Qız və oğlan Bakıda Heydər Əliyev Mərkəzinin qarşısında

Qafqazın yeganə numeroloqundan şok sözlər: Sıfırı sevdiyinizə görə boşluqdasınız

1313
(Yenilənib 13:01 14.06.2020)
"Ən çox sıfırı sevən ölkə Azərbaycandır. Heç bir ölkədə sıfıra bu qədər meyl yoxdur. Siz bu boşluğu – sıfırı seçməklə boşluğa düşürsünüz"

İradə Cəlilova, Sputnik Azərbaycan

BAKI, 14 iyun — Sputnik. Numerologiya elmi, rəqəmlərin insan həyatına təsiri haqqında çox eşitmişdim. Bir qədər araşdırma apardım. Belə başa düşdüm ki, əksər insanlar numerologiya ilə falçılığı, astrologiyanı səhv də salır.

Amma yadıma gəlir ki, hələ uşaq olanda atam bizə əbcəd hesabını öyrətmişdi. Əbcəd hesabı ilə adlarımızın nəyə qadir olduğunu öyrənə bilirdik.

Dünyada cəmi 79 numeroloq var. Onlardan biri də bizim həmyerlimiz, Qafqazın yeganə numeroloqu Xəyal Məmmədovdur.

Numeroloq Xəyal Məmmədov
© Sputnik / Irade JELIL
Numeroloq Xəyal Məmmədov

Xəyal Məmmədovla rəqəmlərin insan taleyinə təsiri, numerologiya elmi və s. mövzularda danışdıq.

Sputnik Azərbaycan Qafqazın yeganə numeroloqu ilə müsahibəni təqdim edir:

- Xəyal bəy, əvvəlcə bizə bir qədər numerologiya elmi haqda məlumat verməyinizi istərdim.

- Numerologiya elminin bir neçə növü var. Pifaqor cədvəli, spiral Fibonaççi, İslam dinində əbcəd hesablaması, yəhudilərdə kabala, Asiyada fen-şuy numerologiya elminin bir növüdür.

Mənim məşğul olduğum numerologiya elminin 4000 il yaşı var. Kökü qədim Misirə dayanır. Bu elm Süleyman peyğəmbərin dövrünə təsadüf edir. O, insanın doğum tarixi və adı əsasında tam olaraq energetik hesablamaya icazə verir. Biz insanı hesabladıqda onun mənfi və müsbət tərəflərini müəyyən edə bilirik.

Mən bu elmi dörd il, 2006-2010-cu illərdə Almaniyada təhsil alaraq öyrənmişəm. Və hələ də öyrənirəm. Təhsilimi bitirdikdən sonra Azərbaycana qayıtmağımın səbəbi Vətənə olan sevgimdən irəli gəlib.

- Xəyal bəy, bir qədər rəqəmlərin insanlara təsirindən danışaq. İnsan ətrafında rəqəmlər kateqoriyalara bölünürmü?

- Bəli, insan ətrafında 3 kateqoriya rəqəmlər var. Birinci kateqoriya insanlara Allah tərəfindən verilir. Bu bizim doğum tariximizdir. Biz dünyaya göz açarkən kimsə bizdən nə vaxt doğulmaq istədiyimizi, ümumiyyətlə doğulub-doğulmamaq istədiyimizi soruşmur. Bu bizə Allah tərəfindən verilən rəqəmlərdir.

İkinci kateqoriya rəqəmlər bizim adımızla bağlıdır. İnsana adlar verilərkən numeroloji anlamını heç kim bilmir. Amma addakı rəqəmlərin sayı bizim ikinci kateqoriya rəqəmlərimizdir. Yəni adda neçə hərf varsa bu rəqəmlərin mənası var.

Üçüncü kateqoriya rəqəmlər isə cəlb olunmuş energetika adlanır. Allahın yaratdıqlarının arasında ən mükəmməli insandır. Bunu hamı bilir. Biz insanların bədənində bütün orqanlar hamısı bir-biri ilə əlaqəlidir. Heç bir həkim deyə bilməz ki, hansısa orqan artıq və ya lazımsızdır. Ancaq insanların bir-birinə enerji ötürdüyü yeganə orqan gözlərdir. İnsanlar göz vasitəsilə bir-birinə mənfi və ya müsbət enerji ötürə bilirlər. Bu səbəbdən də bizim istifadə etdiyimiz rəqəmlər, nömrələr (maşın, telefon nömrəsi, ev nömrəsi) bizim enerjimizdə çox mühüm rol oynayır. Çünki biz nəyi cəlb ediriksə, onu əldə edirik. Nömrəmizə hər zəng ediləndə zəng edən insan bizə o rəqəmi yönləndirir. Avtomobilimizi idarə ediriksə, nömrə ilə bizi tanımış olur. Yəni rəqəmlər bizə belə işləyir.

- Rəqəmlərin içində mənfi olanı varmı?

- Mövcud olan rəqəmlərin içində yeganə mınfi rəqəm sıfırdır. Ümumiyyətlə, sıfır rəqəm kimi qəbul da edilmir. Bu, onluq rəqəmləri hesablamaq üçün qəbul edilən ədəddir. Sıfırın əvvəli və sonu bəlli deyil. Boşluqdur. Yəni sıfırı nəyinsə üstünə gəlib və ya çıxanda heç bir nəticə əldə edə bilməzsiniz. Vuranda, böləndə isə sıfır əldə edərsiniz. Bu səbəbdən də yeganə mənfi rəqəm hər kəs üçün sıfırdır.

Hər-hansı bir insanın doğum tarixi və adındakı hərflərə əsasən numeroloji proqnozlar veriləndə rəqəmlərin çoxu-azı da hesablanır.

Bilirsiniz ki, həyatda nəyinsə azlığının pis olması kimi, nəsə çox olanda da pis olur.

Çünki mənfi ilə müsbət yan-yana olanda mənfi əldə edirik. Bu səbəbdən də insanlar da gərək çoxluqdan uzaq dursunlar.

Yalnız belə hallarda insanlar enerjini tənzimlədikdən sonra istədiklərini fizioloji olaraq əldə edə bilirlər.

Numerologiya inanların ruhunun hesablanması deməkdir.

Məsələn, dinlərin əksəriyyəti insanların reinkarnasiyasını inkar edir. Ancaq numerologiya elminə görə, ruh insan qismində 9 dəfə yaşayır.

Normalda insan həyatı o qədər qısadır ki, insanın bir həyatı boyu etdiyi əməllərə görə cənnətə və ya cəhənnəmə düşəcəyi təyin edilə bilmir. Bu səbəbdən də Yaradan hər bir ruha 9 dəfə şans verir. Və ruh insan qismində 9 dəfə yaşayandan sonra sorğu-suala çəkilir. Allah üçün bütün bəndələri eynidir. Dərinin rəngi, qəbul etdiyiniz din - bütün bunların Allah üçün fərqi yoxdur. Onun üçün əsas bizim əməllərimiz və enerjimizdir və biz enerji və əməllərimizə görə cavab verəcəyik.

Bəzən kiminsə başına pis nəsə gələndə deyirlər ki, valideyninin etdiyini balası çəkir. Bu, boş sözdür. İnsan keçmiş həyatda olan səhvlərinin bu həyatda acısını yaşayır. Yəni keçmiş həyatda səhv etmişiksə, bu həyatda onun əziyyətini çəkəcəyik. Doqquz həyatın doqquzunda da insan əməllərinə fikir verməlidir.

- Axı insan özü hansı həyatda olduğunu bilmir.

- Yox, bunu özü bilmir. Bunu ancaq hesablamadan sonra bilmək mümkündür. Hesablamadan sonra insanın pin-kodunu da müəyyən etmək olur. İnsan doğulanda onun pin-kodu olur. İnsanın delta nöqtəsi var. Bunlar hamısı hesablamalar nəticəsində müəyyən edilir.

Biz birinci və ikinci kateqoriyalı rəqəmlərdən mənfi ala bilmərik. Bu mümkün deyil. Çünki birinci kateqoriyada üstəgəlmə düsturundan istifadə edirik. Bu bütün numerologiya elmlərində eynidir. Yəni olan rəqəmləri üst-üstə toplayırsan. Biz mənfini 3-cü kateqoriyalı rəqəmlərdən alırıq. Məsələn, götürək, sizin istifadə etdiyiniz nömrəni - siz 701 rəqəmi ilə 1 rəqəmini sıfırlayıb, özgüvəninizi itirmisiniz, qərar verəndə tərəddüdlə qərar verirsiniz, görəsən, bunu edim, etməyim? Siz özünüzə inamınızı itirmisiniz.

Bütün hesablar 1 rəqəmi ilə başlayır. Əgər sizin hesabınız başlayanda mənfi ilə başlayırsa, sonra möhkəm ola bilməz. Siz nömrənizi dəyişdirməlisiniz. Ancaq nəyə dəyişdirmək üçün mən bunu hesablamalıyam. Sıfır olmaz.

- Xəyal bəy, el arasında bəzi rəqəmlər var ki, birmənalı qarşılanmır: 13, 666 və s. Bu rəqəmlər həqiqətənmi təhlükəlidir?

- Keçən əsrin 70-ci illərində bəzi qurumlar filmlər çəkməyə başladılar və iddia etdilər ki, 13 nəhs rəqəmdir, 666 isə şeytan rəqəmidir. Xeyr, bu belə deyil. Sadəcə, həmin dövrdə bəzi qurumlar dünyadakı vəziyyəti ələ ala bilmələri üçün bu fərziyyələri insanların beyninə yeritmişdilər. Əslində, 13 müqəddəs rəqəmdir. Çünki bilirsiniz ki, bəşəriyyətdə olan dinlərin hər biri təkallahlılığı qəbul edir. Yəni 1 rəqəmini qəbul edir. Hamı 12 imamın olduğunu bilir. Hamı peyğəmbərləri bilir. 12 imamla təkallahlılığın toplamı 13 edir. Enerjisinə görə 13 müqəddəs rəqəmdir.

666 rəqəminə gəldikdə isə bu rəqəm 6 üzərində qurulub və pula - maddiyyata bağlı rəqəmdir. 1-dən 9-a qədər rəqəmlərin içindən güclüsü 9-dur. Bu rəqəm Allahın rəqəmidir. Bəşəriyyətdə hər şeyi Allah verir - puldan başqa. Pulu insanlar fikirləşiblər. 9-un əksi 6-dır.

666 - hər-hansı bir rəqəm ardıcıllıqla təkrarlananda o, 1 rəqəmə bərabərdir. Yəni 666 - 6 deməkdir. Deyilənlər hamısı fərziyyədir.

Bu gün hamı, bilən də, bilməyən də müəyyən fərziyyələr irəli sürür. Belə olanda bilən də bildiyini yaddan çıxarır. İnsanlar məntiqlə düşünməyi bacarmalıdırlar.

O qədər insan var ki, boş-bekarçılıqdan ağzına gələni danışır. O gün sərt karantin elan ediləndə mənə zəng etmişdilər ki, bu nə deməkdir, ayın 6-sı, 6-cı ay, 6-cı gün. Dedim, heç nə, nə var ki burada?  İnsanlar bilmədikləri haqda fərziyyələr danışır, rəvayətlər qururlar.

İnsan çalışmalıdır ki, eyni rəqəmləri deyil, müxtəlif rəqəmləri cəlb eləsin. Məsələn, deyim ki, 5 rəqəmini yığın ətrafınıza, yaxşı olacaq - xeyr, olmayacaq. Həyatda hər şey balanslı olmalıdır. Numerologiya da bu balansı üzə çıxarır.

- Numerologiyanı falçılıqla da eyniləşdirirlər.

- Xeyr, səhv edirlər. Mənim təhsilim var. Hüquqşünasam. Numerologiya ikinci təhsilimdir. 10 illik fəaliyyətim çərçivəsində 7456 nəfərin numeroloji hesablamasını aparmışam. Bu şəxslər təkcə Azərbaycanda deyil, dünyanın müxtəlif ölkələrindən olublar. Mənim ofisim Moskvadadır. Pandemiya ilə bağlı Azərbaycanda qalmışam.

- Azərbaycanda insanlar hansı məqsədlə müraciət edirlər? Axı bu elm Azərbaycanda o qədər də tanınmayıb.

- İnsanlar adətən dost-tanışlarından öyrənib gəlirlər. Əvvəlcə bu, fal kimi qəbul edilsə də, sonradan başa düşürlər ki, bu elmin falla heç bir əlaqəsi yoxdur. Məsələn, bir A4 kağızı götürüb müraciət edən şəxsin rəqəmlərini yazıram və sizin rəqəmlərin mənasını sizə izah edirəm. Buna fal demək olmaz.

- Xəyal bəy, adlarımız taleyimizə təsir edirmi? Axı adlarımızı da biz seçmirik.

- Adlarımızdakı rəqəmlər bizim taleyimizə təsir edir. Ancaq adda olan hərflərdən insana mənfi gəlmir. Mənfi üçüncü kateqoriyadan gəlir. Seçdiyimiz rəqəmlərdən. Bəli, əvvəllər telefon, avtomobil olmayıb. O dövrlərdə insanların problemləri də az olub.

Ancaq zaman keçdikcə rəqəmlərin enerjisi olmadan yaşamaq mümkün deyil. Çünki hər şey rəqəmsaldır.

- Bizim xalqın ən çox sevdiyi rəqəm hansıdır?

- Mən işlədiyim ölkələrin statistikasını aparmışam. Ən çox sıfırı sevən ölkə Azərbaycandır. Heç bir ölkədə sıfıra bu qədər meyl yoxdur. Siz bu boşluğu – sıfırı seçməklə boşluğa düşürsünüz. Mən Azərbaycanda sıfıra olan sevgini heç yerdə görməmişəm.

Hər bir ölkənin öz energetikası var. Azərbaycanın özündə sıfır rəqəmi çoxluqla mövcuddur. Ona görə də əsrlər boyu digər ölkələrin əsas fikri Azərbaycanı zəbt etmək olub. Bəlkə, elə buna görə də azərbaycanlılar sıfıra meyllidirlər.

- 7 rəqəmi uğurludurmu?

- 7 rəqəmi yeganə rəqəmdir ki, bütün numerologiyalarda mənasını dəyişmir. Uğur, ruzi anlamına gəlir. Bizi buna istiqamətləndirici rəqəmdir. Digər rəqəmlərin numerologiyalarda mənası dəyişir.

Ekstrasens Zirəddin Rzayev
© Photo : Zirəddin Rzayevin Facebook səhifəsi

Mənə bu günə qədər müraciət edən insanların narazılığı olmayıb. Əsas - insan həyatdan nə istədiyini bilməlidir. Bildikdən sonra rəqəmlərlə istədiyini özünə cəlb edə bilir. Bəzən olur ki, insanlar nə istədiklərini bilmirlər. Belə insanlara kömək etmək çətin olur.

- Yaşımızın bizim taleyimizə təsiri varmı? Məsələn, mənim həyatımda hər 4 ildən bir bir qara zolaq olur.

- Hər bir insanın həyatında qara zolaqlar olur. Hər başlanğıcın bir sonu var. Bu, həyatın yazılmayan qanunudur. Bir gün yaxşı, bir gün pis olur. Söhbət yaxşı və ya pisə bağlı deyil. Söhbət düşdüyümüz vəziyyətdə özümüzü aparmağı bacarmaqdır. Biz bu çətinlikdən çıxa biləcəyikmi? Bizim enerjimiz güclüdürsə, biz o vəziyyətdən çıxa biləcəyik. Amma unutmayın ki, hər qaranlıq gecənin bir nurlu sabahı var.

Bu həyatda əvvəli və sonu bəlli olmayan Allahdır. Qalan hər şey müvəqqətidir. Hər bir şeyin bir əvvəli, bir sonu var. İnsan həyatı çox qısadır.

60 yaş çox az yaşdır. Düşünün, 60 yaşlı insan 20 il yatır, 20 il işləyir, 20 il də özü üçün yaşayır. Bu 20 ilin 10 ilini də başqaları ilə yaşayır. Özünə cəmi 10 il qalır. İnsan həyatı göz qırpımı misalıdır.

Bu səbəbdən də hamıya məsləhət görürəm ki, hər şeyə görə əsəb keçirməyin. Hamı bir-birini yola verməyi bacarmalıdır. Kiminsə haqqına girmək, kiminsə qeybətini etmək bu qısa həyat üçün artıqdır. Biz etdiklərimizin cavabını mütləq verəcəyik. Buna görə də insan gərək ruhunu təmiz saxlasın, buna görə müsbət əməllər etməlidir. Həyatda müsbət ola bilmirsinizsə, mənfi olmayın.

1313
Əlaqədar
Ölkədə rəsmən paranı bütövdən ayıracaqlar - Psixologiya vs parapsixologiya
Həkimə getmək qorxusu: elmi sınıqçı, çöpçü, falçı yanına getməklə əvəzləyirik
Bu qorxu ilə haraya belə?
Öz gələcəyini görə bilməyən falçı saxlanıldı
Mahiyyətdən doğan reallıq: Televiziya kanallarımız ağır durumdadır

Minik maşını sürüyə çırpıldı, 10 baş heyvan tələf oldu

13
(Yenilənib 23:48 24.09.2020)
Qəza zamanı “Vaz 21 010” markalı minik maşını da yararsız hala düşüb. Sürücü hadisədən xəsarətsiz ötüşüb.

Rahim Məmmədov, Sputnik Azərbaycan

BAKI, 24 sentyabr - Sputnik. Goranboyda minik maşını qoyun sürüsünə çırpılıb. Hadisə gecə saatlarında Goran-Qızılhacılı yolunun rayonun Boluslu kəndindən keçən hissəsində qeydə alınıb.

Qəza zamanı kənd sakini Sulduz Əliyevə məxsus 10 baş xırdabuynuzlu heyvan hadisə yerində tələf olub. Bir neçə heyvan isə yaralanıb.

“Vaz 21-010” markalı avtomobil sürüyə çırpıldıqdan sonra ön hissəsi yararsız hala düşüb. Yol-nəqliyyat hadisəsi zamanı sürücü xəsarət almayıb. Hadisənin başvermə səbəbləri araşdırılır.

13
Çadır, arxiv şəkli

Azərbaycan turizmində yeni mərhələ: Hoteller turistlərə çadır təklif edəcəklər

76
(Yenilənib 20:24 24.09.2020)
"Pandemiyadan sonra, turist axını başlayanda hotellər təbiət qoynunda bir yer götürməklə burada müəyyən komfortu olan çadırları qura bilər. Yəni biz pandemiyanın bitməsini gözləmədən artıq müəyyən addımlar atmalıyıq" - Samir Dübəndi

Nigar İsgəndərova, Sputnik Azərbaycan

BAKI, 24 sentyabr — Sputnik. "Bu gün Rusiya kimi böyük ölkələrdə də yayda hotellərdə yer tapılmır. Bu gün bir çox ölkələr gəlmək istəyən turistləri geri qaytarmamaq üçün bir təcrübəni sınaqdan keçiriblər. Belə ki, bu ölkələrdə bir qədər yüksək komfortu olan, müəyyən mebellərlə təmin olunmuş çadırlar qurulur".

Azərbaycan Hotellər və Restoranlar Assosiasiyası idarə heyətinin sədri Samir Dübəndi bu barədə bu gün Sputnik Azərbaycan-ın Multimedia Mərkəzində təşkil olunan konfransda çıxışı zamanı deyib.

O bildirib ki, Azərbaycan da bu təcrübədən yararlana bilər: "Hazırda bununla bağlı olaraq biz belə çadırlar istehsal edən bir şirkətlə danışıqlar aparırıq ki, sonradan bununla bağlı hotellərə tövsiyəmizi verək. Yəni pandemiyadan sonra, turist axını başlayanda hotellər təbiət qoynunda bir yer götürməklə burada müəyyən komfortu olan çadırları qura bilər. Yəni biz pandemiyanın bitməsini gözləmədən artıq müəyyən addımlar atmalıyıq. Eyni zamanda da Bakı əhalisini rayonlara cəlb etməliyik. Bunun üçün isə müəyyən ekoturlar təşkil oluna bilər. Düşünürəm ki, Bakıda böyüyən, yaşayan biri üçün balın necə hazırlanması, arıçılıq, eyni zamanda bu kimi digər təsərrüfatlarda bir gün keçirtmək maraqlı olar. Təbii ki, bunun üçün həm də turistlərin gecələmə imkanları da təmin edilməlidir. Yəni bütün bunların olması eyni zamanda kəndlərdə turizm məqsədilə icarəyə verilən evlərin sayının artması, hotellər, hostellərin daha da inkişafı deməkdir".

"Kənddən-şəhərə" də bu addıma qoşula bilər. Lakin biz bunu görmürük. Halbuki, onların konsepsiyasında da bu malların həm də turizm məqsədilə tanıtımı nəzərdə tutulub", - deyə ekspert qeyd edib.

76
Əlaqədar
Hava limanında turistlərə görə daha bir dezinfeksiya tədbiri
Biz də turistlərə pul paylayaq? - Pandemiyanın vurduğu sektoru xilas etməyin yolları
Samir Dübəndi: “Məhdudiyyətlərin götürülməsi turizm mövsümünü uzatdı”
Milli turizmin qışı: Xəzər adalarına səyahət, tənbəl turistlər və yeyib-içmək
Ekspert: "Xəzəryanı ölkələrin turizm marşrutu yaratması maraqlı olar"
Аллея флагов возле здания Организации Объединённых Наций (ООН) в Женеве

Azərbaycan Prezidenti bütün ölkələri Ermənistana silah təchizatından çəkinməyə çağırdı

0
(Yenilənib 01:16 25.09.2020)
İlham Əliyev: Etnik təmizləmə aparmış işğalçı ölkənin silahlarla təchiz edilməsi sülh danışıqlarını ciddi şəkildə sarsıdır və işğalçı dövləti yeni hərbi təxribatlara əl atmağa həvəsləndirir.

BAKI, 25 sentyabr - Sputnik. Biz Ermənistana artmaqda olan silah təchizatından ciddi narahatıq. Xüsusilə də Azərbaycanın Tovuz rayonu istiqamətində Ermənistan tərəfindən törədilmiş hərbi təxribatdan sonra.

Sputnik Azərbaycan xəbər verir ki, bu fikirləri Prezident İlham Əliyev BMT Baş Assambleyasının 75-ci sessiyasının ümumi debatlarında videoformatda çıxışında deyib.

Prezident qeyd edib ki, dövlət sərhədindəki toqquşmaların qaynar fazası iyulun 16-da sona çatıb. Növbəti gün - iyulun 17-dən etibarən sentyabr ayına qədər biz hərbi yük təyyarələri ilə Ermənistana min tondan artıq hərbi avadanlığın daşınmasının şahidi olduq. Ermənistanın dünyanın ən yoxsul ölkələrindən biri olduğunu və silahlara milyardlarla dollar xərcləmək imkanına malik olmadığını nəzərə alsaq, silahların ona pulsuz verildiyi qənaətinə gələ bilərik.

Etnik təmizləmə aparmış işğalçı ölkənin silahlarla təchiz edilməsi sülh danışıqlarını ciddi şəkildə sarsıdır və işğalçı dövləti yeni hərbi təxribatlara əl atmağa həvəsləndirir. Bu mənada biz bütün ölkələri Ermənistana silah təchizatından çəkinməyə çağırırıq.

0
Əlaqədar
İlham Əliyev: "Ermənistana qarşı sanksiyalar tətbiq olunmalıdır"