Xadimə hoteldə hamam otağını təmizləyir, arxiv şəkli

Hamı imdad diləyir Bəzilərinə icazə verilsə də, qalanı evdə gözləyir

360
(Yenilənib 12:00 09.07.2020)
Turizm şirkətlərinin təmsilçiləri və hotel nümayəndələri bildirirlər ki, onların iş icazəsinin ləğvi gələcək fəaliyyətlərinə indidən zərbə vurulması deməkdir

Zülfiyyə Quluyeva, Sputnik Azərbaycan

BAKI, 8 iyul — Sputnik. Artıq üç gündür ki, bir sıra sahələrdə sərt karantin dövründə iş icazələri ləğv edilib. Buraya hotel və turizm şirkətləri də daxildir. Yaranmış bu vəziyyət turizm şirkətlərinin, eləcə də hotellərin fəaliyyətinə çox ciddi təsir edib. Belə ki, hotellərin çoxu qonaqları olduğu halda onlara xidmət göstərə bilməyib, tur operatorları əməkdaşları işə gedə bilmədiklərindən müştərilərlə əlaqəni kəsməli olublar.

Balaxanı qəsəbəsində abadlıq işləri
© Photo : Small and Medium Business Development Agency of the Republic of Azerbaijan

Azərbaycan Turizm Agentlikləri Assosiasiyasının İdarə heyətinin sədri Rüfət Hacıyev Sputnik Azərbaycan-a açıqlamasında bildirib ki, yaranmış problemdən onlar da xəbərdardır: “Biz Assosiasiya olaraq Dövlət Turizm Agentliyinə müraciət etdik. Əksər turizm şirkətlərinin çoxunun fəaliyyətinə icazə verildi. Turizm şirkətləri işləməsə də, onların hər birinin işçiləri və müştəriləri var. Bilet və turpaketlərin vaxtının dəyişdirilməsi, müştərilərlə əlaqə davam etdirilir. Turizm şirkətlərinin icazələri bərpa olunmasa, bu müştərilər arasında da gərginliyə səbəb olardı. Eyni zamanda turizm şirkətləri öz müştərilərini itirmək problemi ilə üzləşə bilərdilər. İcazələrin bərpa olunmaması bu kimi problemlərə yol aça bilərdi. Ona görə də bizim müraciətlərə müsbət cavab verildi və əksəriyyətinin icazələri bərpa olundu. Çünki biz bildirdik ki, müştərilər aldığı turlara, aviabiletlərə eyni zamanda ödədikləri pullara görə çox narahatdırlar. Turlar ləğv edilir, reyslər təxirə salınır, müştərilər tarixləri dəyişir və pullarını geri tələb edirlər. Bu hal həm də Azərbaycana gələn turistlərə də aiddir. Xarici partnyorlarla da ödəniş məsələləri həll olunmalıdır. Yay mövsümünün ən qaynar vaxtı satılmış minlərlə turun ödəniş məsələləri hələ də tam açıq qalıb. Bu məsələləri evdən həll etmək mümkün deyil. Bu və digər səbəblərdən turizm sahəsinə icazələrin verilməsinin çox vacib idi”.

Qeyd edək ki, turizm şirkətləri ilə yanaşı, hotellərin də fəaliyyəti də iflic olub. Ölkəmizdə iyulun 5-dən etibarən hotel işçilərinin iş icazələri ləğv edilib. Nəzərə alsaq ki, bir neçə hoteldə koronavirus xəstələri, digərlərində isə qonaqlar yerləşib, icazələrin ləğvi onsuz da çətin vəziyyətdə olan hotelçilərə daha bir zərbə olub.

Azərbaycan Hotellər Assosiasiyasının İcraçı direktoru Günay Sağlam Sputnik Azərbaycan-a açıqlamasında artıq hotellərin də fəaliyyətinə icazə verildiyini söyləyib. O bildirib ki, bununla bağlı Dövlət Turizm Agentliyinə etdikləri müraciət öz həllini tapıb: “Bildiyiniz kimi, əvvəllər hotellərin 50% işçilərinə iş icazəsi verilirdi. İyulun 5-dən etibarən isə sərt karantin səbəbindən bütün icazələr ləğv edilib. Hotellər 7/24 fəaliyyət göstərən müəssisə olduğu üçün qonağı olmasa belə, işçisinin olmağı zəruridir. Bununla yanaşı, bəzi hotellərdə yoxlamalar keçirilib, işçilər cərimələniblər. Artıq dünəndən hotellər fəaliyyətini davam etdirir. Biz onlara spa mərkəzlərinin, trenajor idman zallarının, eləcə də hovuzların fəaliyyətinə qadağa qoyulduğu barədə məlumat vermişik. Hazırda hotellər də qaydalara uyğun fəaliyyətlərini davam etdirirlər”.

Hotellərin fəaliyyətinə icazə verilsə də, hələ də bəzi turizm şirkətləri öz ofislərindən işləyə bilmir.

“Ulduz” turizm şirkətinin rəhbəri Hamid Jahedi Sputnik Azərbaycan-a açıqlamasında bildirib ki, şirkət işçiləri hazırda evdən işləyir: “Bəllidir ki, turizm sahəsində evdən işləmək, müştəri ilə əlaqə qurmaq, biletin vaxtını dəyişdirmək və sair məsələlər çox çətindir. Ona görə də, turizm şirkətlərinin fəaliyyətinə sərt karantin dövründə qadağa qoymaq düşünürəm ki, müştərilərlə aramızda narazılıq yaradır. Onlar ofislə əlaqə saxlayır, telefonu götürən olmayanda daha da əndişələnirlər. Hazırkı dövrdə bu məsələyə həssaslıqla yanaşmaq lazımdır. Çox xahiş edirik ki, turizm şirkətlərinin fəaliyyətinə icazə verilsin”.

360
Teqlər:
icazə, hotel, karantin, Koronavirus, turizm
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (381)
Aleksandr Myasnikov, arxiv şəkli

Məşhur həkim yenə qorxudur: "Flakətin bir addımlığındayıq"

2
(Yenilənib 14:36 29.11.2020)
"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar"

BAKI, 29 noyabr - Sputnik. Həkim və teleaparıcı Aleksandr Myasnikov dünyada yeni, ölüm göstəricisi yüksək olan pandemiyanın olacağı barədə xəbərdarlıq edib.

Sputnik Azərbaycan bildirir ki, bu barədə Myasnikov özünün Telegram kanalında yazıb.

 

Həkim qeyd edib ki, insanlar COVID-19 kimi epidemiyalara hazır deyillər. Üstəlik, onlara qarşı universal vaksin yoxdur.

"Əgər 35-40 faiz ölüm göstəricisi olan virus yayılsa, o cür vaksinin peyda olmasınadək on milyonlarla insan həlak olacaq. Dediyim odur ki, indi bütün alimlərin gücünü məhz bu cür vaksinin hazırlanmasına yönəltmək lazımdır! İstədikləri qədər pul və vəsaitlə təmin etmək lazımdır. Yoxsa sonra dəfələrlə baha başa gələcək", - o qeyd edib.

Myasnikov deyir ki, bəşəriyyət məhz qrip təhlükəsi altındadır - ya quş, ya da donuz.

"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar, fəlakətin bir addımlığındayıq!" - mütəxəssis yazıb.

2
Teqlər:
pandemiya, mutasiya, Çin, dünya, donuz qripi, Quş qripi, qrip, epidemiya

Dağıdılsa da doğmadır, qəbulumuzdur: azad olunmuş Füzulidən yeni kadrlar - FOTO

9
(Yenilənib 14:36 29.11.2020)
Müzəffər Azərbaycan Ordusu Füzulini çoxillik erməni işğalından azad edib. Şəhərdə, demək olar ki, salamat bina qalmayıb

Füzuli Azərbaycan Ordusunun uğurlu əks-hücumu nəticəsində 2020-ci il oktyabrın 17-də Ermənistan hərbi qüvvələrindən təmizlənib. 27 il ərzində ermənilərin Füzulini nə hala saldığıını Sputnik Azərbaycan-ın fotolentində izləyə bilərsiniz.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

9
  • © Sputnik / Aleksey Kudenko

    Füzulidə "Araz" qəzetinin redaksiyasının dağıdılmış binası üstündə Azərbaycan bayrağı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar. Mərkəzdə - Hərbi Xidmətə Çağırış üzrə Dövlət Xidmətinin binası.

  • © Sputnik / Aleksey Kudenko

    Füzulidə qəbiristanlıqda muğam ifaçısı Ağabala Abdullayevin sınıdırılmış büstü.

  • © Sputnik / Aleksey Kudenko

    Füzulidə azərbaycanlıların qəbiristanlığı.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə ağacda çəkmələr.

  • © Sputnik / Aleksey Kudenko

    Füzuli bulağı.

  • © Sputnik / Aleksey Kudenko

    Füzulidə dağılmış binanın qarşısında yanmış avtomobil.

  • © Sputnik / Алексей Куденко

    Azərbaycan polisi "Araz" qəzetinin redaksiyası olan dağılmış binanın yanında.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağıdılmış binalar.

  • © Sputnik / Aleksey Kudenko

    Füzulidə dağılmış bina.

  • © Sputnik / Aleksey Kudenko

    Füzulidə yolda Azərbaycan polisi.

  • © Sputnik / Aleksey Kudenko

    Füzulidə dağıdılmış yanğından mühafizə bölməsinin binası.