Pul qabı, arxiv şəkli

İndiki dövrün təsirini bir neçə ay sonra hiss edəcəyik: Bu gün isə anlaşılmaz qiymət var

60
(Yenilənib 16:55 26.05.2020)
Hazırkı dövrdə əslində qiymətlərdə azalma müşahidə edilməli idi, hazırda isə qiymət dəyişməsi müşahidə edilmir

İradə Cəlilova, Sputnik Azərbaycan

BAKI, 26 may — Sputnik. “Xüsusi karantin rejimindən sonra iqtisadi aktivliyin zəifləməsinə və alıcılıq qabiliyyətinin aşağı olmasına baxmayaraq, bu gün daşınmaz əmlak bazarında qiymət artımı müşahidə edilir”. Bu barədə Sputnik Azərbaycan-a "MBA Group" konsaltinq şirkətinin baş direktoru Nüsrət İbrahimov deyib.

O, bildirib ki, ilin əvvəlində bazarda qiymət artımı müşahidə edilmişdi. Hazırda olan artım da, yanvar-fevral və mart ayının əvvəlində olan inersiyanın nəticəsidir.

"Təkrar mənzil bazarında qiymət artımı 2 faizə qədər müşahidə edilib. İlkin mənzil bazarında qiymət artımı 2 faizdən çoxdur. Kommersiya obyektləri, torpaq sahələri bazarında da qiymət artımı var" deyən ekspert vurğulayıb ki, indiki dövr üçün nə qədər qəribə olsa da kirayə mənzil bazarında da bahalaşma müşahidə edilir.

Onun sözlərinə görə, həyət və bağ evlərinin kirayəsinə qiymət artımı 0,26 faiz, satışında 2,2 faiz artım müşahidə edilir: "Bütün proseslər inersiyanın nəticəsidir. Biz koronavirusun daşınmaz əmlak bazarına olan təsirini hələ bir neçə ay sonra hiss edəcəyik. Bu gün hələ hiss edilmir".

N. İbrahimov əlavə edib ki, hər il yay aylarında daşınmaz əmlak bazarında ucuzlaşma müşahidə edilsə də, bu gün bazar boş olduğu üçün qeyri-müəyyənlik var.

"Bazarda satış yoxdur. Bu səbəbdən də hamının beynində köhnə qiymətlər qalıb" – ekspert vurğulayıb.

Əmlak məsələləri üzrə ekspert Ramil Osmanlı isə Sputnik Azərbaycan-a açıqlamasında bildirib ki, əmlak bazarında müşahidə edilən əməliyyatların məhdudlaşması, dinamikanın azalması ilə müşahidə edilir.

"Bunun bir çox səbəbləri var. Düzdür bəzi dostlar səbəbləri texniki-inzibati məsələlərlə izah edirlər. Fikrimcə, burada inzibati qərarlarla yanaşı daha çox makroiqtisadi sabitliyin pozulması, yəni dünyada baş verən iqtisadi problemlər və bunun Azərbaycan bazarına təsiri ilə bağlıdır. Pandemiya dövründə ticarət əlaqələri məhdudlaşıb, Rusiya, Türkiyə və digər ölkələrdə yaşayan azərbaycanlıların istehlak məqsədilə ilə göndərdiyi pul axınları ciddi azalıb. Bu gün bu vəsaitlər Azərbaycan bazarı üçün çox önəmlidir. Eyni zamanda neft qiymətlərinin kəskin ucuzlaşması və aprel ayından başlayaraq Azərbaycan bazarlarına təsirləri, Azərbaycan manatı ilə bağlı risklərin və neqativ proqnozların olması makroiqtisadi baxımdan bütün istehlak bazarlarına mənfi təsir göstərdiyi kimi daşınmaz əmlak bazarına da öz mənfi təsirlərini göstərir”.

Ekspertin fikrincə, burada inzibati qərarların da müəyyən qədər təsiri var.

"Bəzi bazar iştirakçılarının fəaliyyətinin məhdudlaşdırılması, məsələn İpoteka və Kredit Zəmanət Fondunun, Əmanətlərin Sığortalanması Fondunun, faktiki olaraq, Əmlak Məsələləri Dövlət Komitəsinin fəaliyyətinin dayanması və digər proseslər daşınmaz əmlak bazarında bütün istiqamətlər üzrə azalmaya gətirib çıxarır" – deyən R. Osmanlı əlavə edib ki, qiymətlər bazarda dinamika olduğu zaman müəyyən edilə bilər.

R. Osmanlı əlavə edib ki, hazırkı dövrdə əslində qiymətlərdə azalma müşahidə edilməli idi, hazırda isə, qiymət dəyişməsi müşahidə edilmir.

60
Elnur Hüseynov, arxiv şəkli

"Eurovision" ulduzlarından Gəncə terroru barədə klip

16
(Yenilənib 20:03 28.10.2020)
"Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

BAKI, 28 oktyabr — Sputnik. "Eurovision" mahnı müsabiqəsinin ulduzları Elnur Hüseynov və Fidan Hüseynova Ermənistanın Gəncədə törətdiyi terror aktları barədə klip çəkiblər. Sputnik Azərbaycan xəbər verir ki, "Say Hallelujah" mahnısına çəkilmiş videoklip Fidan Hüseynovanın rəsmi "Youtube" kanalında təqdim edilib. Sənətçilər klip vasitəsi ilə həqiqəti bütün dünyaya çatdırmağa çalışıblar.

Müğənni kliplə bağlı danışarkən bunları deyib: "Oktyabrın 4, 11 və 17-də Azərbaycanın hərbi əməliyyatlar zonasından kənarda yerləşən, əhalisinin sayına görə ikinci ən böyük şəhəri olan Gəncəyə üç raket hücumu nəticəsində 26 nəfər həlak olub. Həlak olanlar arasında 10 qadın və 6 uşaq var. Daha 138 nəfər yaralanıb. İndi informasiya müharibəsi gedir və hər kəsin öz silahı var: bizim mahnımız ingilis dilində olduğu üçün istədim ki, yenidən o mahnıya qayıdaq və bütün həqiqəti dünyaya çatdıraq. Bu arzumu Fidanın atası Yaqub müəllimə bildirəndə o, mənim ideyamı ürəkdən dəstəklədi".

Rejissor Ülviyyə Könül bildirib ki, bu klipin ərsəyə gəlməsində məqsəd həqiqəti bəşəriyyətə çatdırmaqdır: "Mənim fikrimcə, bu klip çox güclü material yaratmağa kömək edib, çünki bu mövzuya laqeyd qalmaq mümkün deyil".

Layihə müəlliflərinin sözlərinə görə, bu gün dünya birliyi anlamalıdır ki, Ermənistanın terrorçu qoşunları Azərbaycan ərazisində vuruşur, lakin Qarabağın hüdudlarından uzaqlarda dinc əhaliyə qarşı vəhşiliklər törədirlər.

Mahnının sözləri Cəlal Qurbanovundır. Misraları ingilis dilinə tərcümə etmiş şairə Nigar Həsənzadə deyir:

"Bu mahnı doğma Azərbaycanımızın övladlarına, müharibə nəticəsində həyatlarını itirmiş günahsız qurbanlara görə bizim ümumi harayımız və fəryadımızdır. Bu mahnı dünya birliyini həqiqətin gözünün içinə baxmağa, öz ambisiyalarını müvəqqəti də olsa, unutmağa, mənfur erməni diasporunun təsirinə uymamağa və terrorçu ermənilərin bəşəriyyət əleyhinə törətdiyi dəhşətli cinayətlərə görə onları mühakimə etməyə çağırışdır".

16
Mövzu:
Azərbaycan və Ermənistan arasında müharibə
Şəhid general Polad Həşimovun portreti, arxiv şəkli

Türkiyədə general Həşimovun adına park salındı - VİDEO

27
(Yenilənib 20:31 28.10.2020)
Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər

BAKI, 28 oktyabr - Sputnik. Ermənistan silahlı qüvvələrinin Tovuz rayonu istiqamətindən ölkəmizə xain hücumları nəticəsində şəhid olan Azərbaycan Silahlı Qüvvələrinin generalı Polad Həşimovun əziz xatirəsi Türkiyədə əbədiləşdirilib.

Sputnik Azərbaycan-ın məlumatına görə, Bursanın Osmanqazi rayonunun Dəmirtaş bölgəsində Polad Həşimovun adı verilən yeni park salınıb.

Parkın açılış mərasimi Azərbaycan və Türkiyənin dövlət himnləri səsləndirilməsi ilə başlayıb. Sonra şəhidlərimizin əziz xatirəsi bir dəqiqəlik sükutla yad olunub, onların ruhuna dualar oxunub.

Osmanqazi bələdiyyəsinin sədri Mustafa Dündar və Azərbaycanın Türkiyədəki səfirliyinin müşaviri Ruslan Abdullayev mərasimdə çıxış ediblər.

27
Əlaqədar
Türkiyədə Polad Həşimovun xatirəsi əbədiləşdirilir
"Təhlükəsizlik baxımından bizim üçün Türkiyənin önəmi qiymətsizdir" – Azərbaycanlı general
"Yeni şəhidlərimiz olmasın" - Polad Həşimovun portretini yaradan rəssam - VİDEO
İranın xarici işlər nazirinin müavini Abbas Əraqçi, arxiv şəkli

Abbas Əraqçi: "İran Azərbaycan ərazilərinin işğal olunmasına müxalif olub"

0
(Yenilənib 21:51 28.10.2020)
İran XİN başçısının müavini: Son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm.

BAKI, 28 oktyabr - Sputnik. "Cənab Prezident, mənə vaxt ayırdığınıza görə çox təşəkkür edirəm. Hər şeydən əvvəl bu gün Bərdə şəhərinin raket hücumuna məruz qalması ilə əlaqədar həyatını itirmiş mülki insanlara, dinc insanların ölümünə səbəb olmuş bu hadisə ilə əlaqədar, orada şəhid olmuş insanlarla əlaqədar Sizə, Azərbaycan xalqına, Azərbaycan dövlətinə başsağlığı vermək istəyirəm".

Sputnik Azərbaycan xəbər verir ki, bu fikirləri İran İslam Respublikası Prezidentinin xüsusi nümayəndəsi, Xarici İşlər nazirinin müavini Seyid Abbas Əraqçi Azərbaycan Respublikasının Prezidenti İlham Əliyevlə görüşü zamanı deyib.

"Siz də yaxşı bilirsiniz ki, İran İslam Respublikası elə ilk günlərdən Azərbaycanın ərazilərinin işğal olunmasına müxalif olub və Azərbaycanın ərazi bütövlüyünü dəstəkləyib. Mən özümə borc bilirəm, son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm. Bu yolda öz canını fəda edən bütün şəhidlər qarşısında baş əyirəm. Cənab doktor Həsən Ruhaninin isti salamlarını Sizə çatdırıram" , - Seyid Abbas Əraqçi bildirib.

Prezident İlham Əliyev isə öz növbəsində İran İslam Respublikasının Prezidenti Həsən Ruhaninin salamlarına görə minnətdarlığını bildirib, onun da salamlarını İranın dövlət başçısına çatdırmağı xahiş edib.

0