Bakıda yolda motosikl, arxiv şəkli

Sən vurmadın, mən yıxılmadım, günahkar kimdir?

527
(Yenilənib 18:19 27.07.2020)
"Əksəriyyətinin sürücülük vəsiqəsi yoxdur. Hər gün 5-6 motosikl, moped sürücüsü saxlanılır. Bu sürücülər dəbilqədən istifadə etmir, kobud qayda pozuntularına yol verirlər", - E.Muradlı

İradə Cəlilova, Sputnik Azərbaycan

BAKI, 27 iyul — Sputnik. Son zamanlar yollarda velosiped, moped, motosikl sürücülərinin sayı artıb. Onlar nəqliyyatın sıx olduğu yollarda, digər nəqliyyat vasitəçiləri üçün nəzərdə tutulmuş yollarda yol hərəkəti qaydalarını kobud şəkildə pozaraq hərəkət edir, öz həyatları ilə yanaşı, digər nəqliyyat vasitələri sürücülərinin həyatını da təhlükə qarşısında qoyurlar.

Bu ilin əvvəlindən velosiped, moped və motosikl sürücülərinin iştirakı ilə baş vermiş yol-nəqliyyat hadisələrinə nəzər salanda onların əksəriyyətinin ölümlə nəticələndiyinə şahid oluruq.

Nəqliyyat məsələri üzrə ekspert Eldəniz Cəfər Sputnik Azərbaycan-a açıqlamasında bildirib ki, qayda pozanların əksəriyyəti sürücülük vəsiqəsi və nömrə tələb olunmayan moped və velosiped sürənlərdir.

Dövlət nömrə nişanlı motosiklet sürücüləri belə qayda pozuntuları etmirlər.

"Bakıda velosiped və motosiklet sürmək təhlükəlidir. Çünki Bakıda velosiped yolları, demək olar ki, yoxdur. Yalnız müəyyən parklarda belə yollar mövcuddur. Bu, parkda vaxt keçirmək üçün nəzərdə tutulub", - deyən ekspert bildirib ki, Bakı şəhəri üzrə infrastrukturda velosiped yolları nəzərdə tutulmayıb.

Onun sözlərinə görə, kiçik həcmli mühərriki olan mopedlərin sürülməsi də Bakı şəhərində böyük təhlükədir. Çünki digər nəqliyyat vasitələri sürücüləri Bakı küçələrində velosiped, moped sürülməsinə alışmayıblar. Bu səbəbdən də tez-tez velosipedçilərin, moped sürənlərin vurulması ilə bağlı qəzalar baş verir.

Qaydalar pozmaq üçündür? Hamının çöllərdə olduğu qəribə karantin davam edir>>

"Bəzən sürücülər də moped və velosiped sürənlərə maneə yaratmağa çalışır, onların həyatını təhlükəyə atırlar", - deyə o bildirib.

Ekspert qeyd edib ki, Azərbaycanda avtomobil yollarında moped və ya velosiped sürmək qadağan deyil. Vətəndaşlar qaydaları pozmamaq şərti ilə bu vasitələrdən də istifadə edə bilərlər.

"Nəqliyyatın sıxlığı müşahidə edilən yerlərdə moped və velosiped sürməkdən çəkinmək lazımdır. Bunlar əsas nəqliyyat vasitələrinin az olduğu yerlərdə idarə edilməlidir. Xüsusən də gecə saatlarında belə vasitələri idarə edən zaman diqqətli olmaq lazımdır, ümumiyyətlə idarə edilməsə, daha yaxşı olar", - deyə o bildirib.

Yol-nəqliyyat eksperti Elməddin Muradlı Sputnik Azərbaycan-a açıqlamasında bildirib ki, son günlər moped, motosikl, velosiped sürücülərini iştirakı ilə yol – nəqliyyat hadisələri baş verir.

"Pandemiya dövründə bir sıra sahələrdə iş dayandırıldığı üçün onlayn sifarişlə çatdırılma xidmətləri işə düşdü. Bəzi müəssisələr gəncləri, orta məktəb şagirdlərini işə götürərək, ucuz işçi qüvvəsindən istifadə etməyə başladılar. Bu fonda kobud qayda pozan sürücü kütləsi yarandı", - deyən ekspert vurğulayıb ki, təhlil aparılarsa, həmin sürücülərin 60 faizinin yol hərəkəti qaydalarından məlumatsız olduğu müəyyən edilər.

E.Muradlı bildirib ki, bəzi motosikl sürücüləri kameralara yaxalanmamaq üçün motosikllərin dövlət nömrə nişanlarını çıxarırlar.

"Əksəriyyətinin sürücülük vəsiqəsi yoxdur. Hər gün 5-6 motosikl, moped sürücüsü saxlanılır. Bu sürücülər dəbilqədən istifadə etmir, kobud qayda pozuntularına yol verirlər", - E.Muradlı deyib.

Onun sözlərinə görə, nə qədər acınacaqlı olsa da, hər gün moped, velosiped və motosikl sürücüləri tərəfindən qayda pozuntuları qeydə alınır və həftədə 2-3 ölüm baş verir.

E.Muradlı bildirib ki, bu sürücülərlə bağlı ciddi tədbirlər görülməlidir.

Hüquqşünas Fərid Həmidli Sputnik Azərbaycan-a açıqlamasında bildirib ki, moped və velosiped sürücülərinin hərəkəri "Yol hərəkəti haqqında Azərbaycan Respublikasının Qanunu" 46-cı maddəsi ilə tənzimlənir.

"Belə ki, velosipedlər və mopedlər yalnız yolun sağ kənar zolağında, yol nişanları və ya yol nişanlanmasının tələblərinə riayət etməklə, mümkün qədər sağ tərəfdə bir cərgə ilə hərəkət etməlidirlər. Piyadalar üçün maneə yaratmamaq şərti ilə velosipedlərin yol çiyni ilə hərəkətinə icazə verilir. Velosiped dəstələri yolun hərəkət hissəsi ilə getdikləri vaxt hərəsi 10 velosipedçidən çox olmayan qruplardan ibarət olmalıdırlar. Nəqliyyat vasitələrinin ötməsini asanlaşdırmaq üçün dəstələrin arasındakı məsafə 80-100 metr olmalıdır", - deyə hüquqşünas bildirib.

Onun sözlərinə görə, velosiped və moped sürücülərinin bəzən qaydalara əməl etmədən hərəkəti çox zaman ağır qəzalarla nəticələnir.

Ekspert bildirir ki, qanuna görə, velosiped və moped sürücüləri sükanı tutmadan və ya təhlükəsizlik dəbilqələrindən istifadə qaydalarını pozmaqla hərəkət etməməli, velosipedin və mopedin uzunu və ya eni üzrə qabaritlərindən 0,5 metrdən artıq kənara çıxan və ya velosipedi, mopedi idarə etməyə mane olan yük aparmamalı, velosiped yolu olduğu halda, onun yanındakı yolla hərəkət etməməli, tramvay hərəkəti olan yollarda və həmin istiqamətdə hərəkət üçün birdən artıq zolağı olan yollarda sola və ya geriyə dönməməli, sərnişin daşımamalı, nasaz, müəyyən olunmuş qaydada təchiz edilməyən velosipeddən istifadə etməməlidir.

Onun sözlərinə görə, velosiped və moped sürücüləri digər nəqliyyat vasitələrinə yol verməlidirlər.

527
Əlaqədar
İndi həvəslə gətirirlər, amma iki-üç ilə hibrid avtomobillərə qarşı antipatiya yaranacaq
Darısqal yollar uğrunda “müharibə”: Kimə olar, kimə olmaz müəmması var
Azərbaycanın ucqarında "mini Avropa" - Məktəblilərdən ibrətamiz addım
Polisə gülə-gülə ölümə doğru: işıqqaytarıcı geyim vacibdir, yoxsa mentalitet?
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

4
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

4
Dəmiryol Xətti, arxiv şəkli

Bərdədən Ağdama qatarlar işləyəcək

6
Ümumi uzunluğu 45 km olan Bərdə–Ağdam dəmir yolu xəttinin layihələndirilməsi və tikintisi üçün Azərbaycan Respublikası Prezidentinin ehtiyat fondundan “Azərbaycan Dəmir Yolları”na ilkin olaraq 5,0 (beş) milyon manat ayrılacaq

BAKI, 24 noyabr - Sputnik. Prezident İlham Əliyev Bərdə-Ağdam dəmir yolu xəttinin layihələndirilməsi və tikintisi ilə bağlı tədbirlər haqqında Sərəncam imzalayıb.

Sputnik Azərbaycan-ın məlumatına görə, Sərəncamda deyilir: “2020-ci il sentyabrın 27-də başlanmış Vətən müharibəsi Azərbaycan xalqının tarixi Qələbəsi ilə başa çatmış, Ağdam rayonunun erməni təcavüzünə məruz qalmış bütün əraziləri də işğaldan azad edilmişdir.

Rayonun 27 il ərzində işğal altında saxlanılmış ərazilərində, Ağdam şəhəri də daxil olmaqla bütün yaşayış məntəqələri, o cümlədən həyati vacib təsərrüfat sahələri, yaşayış evləri tamamilə dağıdılmış, ətraf mühitə, tarixi-mədəniyyət və dini abidələrə ciddi ziyan vurulmuşdur.

Ağdam rayonunun işğal altında olmayan 44 yaşayış məntəqəsində son illərdə müxtəlif dövlət proqramları çərçivəsində geniş tikinti-bərpa və abadlıq-quruculuq işləri görülmüş, Olimpiya İdman Kompleksi, Muğam Mərkəzi, Mərkəzi Rayon Xəstəxanası və digər sosialyönümlü obyektlər tikilmiş, Ağdam Dövlət Dram Teatrının binası əsaslı təmir olunmuş, xalçaçılıq müəssisəsi yaradılmışdır. 6600-dən çox məcburi köçkün ailəsi üçün salınmış 18 yeni qəsəbədə 18 ümumtəhsil və 3 musiqi məktəbi, 12 tibb və 10 məktəbəqədər təhsil müəssisəsi inşa edilmiş, qaz, elektrik, içməli su xətləri çəkilmiş, yol-nəqliyyat infrastrukturu yaxşılaşdırılmış, digər mühüm layihələr həyata keçirilmişdir.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, bu istiqamətdə aparılan işlərin davam etdirilməsi, işğaldan azad olunmuş ərazilərin bərpası və Ağdam rayonunun dayanıqlı sosial-iqtisadi inkişafının təmin edilməsi məqsədilə qərara alıram:

1. Ümumi uzunluğu 45,0 kilometr olan Bərdə–Ağdam dəmir yolu xəttinin layihələndirilməsi və tikintisi üçün Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan “Azərbaycan Dəmir Yolları” Qapalı Səhmdar Cəmiyyətinə ilkin olaraq 5,0 (beş) milyon manat ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının İqtisadiyyat Nazirliyi Azərbaycan Respublikasının 2021-ci il dövlət büdcəsi layihəsində dövlət əsaslı vəsait qoyuluşunun (investisiya xərclərinin) bölgüsündə bu Sərəncamın 1-ci hissəsində göstərilən dəmir yolu xəttinin tikintisinin davam etdirilməsi üçün zəruri olan maliyyə vəsaitini nəzərdə tutsun.

4. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.

6
Teqlər:
Sərəncam, Prezident İlham Əliyev, layihə, tikinti, dəmiryolu, Ağdam, Bərdə
Rusiya Prezidenti Vladimir Putin, arxiv şəkli

Putin: "Ən böyük qazancımız qan tökülməsini dayandırmaq oldu"

0
(Yenilənib 17:15 24.11.2020)
Rusiya prezidenti ölkəsinin Dağlıq Qarabağdakı vəziyyətin normallaşmasında vasitəçilik üçün xeyli səy göstərdiyini bildirib.

BAKI, 24 noyabr — Sputnik. Rusiya Dağlıq Qarabağdakı vəziyyətin normallaşmasında vasitəçilik üçün xeyli səy göstərib. Sputnik Azərbaycan-ın RİA Novosti-yə istinadən yaydığı məlumata görə, bunu Rusiya Prezidenti Vladimir Putin deyib.

"Biz Dağlıq Qarabağda dostlarımız Azərbaycan və Ermənistanın minlərlə vətəndaşının həlak olmasına səbəb olan hərbi əməliyyatların dayandırılması üçün böyük səy göstərdik. Eyni zamanda, ATƏT-in Minsk Qrupunda, xüsusən həmsədrlər - Rusiya, ABŞ və Fransa arasında əldə olunan əsas razılaşmaları izlədik. Ən böyük qazancımız qan tökülməsini dayandırmaq, Rusiya, Azərbaycan prezidentləri və Ermənistan baş nazirinin üçtərəfli razılaşması ilə atəşkəsi bərqərar etmək oldu", – deyə o bildirib.

0
Teqlər:
Vladimir Putin, Rusiya, Ermənistan, müharibə, Qarabağ, Dağlıq Qarabağ, Azərbaycan
Mövzu:
Azərbaycan və Ermənistan arasında müharibə