Badamdar qəsəbəsinə gedən yol, arxiv şəkli

Bakının problemini yaponlar həll edəcəklər

33
(Yenilənib 23:30 18.06.2020)
Bundan sonra Badamdar - 20-ci Sahə yolunun sağ tərəfində uzunluğu təqribən 1200 metr qoruyucu beton divar inşa ediləcək.

BAKI, 18 iyun — Sputnik. "Uzun müddətdir Badamdar yamacında Fövqəladə Hallar Nazirliyinin (FHN) rəhbərliyi və mütəxəssislərin iştirakı ilə tədqiqat işləri aparılır".

Sputnik Azərbaycan xəbər verir ki, bu barədə jurnalistlərə açıqlamasında FHN-in Tikintidə Təhlükəsizliyə Nəzarət Dövlət Agentliyinin rəis müavini Təyyar Hüseynli deyib.

Onun sözlərinə görə, tədqiqatlarda Ekologiya və Təbii Sərvətlər Nazirliyi, AMEA-nın Respublika Seysmoloji Xidmət Mərkəzinin və Yaponiya şirkətlərinin mütəxəssisləri iştirak edirlər.

"Tədqiqatlardan sonra nəticələr araşdırılıb və FHN-in Tikintidə Təhlükəsizliyə Nəzarət Dövlət Agentliyinin Azərinşaat Layihə İnstitutu və Yaponiya şirkətləri tərəfindən bu yamacın problemlərini birdəfəlik həll etmək üçün kompleks tədbirlər layihəsi işlənilib. Və layihənin həyata keçirilməsinə başlanılıb. Layihə mərhələli şəkildə aparılacaq. Hələ ki, yamacın üst hissəsindəyik. Burada layihə üzrə 3 drenaj quyunun qazılması nəzərdə tutulub. Bu quyuların hər birinin dərinliyi 30, diametri 3.5 metr, quyular arasındakı məsafə 42-50 metrdir", - deyə o əlavə edib.

T.Hüseynli həmçinin bildirib ki, məqsəd yamaca daxil olan suları kənarlaşdırmaqdır. Quyuların qazılmasına paralel olaraq yamacda terraslaşma də aparılacaq. Bu işlərə quyular müəyyən qədər qazıldıqdan, sular müəyyən qədər kənarlaşdırıldıqdan sonra başlanılacaq.

"4 terras nəzərdə tutulub ki, onların səthləri dəmir-betonla örtüləcək və xüsusi dəmir-beton ankerlər vasitəsilə bərkidiləcək. Sonra Badamdar və 20-ci sahəyə doğru gedən hissədəki yamacda təbii torpaq kütləsi ilə terraslaşma işi aparılacaq. Bundan sonra Badamdar - 20-ci sahə yolunun sağ tərəfində uzunluğu təqribən 1200 metr qoruyucu beton divar inşa ediləcək. Sonda yamacda yaşıllaşdırma işləri aparılacaq. Çünki şəhərin bir çox yerindən o yamac görünür. Şəhərin ümumi görünüşündə yamacın gözəlliyi xüsusi yer tutacaq", - deyə Hüseynli vurğulayıb.

Onun sözlərinə görə, əsas məsələ yamacın stabilliyini təmin etməkdir.

Bunun üçün ilk növbədə sürüşməyə səbəb olan yeraltı sular tənzimlənməlidir: "Əsas məsələmiz budur. Qurğular Yaponiyadan gətirilib. Quyulara bərkidiləcək lövhələr onun divarlarının dağılmaması üçündür. Quyulara pilləkənlər, xüsusi nasoslar qoyulacaq. Su səviyyəsi qalxdıqca operativ şəkildə sahədən kənarlaşdırılacaq. O zaman sahədə heç bir təhlükə olmayacaq. Digər işlər də paralel olaraq gedəcək".

33
Əlaqədar
Elə bilirdik bu cəhənnəmdən qurtulmuşuq - Karantinin yumşalması ilə qayıdıb
Bakıda yeni yol qovşağı yaradılır: daha 2 zolağa möhtac qalmayacaqsınız
Bakının ən işlək yolunu dəyişdilər - FOTO
Daha bir yol tikintisinə 3 milyon ayrıldı
Bakıya gələn əsas yollardan biri "cındırlı pirə" dönüb: Karantini fürsət biliblər - FOTO
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

1
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

1
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu
Azərbaycan Respublikasının Birinci vitse-prezidenti Mehriban Əliyeva, arxiv şəkli

Mehriban Əliyeva Laçının işğaldan azad edilməsi ilə bağlı paylaşım edib

5
(Yenilənib 16:14 01.12.2020)
Bu gün üçtərəfli bəyanatın şərtlərinə uyğun olaraq, Laçın rayonu Ermənistanın işğalından azad edildi.

BAKI, 1 dekabr — Sputnik. Azərbaycanın I Vitse-prezidenti Mehriban Əliyeva Laçın rayonunu işğaldan azad edilməsi ilə bağlı paylaşım edib.

Sputnik Azərbaycan xəbər verir ki, paylaşımda deyilir: “Laçın rayonunun işğaldan azad edilməsi münasibətilə hamınızı səmimi-qəlbdən təbrik edirəm! Qoy, Uca Allah mərhəmətini xalqımızdan əsirgəməsin, bütün həmvətənlərimizə cansağlığı və səadət, Vətənimizə sülh, firavanlıq və nurlu gələcək bəxş etsin! Qarabağ Azərbaycandır!”

5
Teqlər:
Birinci vitse-prezident Mehriban Əliyeva, Laçının azad olunması