Təbriz Soltanlı

“Ailəsinə bağışlaya bilərəm” Gənc heykəltəraş 4 günə generalın büstünü hazırlayıb

3565
(Yenilənib 23:15 24.07.2020)
Təbriz Soltanlı bundan əvvəl Milli Qəhrəman Mübariz İbrahimovun, Mikayıl Müşfiq, Əhməd Cavadın, Səməndər Rzayevin xatirəsini əbədiləşdirib.

Nigar İsgəndərova, Sputnik Azərbaycan

BAKI, 25 iyul — Sputnik. Bu günlərdə Azərbaycanda ən çox Polad Həşimovdan danışılır. Ölümü ilə qəhrəmanlıq dastanı yazana mərd, igid generalımızdan. Çoxumuz onu ölümündən sonra tanısaq da, qəhrəmanımız hələ sağlığında insanların yaddaşında silinməz izlər buraxıb.

1975-ci ildə Qəbələ rayonunun Vəndam qəsəbəsində doğulan general-mayor Polad Həşimov bu ilin iyulun 14-də Tovuz istiqamətində baş verən şiddətli döyüşlər zamanı Ermənistan silahlı qüvvələrinin xain hücum cəhdinin qarşısını alarkən şəhid olub.

© Sputnik /
Təbriz Soltanlının əl işi

Adı dillərdə gəzən, uşaqların belə dilindən "mən Polad olacağam" deyə eşitdiyimiz qəhrəmanımızın xatirəsi üçün müəyyən işlər görülür. Azərbaycan Rəssamlıq Akademiyasının heykəltəraşlıq fakültəsinin 4-cü kurs tələbəsi, 27 yaşlı Təbriz Soltanlı isə qısa müddətdə qəlblərdə əbədiləşən qəhrəmanın büstünü hazırlayıb. Sputnik Azərbaycan Qəhrəmanımızın xatirəsini əbədiləşdirən heykəltəraşla həmsöhbət olub.

Təbriz Soltanlı deyir ki, generalın şəhid olma xəbərini aldığı gündən bu büstün üzərində işləməyə başlayıb: "Polad Həşimovun şəhid olduğunu eşitdiyim gündən büstü hazırlamağa başladım. Bilirisiniz məni daha çox təsirləndirən nə idi? Onun bir general olaraq ön cəbhədə əsgərləri ilə çiyin-çiyinə olub cəbhədə vuruşması. Beləcə, şəhid olduğunu eşitdiyim gündən eskizləri, karkası hazırladım. Üzündə nur, təbəssüm vardı generalımızın! Ona görə də mən də büstü yaradarkən simasında bir nur, təbəssüm əks etdirdim. Beləcə, gərgin işləyib 4 günə bu işi tamamladım, büstü ərsəyə gətirdim".

© Sputnik /
Təbriz Soltanlının əl işi

Qəhrəmanımızın büstünü hələlik ki, gipsdən hazırlayan heykəltəraş deyir ki, büstün qoyulması ilə bağlı ona təklif gələrsə, bu zaman bürüncə çevirəcək.

Karantin şəraiti olduğundan T.Soltanlı büstü elə öz evində hazırlayıb: "Bakıda kirayədə yaşayırdım, orada emalatxanam da vardı. Sadəcə karantin olduğundan rayona, Beyləqana gəldim. Büstü də elə burada, öz evimizdə hazırladım".

Hələlik bu işi ancaq özü üçün hazırladığını deyən həmsöhbətimiz deyir ki, Polad Həşimovun ailəsi istəyərsə, 90x30x65 ölçüdə olan bu büstü onlara hədiyyə edər. 

© Sputnik /
Təbriz Soltanlının əl işi

Söhbət əsnasında onun bu peşəyə uşaqlıqdan marağının olduğunu və digər görkəmli şəxslərin xatirəsini də bu cür əbədiləşdirdiyini öyrənirik. Özü deyir ki, uşaq vaxtından qardaşı ilə bir yerdə rəssamlığa, heykəltəraşlığa marağı olub: "Qardaşım rəssam təhsili aldı. Mən isə öncə Rəssamlıq Akademiyasının nəzdində olan Əzim Əzimzadəni bitirmişəm. Hazırda isə Rəssamlıq Akademiyasının sonuncu kursundayam. Ümumiyyətlə qəhrəmanlar hər zaman mənim üçün diqqətçəkici olub. Bunacan da müxtəlif qəhrəmanlarımızın xatirəsini əbədiləşdirmişəm. Eyni zamanda da Milli Qəhrəmanımız Mübariz İbrahimovun da xatirəsini əbədiləşdirmişəm".

© Sputnik /
Təbriz Soltanlının əl işi

"Bunacan Azərbaycanın görkəmli şairi Mikayıl Müşfiq, Əhməd Cavadın xatirəsini əbədiləşdirmişəm. Yaxın günlərdə görkəmli sənətkarımız Səməndər Rzayevin büstü də hazır olacaq. Bundan başqa, şəhid olan İlqar Mirzəyevin də xatirəsini əbədiləşdirmək niyyətindəyəm", - deyə T.Soltanlı əlavə edir.

3565
İnternat məktəbi, arxiv şəkli

Azərbaycan internatlarında yaşayan balacalarla bağlı kədərli statistika

3
(Yenilənib 12:55 23.09.2020)
Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər

BAKI, 23 sentyabr — Sputnik. "Hazırda Azərbaycanda müəssisələrdə valideyn himayəsindən məhrum olan 1500 uşaq var".

Sputnik Azərbaycan-ın məlumatına görə, bu sözləri Sosial Xidmətlər Agentliyinin Övladlığagötürmə və valideyn himayəsindən məhrum olmuş uşaqlarla iş departamentinin müdiri Cavid Şahmalıyev deyib. O bildirib ki, 0-3 yaşa qədər uşaqlarla bağlı qeydiyyat səhiyyə müəssisələri tərəfindən aparılır: "3 yaşdan yuxarı uşaqlarla bağlı qeydiyyat isə Təhsil Nazirliyinin və İcra Hakimiyyətinin nəzdində olan uşaq evlərində aparılır. Həmçinin dövlət statusu olmayan sığınacaqlarda da uşaqlar var".

C.Şahverdiyev övladlığa uşaq götürmə ilə bağlı tələblərə də toxunub. O bildirib ki, hər valideyn himayəsindən məhrum olunmuş uşaq övladlığa götürülmə üçün münasib sayılmır: "Bunun üçün təhlillər aparılır, valideyn razı olarsa, uşaq övladlığa verilir. Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər".

3
Əlaqədar
İnternat məktəblərinə qəbul qaydası dəyişib
İnternat məktəbinin direktoru kimsəsiz uşaqlara olmazın işgəncələr verib
Təhsil Nazirliyi internat məktəbi ilə bağlı iradlara cavab verdi
İnternat məktəbinin itkin düşmüş şagirdi tapılıb
İnternat yetirməsi: "Bizi ac saxlayırdılar, dövlət geyim versə də, onu vermirdilər"
Faiq Bağırov, arxiv şəkli

Rüşvət almaqda günahlandırılan sabiq XİN rəsmisi ev dustaqlığına buraxıldı

5
(Yenilənib 12:50 23.09.2020)
XİN-in Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbiri ev dustaqlığı ilə əvəz edildi.

BAKI, 23 sentyabr — Sputnik. Səbail rayon Məhkəməsində Xarici İşlər Nazirliyinin (XİN) Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatətə baxılıb.

Sputnik Azərbaycan xəbər verir ki, bu barədə "e-mehkeme.gov.az" saytı məlumat yayıb. Hakim Azər Tağıyevin sədrliyi ilə keçirilən prosesdə qərar elan olunub.

Qərara əsasən, F. Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatəti təmin edilib.

Qeyd edək ki, F.Bağırov Dövlət Təhlükəsizliyi Xidməti tərəfindən saxlanılıb. Ona Cinayət Məcəlləsinin 311-ci (rüşvət alma) maddəsi ilə ittiham verilib.

Onun barəsində Səbail Rayon Məhkəməsinin qərarı ilə 4 ay müddətinə həbs qətimkan tədbiri seçilib.

5
Belarus Prezidenti Aleksandr Lukaşenko, arxiv şəkli

Lukaşenko gizli olaraq and içir

0
(Yenilənib 13:27 23.09.2020)
Konstitusiyaya əl basan seçilmiş ölkə rəhbəri Belarus dilində and içib. Bundan sonra Belarus Mərkəzi Seçki Komissiyasının rəhbəri Lidiya Yermoşina ona prezident vəsiqəsini təqdim edib.

BAKI, 23 sentyabr — Sputnik. Aleksandr Lukaşenko Belarus prezidentinin səlahiyyətlərinin icrasına başlayıb. Sputnik Belarus xəbər verir ki, mərasim Müstəqillik Sarayında baş tutur.

Qeyd olunur ki, mərasimdə yüzlərlə insan – məmurlar, parlamentarilər, KİV rəhbərləri, mədəniyyət və idman nümayəndələri, digər rəsmilər iştirak edir.

Belə ki, Konstitusiyaya əl basan seçilmiş ölkə rəhbəri Belarus dilində and içib. Bundan sonra Belarus Mərkəzi Seçki Komissiyasının rəhbəri Lidiya Yermoşina ona prezident vəsiqəsini təqdim edib.

Qeyd edək ki, Belarusda bir aydan artıq müddətdir ki, 9 avqust prezident seçkilərinin rəsmi nəticələrinə etiraz olaraq kütləvi aksiyalar keçirilir. Rəsmi nəticələrə görə, Aleksandr Lukaşenko seçkilərdə səslərin 80%-ni toplayıb. Lukaşenko özü iddia edir ki, baş verənlərin arxasında Qərb dayanır.

 

0