Nəməlum əsgərin məzarı, Rusiya

"Günay" teatrının aktyorları Qələbənin 75 illiyinə həsr olunmuş çarx təqdim ediblər

6
(Yenilənib 19:41 13.06.2020)
Gənc aktyorlar rusiyalı şair Rəsul Həmzətovun Böyük Vətən Müharibəsinə həsr olunmuş şeirlərini oxuyublar.

BAKI, 13 iyun — Sputnik, Kəmalə Əliyeva. Bakı Uşaq Teatrının "Günay" teatr-studiyasının aktyorları Böyük Vətən Müharibəsinin başa çatmasının 75 illiyinə həsr olunmuş çarxın təqdimatını keçiriblər. Bu barədə Sputnik Azərbaycan-a studiyanın rəhbəri, rejissoru, ssenaristi və musiqi tərtibatçısı Larisa Tarusova məlumat verib.

"Günay" teatrı öz layihəsi ilə müharibənin bütün qəhrəmanlarına təşəkkür edib və "Ölməz alay" aksiyasına qoşulub.

Çarxda müxtəlif yaşlı istedadlı gənc aktyorlar, o cümlədən Mahmud Hüseynov, Manisa Bağırova, Marina Zlata, Marina Milana, Veronika Slobodskaya, Artyom Baxoldin, Veronika Baxoldina, Alisa Lobanova, Zərifə Cəfərova, Riyad Hüseynov, Aylin Rüstəmli, İvan Telegin, Nigar Məmmədli, Ayan Kərimova, Əzizə Məhərrəmova, Məryəm İbrahimova, Teymur Nurullazadə, Musa Qardaşov, Murad Seyidzadə, Teymur Tağıyev və Emil Kərimov iştirak ediblər.

Çarxın rejissoru Larisa Tarusova olub.

Gənc aktyorlar rusiyalı şair Rəsul Həmzətovun Böyük Vətən Müharibəsinə həsr olunmuş şeirlərini oxuyublar.

"Günay" teatrının aktyorları müxtəlif respublika və beynəlxalq müsabiqələrin laureatıdır.

6
Kino lenti, arxiv şəkli

Fransanın azadlığı uğrunda döyüşlərdə iştirak etmiş həmyerlimiz haqqında film çəkilib

4
Ssenari müəllifi Mikayıl Mikayılova məxsus filmin üzərində hazırlıq işləri 15 gün davam edib. Əfsanəvi qəhrəman Əhmədiyyə Cəbrayılovla bağlı filmin çəkilişlərində müxtəlif tarixi sənədlərdən istifadə olunub.

BAKI, 19 sentyabr — Sputnik. Gənclər və İdman Nazirliyi açıq havada gənclərin iştirakı ilə tarixi rekonstruksiya formatında "Xarqo" adlı qısametrajlı film hazırlayıb.

Sputnik Azərbaycan xəbər verir ki, film Azərbaycan xalqının igid övladı, İkinci Dünya müharibəsi zamanı antifaşist müqavimət hərəkatının görkəmli nümayəndəsi, əfsanəvi partizan Əhmədiyyə Mikayıl oğlu Cəbrayılovun anadan olmasının 100 illiyi münasibətilə ərsəyə gətirilib.

Çəkiliş Ə.Cəbrayılovun yubileyinin geniş qeyd olunması ilə bağlı Prezident İlham Əliyevin imzaladığı Sərəncamı rəhbər tutaraq həyata keçirilib.

Məqsəd gənclər arasında vətənpərvərlik hisslərinin yüksəldilməsi, Azərbaycan xalqının hərb və döyüş tarixinin gənclərə əyani çatdırılmasıdır. Filmdə 15 gənc və tanınmış kino aktyoru iştirak edib. Çəkilişlər altı gün ərzində Şəki rayonu, qəhrəmanın doğulduğu Oxud kəndi və Bakının müxtəlif məkanlarında aparılıb.

Ssenari müəllifi Mikayıl Mikayılova məxsus filmin üzərində hazırlıq işləri 15 gün davam edib. Əfsanəvi qəhrəman Əhmədiyyə Cəbrayılovla bağlı filmin çəkilişlərində müxtəlif tarixi sənədlərdən istifadə olunub.

Filmin rejissoru Mikayıl Mikayılov, rəssamı Mustafa Mustafayevdir. Rolları əməkdar artistlər Sona Mikayılova, Rasim Cəfər, aktyorlar Faiq Mirzəyev, Əli Əlizadə,Yaroslav Trifonov, Anar Mikayilov, Rumiyyə Ağayeva, Müşviq Mirzə, Araz Pirimov və digərləri canlandırıblar.

4
Yevlax rayonunda məişət tullantıları

Sputnik Azərbaycan-ın qaldırdığı problem həll olundu - Problemi yaradan qurum cərimələndi

183
Reportajimizdan sonra Yevlax Şəhər Mərkəzi Xəstəxanası maliyyə problemini həll edərək Yevlax Mənzil Kommunal İstehsalat Birliyi ilə müqavilə bağlayıb

 

BAKI, 19 sentyabr — Sputnik. Yevlaxda fəaliyyət göstərən tibb ocağında müalicə alanlara istifadə edilən işlənmiş tibbi vasitələrin əraziyə atıldığını, ətrafa üfünət, təhlükə yaratması haqqında Sputnik Azərbaycan xəbər vermişdi. Xəstəxananın yaxınlığında yaşayanlar pandemiya dövründə belə vəziyyətin onlar üçün çox təhlükəli olduğunu bildirmişdilər.

Sakinlərin haqlı narazlığına səbəb olan problem artıq öz həllini tapıb. Reportajimizdan sonra Yevlax Şəhər Mərkəzi Xəstəxanası maliyyə problemini həll edərək Yevlax Mənzil Kommunal İstehsalat Birliyi ilə müqavilə bağlayıb. Bu barədə Sputnik Azərbaycan-a Yevlax Rayon Mənzil İstismar Sahəsindən məlumat verilib. Bildirilib ki, bundan əlavə İnzibati Xətalar Məcəlləsinin 266.4 maddəsi ilə Yevlax Mərkəzi Xəstəxanası Publik Hüquqi şəxsinin rəhbərliyi cərmələnib.

© Sputnik / Rahim Mammadov
Yevlax rayonunda məişət tullantıları

Qeyd edək ki, xəstəxananın ətrafı üfünət qoxuyurdu, qanlı sistem şlanqları, istifadə edilmiş şprislər, dərman qutuları və digər tibbi vasitələr ətrafa dağılmışdı. Yerli sakinlərin haqlı narazlığına səbəb olan problem bir gün sonra həllini tapıb. Belə ki, Yevlax Mənzil Kommunal İstehsalat Birliyi tərəfindən Yevlax Şəhər Mərkəzi Xəstəxanasının ərazisi tullantılardan təmizlənib, əraziyə zibil konteynerləri qoyulub, ərazi dezinfeksiya edilib. Problemə dərhal reaksiya verilməsi sakinləri də sevindirib. Namiq Rüstəmov adlı sakin Sputnik Azəraycan-a açıqlamasında bildirib ki, buralardan keçmək olmurdu: "O biri tərəf uzaqdı, camaat burdan gedirdi. İy-qoxunun əlindən böyründən keçmək olmurdu. Adam burnunu tutub keçirdi. İndi sağ olsun cənab başçı vaxtında xəbər tutub, aidiyyəti qurumlar gəlib təmizləyiblər".

© Photo : Courtesy of Baku City Executive Power
Təmizlənmiş ərazi

Zeynəb Ağayeva adlı sakin də Sputnik Azərbaycan-a problemi ictimailəşdirdiyi üçün təşəkkürünü bildirib: "Biz burda yaşıyırıq, bu ərazinin sakiniyik. Buralar natəmizlik idi, yaman bərbad gündə idi. Çox sağ olsunlar müraciət etdik, gəldilər, yığışdırdılar, təmizlədilər. Bağçaya da yaxındır, uşaqlara da natəmizlik idi. Pandemiya dövründə zibilin belə yığılıb qalmağı bizi ikiqat narahat edirdi".

183
Əlaqədar
Xəstə burada əlac axtarsa da, sağlam olan şəxs buradan virusa yoluxub keçər