Bakıda restoran, arxiv şəkli

Küçədə restoran fəaliyyətinin bərpa olunması tələb olunur Təhlükə daha da artacaq?

288
(Yenilənib 22:30 16.07.2020)
“Restoran və terraslar isə elə yerlərdir ki, orada yoluxma riski yüksəkdir. İnsanlar maska ilə yemək yeyə bilməz axı. Nə qədər tələblər gözlənilsə də yoluxma olacaq” – Cəlal İsayev

Zülfiyyə Quluyeva, Sputnik Azərbaycan

BAKI, 16 iyul — Sputnik. Pandemiya ilə əlaqədar ölkəmizdə iyunun 20-dək sərt karantin rejimi tətbiq edildiyindən bir sıra sahələrin fəaliyyəti məhdudlaşdırılıb. Buraya restoran və istirahət məkanlarının da fəaliyyəti daxildir.

DAİR Hotellər və Restoranlar Assosiasiyası karantin rejiminin uzadıldığı halda mehmanxana və mehmanxana tipli müəssisələrin və ictimai iaşə obyektlərinin açıq havada olan hissələrində (terraslar) metodik göstərişlərin və təlimatların şərtlərinə ciddi riayət edilməsi şərtilə müştərilərə yerində xidmət göstərilməsinə icazə verilməsi üçün prezidentə müraciət edib. Sputnik Azərbaycan sərt karantin rejimindən sonra mehmanxanaların, ictimai iaşə müəssisələrinin necə işləməsinin mümkünlüyünü araşdırıb.

Azərbaycan Turizm Agentlikləri Assosiasiyası sədrinin müşaviri Müzəffər Ağakərimov Sputnik Azərbaycan-a açıqlamasında bildirib ki, bu müraciət həmin sahədə çalışanların fikri olsa da, ilk növbədə sözügedən sahənin fəaliyyəti pandemiya dövrünə uyğunlaşdırılmalıdır: "İlk növbədə bu sahədə pandemiya dövründə fəaliyyətə hazır olan iaşə obyektlərinin, mehmanxana və istirahət mərkəzlərinin siyahısı hazırlanmalıdır. Həmin siyahı əsasında bir-bir o obyektlərin pandemiya dövründə fəaliyyət göstərməsi üçün hazırlıq səviyyəsi monitorinq edilməlidir. Bu gün əgər həmin yerlər pandemiya tələblərinə cavab verə bilmirsə, orada fəaliyyətin bərpası da təhlükəlidir".

M.Ağakərimov deyir ki, hələlik Azərbaycanda pandemiya dövründə fəaliyyətə hazır olan istirahət məkanlarının, iaşə obyektlərinin, mehmanxanaların siyahısı hazırlanmayıb. Bu halda onların necə fəaliyyət göstərəcəyi də şübhə altındadır.

Ekspert bildirir ki, bu məsələdə qonşu Türkiyə, Gürcüstan təcrübəsindən yararlanmaq olar: "Türkiyədə mehmanxanalar, istirahət məkanları, restoranlar müştəri qəbul edir. Amma bundan əvvəl onlar öz fəaliyyətlərini pandemiya dövrünə uyğunlaşdırıblar. Bu gün Türkiyədə çimərliklərdə insanlar dincəlir. Amma çimərlik sahibləri normalar hazırlayıb, qonaqlar arasında məsafəni təmin edir. Restoranlarda masalarda şəffaf şüşələrlə məsafə və virusa yoluxma qorunur. Bu gün gəlin baxaq görək bizdə hansı mehmanxananın restoranında belə bir şərait yaradılıb? Açıq havada olsa belə pandemiya dövründə müəyyən tələblərə əməl edilməli, şərait yaradılmalıdır".

Balaxanı qəsəbəsində abadlıq işləri
© Photo : Small and Medium Business Development Agency of the Republic of Azerbaijan

Səhiyyə Nazirliyinin baş infeksionisti Cəlal İsayev isə Sputnik Azərbaycan-a açıqlamasında bildirib ki, açıq havada belə, koronavirusa yoluxma riski çox yüksəkdir: "Biz də istəyərdik ki, ölkəmizdə həyat həmişəki axarına qayıtsın. Amma mütləq hər bir qərar veriləndə biz koronavirusa yoluxma statistikasına nəzər salmalıyıq. Bizə bu gün Gürcüstanı və Türkiyəni misal çəkirsiniz. Deyirlər ki, niyə Türkiyədə çimərliklər də açılıb, bizdə isə restoranlar hələ bağlıdır. Amma unutmaq olmaz ki, hər ölkə öz vəziyyətinə baxıb qərar verir. Türkiyədə koronavirusa yoluxma sayında azalma var. Amma Azərbaycanda əks vəziyyət müşahidə olunur. Türkiyədə sosial məsafə və maska məsələsində vətəndaşlar da həssaslıq göstərirlər. Bizdə isə hələ də bəzi insanlar tibbi maska taxmır. Bütün bunlar virusa yoluxma sayının azalmasına imkan vermir. Restoran və terraslar isə elə yerlərdir ki, orada yoluxma riski yüksəkdir. İnsanlar maska ilə yemək yeyə bilməz axı. Nə qədər tələblər gözlənilsə də, yoluxma olacaq. Bütün bu sahələrin əvvəlki kimi fəaliyyətinin bərpa olunması üçün yoluxma sayı azalmalıdır. Əks halda, mən müraciətlərə baxmayaraq bu sahələrdə fəaliyyətə icazənin verilməsini düzgün saymıram!"

288
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Tələbələr imtahan verirlər, arxiv şəkli

Bəzi tələbələrin təhsil haqqı dövlət tərəfindən ödəniləcək

1
(Yenilənib 18:00 24.09.2020)
Bu abituriyentlər sənədlərini hazırlamalı və universitetə təqdim etməlidirlər. Yalnız bundan sonra onların təhsil haqqı dövlət hesabına ödəniləcək.

BAKI, 24 sentyabr — Sputnik. Ola bilsin ki, gələcəkdə sosial baxımdan həssas əhali qrupuna aid edilən ailələrin üzvü olan abituriyentlər sənəd qəbulu zamanı müəyyən edilsin.

Sputnik Azərbaycan xəbər verir ki, bu barədə Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, hazırda ali məktəblərə sənəd qəbulu zamanı abituriyentin həssas qrupa aid olub-olmadığı bilinmir:

"Amma ola bilsin ki, belə abituriyentlərin sosial statusu ilə bağlı gələcəkdə təqdim edə biləcəkləri sənəd əsasında onların sayını elə sənəd qəbulu zamanı müəyyən edək. Bu səbəbə görə hazırda bizdə bu il ali məktəbə qəbul olan həssas təbəqəyə aid olan abituriyentlərin sayı barədə məlumat yoxdur. Biz ərizələri qəbul edən zaman şəxsiyyət vəsiqəsinin FİN kodu ilə abituriyentin kimliyini yoxlayırıq".

M.Abbaszadə əlavə edib ki, ödənişli ixtisaslara qəbul olunanların bir qisminin təhsil haqqı dövlət hesabına ödəniləcək:

"Bu, qaçqın və məcburi köçkünlər, şəhid ailələrinin üzvləri üçün həmişə olub, amma bu ildən valideyn himayəsindən məhrum olan və s. həssas əhali qrupuna aid edilən ailələrin övladlarının təhsil haqları dövlət tərəfindən ödəniləcək. Bu abituriyentlər sənədlərini hazırlamalı və universitetə təqdim etməlidirlər. Yalnız bundan sonra onların təhsil haqqı dövlət hesabına ödəniləcək".

1
Teqlər:
Məleykə Abbaszadə, Dövlət İmtahan Mərkəzinin Direktorlar Şurası, Dövlət İmtahan Mərkəzi
Gəlin, arxiv şəkli

Həkim sözü: "Artıq toyların keçirilməsinə icazə verilməlidir"

3
(Yenilənib 16:32 24.09.2020)
“Vətəndaşlara restoranlarda - qapalı məkanlarda - yad insanlarla eyni mühitdə oturmağa icazə verilir ki, burada yoluxma ehtimalı daha güclüdür. Ancaq toy edib, qohum-əqrabası ilə eyni məkanda oturmağa icazə verilmir”

İradə Cəlilova, Sputnik Azərbaycan

BAKI, 24 sentyabr — Sputnik. Uzun müddət toylara icazənin verilməməsi aqressiyaya, hətta gələcəkdə sosial partlayışa səbəb ola bilər.

Bu fikirdə olan nevroloq Qalib Əsədov hesab edir ki, Azərbaycanda karantin rejiminin aradan qaldırılması məsələsinə yenidən baxılmalıdır.

"Karantin rejimi bu qədər uzadılmalı deyildi. Koronavirus infeksiyasını Azərbaycandan da ağır keçirən ölkələr olub. Çinin Uhan şəhəri, İtaliya, Almaniya və s. ölkələrdə COVID-19 yeni növ koronavirus infeksiyası daha ağır vəziyyətdə keçdi. Ancaq bu ölkələrdə karantin rejimi 1 ay müddətində tətbiq edildi. Karantin lokal şəkildə olur. Məsələn, bir bölgədə infeksiya aşkarlanıbsa, həmin bölgəni karantinə alırlar. Ancaq infeksiya bütün ölkədə varsa, artıq karantin rejiminin əhəmiyyəti yoxdur", - deyə o, Sputnik Azərbaycan-a bildirib.

Həkimin sözlərinə görə, Azərbaycan karantin rejimində ciddi addımlar atıb. Belə ki, pandemiya başlayanda ölkədə maska, spirt çatışmazlığı vardısa, sonradan qısa zamanda bu öz həllini tapıb.

"Azərbaycan artıq bu problemin öhdəsindən gəlməyə hazırdırsa, karantin rejiminin iqtisadiyyata vurduğu zərərlər nəzərə alınmalıdır. Ümumdünya Səhiyyə Təşkilatının baş epidemioloqu Mariya van Kirxove deyir ki, karantin rejimi davam edərsə, bunun zərərləri koronavirusun vurduğu zərərlərdən daha ağır olacaq. BMT-nin rəhbəri isə koronavirisun fəsadlarından danışanda bildirdi ki, koronavirusla bağlı karantin rejimi davam edərsə, küt, savadsız bir nəsil yaranacaq. ÜST karantin rejiminin dayandırılması ilə bağlı bəyanatlar versə də, Azərbaycan çimərlik mövsümünü çəkinə-çəkinə yay qurtaranda açdı, rayonlara gediş-gəlişi yeni tədris ilinin ərəfəsində, istirahət mövsümünün bitdiyi bir zamanda açdı", - deyən nevroloq qeyd edib ki, artıq toyların keçirilməsinə icazə verilməlidir.

ZAQS, arxiv şəkli
© Official website of President of Azerbaijan Republic

Toyun insan həyatında önəmli hadisə olduğunu vurğulayan mütəxəssis bildirib ki, uzun müddət toylara icazənin verilməməsi aqressiyaya səbəb ola bilər: "Baxın, vətəndaşlara restoranlarda - qapalı məkanlarda - yad insanlarla eyni mühitdə oturmağa icazə verilir ki, burada yoluxma ehtimalı daha güclüdür. Ancaq toy edib, qohum-əqrabası ilə eyni məkanda oturmağa icazə verilmir. Ölkədə bir il müddətinə toyların keirilməsinin qadağan edilməsi bir neçə ildən sonra demoqrafik göstəricilərə təsir edəcək".

Q.Əsədov qeyd edir ki, karantin rejimi bitəndən sonra vəziyyət daha da ağırlaşacaq.

"Toylardan restoranlar, ofisiantlar, xadimələr, musiqiçilər dolanırlar. İndi siz düşünün, nə qədər insan sıxıntılı vəziyyətdədir", - deyə o bildirib.

Mütəxəssis Azərbaycanda koronavirus testlərinin baha olması məsələsinə də toxunub.

O qeyd edib ki, ölkədə ekspress testlər olmalı və əhali ucuz qiymətə test edilməlidir. Əgər əhalinin 50 faizində xəstəlik aşkarlanarsa, bu artıq kollektiv immunitetin yaranması deməkdir. Təəssüflə qeyd etməliyik ki, ölkəyə ucuz, hamının istifadə edə biləcəyi ekspress testlər gətirilmir.

Mütəxəssisin fikrincə, belə testlərin gətirilməsi çox vacibdir.

3
Teqlər:
şadlıq evi, şadlıq sarayları, məhdudiyyət, Azərbaycan, Koronavirus, epidemiya, COVID-19, karantin, toy
Əlaqədar
Karantinin ailəyə həsrət qoyduqlarının könlünü almaq üçün inqilabi - TƏKLİF
Dəbdəbəli həyatdan üzüaşağı: Pandemiya kabusu şou əhlinə necə təsir edib?
Xalq artisti toy təklifindən imtina edib
Məşhur restoranda toy məclisi baha başa gəldi: Tutulanlar var
Biri keçirdiyi məclisə görə məhkəməyə düşür, o birinin məclisi "toplantı" olur