İstanbul, Türkiyə

On milyonlarla dolları Azərbaycandan Türkiyəyə yönəldən - SƏBƏB

527
(Yenilənib 09:25 16.07.2020)
Türkiyədə mənzillərin kvadrat qiyməti yerindən asılı olaraq dəyişilir. Ümumilikdə isə qiymətlər kvadrata görə, 601 manatla 2 min 918 manat arasında ( 2 430 TL - 11 988 TL) dəyişilir.

Nigar İsgəndərova, Sputnik Azərbaycan

BAKI, 16 iyul — Sputnik. Bu ilin iyun ayında Azərbaycan vətəndaşları Türkiyədə 70 mənzil alıb. Bu barədə Türkiyənin Statistika İdarəsinin məlumatında qeyd olunub. Daha öncəki ayla müqayisədə rəqəmlərdə müəyyən qədər də olsa artım nəzərə çarpıb. Ümumilikdə isə cari ilin 6 ayı ərzində Azərbaycan vətəndaşları Türkiyədə 431 mənzil alıb.

Pandemiya dövründə yerli bazara deyil, Türkiyənin mənzil bazarına etibar etməyin səbəbi nədir?

Daşınmaz əmlak üzrə ekspert Elnur Fərzəliyev Sputnik Azərbaycan-a açıqlamasında bu haqda danışıb: "Türkiyədə Azərbaycanla müqayisədə azad iqtisadi zona var. Bu gün bəzi imkanlı şəxslərimiz Türkiyədə bağ evləri, mənzil, villa alır, ya yaşayır, ya da həmin evi kirayə verir. Orada mənzil bazarında qiymətlər bizimki ilə müqayisədə çox aşağıdır. Orada sənədləşmə işi də qaydasındadır. Hətta tikilməkdə olan binalar üçün də kupçalar verilir", - deyə ekspert əlavə edib.

O bildirib ki, yerli vətəndaşlarımız daha çox Türkiyənin turistik ərazilərində mənzil almağa üstünlük verir: "Türkiyə xarici vətəndaşları investor kimi ölkəsinə cəlb edib. Dövlət binanın tikilib başa çatacağına zəmanət verir".

"Azərbaycana gəlincə isə, pandemiya şəraiti olsa da, tikinti bazarı işləyir. Daha çox ipoteka  ilə mənzilər alınır. Lakin bu sahədə müəyyən problemlər var ki, bunlardan da ən birincisi sənədləşmə ilə bağlıdır", - Fərzəliyev əlavə edib.

Türkiyədə mənzillərin kvadrat qiyməti yerindən asılı olaraq dəyişilir. Ümumilikdə isə qiymətlər kvadrata görə, 601 manatla 2 min 918 manat arasında ( 2 430 TL - 11 988 TL) dəyişilir. Ötən ilin cari dövrü ilə müqayisədə isə kvadrata görə qiymətlərdə kifayət qədər artım nəzərə çarpır. Belə ki, 2019-cu ilin ilk 6 ayında daha öncəki dövrlə müqayisədə qiymətlərdə enmə müşahidə olunmuşdu. Cari ildə isə qiymətlərdə 8-11 faizədək artım olub. İstanbulda kvadrata görə qiymətlər 950 manat civarındadır, Ankarada isə bu qiymət 493 manat civarındadır. İzmirdə bu qiymət 771, Antalyada 656-dır.

527
Teqlər:
daşınmaz əmlak, əmlak, Türkiyə, İstanbul, mənzil bazarı, mənzil
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın
Dünya Səhiyyə Təşkilatının baş direktoru Tedros Adhanom Qebreyesu, arxiv şəkli

ÜST rəhbərindən çağırış: siyasiləşdirməyin

16
ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar

BAKI, 30 noyabr - Sputnik. Ümumdünya Səhiyyə Təşkilatının baş direktoru Tedros Adhanom Gebreyesus koronavirusun mənbəyi haqda araşdırmaları siyasiləşdirməməyə çağırıb. Onun sözlərinə görə, ekspertlər öz rəylərini elmə əsaslanaraq hazırlayacaqlar.

"Bizim mövqeyimiz kifayət qədər dəqiq və sərt idi. Biz virusun mənbəyini tapmaq üçün iş aparırıq, çünki bu, bütün dünyaya xəstəliyin genezisini taparaq gələcək alovlanmaların qarşısını almağa yardım edəcək", - Cenevrədəki mətbuat konfransında Gebreyesus deyib.

O vurğulayıb ki, ÜST virusun mənbəyinin araşdırılmasında FAO (BMT-nin ərzaq və kənd təsərrüfatı təşkilatı) və Ümumdünya Heyvan Sağlığı Təşkilatı ilə birgə işləyir. Bu məsələylə məşğul olan beynəlxalq ekspertlər qrupuna ABŞ, Böyük Britaniya, Cənubi Koreya, Sudan və digər ölkələrin nümayəndələri daxildir. Ancaq buna rəğmən, ÜST rəhbərinin sözlərinə görə, ümumdünya təşkilatının bəzi üzvləri araşdırmaları siyasiləşdirməyə çalışırlar. 

"Ona görə də məsləhət görürük: xahiş edirik, bu məsələni siyasiləşdirməyin. Biz hər şeyi edəcəyik, amma elmə istinadla", - Gebreyesus vurğulayıb.

16
Teqlər:
siyasət, ÜST, araşdırma, mənbə, epidemiya, COVID-19
Mövzu:
Dünyanı cənginə almış bəla