Yas çadırı, arxiv şəkli

Əzrayılın köməkçiləri: ehsan boşqabını sayanlar, ürəyiyuxa polis öldürücü mehribanlıq

300
(Yenilənib 22:40 04.06.2020)
İnsanlar elə hesab edirlər ki, doğmasına ehsan süfrəsi açmaq onun qarşısında son borcudur. Kimsə bu borcu yerinə yetirməsə, camaat onu qınayar

Zülfiyyə Quluyeva, Sputnik Azərbaycan

BAKI, 4 iyun — Sputnik. Koronavirus pandemiyası ilə əlaqədar ölkəmizdə karantin rejimi davam etsə də, COVID-19-a yoluxanların sayı sürətlə artır. Bu virusa yoluxma sayını artıran əsas amillər sırasında yas mərasimlərinin təşkili xüsusi qeyd edilir. Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın brifinqlərindən birində bu faktı təsdiq edib. O bildirib ki, aparılan analizlər göstərir ki, yoluxmaların çoxu yas mərasimlərində olur. Onun sözlərinə görə, yaslarda insanların, xüsusilə qadınların bir yerdə toplaşması yoluxanların sayının kütləvi şəkildə artmasına səbəb olur: “Bu, bizi narahat edir. Vətəndaşları diqqəti və məsuliyyətli olmağa çağırırıq”.

Qeyd edək ki, yas mərasimlərinin keçirilməsinə qadağa qüvvədə olsa da, buna riayət edən azdır. Sputnik Azərbaycan yaranmış təhlükəni aradan qaldırmağın yollarını araşdırıb.

Səhiyyə Nazirliyinin baş infeksionisti Cəlal İsayev Sputnik Azərbaycan-a açıqlamasında bildirib ki, problemdən əsas çıxış yolu insanların maarifləndirilməsidir: "Rayon yerlərində yas mərasimlərində bu virusa yoluxma daha çoxdur. Bu da ondan irəli gəlir ki, paytaxtda yas mərasimlərinin keçirilməsinin qarşısı məyyən qədər alınsa da, rayonlarda bunu təmin etmək çox çətindir. Çünki rayon yerlərində insanlar bir-birinə daha çox gedib-gəlirlər. Rayonlarda, kəndlərdə qohumluq əlaqəsi olmasa belə, insanlar arasında münasibətlər olduğundan, onlar bir-birinin xeyir-şərində iştirak edirlər. Bundan əlavə, rayonlarda yas mərasimləri adətlərə uyğun keçirilir. Bu isə yas mərasimlərində koronavirusa yoluxmanı artırır".

C.İsayev deyir ki, rayonlarda polisin yas mərasimlərinin keçirilməsinə müdaxilə etməsi də çətindir:

"Rayon yerlərində mühit Bakıdan fərqlənir. Hansısa polis acısı olan, doğmasını itirən şəxsə yaxınlaşıb yas mərasiminin keçirilməsinə qarşı çıxa bilmir. Bundan əlavə, rayon yerlərində bununla bağlı qınaq da var. İnsanlar elə hesab edirlər ki, doğmasına ehsan süfrəsi açmaq onun qarşısında son borcudur. Kimsə bu borcu yerinə yetirməsə, camaat onu qınayar. Amma biz insanları maarifləndirməliyik ki, pandemiya dövründə bu məsələlərdə istisnalar ola bilər.

Yas mərasimi keçirməklə başqasını virusa yoluxdurmaq mümkündür. Bir nəfər virusu olan şəxsin bu mərasimə qatılması ən pis halda 10 nəfəri yoluxdura bilər. Ona görə də milli mentalitetimizi nəzərə alıb çıxış yolunu maarifləndirmədə görürəm. Mən özüm haraya gedirəm, virusun təhlükəsindən danışıram. İnsanları başa salıram ki, tibbi maska taxın. Amma bu gün yas yerində tibbi maska taxmağı təmin etmək də mümkün deyil. Ona görə də insanlar bu virusun təhlükəsini dərk etməlidirlər. Əks halda, yas yerlərində yoluxmanın qarşısını almaq da çətin olacaq".

Qeyd edək ki, artıq dünyanın bir sıra yerlərində kütləvi toplaşmanın qarşısını almaq üçün dronlar hərəkətə gətirilib. Koronavirusun yayılmasında kütləvi toplaşma çox təhlükəli hal hesab edilir.

300
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (276)
Əlaqədar
Azərbaycanda koronavirus: sərt karantinə səbəb olan rəqəmlər açıqlandı
Azərbaycanlı professordan xalqa müraciət: "Ən pis ehtimallara hazır olmalıyıq"
Bu, ikinci dalğa deyil, sabahkı icazəni də bayram etməyin - Ramin Bayramlı
Yeni şərtlər: Daha zibil torbaları da köməyə gəlməyəcək...
Adət adı altında maskalanan biznes: Nə İslama uyğundur, nə cibimizə
Amitabx Baççan, arxiv şəkli

Azərbaycanlıların da sevimlisi olan hind aktyoru koronavirusa yoluxdu

100
(Yenilənib 00:04 12.07.2020)
"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

BAKI, 12 iyul – Sputnik. Əfsanəvi hind aktyoru və Bollivud ulduzu Amitabx Baççan koronavirusa yoluxaraq xəstəxanaya yerləşdirilib.

Sputnik Azərbaycan-ın məlumatına görə, bu barədə aktyor özünün “Twitter”dəki səhifəsində yazıb.

"Mənim COVID-19-la bağlı testimin nəticəsi müsbət oldu. Məni xəstəxanaya apardılar, ailəm və işçilərim yoxlamadan keçdi, nəticələri gözləyirlər", - deyə aktyor yazıb.

​Aktyor həmçinin son 10 gündə onunla yaxın təmasda olanlardan koronavirus testindən keçmələrini xahiş edib.

Baççan Hindistanın bir çox filmlərdə çəkilmiş ən məşhur aktyorlarından biridir. O, ayrı-ayrı filmlərdə yaratdığı uğurlu obrazlara və rollara görə dəfələrlə yüksək mükafatlara layiq görülüb.

Amitabx Baççan oynadığı rollarla Azərbaycanda da məşhurdur və sevilir.

100
 Əldə manat, arxiv şəkli

Onları 1000 manatadək cərimə edəcəklər

5
(Yenilənib 21:30 11.07.2020)
İnzibati Xətalar Məcəlləsində dəyişiklik edilməsi haqqında qanuna edilən dəyişikliklər ciddi cərimələri nəzərdə tutur

BAKI, 11 iyul — Sputnik. Əlilliyi olan şəxslərin əmək hüquqlarını pozan işəgötürənlər 500 manatadək cərimələnəcək. Sputnik Azərbaycan-ın məlumatına görə, bu Prezident İlham Əliyev tərəfindən təsdiqlənən "Azərbaycan Respublikasının İnzibati Xətalar Məcəlləsində dəyişiklik edilməsi haqqında" qanunda əksini tapıb.

Qanuna əsasən, İnzibati Xətalar Məcəlləsinə əlilliyi olan şəxslərin hüquqları haqqında qanunvericiliyin pozulmasına dair yeni maddə (205-1) əlavə edilib.

Yeni maddəyə (205-1) əsasən, əlilliyi olan şəxslərin hüquqları haqqında qanunvericiliyin pozulmasına, yəni:

- əmək münasibətlərində əlillik əlamətinə görə hər hansı ayrı-seçkiliyə yol verilməsinə, habelə kollektiv və əmək müqavilələrində digər işçilərlə münasibətdə əlilliyi olan şəxslərin əmək hüquqlarının məhdudlaşdırılmasına;

- əlilliyi olan şəxsin səhhətinin peşə vəzifələrini yerinə yetirməsinə mane olduğu, yaxud başqa şəxslərin səhhəti və əmək təhlükəsizliyi üçün təhlükə törətdiyi hallar istisna olmaqla, onunla əlillik səbəbindən əmək müqaviləsini bağlamaqdan, işdə irəli çəkməkdən imtina edilməsinə, əmək müqaviləsinə xitam verilməsinə və öz razılığı olmadan başqa işə (peşəyə, vəzifəyə) keçirilməsinə;

- müəssisənin ləğv edilməsi halları istisna olmaqla, müddətindən asılı olmayaraq, reabilitasiya müəssisəsində və digər reabilitasiya subyektlərində müalicə keçən əlilliyi olan şəxslərlə bağlanılmış əmək müqaviləsinin işəgötürən tərəfindən ləğv edilməsinə;

- müəssisənin ləğv edilməsi halları istisna olmaqla, həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçi ilə əmək müqaviləsinin işəgötürən tərəfindən ləğv edilməsinə;

- əlilliyi olan şəxslərin tibbi, peşə-əmək, psixoloji-pedaqoji reabilitasiyası və sosial bacarıqların inkişafı məqsədilə tərtib olunmuş Fərdi Reabilitasiya Proqramının dövlət orqanları və dövlətə məxsus olan hüquqi şəxslər tərəfindən icrasının təmin edilməməsinə;

- işəgötürənlər həmin istehsalatda bədbəxt hadisələr nəticəsində əmək qabiliyyətini itirmiş və ya peşə xəstəliyinə tutulmuş və bunun nəticəsində əlilliyi müəyyən edilmiş işçilərin, onların arzusu ilə və "Əlilliyi olan şəxslərin hüquqları haqqında" Azərbaycan Respublikası Qanununun 11-ci maddəsinə uyğun olaraq təsdiq edilmiş Fərdi Reabilitasiya Proqramını nəzərə alaraq, işə düzəlməsi üçün iş yerləri ayırmamağa və ya yenilərini təşkil etməməyə görə üç yüz manatdan beş yüz manatadək məbləğdə cərimə tətbiq ediləcək.

İstehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə isə beş yüz manatdan min manatadək məbləğdə cərimə tətbiq olunacaq.

5
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0