Bibiheybət yolunda təmir işləri

Tilsimə düşmüş yol: Deyəsən, bu xəmir çox su aparacaq VİDEO

2096
(Yenilənib 14:00 17.06.2020)
Təmir işləri sürətlə davam edir. Amma belə davam edərsə, yolun təmir edilərək istifadəyə verilməsi iyunun axırlarına təsadüf edəcək.

İradə Cəlilova, Sputnik Azərbaycan

BAKI, 17 iyun — Sputnik. Ötən ilin noyabr ayında Bibiheybət yolunda 100-200 metrlik ərazidə uçqun oldu. Yol çökərək istifadəyə yararsız vəziyyətə düşdü. Əraziyə cəlb edilən mütəxəssislər yoxlama zamanı müəyyən etdilər ki, uçmaya səbəb yamacın doymasıdır. Yəni qrunt suları torpağı doydurduğu üçün torpaq sürüşməsi baş verib və nəticədə yol dağılıb.

Qısacası, hadisəyə səbəb antropogen amillər göstərildi.

© Sputnik / Irade JELIL
Bibiheybət yolunda təmir işləri

Sonradan əraziyə yenidən baxış keçirildi, prosesə xarici mütəxəssislər də cəlb edilərək, geoloji kəşfiyyat aparıldı. Yeni layihə hazırlanaraq təmir işlərinə başlanıldı. Əvvəlcə təmirin işlərinin ilin ilk rübü ərzində başa çatacağı deyilsə də, sonra işlər xeyli yubandı.

Hazırda ərazidə yekun təmir işləri aparılır. Təmir-bərpa işlərini həyata keçirən qurum kimi çıxış edən Azərbaycan Avtomobil Yolları Dövlət Agentliyinin mətbuat katibi Anar Nəcəflinin sözlərinə görə, təmir-bərpa işləri bu həftə də davam edəcək.

© Sputnik / Irade JELIL
Bibiheybət yolunda təmir işləri

A.Nəcəfli qeyd edib ki, tikinti-bərpa işləri sözügedən ərazidə aparılan geoloji-kəşfiyyat işlərinin hesabatına uyğun Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin, Azərbaycan Avtomobil Yolları Dövlət Agentliyinin və xarici mütəxəssislərin iştirakı ilə hazırlanmış layihə əsasında aparılır.

"Sözügedən layihəyə uyğun olaraq artıq yamacın aşağı hissəsində svay əsaslı istinad divarının inşası yekunlaşdırılıb. Bunun üçün ərazidə svay vurma işləri aparılıb. Svaylar 1 metr diametrində olmaqla 2 cərgə vurulub və üzərində 1.5 metr qalınlıqda monolit dəmir-beton tava inşa edilib. Tava üzərində 8 metr hündürlükdə istinad divarı tikilib" – deyə o bildirib.

A.Nəcəflinin sölərinə görə, analoji işlər yamacın üst hissəsində də aparılıb.

Eyni zamanda ərazidə yağış və qrunt sularının ərazidən kənarlaşdırılması üçün dəmir-beton küvetlər inşa edilib, yeni drenaj və yağış-kanalizasiya sistemi yaradılıb, istinad divarında su axınını təmin etmək üçün eninə istiqamətdə borular atılıb.

Hazırda ərazidə yeni yol yatağı inşa olunur. Ardınca yol əsası inşa edilərək yaxın günlərdə asfaltlanma işlərinə də start verilməsi planlaşdırılır.

  • Bibiheybət yolunda təmir işləri
    © Sputnik / Irade JELIL
  • Bibiheybət yolunda təmir işləri
    © Sputnik / Irade JELIL
  • Bibiheybət yolunda təmir işləri
    © Sputnik / Irade JELIL
1 / 3
© Sputnik / Irade JELIL
Bibiheybət yolunda təmir işləri

Ümumilikdə tikinti-bərpa işlərinin həftə ərzində yekunlaşdırılması nəzərdə tutulub.

Amma bu, yolun dərhal açılması demək deyil. Belə davam edərsə, yolun təmir edilərək istifadəyə verilməsi iyunun axırlarına təsadüf edəcək.

2096
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

4
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

4
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu
Azərbaycan Respublikasının Birinci vitse-prezidenti Mehriban Əliyeva, arxiv şəkli

Mehriban Əliyeva Laçının işğaldan azad edilməsi ilə bağlı paylaşım edib

6
(Yenilənib 16:14 01.12.2020)
Bu gün üçtərəfli bəyanatın şərtlərinə uyğun olaraq, Laçın rayonu Ermənistanın işğalından azad edildi.

BAKI, 1 dekabr — Sputnik. Azərbaycanın I Vitse-prezidenti Mehriban Əliyeva Laçın rayonunu işğaldan azad edilməsi ilə bağlı paylaşım edib.

Sputnik Azərbaycan xəbər verir ki, paylaşımda deyilir: “Laçın rayonunun işğaldan azad edilməsi münasibətilə hamınızı səmimi-qəlbdən təbrik edirəm! Qoy, Uca Allah mərhəmətini xalqımızdan əsirgəməsin, bütün həmvətənlərimizə cansağlığı və səadət, Vətənimizə sülh, firavanlıq və nurlu gələcək bəxş etsin! Qarabağ Azərbaycandır!”

6
Teqlər:
Birinci vitse-prezident Mehriban Əliyeva, Laçının azad olunması
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr