Hidrometeoroloji Proqnozlar Bürosunda iş prosesi

Biz onların havasına "oynamağa" məcburuq: indi lap düz deyirlər

370
(Yenilənib 00:08 23.05.2020)
Yaxın zamanlara qədər buludlar üzərində müşahidələr ötən əsrin 70-ci illərinin istehsalı olan, mənəvi və texniki cəhətdən köhnəlmiş meteoroloji radiolokatorlar vasitəsi ilə həyata keçirilirdi

İradə Cəlilova, Sputnik Azərbaycan

BAKI, 23 may — Sputnik. Mayın 23-də ekoloqlar günüdür. Sputnik Azərbaycan ekoloqların peşə bayramı ilə bağlı Hidrometeoroloji Proqnozlar Bürosunun işi ilə tanış olub.

Qeyd edək ki, dövlət investisiyası hesabına bu il Azərbaycanda 2 radar sistemi Şamaxı və Göygöldə quraşdırılıb (bu radarların quraşdırılması relyefin mürəkkəbliyi və əlverişsiz hava şəraiti ilə əlaqədar bir çox çətinliklərlə müşayiət olunurdu). 2030-cu ilədək daha 3 müasir radar sisteminin ölkəmizdə quraşdırılması nəzərdə tutulur ki, bu da bütün ölkə ərazisində təhlükəli hava hadisələri ilə bağlı erkən xəbərdarlıq sisteminin əsas həlqəsini təşkil edən radiometeoroloji müşahidələrin aparılmasını tam əhatə edəcək.

Yaxın zamanlara qədər buludlar üzərində müşahidələr ötən əsrin 70-ci illərinin istehsalı olan, mənəvi və texniki cəhətdən köhnəlmiş meteoroloji radiolokatorlar vasitəsi ilə həyata keçirilirdi.

© Sputnik / Irade JELIL
Hidrometeoroloji Proqnozlar Bürosunda iş prosesi

Bu gün bütün dünyada hidrometeoroloji xidmətin əhəmiyyətini və vacibliyini daha çox anlamağa başlayıblar. Bəlkə də görülən işlərin nəticəsidir ki, son zamanlar verilən proqnozların özünü doğrultma faizi artıb. Büronun direktoru Gülşad Məmmədova Sputnik Azərbaycan-a açıqlamasında bildirib ki, bu, hazırda 92-96 faiz təşkil edir.

Proqnozların tərtibatında bir nəfərin deyil, böyük bir kollektivin əməyi var. Proqnozlar Bürosu Ekologiya və Təbii Sərvətlər Nazirliyinin operativ bölməsidir. Burada növbəli iş rejimi gedir: "Gecə və gündüz növbələrində 8 dəfə üç saatdan bir məlumatlar alınır. 70-ə yaxın avtomatlaşdırılmış meteostansiya fəaliyyətdədir. Burada məlumatlar 10 dəqiqədən bir yenilənir. Proqnozların tərtibatında bir neçə texnologiyadan istifadə olunur. 2004-cü ildə Proqnoz və xəbərdarlıqların keyfiyyətinin artırılması məqsədilə "TÜRKMETCAP" proqramı tətbiq edilib. VSAT-Peyk Məlumat Mübadiləsi Sistemi, 2009-cu ildə EYMETSAT peyk sistemi quraşdırılıb.

© Sputnik / Irade JELIL
Buklet

Proqnozlar gündəlik tərtib olunaraq əlaqədar təşkilatlara çatdırılır. G.Məmmədova vurğulayıb ki, Azərbaycan Respublikasının 7 ilqim bölgəsi üzrə və Xəzər dənizinin 6 akvatoriyası üzrə, sutkalıq, iki sutkalıq, həftəlik, on günlük proqnozlar və aylıq icmal hazırlanır.

"Hava şəraitində hər-hansı bir dəyişiklik olarsa, biz bu barədə 2-3 gün öncədən xəbərdarlıq hazırlayırıq.

© Sputnik / Irade JELIL
Hidrometeoroloji Proqnozlar Bürosunda iş prosesi

Qeyd etdiyimiz kimi, Xəzər dənizi akvatoriyasında da proqnozlar hazırlanır. Məsələn, güclü külək olacağı barədə məlumatlar formalaşdırılır və aidiyyatı qurumlara göndərilir", - deyə o bildirib.

Həmsöhbətimiz əlavə edib ki, respublika üzrə elə bir sahə yoxdur ki, orada proqnozlardan istifadə edilməsin. Xəbərdarlıqların vaxtında lazımi təşkilatlara verilməsi baş verə biləcək hər-hansı bir təhlükənin qarşısının alınmasında mühüm rol oynayır: "Kənd Təsərrüfatı sahəsində, Xəzər dənizi akvatoriyasında, hava nəqliyyatında və ümumiyyətlə bir çox sahələrdə hava şəraiti mühüm rol oynayır. Bu, məsuliyyətli və maraqlı bir işdir. Bu, böyük bir kollektivin işidir".

© Sputnik / Irade JELIL
Hidrometeoroloji Proqnozlar Bürosunda iş prosesi

G.Məmmədova qeyd edib ki, həftənin 5 günü gündəlik hidrometeoroloji bülleten hazırlanır. Burada sutkalıq və iki sutkalıq, ötən sutka ərzində müşahidə olunan hava şəraiti, çaylardakı vəziyyət, Xəzər dənizi üzərində gözlənilən proqnoz və s. yer alır.

Direktor əlavə edib ki, gənc nəslin bu sahəyə güclü marağı və böyük axını var: "Bizdə kurslar, treninqlər təşkil edilir. Tələbələr, məktəb uşaqları belə bu sahəyə çox maraq göstərirlər. Onlara maraqlıdır ki, hava proqnozu necə təyin edilir. Ümumiyyətlə, hava proqnozu tərtib edilərkən qonşu ölkələrdəki hava şəraiti də bizim diqqətimizdə olur. Çünki oradakı hava şəraitinin bizə necə təsir göstərəcəyi də maraqlıdır".

© Sputnik / Irade JELIL
Hidrometeoroloji Proqnozlar Bürosunda iş prosesi

Onun sözlərinə görə, proqnozlar hazırlanarkən bəzi kriteriyalar nəzərə alınır. Küləyin gücündən asılı olaraq xəbərdarlıqlar təhlükəli, ifrat təhlükəli ola bilər: "Xəzər dənizində çalışan neftçilərimiz var. Onlar hava şəraitinin kəskin olduğu barədə məlumatlı olmalıdırlar. Biz güclü külək barədə əhaliyə xəbərdarlıq edirik ki, bədbəxt hadisələrdən özlərini qoruya bilsinlər. Biz belə məlumatları verməklə mümkün olan təhlükələrin qarşısını almış oluruq".

Xatırladaq ki, bu günə qədər neftçilərin əməyini və gəmilərin hərəkətinin hidrometeoroloji təhlükəsizliyini təmin edən, ən müasir avadanlıqlarla təchiz edilmiş 4 dəniz hidrometeoroloji stansiyası avtomatlaşdırılıb. Yaxın gələcəkdə Xəzər üçün regional xüsusiyyətləri nəzərə alan lokal proqnozlaşdırma modelinin tətbiq edilməsi planlaşdırılır ki, bunun nəticəsində də bizim insanları dalğaların hündürlüyü və küləyin sürəti barədə daha dəqiq tərtib edilmiş 7 günlük proqnozlarla təmin etmək mümkün olacaq.

370
Əlaqədar
Bakı da Venesiyaya dönür? - VİDEO
Bu gözəlin adı Yerdir: kosmosdan planetin unikal şəkilləri
Tarixin ən isti yayı olacaq – Rusiyalı nazir xəbərdarlıq etdi
Dənizdə külək enerjisinin inkişafı üzrə Yol Xəritəsi hazırlanacaq
Karantin dəniz suyunun təmizlənməsinə də təsir edib
Qadın icaze.e-gov.az sayt;nda qeydiyyatdan keçir, arxiv şəkli

Həsrət uzun çəkmədi - Məşhur portalın fəaliyyəti yenidən aktivləşdirildi

30
(Yenilənib 13:32 05.06.2020)
Bu barədə Sputnik Azərbaycan-a Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

BAKI, 5 iyun — Sputnik. Azərbaycan Respublikası Nazirlər Kabinetinin Bakı, Sumqayıt, Gəncə, Lənkəran şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə müvafiq Qərarına əsasən icaze.e-gov.az portalının faaliyyəti yenidən aktivləşdirilib.

Bu barədə Sputnik Azərbaycan-a Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

Bildirilib ki, 2020-ci il 6 iyun saat 00:00-dan 8 iyun saat 06:00-dək məhdudiyyətlərin tətbiq edildiyi müddətdə fəaliyyətinə icazə verilən iş və xidmət sahələrində işləyən şəxslərin hərəkətinə işəgötürən tərəfindən həmin şəxslər barədə məlumatlar elektron imzadan istifadə edilməklə icaze.e-gov.az portalına daxil edildikdən sonra yol verilir.

Xüsusi karantin rejimi müddətində əməkdaşlar üçün icazənin alınması ilə bağlı qeydiyyatdan keçmiş dövlət və özəl təşkilatların portaldan istifadə rahatlığının, vaxt və resurlara qənaətinin təmin edilməsi məqsədi ilə icaze.e-gov.az portalında fəaliyyətinə icazə verilmiş qurumların əməkdaşlarının icazələri ləğv edilməyib.

Belə ki, dövlət və özəl təşkilatların möhür səlahiyyətli şəxsləri portala daxil olaraq sistemdə qeyd edilmiş əməkdaşın adının qarşısında "Aktivləşdir" düyməsini sıxaraq icazəsini yenidən aktivləşdirə bilərlər. Adları sistemdə olmayan əməkdaşların məlumatları isə icazə alınması üçün portala daxil edilməlidir. Yalnız Nazirlər Kabinetinin müvafiq qərarına əsasən fəaliyyətinə icazə verilən sahələrin əməkdaşlarının icazələri aktivləşdirilə bilər. Bu səbəbdən dövlət və özəl təşkilatlara əməkdaşlarının icazələrini aktivləşdirməmişdən öncə fəaliyyət sahələrinə Nazirlər Kabineti tərəfindən icazə verildiyinə əmin olmaları tövsiyə olunur.

Vətəndaşlar mövcud icazələrinin statusuna "myGov" portalında baxa bilərlər. Bunun üçün vətəndaş "myGov" portalına daxil olaraq öz şəxsi kabinetində "Məlumatlarım" bölməsini seçə, açılan pəncərədə "İcazələrin Alınması və Monitorinqi Sistemindən arayış"ın üzərinə sıxaraq öz icazəsinə baxa və ya elektron formasını yükləyə bilər.

Portaldan istifadə qaydaları ilə bağlı videotəlimat: https://youtu.be/gwMzT4YrF7s

Ətraflı məlumat üçün 108 "Çağrı" Mərkəzi ilə əlaqə saxlamaq mümkündür.

30

Sabah Bakıda yağış yağacaq, amma onun altında dayana bilməyəcəyik

5
Tibbi-meteoroloji proqnoza gəlincə, Abşeron yarımadasında arabir güclənən xəzri küləyinin əsəcəyi gözlənilir ki, bu da bəzi meteohəssas insanlarda narahatlıq hissi yarada bilər.

BAKI, 5 iyun - Sputnik. Şənbə günü Azərbaycanda gözlənilən hava şəraiti açıqlanıb. 

Milli Hidrometeorologiya Xidmətindən Sputnik Azərbaycan-a verilən məlumata görə,  iyunun 6-da Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin səhər yarımadanın bəzi yerlərində qısamüddətli az yağış yağacağı gözlənilir. 

Mülayim şimal-qərb küləyi gecə və səhər arabir güclənəcək. Havanın temperaturu Abşeron yarımadasında gecə 17-20, gündüz 24-28, Bakıda gecə 18-20, gündüz 26-28 dərəcə isti olacaq.

Atmosfer təzyiqi 761 mm civə sütunundan 764 mm civə sütununa yüksələcək, nisbi rütubət gecə 70-80, gündüz 50-60 faiz təşkil edəcək.

Azərbaycanın bəzi rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi gözlənilir. Səhər bəzi yerlərdə duman olacaq, qərb küləyi ayrı-ayrı yerlərdə arabir güclənəcək. Havanın temperaturu gecə 15-20, gündüz 27-32, dağlarda gecə 8-13, gündüz 16-21 dərəcə isti olacaq.

Tibbi-meteoroloji proqnoza gəlincə, Abşeron yarımadasında arabir güclənən xəzri küləyinin əsəcəyi gözlənilir ki, bu da bəzi meteohəssas insanlarda narahatlıq hissi yarada bilər.

5
Bakının mərkəzində polis əməkdaşı, arxiv şəkli

Həftəsonu məhdudiyyətləri pozanlar həbs edilə bilər

0
Bu qadağalar Bakı, Sumqayıt, Gəncə, Lənkəran şəhərləri, həmçinin Abşeron rayonunun sakinlərinə aiddir.

BAKI, 5 iyun — Sputnik. "Məhdudlaşdırmaya məhəl qoymayaraq, şənbə və bazar günü evdən çıxanlar cərimələnə, hətta həbs edilə bilərlər".

Sputnik Azərbaycan xəbər verir ki, bu barədə Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev bildirib.

Onun sözlərinə görə, Nazirlər Kabinetinin 4 iyun tarixli 191 nömrəli qərarına əsasən, bütün növ avtomobillərdən və ictimai nəqliyyat vasitələrindən, yəni fərdi avtomobillərlə yanaşı avtobus və taksilərdən də istifadəyə icazə verilməyəcək.

Bu qadağalar Bakı, Sumqayıt, Gəncə, Lənkəran şəhərləri və Abşeron rayon sakinlərinə aiddir.

K.Əliyev qeyd edib ki, müəyyən icazə olan şəxslər istisna olmaqla iyun ayının 5-dən 6-na keçən gecə saat 00:00-dan iyunun 8-i saat 06:00-dək kimsə yaşadığı evdən, mənzildən çıxarsa, bu qanun pozuntusu kimi qiymətləndiriləcək və İnzibati Xətalar Məcəlləsinin 211.1-ci maddəsi ilə məsuliyyətə cəlb ediləcəklər.

Qeyd edək ki, İnzibati Xətalar Məcəlləsinin 211.1-ci maddəsinin əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər 100 manatdan 200 manatadək, vəzifəli şəxslər 1500 manatdan 2000 manatadək, hüquqi şəxslər isə 2000 manatdan 5000 manatadək məbləğdə cərimə oluna, yaxud işin hallarına görə, xətanı törədənin şəxsiyyəti nəzərə alınmaqla, fiziki və vəzifəli şəxslərə bir ayadək müddətə inzibati həbs cəzası tətbiq oluna bilər.

0