Manat, arxiv şəkli

Bir iş, iki əməl: Bank bağlanıb, vəsait ayrılıb, amma o tərəf razıdır, bu tərəf

302
(Yenilənib 22:33 23.06.2020)
Ekspert: "Əgər vətəndaşın bankda həm krediti, həm də əmanəti varsa, bu əmanət hesabına kredit bağlanmalı və yerdə qalanı isə geri qaytarılmalıdır. Bununla bağlı mexanizmin hazırlanmasına ehtiyac var"

Xalid Məmmədov, Sputnik Azərbaycan

BAKI, 24 iyun — Sputnik. Əmanətlərin Sığortalanması Fondu ləğv prosesində olan "Atabank" ASC, "Amrahbank" ASC, "AG Bank" ASC və "NBC Bank" ASC-nin əmanətçilərinə qorunan əmanətlər üzrə 17 iyun 2020-ci il tarixinə "Kapital Bank" ASC və "Azərbaycan Beynəlxalq Bankı" ASC vasitəsilə 61,6 milyon manat kompensasiya ödəyib. 

Sputnik Azərbaycan xəbər verir ki, bu barədə Fondun açıqlamasında bildirilib.

Açıqlamaya görə, ləğv prosesində olan "Atabank" ASC və "Amrahbank" ASC-nin əmanətçilərinə kompensasiyaların ödənilməsinə 1 iyun 2020-ci il tarixindən başlanılıb və kompensasiyalar nağdsız qaydada "Kapital Bank" ASC-nin adlı debet kartları və "Xəzri" sürətli pul köçürmə sistemi vasitəsilə 35 filialda ödənilir. Ləğv prosesində olan "AG Bank" ASC və "NBC Bank" ASC- nin əmanətçilərinə kompensasiyaların ödənilməsinə 16 iyun 2020-ci il tarixindən başlanılıb və kompensasiyalar nağdsız qaydada "Azərbaycan Beynəlxalq Bankı" ASC-nin adlı debet kartları vasitəsilə 20 filialda ödənilir.

Qeyd edək ki, Fond əmanətçilərin ərizələrini kompensasiya ödənişi haqqında bildirişin ilk dəfə dərc edildiyi gündən başlayaraq bir il ərzində qəbul edir.

Bəs, əmanətlərin qaytarılmasında çətinliklər varmı? Vətəndaşlar əmanətlərini vaxtı-vaxtında geri ala biləcəklərmi?

İqtisadçı-ekspert Natiq Cəfərli Sputnik Azərbaycan-a deyib ki, əmanətlərin qaytarılmasında ən böyük çətinlik Əmanətlərin Sığortalanması Fondunda vəsaitin olmaması idi: "Bunun üçün Mərkəzi Bank tərəfindən Əmanətlərin Sığortalanması Fonduna 480 milyon manat məbləğində kredit ayrılıb. Bundan öncə də belə bir hal yaşanmışdı. 500 milyon manata yaxın vəsait Əmanətlərin Sığortalanması Fonduna köçürülmüşdü. Yəni son 2 ildə Mərkəzi Bank Fonda təxminən 1 milyard manata yaxın vəsait köçürüb. İndiki vəziyyətdə Fond tərəfindən bu vəsaitin Mərkəzi Banka qaytarılması da mümkün deyil".

Onun sözlərinə görə, əmanətlərin geri qaytarılmasında əsas problem əvəzləşmə ilə bağlıdır: "Vətəndaşlar var ki, bağlanan 4 bankda həm krediti var, həm də əmanəti var. Bu kreditlər əmanətlər girov qoyularaq götürülüb. İndi həmin vətəndaşlar müraciət edirlər ki, kreditlərini qoyduqları əmanətlər hesabına bağlasınlar və qalan əmanəti isə geri alsınlar. Amma ləğvetmə komissiyaları deyir ki, öncə kredit bağlanmalıdır, sonra əmanətin geri qaytarılması ilə bağlı qərar veriləcək. Bu, yanlış yanaşmadır. Onlarla, yüzlərlə vətəndaş bundan əziyyət çəkir. Əgər vətəndaşın bankda həm krediti, həm də əmanəti varsa, bu əmanət hesabına kredit bağlanmalı və yerdə qalanı isə geri qaytarılmalıdır. Bununla bağlı mexanizmin hazırlanmasına ehtiyac var".

Qorunan əmanətlər üzrə illik faiz dərəcəsinin yuxarı həddinin pozulması məsələsindən də danışan ekspert bildirib ki, milli valyutada olan qorunan əmanətlər üzrə illik faiz dərəcəsinin yuxarı həddi 12 faizdir: "12 faizdən yuxarı əmanət yerləşdirilirsə, qorunan əmanətlər üzrə illik faiz dərəcəsinin yuxarı həddi pozulmuş hesab edilir. Əgər banklar əmanəti sığortasız qəbul edibsə, məsuliyyəti bank daşımalıdır. Çünki banklar müştəriyə təkliflər verir. Bir sıra hallarda müqavilələr bağlanarkən vətəndaş müqaviləni oxumadan imzalayır. Və fors-major vəziyyətlərdə bir çox hallarda həmin müqaviləyə görə vətəndaş günahkar bilinir. Əslində bu da doğru deyil, çünki məsuliyyətin bölgüsü belə olmamalıdır. Müqavilədə xəbərdarlıqlar olmalıdır".

"Məsələn, müqavilədə xəbərdarlıq edilməlidir ki, əgər müştəri sığortalanan faizdən yuxarı faizlə əmanət qoyacaqsa, bank buna heç bir cavabdehlik daşımır. Bu, yazılı şəkildə olmalıdır. Əgər bu xəbərdarlıq olmayıbsa, problemi təkcə vətəndaşın üzərinə yükləmək olmaz, banklar da bu məsələdə məsuliyyət daşıyır. Çünki yüksək faiz dərəcəsini banklar təklif edir, vətəndaş yox" – deyə o qeyd edib.

İqtisadçı-ekspert Rəşad Həsənov isə Sputnik Azərbaycan-a deyib ki, indiyədək qorunan əmanətlərin geri qaytarılmasında problemin olduğunu müşahidə etməmişik: "Əmanətlərin qaytarılması kifayət qədər vaxt aparan bir prosesdir. Qanunvericiliyə görə, bankın lisenziyasının ləğv edilməsindən sonra əmanətlərin qaytarılmasına başlanması üçün 3 ayadək vaxt var. Amma əmanətlərin qaytarılması prosesi tez başlayıb. Burada müraciətlərin sayını da nəzərə almaq lazımdır ki, kifayət qədər çox müraciətlər var. Pandemiya dövrüdür, qurumlar tam gücü ilə işləyə bilmir. Bu şərtlər daxilində prosesin başa çatması vaxt alacaq. Yəni 1 ilə qədər vaxt var. Narahat olmağa ehtiyac yoxdur. İnsanlar çalışırlar ki, qısa zamanda öz əmanətlərini geri alsınlar. Bu prosesdə bütün iştirakçılar əmanətlərini geri ala biləcəklər. İndi bunun nə qədər vaxt aparacağı texniki məsələdir. Amma birmənalı şəkildə qorunan əmanətlərin geri qaytarılmasında problem olmayacaq".

Qorunan əmanətlər üzrə illik faiz dərəcəsinin yuxarı həddinin pozulması məsələsinə də toxunan ekspert bildirib ki, bizdə qorunmayan əmanətin yalnız bir parametri var və bu da faiz dərəcəsidir: "İndi məbləğin əhəmiyyəti yoxdur, 2016-cı ildən 30 min manat limiti aradan qaldırılıb. Vətəndaşın qoyduğu bütün əmanət sığortalanır, o halda ki, qanunvericilik ilə müəyyən edilmiş faizlərə uyğun olsun. 1 iyun 2020-ci il tarixindən etibarən milli valyutada olan qorunan əmanətlər üzrə illik faiz dərəcəsinin yuxarı həddi 12%-dək qaldırılıb. Xarici valyutada olan qorunan əmanətlər üzrə illik faiz dərəcəsinin yuxarı həddi isə 2,5% təşkil edir. Əgər vətəndaş bundan yuxarı faizlər ilə banka əmanət yerləşdirirsə, bu, qorunan əmanət deyil".

302
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

9
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

9
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Zibillik, arxiv şəkli

Üfunəti tüstü ilə ört-basdır etməyin qiyməti üç min manatdır

6
(Yenilənib 11:43 14.08.2020)
Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib

BAKI, 14 avqust — Sputnik. Füzuli rayonu Qazaxlar kəndi ərazisində məişət tullantılarının qalaqlanması və ətrafa iy-qoxunun yayılması ilə bağlı daxil olan şikayət Dövlət Ekoloji Təhlükəsizlik Xidmətinin əməkdaşları tərəfindən araşdırılıb.

Bu barədə Sputnik Azərbaycan-a xidmətin rəis müavini Bəhruz Məhəmmədov bildirib. Onun sözlərinə görə, əraziyə keçirilən baxış zamanı sözügedən ərazidə tullantıların qanunvericiliyə uyğun idarə edilmədiyi və qalaqlanaraq yandırıldığı məlum olub.

Faktla bağlı tullantıların idarə olunmasına cavabdeh Qazaxlar bələdiyyəsinin sədri Nurəddin Bayramov barəsində protokol tərtib olunub və o, 3000 manat məbləğində cərimə edilib.

Ərazinin tullantılardan təmizlənməsi və gələcəkdə belə hallara yol verilməməsi məqsədilə bələdiyyə sədrinə icrası məcburi olan "məcburi göstəriş" verilib.

6
Əlaqədar
Bakıda bələdiyyənin əməkdaşı cərimə edildi
Havanı çirkləndirən sexin sahibi cəzalanıb
Sədri peşman edən iyirmi ilin rahatlığı: pulsuzluq artıq üfunət iyi verir - VİDEO - FOTO
Xırdalan yenə qara tüstüyə büründü - VİDEO - FOTO
BŞİH çimərliklərlə bağlı əhaliyə müraciət edib