İsti havada iş, arxiv şəkli

Qızmar günəş isti hava Fəsadlar böyük olsa da, qanuna məhəl qoymayanlar var

623
(Yenilənib 11:49 12.07.2020)
Ekspertlər deyirlər ki, havanın temperaturu 41 C olduğu günlərdə işləri dayandırmaq lazımdır. Çünki günvurma nəticəsində bədbəxt hadisə ola bilər

İradə Cəlilova, Sputnik Azərbaycan

BAKI, 11 iyul — Sputnik. Son iki gündə havalar nisbətən küləkli və sərin keçsə də, mütəxəssislərin proqnozuna görə, bu il yay digər illərlə müqayisədə daha isti olacaq. İyul-avqust aylarında hərarət normadan 3-5 dərəcə yüksək, yəni, bəzi günlərdə 45 C-dən çox isti ola bilər.

Ölkədə koronavirus pandemiyası ilə bağlı karantin rejimi elan edilib, bəzi sahələrin fəaliyyətinə məhdudiyyət qoyulsa da, tikinti sektoru üçün bu məhdudiyyət yoxdur. Amma tikintinin də öz məhdudiyyətləri var. Əmək Məcəlləsinə görə, hava 41 C olduğu təqdirdə bu işçilərin də işi dayandırılmalı və ya müəyyən fasilələr verilməlidir.

Ancaq təəssüflər olsun ki, bu ölkədə olan tikinti şirkətlərinin əksəriyyəti bu qanuna məhəl qoymurlar.

Tikinti məsələləri üzrə ekspert Elnur Azadov Sputnik Azərbaycan-a açıqlamasında bildirib ki, dövlət tərəfindən müəyyən edilmiş təhlükəsizlik qaydaları var. Qaydalara görə, fərqli hava şəraitindən işçilərin işləmə müəyyən normativlərlə təsdiq edilib.

"Tikinti-quraşdırma sahəsi xüsusi bir sahədir. Böyük tikinti şirkətlərində, dövlət tikinti idarələrində tikintidə təhlükəsizliyə nəzarət (Sağlamlıq, əməyin təhlükəsizliyi və ətraf mühitin mühafizəsi - SƏTTƏM) şöbələri tərəfindən təmin edilir. Bu şöbə hər gün iş başlayanda hava şəraiti ilə bağlı yoxlama aparır və işçinin sahəyə buraxılmasına icazə verir" – deyən ekspert bildirib ki, bu gün özəl şirkətlərdə bu şöbələr yoxdur. Çünki SƏTTƏM şöbələrinin saxlanılması böyük pullar tələb edir. Bura şöbə əməkdaşlarının əmək haqları, təhlükəsizlik texnikalarının qurğularının geyimlərinin alınması və s. daxildir.

E. Azadovun fikrincə, özəl sektorda şirkətlər bu şöbəni yaratmır və ya bu sahə üzrə ixtisaslaşmış şirkətləri cəlb etmirlər: "Əslində hər hansı bir şirkət iş görmək istəyirsə və SƏTTƏM şöbəsi yoxdursa, o bununla bağlı aidiyyatı dövlət və ya özəl sektora müraciət etməklə əməyin mühafizəsi ilə bağlı tədbirlər planı aparmalıdır. Və buna uyğun əməyin mühafizəsini təmin etməlidir”.

Azadov hesab edir ki, tikinti şirkətləri xərclərini azaltmaq məqsədilə ilə bu kimi qanuni addımlar atmırlar.

"Çox zaman tikinti şirkətləri sifarişləri özləri həyata keçirmir, podrat şirkətlərə və ya fiziki şəxslərə həvalə edərək, əməyin mühafizəsi istiqamətində yaranan problemlərdən də boyun qaçırmış olurlar. Bu səbəbdən də tikinti sahələrində bədbəxt hadisələrin sayı artır. Günvurma, donvurma, hündürlükdən yıxılma və s. kimi hadisələr baş verir" – deyə Azadov bildirib.

Hüquqşünas Fərid Həmidli Sputnik Azərbaycan-a açıqlamasında bildirib ki, tikintidə təhlükəsizlik qaydaları Əmək Məcəlləsi ilə tənzimlənir: "Məcəllənin 233 maddəsinə görə, işçilər aşağı temperatur və şiddətli külək şəraitində açıq havada, habelə ilin soyuq vaxtlarında qızdırılmayan qapalı binalarda işləyərkən onlara qızınmaq üçün fasilələr verilir və ya iş dayandırılır. İşçilər havanın temperaturu azı 41 dərəcədən çox olan isti və açıq şəraitli iş yerlərində və ya ilin soyuq vaxtında, temperaturu müsbət 14 dərəcədən aşağı olan örtülü, lakin isidilməyən binalarda işləyərkən onlara bu maddə ilə müəyyən olunmuş qaydada fasilələr verilir və ya iş dayandırılır".

Hüquqşünas bildirib ki, fasilələr iş vaxtına daxil edilir və bu fasilələr zamanı əmək haqqı işçilərin tarif maaşına görə ödənilir. İş dayandırıldıqda, boşdayanma vaxtının haqqı işçinin təqsiri üzündən baş verməyən boşdayanma kimi, tarif maaşının üçdə iki hissəsindən az olmayaraq ödənilir.

Təhlükəsizlik məsələləri üzrə ekspert Elmar Nurəliyev Sputnik Azərbaycan-a açıqlamasında bildirib ki, tikinti sahəsi təhlükə potensialı ən yüksək olan sahələrdəndir.

Belə ki, istehsalatda baş verən qəzalara, bədbəxt hadisələrə baxanda da görmək olur ki, ən çoxu tikinti sektorunun payına düşür: "Nəzərə alsaq ki, tikinti meydançasında yükqaldıran kranları, ağır yük maşınları, normadan artıq qabaritli nəqliyyat vasitələri, qaldırıcı mexanizmlər var, dəmir-beton işləri və hündürlükdə işlərin görülməsi həyata keçirilir, tikinti sahəsində olan təhlükə riskinin nə dərəcədə olduğunu başa düşərik. Ona görə də tikintidə təhlükəsizlik qaydalarına, texniki təhlükəsizlik və əməyin mühafizəsi qaydalarına, yanğın təhlükəsizliyi qaydalarına, hündürlükdə işlər zamanı təhlükəsizlik qaydalarına mütləq qaydada ciddi əməl edilməlidir".

Ekspert qeyd edir ki, hər gün işçilərə ilkin təlimat verildikdən sonra işə başlanmalıdır. Yeni avadanlıq və yaxud texnika gələrsə təlimat keçdikdən sonra işləməyə icazə verilməlidir. Tikinti sahədə qoruyucu vasitələrdən, kaska, əlcək, eynək, qoruyucu kəmər, iş ayaqqabısı və digər zəruri avadanlıqlar ilə təchiz edilməlidir.

Nurəliyev həmçinin əlavə edib ki, havanın temperaturu 41 C olduğu günlərdə işləri dayandırmaq lazımdır.

"Gün hündürlükdə çalışanlara daha tez vurur. Hündürlükdə çalışan şəxslər kaska və ya papaqlardan istifadə etsələr belə, gün altında işləmək olmaz. Siz təsəvvür edin ki, ani ehtiyatsızlıq nələrə səbəb ola bilər. Məsələn işçi 40 C günün altında çalışırsa, günvurma baş verirsə, onun hündürlükdə halı dəyişə bilər, huşunu itirə, əlində olan materialları yerə sala və ya özü yerə düşə bilər. Bu hal isə tikinti şirkəti üçün böyük məsuliyyət yaradır" – deyə o, vurğulayıb.

Ekspert bildirir ki, günün qızmar saatlarında saat 11:00-16:00 aralığında tikintidə, hündürlükdə, açıq havada işləmək təhlükəlidir və buna tikinti şirkəti ciddi nəzarət etməlidir.

623
Azərbaycan bayrağı, arxiv şəkli

Əməkdar artist cəbhəyə yola düşüb

2
(Yenilənib 19:35 29.09.2020)
Qeyd edək ki, Əməkdar artist Prezident İlham Əliyevin çağırışından sonra döyüşmək üçün orduya yazılmışdı

BAKI, 29 sentyabr — Sputnik. Azərbaycan Respublikasının Əməkdar artisti, Heydər Əliyev Fondunun keçirdiyi Birinci muğam televiziya müsabiqəsinə qatılaraq 2-ci yerə layiq görülmüş tanınmış xanəndə İlkin Əhmədov cəbhəyə yola düşüb.

Sputnik Azərbaycan xəbər verir ki, xanəndə hazırda Ağdam istiqamətində gedən döyüşlərdə iştirak edir. Əməkdar artist ruh yüksəkliyi ilə cəbhəyə yola düşdüyünü qeyd edib:

"Bu torpaqlar bizimdir. Bizim savaşımız haqlı savaşdır. Torpaqlarımızın bütövlüyü uğrunda hər şeyə hazırıq".

Qeyd edək ki, Əməkdar artist Prezident İlham Əliyevin çağırışından sonra döyüşmək üçün orduya yazılmışdı.

2
Teqlər:
əməkdar artist, erməni təxribatı, Azərbaycan ordusu, cəbhə, Ermənistan-Azərbaycan Dağlıq Qarabağ münaqişəsi
Əlaqədar
Xarici ölkələrdə yaşayan məşhurlardan Azərbaycana və ordumuza dəstək gəldi
Hacı Zeynalabdin Tağıyevin nəvəsindən Azərbaycana dəstək
Flora Kərimovadan təsirli çıxış - "Axır ki, tanrının yadına düşdük"
Ermənistan ordusunun son günlərdə öldürdüyü azərbaycanlıların sayı açıqlandı
Dağlıq Qarabağın azərbaycanlı icması beynəlxalq təşkilatlara müraciət ünvanlayıb
20 nömrəli məktəbdə tədris prosesi

Əyani formada dərslərə davamiyyət faizi açıqlanıb

23
(Yenilənib 19:31 29.09.2020)
"Təhsil müəssisələrində koronavirusa qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur və müvafiq qaydaların icrası ilə bağlı mütəmadi monitorinqlər aparılır"

BAKI, 29 sentyabr — Sputnik. Bakı Şəhəri üzrə Təhsil İdarəsinin tabeliyindəki ümumi təhsil müəssisələrində sentyabrın 29-da əyani formada dərslərə davamiyyət 85-90 faiz təşkil edib. İdarədən Sputnik Azərbaycan-a bildirilib ki, hazırda təhsil müəssisələrində tədris və təlim-tərbiyə prosesi Nazirlər Kabinetinin "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları"na uyğun olaraq təşkil edilir. Təhsil müəssisələrində koronavirusa qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur və müvafiq qaydaların icrası ilə bağlı mütəmadi monitorinqlər aparılır. Bütün bunlar şagird və valideynlərdə əminlik hissini artırır, ənənəvi tədrisə və müəllimlə canlı ünsiyyətə əsaslanan dərs prosesinə maraq göstərənlərin faiz artımına təkan verir.

Qeyd edək ki, sentyabrın 27-də Ermənistan silahlı qüvvələri təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi intensiv atəşə tutub. Ermənistanın törətdiyi genişmiqyaslı təxribatın qarşısını almaq üçün ölkə üzrə internetin verilməsi məhdudlaşdırılıb. Bununla əlaqədar olaraq distant (məsafədən) dərslərdə müəyyən fasilələr yaranıb. Şagirdlərin hazırkı vəziyyətdə "Mədəniyyət" və "Arb Günəş" televiziya kanalları vasitəsilə yayımlanan və bütün fənləri əhatə edən teledərsləri daha diqqətlə izləməsi tövsiyə olunur. İnanırıq ki, ümumi təhsil müəssisələrində tədrisin təşkili istiqamətində nəzərdə tutulan mərhələli tədbirlər bundan sonra da uğurla reallaşdırılacaqdır.

23
Teqlər:
məktəb, orta təhsil, təhsil, Azərbaycan
Əlaqədar
Təhsil Nazirliyi dərs cədvəlinə dəyişiklik etdi
Hərbi vəziyyətdə təhsilə necə davam edəcəyik - Nazirlik aydınlıq gətirir
Distant təhsil bir müddət dayandırılsın - ekspert səbəbi açıqladı
Təhsil Nazirliyi Ermənistanın təcavüzü nəticəsində həlak olan məktəblilərimiz barədə