Bakıda avtobusda tibbi maskada olaq sərnişin, arxiv şəkli

Koronavirus əleyhinə daha bir mübarizə metodu - deyin, "pendir..."

415
(Yenilənib 12:12 04.06.2020)
"Sürücünün işi avtobus sürməkdir. Onun diqqətini başqa səmtə yönəltmək olmaz. Nə də ki bizim o qədər polisimiz yoxdur ki, hər avtobusun salonuna birini təhkim edək".

Zülfiyyə Quluyeva, Sputnik Azərbaycan

BAKI, 4 iyun — Sputnik. Artıq üç gündür ki, koronavirus pandemiyası ilə əlaqədar tibbi maskadan istifadə etməməyə görə cərimələr müəyyənləşib. Tibbi maskanın istifadəsi məcburi olan yerlər siyahısında ictimai nəqliyyat da var. Qanunun tələbinə görə, tibbi maska mütləq şəkildə avtobusda taxılmalıdır. Sputnik Azərbaycan-ın apardığı müşahidələr zamanı aydın olub ki, ictimai nəqliyyat növü olan avtobuslarda qanunun bu tələbinə məhəl qoyan çox azdır. Sərnişinlərin bir qismi maska taxsa da, digər qismi avtobusda əyləşən kimi tibbi maskanı çıxardır. Yaranan suallardan biri də ictimai nəqliyyatda tibbi maskanın istifadəsinə nəzarətlə bağlıdır.

Sputnik Azərbaycan-a müsahibəsində nəqliyyat məsələləri üzrə ekspert Elməddin Muradlı deyib ki, qanunla bu məsələyə nəzarəti polis həyata keçirəcək. Nəzarətin mexanizmi incəliyinə qədər açıqlanmasa da, E.Muradlı deyir ki, bütün dayanacaqlarda polislər sərnişinlərin tibbi maska taxmasına nəzarəti həyata keçirəcəklər. O ki qaldı avtobusun salonunda tibbi maskanın çıxarılmasına, E.Muradlı deyir ki, buna nə polis nəzarət edə bilər, nə də sürücü: "Sürücünün işi avtobus sürməkdir. Onun diqqətini başqa səmtə yönəltmək olmaz. Nə də ki bizim o qədər polisimiz yoxdur ki, hər avtobusun salonuna birini təhkim edək. Deməli, sərnişinlər özləri bu məsələdə məsuliyyətli olmalıdırlar. Başa düşməlidirlər ki, tibbi maskanın ictimai nəqliyyatda istifadəsi onların virusdan qorunması üçündür. Dövlət bu qərarı boşuna verməyib. Məqsəd də insanları cərimələmək deyil".

Səhiyyə Nazirliyinin baş infeksionisti Cəlal İsayev də tibbi maskanın ictimai nəqliyyatda istifadəsinin düzgün qərar olduğunu söyləyir: "Tibbi maska taxmağa nəzarət mexanizmi hər kəsin öz sosial məsuliyyəti olmalıdır. Polis, şübhəsiz ki, buna nəzarət edəcək. Amma sərnişin avtobusda tibbi maskanı çıxardırsa, buna heç cür nəzarət etmək olmayacaq. Hər sərnişinin başına bir polis nəzarətçi qoymaq olmaz axı.

Sərnişin həm özünün, həm də ailəsinin və ətrafındakıların həyatını təhlükəyə atmamalıdır. Normal düşünən insan bunu etməz. Əgər edirsə, sərnişinlər özləri belə şəxslərin şəklini çəkib polisə məlumat verməlidirlər. Buna bir ictimai nəzarət olmalıdır. Hər kəs yanındakını məsuliyyətli olmağa sövq etməlidir. Çünki sərnişinin biri tibbi maska taxmırsa, digərinin həyatı üçün risk yaradır".

C.İsayev deyir ki, tibbi maskadan ictimai yerlərdə istifadə koronavirusa yoluxmanın qarşısını müəyyən qədər ala bilər.

Qeyd edək ki, aşağıda qeyd edilən yerlərdə maska mütləq taxılmalıdır:

- Şəhərlərarası (rayonlararası) və şəhərdaxili (rayondaxili) sərnişindaşımada istifadə olunan nəqliyyat vasitələri (avtobus, taksi, metro, dəmiryolu və s.)

- Bazarlar

- Qapalı ictimai iaşə, ticarət və xidmət obyektləri (həmin obyektlərdə göstərilən xidmət növündən asılı olaraq tənəffüs yollarını qoruyan fərdi vasitələrin çıxarılmasının zəruri olduğu hallar istisna olmaqla)

- Dövlət orqanlarının (qurumlarının) binalarında vətəndaşların qəbulu və vətəndaşlara xidmət üçün nəzərdə tutulan sahələr

- Fiziki və hüquqi şəxslərə məxsus binalarda müştərilərə xidmət göstərilməsi üçün istifadə edilən sahələr

- Açıq sahəli ofislər və istehsalat yerləri

- Tarix və mədəniyyət abidələri hesab edilən qapalı məkanlar

- İbadət yerləri

- Elm və səhiyyə müəssisələri

- Sosial, mədəniyyət və digər bu kimi qapalı obyektlər

- İctimai nəqliyyat dayanacaqları

- Bilet kassalarının, bankomatların (ATM) və ödəniş terminallarının, ticarət, iş və xidmət obyektlərinin qarşısında növbələr

- Həmçinin, insanların toplaşdığı və yaxın təmasda olduğu açıq havadakı ictimai yerlərdə onlar arasında sosial məsafənin qorunmasının mümkün olmadığı digər hallarda da tibbi maskadan istifadə olunmalıdır.

Milli Məclisin plenar iclasında İnzibati Xətalar Məcəlləsinə dəyişikliklər müzakirə edilib. Sputnik Azərbaycan-ın məlumatına görə, məcəlləyə edilən dəyişikliyə əsasən, karantin rejimləri dövründə tənəffüs yollarını qoruyan fərdi vasitələrdən istifadə ilə bağlı tələblərin pozulmasına görə cərimələr müəyyənləşib. Dəyişikliyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə fiziki şəxslər 50 manat məbləğində, vəzifəli şəxslər 100 manat, hüquqi şəxslər 200 manat məbləğində cərimə ediləcəklər. Bu xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən epidemiya əleyhinə, sanitariya-gigiyena və karantin rejimləri dövrü başa çatanadək təkrar törədilməsinə görə fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimələnəcəklər. Məcəlləyə dəyişiklik layihəsi birinci oxunuşda qəbul edilib.

415
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Əlaqədar
Bu rəqəmlər heyrət doğurur: koronavirusa görə də uşağa bu qədər pul verərlər?
Azərbaycanda karantin rejiminin yumşaldılması dayandırılır
Azərbaycanlılar karantində otura-otura Türkiyədə özlərinə mülklər alıblar
Koronavirusa qarşı "milli" mübarizə: kişi arvadını yaba ilə "sağaltmaq" istədi
Bu gün daha 325 nəfər koronavirusa yoluxub, 5 nəfər ölüb
Qarabağ - Legiya matçı

Türkiyə "Qarabağ"a qucaq açdı

23
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

23
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

13
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

13
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

0
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

0
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək