İstirahət mərkəzlərinin birində, arxiv şəkli

Xaricə çıxış olmayacaq deyə, gözlər daxilə dikilib: Məhdudiyyət tələbatı artıracaq

53
(Yenilənib 13:55 26.05.2020)
“Bu il çox güman ki, xarici ölkələrdə sanatoriyalarda dincələnlər daxili sanatoriyalara üstünlük verəcək. Bu da təbii olaraq tələbatı artıracaq”

Zülfiyyə Quluyeva, Sputnik Azərbaycan

BAKI, 26 may — Sputnik. Rusiyada turizm sahəsi iyunun 1-dən mərhələli şəkildə karantindən çıxmağa başlaya bilər. Bu barədə “Rosturizm” məlumat yayıb.

Bildirilir ki, başqa ölkələrə səyahət etmək barədə danışmaq hələ tezdir. Əvvəlcə tibbi lisenziyası olan kurortlar işini bərpa edəcək. Daha sonra insanların ayrıca kotteclərdə yaşayacaqları və başqaları ilə az təmasda olduqları hotellər açılacaq. Rusiya Turizm Operatorları Birliyinin icraçı direktoru Maya Lomidze koronavirus epidemiyasından sonra istirahətin necə dəyişə biləcəyindən danışıb. Onun sözlərinə görə, vətəndaşlar sosial məsafəyə riayət etməyə borcludurlar. Hotellərin yerləşməsinə və bir otaqdakı sakinlərin sayına məhdudiyyətlər tətbiq edilə bilər. Təyyarələrdə sərnişinlər bir-birindən aralı yerləşdiriləcəklər. Maya Lomidze insanlardan koronavirusun olmaması haqqında arayış tələbinin məcburi olacağına şübhə edir. O hesab edir ki, belə bir sənəd bir neçə saat ərzində aktuallığını itirə bilər.

Qeyd edək ki, Azərbaycanda da son illər termal turizm inkişaf etməkdədir. Gələn aydan etibarən ölkəmizdə də turizm sektoru fəaliyyətini bərpa edə bilər. Bəs görəsən sağlamlıq turizmi koronovirus pandemiyası dövründə turist cəlb edə biləcəkmi?

Azərbaycan Sağlamlıq və Termal Turizmə Dəstək Assosiasiyasının prezidenti, turizm mütəxəssisi Ruslan Quliyev Sputnik Azərbaycan-a açıqlamasında bildirib ki, ölkəmizdə turizm sektorunun fəaliyyətə nə vaxtdan başlayacağı hökumətin verəcəyi qərardan asılı olacaq: “Mən hesab edirəm ki, bizdə də turizm sektorunda fəaliyyət iyunun 15-dən sonra hisə-hissə bərpa oluna bilər. Sağlamlıq müəssisələrinin açılma ehtimalı isə daha çoxdur. Çünki qlobal sağlamlıq həyat tərzi olmalıdır. İnsanlar ilin tək bir ayında yox, il 12 ay bu və digər formada öz sağlamlığını düşünməlidir. İnkişaf etmiş ölkələrdə də bu belədir. Azərbaycanda sağlamlıq turizm mərkəzlərinin ambulator müalicə üçün Səhiyyə  Nazirliyindən lisenziyaları var. Onların bəziləri çekup edirlər. Tibbi kabinetləri də var. Ona görə də, sağlamlıq turizminin fəaliyyətinə məhdudiyyət olmayacaq”.

R. Quliyev deyir ki, Azərbaycanda termal turizmin əsas simalarından olan Naftalan sanatoriyası həm daxildən, həmçinin də xaricdən hər il xeyli sayda turist qəbul edir: “Bu sanatoriyada müalicə vannalarında koronavirusa yoluxma təhlükəsi ola bilməz. Çünki Naftalan neftinin antiseptik xüsusiyyəti var. Müəyyən müddətdə tankerdə qaldıqdan sonra onda hansısa bir bakteriya, virus qala bilməz. Ona görə də, 60 saat doluluq təmin olunmaqla termal turizmdə yerləşmə yerləri fəaliyyətə başlaya bilər”.

R. Quliyevin sözlərinə görə, bu mövsüm Azərbaycanda sağlamlıq turizminə tələbat əhəmiyyətli dərəcədə artacaq: “Bu il çox güman ki, xarici ölkələrdə sanatoriyalarda dincələnlər daxili sanatoriyalara üstünlük verəcək. Bu da təbii olaraq tələbatı artıracaq”.

R. Quliyev bu səbəbdən də Azərbaycanda termal turizmin daha da inkişaf etdirilməsi istiqamətində görülən işlərin sürətləndirilməli olduğunu söyləyir. O. bildirir ki, Azərbaycanın termal turizm imkanları böyükdür.

53
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

24
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

24
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

48
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

48
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN