Kür çayının Neftçala rayonu Mayak kəndi ərazisindən keçən hissəsi

Göygöz kosanın arzuladığı "cənnət": Mayakda çərxi-fələk tərsinə dövran edir REPORTAJ

5506
(Yenilənib 16:06 02.07.2020)
Yol boyu bulaqların başı adamla doludur. Su üçün dava yoxdur, hamı dayanıb növbə gözləyir. Su çatanlar birləşib çatmayanlara sudan pay verirlər.

İradə Cəlilova, Sputnik Azərbaycan

BAKI, 2 iyul — Sputnik. Təqribən bir aya yaxındır ki, Neftçala rayonu Mayak kəndi ərazisində Kürün səviyyəsi endiyi üçün çayın Xəzərə dənizi ilə qovuşduğu yerə əks proses baş verir. Yəni, daha əvvəlki kimi Kür çayı Xəzərə deyil, Xəzər Kürə tökülür. Bu da Neftçala rayonun 6 qəsəbəsini tamamilə içməli suya möhtac vəziyyətə salıb.

Sputnik Azərbaycan-ın əməkdaşı vaxtilə Kürün Xəzərə töküldüyü, bu gün isə əks prosesin getdiyi məkanda olub.

Mayak kəndi Neftçalanın mərkəzindən xeyli aralıda yerləşir. Xəzərlə Kürün qovuşduğu yeri tapana qədər çöllük, ağaclıq, kələ-kötür yollardan keçməli oluruq. Avtomobilin sürətini 30-dan artıq qaldırmaq olmur, ətrafı toz-duman bürüyür.

© Sputnik / Irade JELIL
Kür çayının Neftçala rayonu Mayak kəndi ərazisindən keçən hissəsi

Artıq bir aya yaxındır ki davam edən susuzluqdan ərazidə yaşıllıqlar quruyub, kiçik əkin sahələri olan sakinlərin məhsulu yanaraq, məhv olub. Yol boyu hər 200-300 metrdən bir bulaqlar var. Sakinlər bulaqların üzərinə plastik qabları yığıb suyun gəlişini gözləyir.

Əhaliyə su gündə bir dəfə bir saat müddətinə verilir.

Mayak sakinləri isə iddia edir ki, kənddə bu problem 2 aya yaxındır ki, müşahidə edilir. Yəni iki aydır ki, onlar şirin su üzünə həsrət qalıblar. Susuzluqdan təkcə onlar deyil, heyvanları da əziyyət çəkir. Əgər insanlar pulla su alaraq tələblərini azacıq da ödəyə bilsələr də, heyvanlara su çatdırmaq mümkün olmur.

İnsanlar Bakıdan jurnalist gəldiyini eşidib, ətrafımıza toplaşırlar. Hərənin ayrı-ayrılıqda problemləri olsa da, onları bu gün su problemi birləşdirib.

Kənd sakini, 70 yaşlı Mirheydər Seyidov bildirir ki, kəndə içməli su gündə bir dəfə axşam saat 18.00-də verilir. Suyun verilməsi bir saat davam etdiyindən hamı həmin müddətdə sudan istifadə etməyə, ehtiyat yığmağa çalışır və nəticədə kənd sakinlərinə su çatmır.

"O gün televizora baxıram, bir uşaq mahnı oxuya-oxuya deyir ki, kornavirusdan qorunmaq üçün əllərinizi bu mahnı bitənə qədər yumalısınız. Hansı su ilə a bala? İçməyə su tapmırıq. Gündə bir dəfə su verilir. O da hər evə 30 litr düşür. Vallah çatmır. Duzlu su ilə də heç nə etmək olmur. Əlini sabunlayırsan, sabun yapışıb qalır əlinə. Vallah biz ya susuzluqdan öləcəyik, ya da koronavirusdan", – deyə kənd sakini bildirir.

© Sputnik / Irade JELIL
Neftçala rayonu Mayak kənd sakinləri qablara içməli su doldururlar

Kənd sakinləri yeni seçilən millət vəkillərindən də narazıdırlar. İddia edirlər ki, seçkilərdən sonra millət vəkilləri bir dəfə də olsun onlarla görüş keçirməyib.

"Sabir Rüstəmxanlı gəlib dedi ki, 3 aydan bir gələcəyəm. Yolları asfalt edəcəyəm. Gəl də, Sabir müəllim, gəl. Biz hamılıqla ona səs verdik. Amma hanı? Biz güvənmişdik. Hamı bizi aldadır", – deyə sakinlər fəryad edirlər.

Kənd sakinləri əsasən maldarlıqla dolanırlar. Suyun olmaması isə onların təsərrüfatlarına da zərər verir.

75 yaşlı Əlfağa Hüseynov deyir ki, həyatında birinci dəfədir ki, belə problem yaşayır.

  • Kür çayının Neftçala rayonu Mayak kəndi ərazisindən keçən hissəsi
    © Sputnik / Irade JELIL
  • Kür çayının Neftçala rayonu Mayak kəndi ərazisindən keçən hissəsi
    © Sputnik / Irade JELIL
  • Kür çayının Neftçala rayonu Mayak kəndi ərazisindən keçən hissəsi
    © Sputnik / Irade JELIL
  • Neftçala rayonu Mayak kəndində su kanalında acınacaqlı vəziyyət
    © Sputnik / Irade JELIL
  • Kür çayının Neftçala rayonu Mayak kəndi ərazisindən keçən hissəsi
    © Sputnik / Irade JELIL
  • Neftçala rayonu Mayak kəndində içməli su doldurmaq üçün qablar
    © Sputnik / Irade JELIL
  • Neftçala rayonu Mayak kənd sakinləri qablara içməli su doldururlar
    © Sputnik / Irade JELIL
1 / 7
© Sputnik / Irade JELIL
Kür çayının Neftçala rayonu Mayak kəndi ərazisindən keçən hissəsi

"Mənim bütün həyatım Mayakda keçib. Belə problemlə heç qarşılaşmamışam. İndi nə içməyə, nə yuyunmağa su tapmırıq. İyrənirəm hər şeydən. Baxın, Xəzərin suyu dolub Kürə, nə qədər ərazinin suyunu şorlaşdırıb. Heyvanlarımız qırılır susuzluqdan. Torpaq quruyur, əkinlərimiz məhv olur. İlanlar hər yerə dolub", - deyir Ə.Hüseynov.

Kəndin kənarında – çaya yaxın ərazidə kanala bənzər böyük bir çirkab ərazi var. Kənd sakinləri bildirir ki, burada əvvəllər zavod olub. Burada həmin zavodun tullantılarının axıdıldığı yer imiş. Zavod bağlanıb, amma həmin yerə ətrafda olan kanalizasiya suları axıdılır.

"Bu da xəstəlik mənbəyidir. Dəfələrlə qurumlara müraciət etmişik ki, tədbir görsünlər. Heç maraqlanan da olmayıb", – sakinlər bildirir.

Kanal çirkab suları və məişət tullantıları ilə dolu olduğu üçün ətrafda ağcaqanad əlindən tərpənmək olmur. İsti külək isə üfunət iyini havaya qaldırır.

Bu gün Neftçala sakinlərinin bir çox problemləri olsa da, hazırda tək istədikləri su probleminin həll edilməsidir.

© Sputnik / Irade JELIL
Kür çayının Neftçala rayonu Mayak kəndi ərazisindən keçən hissəsi

"Gümanımız var ki, bəlkə sentyabrdan sonra yağışlar yağa, Kür əvvəlki səviyyəsinə qayıda. Amma bu sadəcə gümandır. Deyirlər ki, bəzi rayonlarda Kürün ağzını açıblar, həmin rayonlara su yaxşı gedir. Bəzi ərazilərdə nasoslar qoyulub, su xüsusi tambalara vurulur. Biz isə susuzluqdan yanırıq. 30 litr su bir günə 7 nəfərlik ailəyə necə çata bilər?" – sakinlər ümidsizdir.

Yol boyu bulaqların başı adamla doludur. Düzdür, su üçün dava yoxdur, hamı dayanıb növbə gözləyir. Su çatan da olur, çatmayan da. Su çatanlar birləşib çatmayanlara sudan pay verirlər ki, susuz qalmasın.

Neftçala Rayon İcra Hakimiyyəti  "Azərsu" QSC ilə birlikdə bacardığı qədər maşınlarla kəndlərə su verir. Amma bu da vəziyyəti dəyişmir...

5506
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

16
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

16
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Zibillik, arxiv şəkli

Üfunəti tüstü ilə ört-basdır etməyin qiyməti üç min manatdır

6
(Yenilənib 11:43 14.08.2020)
Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib

BAKI, 14 avqust — Sputnik. Füzuli rayonu Qazaxlar kəndi ərazisində məişət tullantılarının qalaqlanması və ətrafa iy-qoxunun yayılması ilə bağlı daxil olan şikayət Dövlət Ekoloji Təhlükəsizlik Xidmətinin əməkdaşları tərəfindən araşdırılıb.

Bu barədə Sputnik Azərbaycan-a xidmətin rəis müavini Bəhruz Məhəmmədov bildirib. Onun sözlərinə görə, əraziyə keçirilən baxış zamanı sözügedən ərazidə tullantıların qanunvericiliyə uyğun idarə edilmədiyi və qalaqlanaraq yandırıldığı məlum olub.

Faktla bağlı tullantıların idarə olunmasına cavabdeh Qazaxlar bələdiyyəsinin sədri Nurəddin Bayramov barəsində protokol tərtib olunub və o, 3000 manat məbləğində cərimə edilib.

Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib.

6
Əlaqədar
Bakıda bələdiyyənin əməkdaşı cərimə edildi
Havanı çirkləndirən sexin sahibi cəzalanıb
Sədri peşman edən iyirmi ilin rahatlığı: pulsuzluq artıq üfunət iyi verir - VİDEO - FOTO
Xırdalan yenə qara tüstüyə büründü - VİDEO - FOTO
BŞİH çimərliklərlə bağlı əhaliyə müraciət edib