Nigar Arpadarai

Nigar Arpadarai: Sputnik ölkəmizdə baş verən bütün mühüm hadisələri obyektiv işıqlandırır

49
Zahid Oruc: Agentlik bu müddətdə Azərbaycanın milli maraqlarının, mədəniyyətinin, tarixinin, ənənələrinin qorunmasında, təbliğ olunmasında son dərəcə prinsipial mövqe tutub, xarici informasiya məkanında mühüm istinad ünvanına çevrilib

BAKI, 25 may — Sputnik. Sputnik Azərbaycan İnformasiya Agentliyi fəaliyyət göstərdiyi beş il müddətində böyük inkişaf yolu keçib, uğurlar qazanıb, adını birinci sıralara yazmağı bacarıb. Agentlik bu müddətdə Azərbaycanın milli maraqlarının, mədəniyyətinin, tarixinin, ənənələrinin qorunmasında, təbliğ olunmasında son dərəcə prinsipial mövqe tutub, xarici informasiya məkanında mühüm istinad ünvanına çevrilib.

Bu sözləri Sosial Tədqiqatlar Mərkəzinin idarə heyətinin sədri, millət vəkili Zahid Oruc Sputnik Azərbaycan-ın 5 illik yubileyi münasibətilə kollektivi təbrik edərkən deyib. O qeyd edib ki, agentlik öz standartlarını, prinsiplərini fərqli şəkildə müəyyən etdiyi üçün media məktəbinə çevrilib.

"Media qurumu peşəkar səviyyəyə önəm verib, doğru xəbər, araşdırmalar, yaradıcı təfəkkür məhsulları ilə ictimai diqqəti özünə cəlb etməyi bacarır. Sosial Tədqiatalar Mərkəzi həmişə media ilə əməkdaşlığa üstünlük verir, ictimai rəyin formalaşmasında onun rolunu yüksək qiymətləndirir və bu konteksdə sizinlə əməkdaşlıq bizi məmnun edir. STM-in bütün yaradıcı heyəti adından 5 yaşınızı səmimiyyətlə təbrik edir, gələcək fəaliyyətinizdə kollektivinizə uğurlar arzu edirik", - Zahid Oruc təbrik məktubunda qeyd edib.

Millət vəkili Nigar Arpadarai də Sputnik Azərbaycan-a təbrik məktubu ünvanlayıb. O, ölkədə baş verən bütün mühüm hadisələri obyektiv, vaxtlı-vaxtında və dəqiqliklə işıqlandırdığı üçün Sputnik Azərbaycan-ın kollektivinə minnətdarlığını bildirib.

"Azərbaycanın elektron media və informasiya sahəsində özünəməxsus yer tutmuş Sputnik Azərbaycan-ın bütün əməkdaşlarını fəaliyyətlərinin beşinci ildönümü münasibətilə təbrik edir, onlara gələcəkdə uğurlar və yeni-yeni nailiyyətlər arzu edirəm. Rəqəmli texnologiyalar dövründə informasiyanın dolğunluğu, qərəzsiz və əsaslı olması vacib amillərdəndir. Sevindirici haldır ki, qısa bir zamanda professional kadrlar və fəaliyyətlərinə məsuliyyətli yanaşma sayəsində ciddi auditoriya qazanmış Sputnik Azərbaycan daim inkişafdadır və ölkədə baş verən bütün mühüm hadisələri obyektiv, vaxtlı-vaxtında və dəqiqliklə işıqlandırır. Sizi fəaliyyətinizin 5 illiyi münasibətilə təbrik edirəm", - deyə Arpadarai bildirib.

Millət vəkili Naqif Həmzəyev də təbriklərə qoşulub: "Sputnik Azərbaycan çox məhsuldar bir yol keçərək Azərbaycan informasiya məkanında ciddi xəbər portalı imici yaratmağı bacarıb. İnformasiyaların rəngarəngliyi, günün nəbzini tutan aktual mövzuları, hadisələrə fərqli yaşama tərzi Sputnik-i bu beş illik fəaliyyəti ərzində geniş oxucu auditoriyasının inandığı, etibar etdiyi portala çevrilib. Hadisələrə oybektiv, qərəzsiz prizmadan yanaşmaq, informasiyanın məsuliyyətini dərk etmək kimi keyfiyyətlər saytın hörmətini daha da atrırıb. Agentliyi yaranması münasibəti ilə təbrik edir, kollektivə yeni yaradıcılıq uğurları arzu edirəm. İnanıram ki, portal 50 illiyində də operativ və dəqiq informasiyaları, töhfələri ilə Azərbaycan mətbuatı tarixində öz çəkisini qoruyub saxlamağı bacaracaq".

49
Bakubus avtobusu, arxiv şəkli

Pik saatlarda paytaxta ehtiyat avtobuslar cəlb olunub

7
(Yenilənib 18:19 20.10.2020)
Axşam pik saatlarda sərnişin tələbatının qarşılanması üçün şəhərin müxtəlif ərazilərinə ümumilikdə 100 ədədə yaxın ehtiyat avtobuslar cəlb olunub.

BAKI, 20 oktyabr — Sputnik. Axşam pik saatlarında sərnişin tələbatının qarşılanması üçün şəhərin müxtəlif ərazilərində ehtiyat avtobuslar cəlb olunub. Bu barədə Sputnik Azərbaycan-a  Bakı Nəqliyyat Agentliyinin mətbuat katibi Mais Ağayev məlumat verib:

"Zərurət olduqca daşımalara əlavə avtobuslar cəlb olunacaq. Ümumilikdə 100 ədədə yaxın ehtiyat avtobus cəlb olunub. Avtobuslarla daşımaların əhəmiyyətini nəzərə alaraq Mərkəzləşdirilmiş Vahid Dispetçer Mərkəzi ərazidə çalışan mobil qruplarla birgə çalışır.

Lakin bir daha qeyd edirik ki, avtobusların vaxtında təyinat yerinə çatması üçün onların maneəsiz hərəkəti olduqca zəruridir. Bunu nəzərə alaraq fərdi avtomobil sürücülərindən avtobusların hərəkət üstünlüyünə anlayışla yanaşmalarını xahiş edirik".

7
Cəbhəyanı bölgədə məktəb, arxiv şəkli

Cəbhəyanı bölgələrin təhsilsiz qalan uşaqları - Onların bir əlində kitab, digərində ...

19
(Yenilənib 16:48 20.10.2020)
"Müəllimimiz deyib ki, məktəb bağlansa da, biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə"

Zülfiyyə Quluyeva, Sputnik Azərbaycan

BAKI, 20 oktyabr — Sputnik. Bir əlində dərs kitabı, digərində oyuncaq tapançalar... Müharibə dövrünün uşaqları olduqları o məsum çöhrələrindəki kədərdən hiss olunur. Gözlərini atəş səsi ilə açdıqlarından onların oynadıqları oyunlar da elə müharibəni xatırladır. Biz həyətə çatanda balaca qəhrəmanlarımız dava-dava oynayırdılar. Halbuki, bu saatda onlar da digər həmyaşıdları kimi əllərində çanta məktəbdən qayıtmalı idilər.

Təhsil Nazirliyinin məlumatına görə, cəbhə bölgəsində yerləşən 468 məktəbdə hərbi əməliyyatlar səbəbindən dərslər dayandırılıb. Həmin məktəblər arasında Ağdam rayonu Üçoğlan kənd orta məktəbi də var. Sputnik Azərbaycan cəbhəyanı ərazidə yerləşən Üçoğlan kənd orta məktəbinin hərbi vəziyyətlə əlaqədar dərsləri dayandırılmış şagirdləri ilə görüşüb, onların dərslərini hansı formada davam etdirməsi ilə maraqlanıb.

Üçoğlan kənd orta məktəbinin ikinci sinif şagirdləri ElşadRəhim Sadıqzadə qardaşdırlar. Onlar yeni tədris ilinin başlanmasını səbirsizliklə gözləsələr də, Ermənistanın dinc əhalini, təhsil müəssisələrini hədəf alması səbəbindən dərsə gedə bilmirlər. Elşad Sadıqzadə deyir ki, həm müəllimləri, həmçinin də sinif yoldaşları üçün çox darıxıb: "Ermənilər kəndimizə raket atırlar. Ona görə də bizim məktəbimizi bağlayıblar. Amma mən çox istəyərdim ki, məktəb açılsın. Çünki sinif yoldaşlarım üçün darıxmışam".

Cəbhədə vəziyyət gərginləşəndən Sadıqovlar ailəsi uşaqları təhlükəsiz yerə apardıqlarından onların müəllimləri və sinif yoldaşları ilə əlaqəsi kəsilib. Elşad və Rəhimin anası Aysel Sadıqova deyir ki, Ermənistan silahlı qüvvələri dinc sakinləri, təhsil müəssisələrini hədəfə aldığından uşaqlar tədrisdən tamamilə kənar qalıblar:

"Nə müəllimlərlə əlaqəmiz var, nə də ki valideynlərlə. Məktəblər bağlanandan öz uşaqlarımıza özümüz müəllimlik edirik. Bizim sığındığımız yerdə nə internet var, nə də ki televizor. Ona görə də uşaqlar teledərsləri də izləyə bilmirlər. Naəlac qalıb dərsi uşaqlara özüm başa salıram. Uşaqlara məktəbin bağlanması çox pis təsir edib. Hər gün məndən dərsə nə vaxt gedəcəklərini soruşurlar. Başa salıram ki, Ermənistan uşaq-böyük bilmir. Sizin həyatınız üçün təhlükə olduğundan məktəb bağlanıb".

Balaca Rəhim isə Ermənistanın atdığı nə mərmilərdən qorxur, nə də ki raketlərdən. Deyir ki, atamın yanına, öz kəndimizə getmək istəyirəm. Oyuncaq tapançasını isə bir saniyə də kənara qoymur. Hətta dərs oxuyanda da oyuncaq tapançası yanında olur Rəhimin: "Bu tapançaları atam alıb bizə. Əgər ermənilər bizə atsalar, biz də onları qorxudacağıq..."

Balacalarla söhbət zamanı öyrənirik ki, məktəblər bağlansa da, dərslərinə bir gün də ara verməyiblər. Rəhim sinfin əlaçısı olduğundan dərslərinə daha məsuliyyətli yanaşır. Onun sözlərinə görə, müəlliminə yaxşı oxuyacağına dair söz verib: "Müəllimimiz deyib ki, məktəb bağlansa da biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə".

Elşad da müəllimin tapşırıqlarına əməl etdiyini söyləyir: "Müəllim deyib ki, hər gün ən azı iki səhifə oxumalıyıq ki, üzündən oxumağı unutmayaq. Mən həm çalışmalarımı həll edirəm, həm də dərslərimi oxuyuram".

Amma Elşadla Rəhim məktəbdə daha həvəslə oxuduqlarını da gizlətmirlər. Deyirlər ki, məktəbdə müəllim onlara ulduz verdiyindən oxumağa daha da həvəsli olurlar. Onların ən böyük arzusu da dərslərinə məktəbdə davam etməkdir. Çox təəssüf ki, işğalçı Ermənistan silahlı qüvvələrinin Azərbaycana qarşı təxribatlarının davam etməsi Elşadla Rəhim kimi yüzlərlə cəbhəyanı bölgədə təhsil alan şagirdləri məktəbdən uzaq salıb. Ordumuzun qarşısında aciz qalan Ermənistan mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz var, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Nəticədə cəbhə bölgəsində yerləşən təhsil müəssisələrində dərs cədvəli dəyişdirilib.

19
Əlaqədar
İlham Əliyev: "Mənim əsas vəzifəm torpaqları qaytarmaqdır. Və biz bunu edirik"
Atılan mərmilər Ağcabədi sakinini evsiz qoydu - video
Azərbaycanda təhsil okeanda təkbaşına üzən gəmi ilə müqayisə edildi
Bir gözümüz gülür, bir gözümüz ağlayır - Füzulili deputat
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"

Gəncə istiqamətində Ermənistanın PUA-sı məhv edildi

0
(Yenilənib 19:23 20.10.2020)
Oktyabrın 20-də axşam saatlarında Gəncə istiqamətində Ermənistan silahlı qüvvələrinə məxsus PUA Hava Hücumundan Müdafiə bölmələrimiz tərəfindən məhv edilib.

BAKI, 20 oktyabr - Sputnik. Gəncə istiqamətində Ermənistanın PUA-sı məhv edilib.

Müdafiə Nazirliyindən Sputnik Azərbaycan-a verilən məlumata görə, oktyabrın 20-də axşam saatlarında Gəncə istiqamətində Ermənistan silahlı qüvvələrinə məxsus PUA Hava Hücumundan Müdafiə bölmələrimiz tərəfindən vurulub.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

0
Əlaqədar
MN: Ermənistana məxsus taktiki PUA Tovuz üzərində məhv edildi
Qarşı tərəfə məxsus daha bir PUA məhv edilib
Dünya azərbaycanlıları Gəncə terroru barədə dünyaya car çəkib
Türk ulduzları Gəncə terroruna səssiz qalmayıblar
Gəncə terrorunda gözlərini itirən Pərvin - "O, bir daha balalarını görə bilməyəcək"