Azərbaycan Mətbuat Şurasının sədri Əflatun Amaşov, arxiv şəkli

Əflatun Amaşov: Sputnik Azərbaycan-ın qısa vaxtda qazandığı status heyrət doğurmaya bilməz

42
(Yenilənib 13:07 25.05.2020)
Mətbuat Şurasınını sədri deyib ki, "Sputnik Azərbaycan" Beynəlxalq İnformasiya Agentliyi peşəkar insanların media dəyərlərini yüksək şəkildə qoruyaraq faydalı ictimai missiya yerinə yetirdikləri mərkəzdir.

BAKI, 25 may — Sputnik. "Sputnik Azərbaycan" Beynəlxalq İnformasiya Agentliyi beş ildir ki, fəaliyyətdədir. Ancaq adama elə gəlir ki, bu müddət beş il yox, daha artıqdır.

Bu sözləri Azərbaycan Mətbuat Şurasının sədri Əflatun Amaşov Sputnik Azərbaycan-ın beş illik fəaliyyətinə qiymət verərkən deyib. Onun fikrincə, belə təəssüratın yaranması sıradan məsələ deyil və bu, onu göstərir ki, ötən beş ildə "Sputnik" özünü oturuşmuş media orqanı kimi təsdiqləyə bilib.

"Nəzərə alsaq ki, cəmiyyət tərəfindən qəbuledilmə fədakar əməyin, gərgin zəhmətin nəticəsidir, Sputnik Azərbaycan-ın qısa zamanda qazandığı status heyrət doğurmaya bilməz. "Sputnik Azərbaycan" Agentliyi peşəkar insanların media dəyərlərini yüksək şəkildə qoruyaraq faydalı ictimai missiya yerinə yetirdikləri mərkəzdir. Hadisə və proseslərə yanaşma, üslub və dəst-xətt, dil keyfiyyətlərinin qorunması baxımından ön sıralarda qərarlaşan agentliyin daha böyük uğurları irəlidədir. Qətiyyətlə bildirmək mümkündür ki, bunu söyləmək üçün zəruri əsaslar ötən beş ildə formalaşıb", - deyə Amaşov bildirib.

O, Sputnik Azərbaycan-ın rəhbərliyini və əməksevər kollektivinin hər bir üzvünü fəaliyyətlərinin beş illiyi münasibətilə təbrik edib, jurnalistikamız, cəmiyyətimiz naminə tutduqları yolda müvəffəqiyyətlər arzulayıb:

"Arzu edirəm ki, 5 yaşın verdiyi sevinc və qürur hissi onları heç zaman tərk etməsin. Həyatlarını daim gördükləri işdən zövq alaraq yaşasınlar. Uca Tanrı yar və yardımçınız olsun, əziz və dəyərli "Sputnik"çilər!"

42
Bakıda maska taxmış şəxs

DİN koronavirusla bağlı əhaliyə müraciət etdi

0
"Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq".

BAKI, 27 oktyabr — Sputnik. Daxili İşlər Nazirliyi (DİN) koronavirus pandemtyası ilə bağlı əhaliyə müraciət edib.

Sputnik Azərbaycan həmin müraciəti təqdim edir:

"Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik".

0
Bakıda yağışlı hava

Sabah yağışlı dumanlı hava gözlənilir

3
Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir

BAKI, 27 oktyabr — Sputnik. Oktyabrın 28-də gözlənilən hava şəraiti ilə bağlı proqnoz açıqlanıb. Azərbaycan Ekologiya və Təbii Sərvətlər Nazirliyinin Milli Hidrometeorologiya Xidmətinin Sputnik Azərbaycan-a verdiyi məlumata görə, oktyabrın 28-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-21, Bakıda gecə 13-15, gündüz 19-21 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət gecə 70-80, gündüz 45-50 faiz təşkil edəcək.

Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir. Mülayim şərq küləyi əsəcək.

Havanın temperaturu gecə 9-14, gündüz 19-24, dağlarda gecə 5-9, gündüz 11-16 dərəcə isti olacaq.

Tibbi-meteoroloji proqnoza gəlincə, oktyabrın 28-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün nisbətən əlverişlidir.

3
(2:07 / 16.42Mb / просмотров видео: 1)

Bir ay cəbhədə: Bakılılar əsgərlərimizə arzulamaq istədilər video

0
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Mövzu:
Azərbaycan və Ermənistan arasında müharibə