Novxanı çimərliyində vəziyyət

Salam, dəniz. Ötən il sağollaşdığımız kimisən: çirkli, hirsli...

165
(Yenilənib 22:22 25.05.2020)
Mayın son günləri isti nəfəsi ilə Bakını qarsdıqca "az qalıb, bir azdan dənizdə sərinləyərik" fikrilə təsəlli tapanlara bəd xəbərimiz var. Düzdür, çimərliklər onsuz da açılacaq. Ancaq "əmma"ları heç ürəkaçan deyil

İradə Cəlilova, Sputnik Azərbaycan

BAKI, 25 may — Sputnik. Çimərliklərdən istifadə ilə bağlı qaydalar hazırlanır. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın keçirdiyi brifinqində Bakı Şəhər İcra Hakimiyyətinin (BŞİH) başçısı Eldar Əzizov bildirib.

Onun sözlərinə görə, qaydalara əsasən, insanlar evdən çıxmadan gedəcəkləri çimərliyi seçə biləcəklər.

Belə ki, böyük çimərliklərdə administrasiyalar yaradılacaq. Rayon icra hakimiyyətinin rəsmiləri buna nəzarət edəcəklər. Sıxlıq yaranacağı təqdirdə isə elektron sistemdən istifadə etmək nəzərə tutulub.

© Sputnik / Irade JELIL
Novxanıda istirahət mərkəzlərinin birində

Qeyd edək ki, hər il iyun ayının 1-də dəniz mövsümü açıq elan edilir, çimərliklər fəaliyyətə başlayır.

Sputnik Azərbaycan bir neçə ənənəvi çimərlik məkanlarında olub. Bir çox istirahət mərkəzlərinin rəhbərləri çimərlik mövsümünə hələ hazır olmadıqlarını dilə gətiriblər.

© Sputnik / Irade JELIL
Novxanı çimərliyində vəziyyət

Karantin dönəmində bütün işlərin dayandığını vurğulayan məkan sahibləri yenidən işlərini bərpa edə bilmək üçün uzun bir müddətin lazım olduğunu deyiblər.

İstirahət mərkəzlərindən birinin icraçı direktoru Sami Əsədov bildirib ki, mərkəzin ancaq kafe-restoran hissəsi bərpa edilib. Ancaq təəssüf ki, hələ müştəri yoxdur: "Çimərliyə gəldikdə isə, düzü, bu barədə hələ düşünə bilmirəm. Başa düşürəm, vaxt az qalıb. Amma gərək xüsusi qaydalar olsun ki, biz işə başlaya bilək. Bir də görərsən, işimizi yarım saxlayarlar. Buna görə də artıq xərc çəkməyi düşünmürük. Düzü, işə başlamağa həvəsimiz də yoxdur. Veriləcək qərarı gözləyirik".

© Sputnik / Irade JELIL
Novxanıda istirahət mərkəzlərinin birində

Özəl çimərlik sahibləri də veriləcək qərarı gözləyirlər.

Belə ki, özəl istirahət mərkəzinin rəhbəri vurğulayıb ki, bütün işlər görülüb və qərar gözlənilir: "Hər il olduğu kimi təmizləmə işləri görülüb. Sahil zolağı və digər vasitələr qaydasına salınıb. Amma fəaliyyətimizlə bağlı hələ qərar verilməyib. Qərar verildikdən sonra işə başlayacağıq".

© Sputnik / Irade JELIL
Novxanı çimərliyində vəziyyət

O həmçinin əlavə edib ki, hazırda kafe və restoranlar fəaliyyətə başlasa da, müraciət edən vətəndaşlar azdır.

Həqiqətən də Buzovna, Şıx, Novxanı ərazilərində xalq çimərliklərində vəziyyət acınacaqlı olsa da, mövsümün açılmasına bir neçə gün qalmasına baxmayaraq heç bir iş görülmür. Çimərlik çətirləri qırılıb, oturacaqlar sıradan çıxıb. Sahil zolaqları məişət tullantıları ilə çirkləndirilib.

© Sputnik / Irade JELIL
Novxanıda istirahət mərkəzlərinin birində

Xatırladaq ki, bir müddət əvvəl Xəzər Kompleks Ekoloji Monitorinq İdarəsi Xəzər sahili ərazilərdə növbəti monitorinq keçirib. Binəqədi, Zığ, Kürdəxanı, Sabunçu, Xəzər rayonlarının və Sumqayıt şəhərinin Xəzər sahili ərazilərinə baxış keçirilib, dəniz suyundan nümunələr götürülüb, mikrobioloji təhlillər aparılıb. Kürdəxanı və Zığ qəsəbəsindəki axarlardan götürülmüş su nümunələrinin təhlili bu ərazilərdə çirklənmə səviyyəsinin normadan artıq olduğunu göstərib.

Ümumilikdə aparılan monitorinqlərin nəticəsindən məlum olub ki, bəzi ərazilərdə dəniz suyunun çirklənmə səviyyəsində cüzi azalma müşahidə edilib ki, bu da karantin dövründə ictimai-iaşə obyektlərinin işləməməsi ilə əlaqədardır.

165
Əlaqədar
Biz sağlamlığımızı havadan qoruyuruq, təhlükə isə dənizdən gəlir
Dənizin Bakıya gücü çatmır
Dəniz "Sumqayıt"a problem yaradıb - nazirlik təcili tədbir görür
Bəzi yerlərdə dəniz suyunda çirklənmə göstəriciləri normadan yüksəkdir
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

24
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

24
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

48
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

48
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN