Xəstəxana, arxiv şəkli

Möcüzəyə inandılar, oldu: Ayağı amputasiya ediləcək şəkər xəstəsi sağaldı

595
Şimal bölgəsinin insanları "Murad piri"nə o qədər inanırlar ki, kimi hamilə qalmaq üçün, kimi övladının yaşaması üçün, kimi də xəstəlikdən xilas olmaq naminə bura pənah gətirir.

Leyla Abdullayeva, Sputnik Azərbaycan

BAKI, 28 iyun — Sputnik. Ölkəmizdə hələ də xeyli sayda insan var ki, xəstələnəndə, problemlərlə qarşılaşanda üz tutduqları məkanlar pirlər, ziyarətgahlar olur. Onlar burada dualar edir, niyyətlərinə çatacaqlarına ümid bəsləyirlər. Xaçmaz rayonunun Armudapadar kəndi ərasizində yerləşən "Murad piri" də şimal bölgəsinin sakinləri arasında müqqəddəs hesab edilən yerlərdəndir.

Xaçmaz-Quba yolunun üstündə yerləşən pirin "Murad" adını daşımasını yerlilər ora niyyət edən insanların arzularına, muradlarına çatması ilə izah edirlər.

© Sputnik / Leyla Abdullayeva
Murad Piri

2000-ci ildən ziyarətgahın axundu olduğunu deyən Elmar Məmmədovun Sputnik Azərbaycan-a bildirdiyinə görə, bu pir "Pirəzənbir" və yaxud "Murad piri" adlandırılır. Buranı ziyarət edənlərin əksəriyyəti illərdir övladı olmayan, ya da övladı vaxtsız vəfat edən şəxslərdir. Amma müxtəlif xəstəliklərdən əziyyət çəkənlər də niyyət edib buranı ziyarətə gəlirlər.

"Bu ziyarətgahın tarixi qədimdir, İslamın ölkəmizdə zorla qəbul olunduğu zamanlara təsadüf edir. Babalarımızdan eşitdiklərimizə görə, bizə İslamı qəbul etdirməyə gələn müsəlmanlar, yəni dördüncü imamımız Zeynül-Abidinin əsabələri bu torpaqlarda şəhid düşüblər. Burada yerləşən gümbəzin içərisindəki məzarın həmin övliyalardan birinə aid olduğuna inanılır. XII-XIII əsrlərdən sbu yana bura insanlar üçün ziyarətgaha çevrilib", - deyə axund bildirib.

© Sputnik / Leyla Abdullayeva
Murad Piri

Həmsöhbətimiz şahidi olduğu və ora inanc gətirib gələnlərin qarşılaşdığı möcüzələrdən də danışıb.

"Qubanın bir kəndindən 13 il övladı olmayan bir ailə gəlmişdi. Onlar buranı ziyarət edəndən bir neçə ay sonra sevincli halda gəlib qurban kəsdilər. Həmin gəlin illərdir müalicə olunmasına baxmayaraq, övlad sahibi ola bilməmişdi. Buradan qayıdandan iki ay sonra hamilə qaldığını bizə ağlaya-ağlaya danışdı. O, bu pirin qüvvəsindən hamilə qaldığına inanır", - deyə Məmmədov bildirib.

Şabran rayonundan gələn Vüsalə adlı xanım isə deyib ki, 10 ildən çoxdur, hər 3-4 aydan bir ailəsi ilə bura gəlir. Bu pirin möcüzələrinin çox şahidi olub və dəfələrlə burada qurban kəsdirib.

"Oğlum əsgərlikdə olanda çox pis xəstələnmişdi. Gəlib burada çoxlu dua etdim. Axşam evə gedəndə oğlum zəng edib dedi ki, indi özünü daha yaxşı hiss edir. Belə hallar çox şahidi olmuşam", - deyə Şabran sakini bildirib.

© Sputnik / Leyla Abdullayeva
Murad Piri

Xaçmaz rayonunun 60 yaşlı sakini Nazim Eyvazov deyib ki, şəkərli diabet xəstəliyindən əziyyət çəkib. Həkimlər ayağının birinin amputasiya edilməli olduğunu deyiblər.

"Həyat yoldaşımla bura gəlib niyyət etdik. Məni burada yuxu apardı, üç saata yaxın yatdım. Oyanandan sonra sanki üzərimdən ağır yük götürülmüş kimi hiss etdim. Yenidən həkimə getdiyimizdə dəhşətə gəldik. Yüksək qan şəkərindən əsər-əlamət qalmamışdı. Ondan sonra mən buranın kəramətinə daha çox inandım. Artıq hər ay ailəmlə bura gəlib dualar edirik", - Eyvazov bildirib.

İnsanların böyük inanc mənbəyinə çevrilmiş bu müqəddəs ocağın tərkibində Padar kəndinə aid məscid yerləşir. İnsanlar həmin məsciddə namaz qılır, dualar edirlər. Ziyarətgahın həndəvərində böyük qəbiristanlıq yerləşir. Buranın həyətində həm də insanların qurban kəsib oturması üçün bütün şərait yaradılıb.

  • Murad Piri
    © Sputnik / Leyla Abdullayeva
  • “Murad piri” ziyarətgahında ağac
    “Murad piri” ziyarətgahında ağac
    © Sputnik / Leyla Abdullayeva
  • Murad Piri
    © Sputnik / Leyla Abdullayeva
1 / 3
© Sputnik / Leyla Abdullayeva
Murad Piri

"Murad piri"nin həyətinin girişində böyük "niyyət ağacı" var. İnsanların inancına görə, ora üz tutanlar mütləq niyyət edib, həmin ağacın budağının altından keçməli, nəzir qoymalıdırlar. Kimsə həmin hissədən keçə bilməsə, onun muradı yerinə yetməz.

Sakinlərin sözlərinə görə, əvvəllər buradakı günbəzin içərisində, övliyanın qəbri üzərində yazılı daş olub. Lakin 2000-ci ildə burada günbəz tikilərkən, həmin daş naməlum səbəblərdən yoxa çıxıb.

595
Dərslərini etdən məktəbli, arxiv şəkli

Sizin əlinizdədir! Uşaqların riyazi bacarıqları valideynlərin davranışından asılıdır

5
(Yenilənib 00:35 10.07.2020)
Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu infomasiyaları riyazi testlərin nəticələri ilə uyğunlaşdırıb.

BAKI, 9 iyul — Sputnik. Böyük Britaniyanın Uels universitetinin nümayəndələri uşaqların elmə, eyni zamanda riyazi elmlər üzrə bacarıqlarını artırma yollarını müəyyən edib.

Sputnik Azərbaycan xarici mətbuata istinadla xəbər verir ki, araşdırmaya 1991-ci il aprelin 1-dən 1992-ci il dekabrın 21-nə qədər doğulan uşaqlar cəlb edilib.

Müəyyən edilib ki, öyrənmə bacarığına ailə vəziyyəti birbaşa təsir edir.

Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu informasiyaları riyazi testlərin nəticələri ilə uyğunlaşdırıblar.

Araşdırma müəllifləri müəyyən ediblər ki, uşaqları ilə harmoniya ilə işləməyi bacaran valideynlərin uşaqları böyük nailiyyətlər əldə edə bilirlər. Buna validyenlərin təhsil səviyyəsi də təsir edir.

Daha əvvəl isə alimlər ətirli çubuqların daha effektiv təhsil almağa təsir etdiyini açıqlamışdı. Müəyyən edilmişdi ki, məşğələ zamanı məkanın qızılgül ətirli olması uşaqlara daha çox motivasiya verir.

5
Ofis, arxiv şəkli

Pandemiya dövründə daha bir Mərkəz yaradıldı

3
(Yenilənib 23:18 09.07.2020)
Turizm Təlim və Sertifikasiya Mərkəzinin proqramına ilkin olaraq Qonaq qarşılama, Qida və içki, Təmizlik və Aşpazlıq daxil olmaqla 4 modul üzrə kurslar daxil edilib.

BAKI, 9 iyul — Sputnik. Dövlət Turizm Agentliyi və Azərbaycan Turizm Bürosunun birgə təşəbbüsü və təşkilatçılığı ilə turizm sahəsində çalışan mütəxəssislərin peşəkarlığını və əmək bazarında rəqabətqabiliyyətliliyini artırmaq üçün Turizm Təlim və Sertifikasiya Mərkəzi yaradılıb. Sputnik Azərbaycan-a Dövlət Turizm Agentliyindən verilən məlumata görə, Azərbaycan Turizm Bürosunun nəzdində fəaliyyət göstərəcək mərkəz turizm sahəsində xidmət keyfiyyətinin yüksəldilməsinə və ixtisaslaşmış peşəkarların hazırlanmasına nail olmaqla turizmin uzunmüddətli inkişafına töhfə vermək məqsədini daşıyır.

Turizm Təlim və Sertifikasiya Mərkəzinin proqramına ilkin olaraq Qonaq qarşılama, Qida və içki, Təmizlik və Aşpazlıq daxil olmaqla 4 modul üzrə kurslar daxil edilib. Modullar 6 əsas turizm regionunda turizm sənayesinin təmsilçiləri arasında ötən ilin avqust-oktyabr ayları ərzində aparılan sorğuya əsasən müəyyənləşdirilib.

Təlimlər məhz hazırda turizm sektorunda müvafiq sahə üzrə çalışan və həmin sahə üzrə ən az 6 ay iş təcrübəsinə malik olan mütəxəssislərin iştirakı üçün nəzərdə tutulur.

Turizm sahəsində geniş təcrübəyə malik olan peşəkarlar tərəfindən keçiriləcək kurslar iştirakçıların təcrübəsi və peşəkarlıq dərəcəsi nəzərə alınaraq Qonaq qarşılama, Qida və içki, eləcə də Təmizlik modulları üzrə başlanğıc, orta və ixtisaslaşmış olmaqla 3 səviyyədə, Aşpazlıq modulu üzrə isə yalnız ixtisaslaşmış səviyyədə keçiriləcəkdir.

Kurslar cari vəziyyət nəzərə alınaraq başlanğıc olaraq onlayn formatda həftədə 2 dəfə olmaqla təşkil olunacaqdır.

Təlimdə iştirak edən mütəxəssislər sonda sertifikatla təmin olunacaqlar.

Layihənin həyata keçirilməsində əsas tərəfdaşlar kimi Peşə Təhsili üzrə Dövlət Agentliyi, Almaniya Beynəlxalq Əməkdaşlıq Cəmiyyəti (GIZ), "JW Marriot Absheron" və "Abşeron Hotellər Qrupu" çıxış edir.

3
Əlaqədar
Turizm şirkətləri pandemiyada belə fəaliyyət göstərəcək
Haradan haraya! Balaxanı bu dəfə də yeni turizm məkanı kimi
Hamı imdad diləyir – Bəzilərinə icazə verilsə də, qalanı evdə gözləyir
“Xınalıq” üçün çalışırlar, bəhrəsini bir il sonra biləcəyik
Ciddi böhranın ayaq səsləri eşidilir – Amma bu dəfə heç nə bizdən asılı deyil