Marneulidə polis əməkdaşları yerli sakinlərlə söhbət edirlər, arxiv şəkli

Azər Süleymanov: Sanki COVID-19 dünyaya Çindən yox, Marneulidən yayılıb

368
(Yenilənib 22:26 14.06.2020)
Gürcüstan Milli Hərəkat Partiyasının üzvü və Parlamentin azərbaycanlı deputatı Azər Süleymanov deyib ki, Gürcüstan koronavirusdan qurtulsa da, hələ uzun müddət iqtisadi böhrandan çıxa bilməyəcək.

İradə Cəlilova, Sputnik Azərbaycan

BAKI, 14 iyun — Sputnik. Gürcüstan koronavirusdan qurtulsa da, hələ uzun müddət iqtisadi böhrandan çıxa bilməyəcək.

Bu sözləri Gürcüstan Milli Hərəkat Partiyasının üzvü və Parlamentin azərbaycanlı deputatı Azər Süleymanov Sputnik Azərbaycan-a ölkəsinin koronavirusla mübarizəsini və postpandemiya dövrünün perspektivlərini şərh edərkən deyib.

Süleymanovun fikrincə, pandemiya nə din, nə dil, nə də irqi seçir.

"Biz hamımız Gürcüstan vətəndaşıyıq. Artıq xəstəxanalarda koronavirus xəstəsi olan azərbaycanlı yoxdur. Cəmi 13 nəfər dünyasını dəyişib. Koronavirusa yoluxan azərbaycanlılardan isə iki nəfəri vəfat edib, qalanları sağalaraq normal həyata dönüblər", - deyə o bildirib.

Millət vəkili onu da vurğulayıb ki, azərbaycanlıların koronavirusa yoluxması Gürcüstan hökuməti tərəfindən birmənalı qarşılanmayıb:

"Gürcüstan hökuməti elə davrandı ki, sanki bu virus dünyaya Çindən yox, Gürcüstanın Marneuli rayonunun azərbaycanlılarından keçib. Bizi blokadaya, karantinə aldılar. Bizi söyürdülər, köçürmək istəyirdilər. Haqqımızda nalayiq ifadələr işlədirdilər. Biz tələb etdik ki, cinayət işi başlasın. Amma bütün cəhdlər nəticəsiz qaldı".

A.Süleymanov vurğulayıb ki, Gürcüstanın koronavirusla mübarizədə bacarıqlı olmasına səbəb insanların özünün mübarizə aparmasıdır.

"Azərbaycandakı vəziyyəti izləyirdim. Polislərə daş atmaq, zibil atmaq, qovmaq halları qeydə alındı. Gürcüstanda insanlar daha çox qayda-qanunlara əməl edirlər. Hər kəs koronavirusun necə qorxulu xəstəlik olduğunu anlayır. Bu elə xəstəlikdir ki, onun nə qədər təhlükəli olduğunu öz canında hiss edəndə anlayırsan. Koronavirusa yoluxmuş insanlarla söhbətlərimiz oldu. Bu elə qorxunc xəstəlikdir ki, bir balaca immun sistemi zəif insan bundan sağalmaya bilər. Gürcüstan əhalisi bir nəfər kimi qaydalara əməl etdi".

A.Süleymanov koronavirusla mübarizədə Gürcüstan həkimlərinin də böyük rolunun olduğunu vurğulayıb. O bildirib ki, həkimlər canları bahasına xəstəliklə mübarizə aparıblar. Hətta aralarında virusa yoluxanlar da olub.

Millət vəkilinin sözlərinə görə, Gürcüstan koronavirusdan qurtulsa da, hələ uzun müddət iqtisadi böhrandan çıxa bilməyəcək.

"Ölkənin yeganə gəlir mənbəyi turizm sahəsi idi. Vətəndaşların gəliri sıfır səviyyəsindədir. Əhalinin 80 faizinin banklara kredit borcları var. Bu gün, təəssüf ki, dövlətin böhrana qarşı mübarizə planı yoxdur. Böhrandan necə çıxacaqları bəlli deyil. Əhaliyə də heç nə təklif edə bilmirlər. Gürcüstanda vəziyyət gündən-günə ağırlaşır", - deyən A.Süleymanov bildirib ki, Gürcüstanda siyasi durum da ürəkaçan deyil.

"Qarşıdan parlament seçkisi gəlir. Bu gün Gürcüstan az qala kriminal bir dövlətə çevrilib və ən əsası insanlar gələcəyə ümidlərini itiriblər. Yəqin ki, belə davam etsə, payızda "Gürcü arzusu" partiyası və bugünkü rəhbərliyə son qoyulacaq. Ola bilsin, Gürcüstanda hər şeyi yenidən quraq", - deyə Süleymanov əlavə edib.

368
Əlaqədar
Vəziyyətləri "düzəlib"! Gürcüstan Azərbaycandan aldığı qazın həcmini azaldır
Qonşu ölkədə inanılmazı etdilər - Sutka ərzində...
Çörək savaşı, "Keşikçidağ", toy müğənniləri və Bill Qeytsin planı
Bizə borcları var! Gürcüstan Azərbaycana borcunu açıqladı
Təhlükəli seçki! Pandemiya dövründə qutu başında
Öskürək, xəstə uşaq

Xəstə uşaqları övladlığa götürənlərə ciddi məbləğdə müavinət veriləcək

0
(Yenilənib 19:02 23.09.2020)
On səkkiz yaşadək sağlamlıq imkanları məhdud uşaqları övladlığa götürən şəxslərə 480 manat aylıq müavinətin ödənilməsi təklif edilib.

 

BAKI, 23 sentyabr — Sputnik. 18 yaşadək sağlamlıq imkanları məhdud uşaqları övladlığa götürən şəxslərə 480 manat aylıq müavinətin ödənilməsi təklif edilib. Sputnik Azərbaycan-ın məlumatına görə, bunu Əmək və Əhalinin Sosial Müdafiəsi Nazirliyinin Sosial Xidmətlər Agentliyinin Övladlığagötürmə və valideyn himayəsindən məhrum olmuş uşaqlarla iş departamentinin müdiri Cavid Şahmalıyev bildirib. O deyib ki, sağlamlıq imkanları məhdud uşaqların indiyədək övladlığa götürülməsi praktikası olmayıb: "Buna görə də belə uşaqları övladlığa götürən şəxslərə müavinətin ödənilməsi təklif edilib. Amma bu, hələ layihədir. Bunun üçün "Sosial müavinətlər haqqında" qanuna dəyişikliklərin edilməsi təklif olunub".

C.Şahmalıyev onu da bildirib ki, çox zaman 3 yaşdan yuxarı uşaqlar övladlığa götürülmür: "Buna görə də 3 yaşdan yuxarı uşaqların bir qismi müəssisələrdə qalır. Ona görə də belə uşaqları övladlığa götürən şəxslərə 160 manat aylıq müavinətin ödənilməsi təklif edilib".

Onun sözlərinə görə, bu uşaqların təhsil, səhiyyə xərclərinin dövlət tərəfindən qarşılanması da təklif edilir.

Qeyd edək ki, Əmək və Əhalinin Sosial Müdafiəsi Nazirliyi tərəfindən övladlığa götürülmə ilə bağlı hazırlanan təkliflər qəbul olunarsa, onlar 2021-ci ilin yanvar ayından qüvvəyə minəcək və geriyə şamil olunmayacaq.

0
Smartfonda sosial şəbəkə tətbiqlərinin loqosu, arxiv şəkli

Dövlət Komitəsi xaricdə yaşayan azərbaycanlılara müraciət etdi

0
(Yenilənib 18:41 23.09.2020)
Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır.

Eldar Tanrıverdiyev, Sputnik Azərbaycan

BAKI, 23 sentyabr — Sputnik. Diasporla İş üzrə Dövlət Komitəsi Dövlət Təhlükəsizliyi Xidmətinin İctimai əlaqələr şöbəsinin məlumatı ilə bağlı xaricdə yaşayan şoydaşlarımıza müraciət edib.

Komitədən Sputnik Azərbaycan-a verilən məlumata görə, müraciətdə xaricdəki azərbaycanlılara DTX-nın erməni təxribatı ilə əlaqədar məlumatının nəzərə alınması tövsiyə edilir: "Ermənistan-Azərbaycan qoşunlarının təmas xəttində hərbi təxribatların intensivləşməsi ilə eyni vaxtda düşmən tərəfi sosial şəbəkə resurslarında saxta azərbaycanlı adlarından və Azərbaycan dilindən istifadə etməklə cəbhə bölgələrində əhali arasında gərginlik və çaxnaşma yaratmaq, eləcə də Silahlı Qüvvələrimizin hərbi bölmələrinin fəaliyyəti, əməliyyat niyyətləri, yerdəyişmələri və s. barədə məlumatlar toplamaq məqsədilə davamlı fəaliyyət göstərir.

Qeyd edilən hallarla əlaqədar, Dövlət Təhlükəsizliyi Xidməti Azərbaycan vətəndaşlarını ayıq-sayıq olmağa, düşmən təxribatlarına uymamağa, hərbi sirr təşkil edən və ordumuzun döyüş qabiliyyətinə, yerli əhalinin təhlükəsizliyinə zərər vura biləcək məlumatları yaymamağa çağırır.

Anonim profillərlə edilmiş bu qəbil müraciətlərə, sosial şəbəkə yazışmaları və messencerlərlə ötürülən məlumatlara reaksiya verməmək, həmin məlumatları tanış və qohumlar arasında paylaşmamaq tövsiyə edilir. Cəbhədəki vəziyyətlə bağlı yalnız ölkəmizin rəsmi dövlət qurumlarının məlumatlarına istinad edilməsi zəruridir. Saxta adlar və müxtəlif kommunikasiya kanalları ilə Azərbaycan vətəndaşlarına ünvanlanmış kəşfiyyat-təxribat xarakterli müraciətlərlə əlaqədar, Dövlət Təhlükəsizliyi Xidmətinin rəsmi internet səhifəsi (www.dtx.gov.az), əlaqə telefonu (+99412 405 99 99) və qaynar xətt (+99412 1656) nömrələri, habelə DTX-nin rəsmi sosial şəbəkə resursları (https://www.facebook.com/DTXAzerbaijan https://www.instagram.com/azerbaijandtx https://twitter.com/DTX_Azerbaijan WhatsApp və Telegram (+994 77 405 99 99) vasitəsilə məlumat verilməsi xahiş olunur.

Unutmayaq ki, hər hansı məsuliyyətsiz davranışdan çoxlu sayda hərbi qulluqçumuzun və mülki şəxsin həyat və sağlamlığı təhlükə altına düşə bilər".

0
Teqlər:
erməni təxribatı, Ermənistan ordusu, Ermənistan, təhlükəsizlik, Diasporla İş üzrə Dövlət Komitəsi, Dövlət Təhlükəsizliyi Xidməti