı iradlara cavab verdi
İnternat məktəbinin itkin düşmüş şagirdi tapılıb
İnternat yetirməsi: "Bizi ac saxlayırdılar, dövlət geyim versə də, onu vermirdilər"