Biodayanacaq

Növbəti dayanacaq bütün Azərbaycandır - İsmayıllı eksperimentinin hədəfləri

2758
(Yenilənib 08:25 26.07.2020)
Sözügedən bütün smart texnologiyaları istehsal edən zavodun İsmayıllıda tikilməsi, məhsulların bütün ölkəyə yayılması da gələcək üçün planlaşdırılır.

İlham Əhmədov, Sputnik Azərbaycan

BAKI, 26 iyul - Sputnik. Azәrbaycanda ilk dəfə İsmayıllı şəhərinə 1 ədəd smart tipli Günəş və külək enerjisi ilə işləyən elektrik avtobus gətiriləcək.

Bu barədə bizə İsmayıllı rayon İcra Hakimiyyətinin informasiya sektorunun əməkdaşı Səid Hüseynov məlumat verib.

"Yeni gətiriləcək nəqliyyat vasitəsi 2 bio smart dayanacaq arasında xidmət edəcək. Hazırda İsmayıllı şəhərinin mərkəzindəki parkın yaxınlığında bu tip 1 dayanacaq quraşdırılıb, 2-cinin gətirilməsi nəzərdə tutulur. Dayanacaq Günәş enerjisi ilә işlәyir, ödənişsiz Wi-fi, USB enerji portları, tәhlükәsizlik kameraları, dezinfeksiya duşu vә sensorlu dispenseri, müxtəlif içki vә şirniyyatlardan ibarət satış aparatı, hәmçinin 8 oturacaqla təchiz edilib. Dayanacaqlar gecə avtomatik işıqlanır. Həmçinin, 2 smart oturacaq gətirilib ki, onlar da Günəş enerjisi ilə işləyir, WiFi ilə təchiz olunub. 11 ədəd işıq dirəyi də quraşdırılır. Dezinfeksiya funksiyalı bio oturacaqların da gətiriləcəyi gözlənilir" - deyə o bildirib.

Rayon İcra Hakimiyyətinin əməkdaşı onu da bildirdi ki, rayonun magistral avtomobil yolları üçün nəzərdə tutulan 10 metrdən yüksək işıq dirəkləri isə həm Günəş, həm də külək enerjisi ilə işləyəcək. Dayanacaqlar isə sərnişinləri şüşə örtüklə tozdan qoruyacaq. Rayon xəstəxanasının iç və çöl hissələrindә piyadalar üçün dezinfeksiya funksiyalı bio smart keçidlər də təşkil edilib.

© Sputnik / Ilham Ahmadov
Biodayanacaq

Sözügedən bütün smart texnologiyaları istehsal edən zavodun İsmayıllıda tikilməsi, məhsulların bütün ölkəyə yayılması da gələcək üçün planlaşdırılır.

2758
Yemək yeyən insanlar, arxiv şəkli

İaşə obyektlərində reyd: sıxlığa da əməl etməyiblər

0
(Yenilənib 22:30 27.10.2020)
Reyd keçirilən 42 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb

BAKI, 27 oktyabr — Sputnik. Ölkəmizdə hərbi vəziyyətin elan olunduğu, eyni zamanda xüsusi karantin rejiminin davam etdiyi bir şəraitdə əhalinin sağlamlığı və təhlükəsizliyinin təmin olunması bizlərdən müharibə dövrünün şərtlərinə uyğun olaraq xüsusi yanaşma və məsuliyyət tələb edir. Xüsusilə, qida sahəsində fəaliyyət göstərən sahibkarlıq subyektləri xəstəliyin yayılmaması üçün əks-epidemik tədbirlərə ciddi riayət etməli, insanların sıx toplaşdığı ictimai iaşə müəssisələrində karantin rejiminin tələblərini daim diqqət mərkəzində saxlamalıdırlar.

Azərbaycan Qida Təhlükəsizliyi Agentliyinin əməkdaşları tərəfindən bu sahədə aidiyyəti qurumlarla birgə həyata keçirilən yoxlama-nəzarət tədbirləri zamanı, təəssüflər olsun ki, bəzi ictimai iaşə müəssisələrinin sahibləri və müştərilər tərəfindən bir sıra qaydalara əməl edilmədiyi aşkar olunur. AQTA-dan Sputnik Azərabycan-a verilən məlumata görə, agentlik tərəfindən ictimai iaşə müəssisələrində reydlər davam etdirilir. Belə ki, AQTA əməkdaşları tərəfindən 25-26 oktyabr 2020-ci il tarixində Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 697 ictimai iaşə obyektində 1281 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən 42 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb.

Aparılan reydlər zamanı sahibkarlıq subyektlərində, əsasən, işçi heyətin və müştərilərin tibbi maskadan istifadəsinə nəzarət edilməməsi, həmçinin pandemiya dövründə ictimai iaşə müəssisələrinin qida qəbulu zallarında müştəri qəbulu zamanı adambaşına müəyyən edilən sıxlıq normalarına riayət olunmaması ilə bağlı nöqsanlar aşkarlanıb.

Nazirlər Kabinetinin müvafiq qərarına əsasən, qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. Koronavirus (COVID-19) pandemiyası dövründə ictimai iaşə müəssisələrində müştəri qəbulu qüvvədə olan norma və qaydalardan 2 dəfə az olmalı və müvafiq olaraq, adambaşına müəyyən edilən sahə ikiqat artırılmalıdır.

0
Eldar Qasımov, arxiv şəkli

Biz Qarabağda oyanmaq istəyirik - VİDEO

10
(Yenilənib 22:02 27.10.2020)
"Mən Qarabağda oyanmaq istəyirəm" adlı mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur

BAKI, 27 oktyabr — Sputnik. Eldar Qasımov Şuşaya həsr olunmuş mahnısını təqdim edib.

Sputnik Azərbaycan xəbər verir ki, Azərbaycana Avroviziya qalibiyyəti bəxş edən müğənni Eldar Qasımov Şuşaya həsr olunmuş yeni mahnısını təqdim edib. Rus dilində olan mahnı "Mən Qarabağda oyanmaq istəyirəm" adlanır və vətənpərvərlik mövzusundadır.

Mahnının bəstəkarı Vaqif Yaqubov, söz müəllifi Leyla Nəsibli, aranjmançısı isə Osman Həmidovdur. Mahnı qısa zamanda sosial şəbəkələrdə paylaşılıb.

 

10
Teqlər:
mahnı, Eldar Qasımov, Şuşa şəhəri, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Türkiyəli sənətçilər Qarabağda müharibəyə görə toylarını təxirə saldılar
Daha bir rəzalət - Sərdar Ortacı şəhid Azərbaycan əsgəri kimi təqdim etdilər
Sinan Akçıldan daha bir dəstək - "Daim yaşa, Azərbaycan" adlı mahnı bəstələyib
Rəzalət davam edir - Türk sənətkarları Qarabağda "öldürürlər"
İbrahim Tatlısəsdən kövrək addım: "Ölənədək yanındayıq, AZƏRBAYCAN!"