Ümumvətəndaş pasport və pul, arxiv şəkli

Azərbaycanda "COVID 19" pasportunun tətbiqi ilə bağlı müzakirələr aparılır

325
(Yenilənib 19:48 29.05.2020)
"Yaxın günlərdə bu barədə qərar veriləcək. Bundan sonra bu pasportu tətbiq edəcəyik" - Ramin Bayramlı

BAKI, 29 may — Sputnik. "İstər daxili, istərsə də beynəlxalq uçuşlarda Ümumdünya Səhiyyə Təşkilatının (ÜST), Beynəlxalq Hava Nəqliyyat Assosiasiyasının, Beynəlxalq Mülki Aviasiya Təşkilatının qaydaları əsas götürülüb".

Sputnik Azərbaycan bildirir ki, bunu Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı deyib.

Onun sözlərinə görə, Operativ Qərargah olaraq bu qaydaları tam analiz ediblər: “Bu qaydaları ölkəmizin reallıqları ilə müqayisə etmişik. Hava nəqliyyatında, eləcə də hava limanlarında şəraitin həmin standartlara çatdırılması üçün bütün işlər görülüb. Bununla əlaqədar olaraq Operativ Qərargah çərçivəsində xüsusi İşçi Qrup yaradılıb. Bütün uçuşlar müəyyən edilən xüsusi qaydalar tətbiq edilməklə həyata keçiriləcək. Beynəlxalq uçuşlarla bağlı isə 15 iyuna qədər sərhədlərin bağlı olmasına qərar verilib”.

R.Bayramlı deyib ki, beynəlxalq uçuşlar başladıqdan sonra, eyni zamanda daxili uçuşlarda da reyslərin sayı əvvəlki kimi olmayacaq:

“İstər daxili, istərsə də beynəlxalq uçuşlarda reyslərin sayında azalma ola bilər, bu məsələ də müzakirə olunur. Eyni zamanda təyyarələrdə sərnişinlərin sayı da məhdudlaşdırılacaq. Bu da təyyarə daxilində məsafənin qorunması, təyyarə ekipajının və sərnişinlərin təhlükəsizliyinin qorunması baxımından tətbiq olunan beynəlxalq təcrübədir. Beynəlxalq uçuşlarla bağlı dünya təcrübəsində səyahət zamanı Babil prinsipini həyata keçirən dövlətlər var. Bu dövlətlər öz aralarında qaydalar müəyyən edir və razılaşırlar. Ölkəmizdə də yaradılmış İşçi Qrup müvafiq dövlətlər və qurumlarla müzakirələr aparır.

Beynəlxalq praktikada tətbiq olunan təcrübələrdən biri də COVİD-19 pasportunun tətbiq olunmasıdır. Bu o deməkdir ki, səyahətdən öncəki son günlərdə koronavirus törədici olan virusa görə müayinə tətbiq olunur, neqativ nəticə və COVİD-19 pasportunda sağlamlıqla bağlı xüsusi arayış qeyd olunur. Yoluxmanın müayinədən sonra da baş verə biləcəyi ehtimalı da nəzərə alınaraq bu da müzakirə olunur. Yaxın günlərdə bu barədə qərar veriləcək. Bundan sonra bu pasportu tətbiq edəcəyik. Babil prinsipinə uyğun hansı qərarlar qəbul edilə bilər, bu barədə ictimaiyyətə açıqlama veriləcək".

325
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (434)
Əlaqədar
Dünya daha heç zaman əvvəlki kimi olmayacaq – Addımbaşı sorğu-sual gəlir
Səyahəti sevənlər üçün: əvvəl həkim, sonra viza, pul qalsa - bənövşəyi nişanı görmək
Təcriddən tezliklə çıxmaq üçün plan: Artıq sağlam olub-olmadığını pasportun deyəcək
Yaxın qonşumuz “immunitet pasportu” tətbiq edə bilər
Çilinin "immunitet pasportları" ÜST-ü narahat edir: virusun yayılmasına kömək edəcək
Kadir Doğulu və Neslihan Atagül

"Səfirin qızı" rolunun ifaçısı serialdan ayrılıb

2
(Yenilənib 06:58 26.01.2021)
Neslihan Atagülun son durumu "Instagram" izləyicilərini məyus edib və onlar aktrisaya şəfa diləyiblər.

BAKI, 26 yanvar — Sputnik. Səhhətində ciddi problemlər yarandığı üçün "Sefirin Kızı" serialından ayrılan Neslihan Atagül ilə bağlı yeni xəbər var.

Sputnik Azərbaycan xəbər verir ki, aktrisanın xəstəxanadan görüntüsü yayılıb. Onun bu halı "Instagram" izləyicilərini məyus edib və onlar aktrisaya şəfa diləyiblər. Aktrisa xəstəxanadan video çəkərək hazırda vəziyyətinin yaxşı olduğunu, müalicənin davam edəcəyini bildirib.

Məlumat üçün bildirək ki, gənc aktrisa bağırsaq sızması sindromundan əziyyət çəkir. Bu səbəbdən sürətlə arıqlayan Neslihan hətta çəkilişlərə son verib və "Sefirin kızı" serialından ayrılıb.

2

Xırdalanda partlamış evin dağıntıları altından qadın meyiti çıxarılıb

75
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

75