Taksi, arxiv şəkli

Bir manatlıq taksilərə əvəz: bu, sovetdən qalan sistemin təzə variantı da deyil

256
(Yenilənib 15:49 21.05.2020)
Şəhər ətrafında yaşayan insanlar çalışırlar ki, 1 manatlıq taksidən yararlansınlar, evlərinə daha yaxın ərazidə düşə bilsinlər. Həmin qəsəbələr çox seyrək tikildiyindən orada keyfiyyətli ictimai nəqliyyatın olması, demək olar ki, qeyri-mümkündür.

Nigar İsgəndərova, Sputnik Azərbaycan

BAKI, 21 may — Sputnik. Ekspress marşrut taksi xətlərinin yaradılması nəzərdə tutulur. Bu barədə Bakı Nəqliyyat Agentliyinin rəhbəri Vüsal Kərimli jurnalistlərə açıqlamasında deyib. O bildirib ki, tərəflərindən 1 manatlıq taksilərin fəaliyyəti ilə əlaqədar analizlər aparılıb və pandemiya dövründən sonra xüsusi ekspress marşrut taksi sisteminin tətbiq olunması planlaşdırılır:

 "Həzi Aslanov - Koroğlu, Koroğlu – 20 Yanvar istiqamətlərindəki qeyri-qanuni taksi fəaliyyəti ilə məşğul olanlar var. Bu istiqamətdə ekspress xətlər buraxılacaq. Bundan başqa, günün müəyyən saatlarında da ekspress xətlər istifadəyə verilə bilər. Dünya praktikasında da bu var. Pik saatlarda, məsələn, Lökbatandan Bakının mərkəzi istiqamətinə çox böyük tələbat var. Səhər pik saatlarda oraya ekspress xətlər buraxıla bilər. Amma normal vaxtlarda ekspress xətlər dayanacaq".

Bir neçə gün öncə BNA rəsmisi jurnalistlərə açıqlamasında bildirmişdi ki, ekspress xətlərə metro açıldıqdan sonra sərnişin axınının analizinə əsasən baxılacaq. Artıq bir neçə gündür ki, metro da açılıb. Belə olan şəraitdə maraqlıdır, bəs bu ekspress xətlər necə işlək ola bilər və əhalinin hansı təbəqəsi üçün əlverişli ola bilər?

Şəhər nəqliyyatı üzrə ekspert Hüseyn Abdullayev Sputnik Azərbaycan-a açıqlamasında bu haqda danışıb:

"Dünyada bu cür xətlər tələb olunan xətlər adlanır və təxminən taksi kimi, lakin mikroavtobus formasında fəaliyyət göstərir, eyni yolu gedən sərnişinləri toplayaraq təyinat nöqtəsinə aparır. Bu bizim sovet dövründə tanıdığımız marşrutun müasir və mobil tətbiq üzərindən fəaliyyət göstərən variantıdır. Lakin BNA-nın dediyi tam olaraq bu deyil. Onlar deyirlər ki, günün pik saatlarında bu xətlər üzrə insanlar daşınacaq və 1 manatlıq taksiləri əvəzləyəcək. Hesab edirəm ki, ilk növbədə müntəzəm avtobus xətlərini inkişaf etdirməli, avtobusların xidmət səviyyəsini yaxşılaşdırmalıyıq".

"Lakin qeyd edim ki, avtobusların ləng olması, tıxaclarda qalması, salonlarda sıxlığın olması sərnişinləri avtobusdan uzaqlaşdırır. Bu səbəbdən də 1 manatlıq taksilərə tələbat var. Tələbatın yaranması müntəzəm avtobus şəbəkəsinin istənilən xidmət səviyyəsində olmaması ilə əlaqədardır. Bundan başqa, şəhərətrafı ərazilərdə qəsəbələr dağınıq şəkildədir. Bu ərazilərdə avtobus dayanacaqlarının uzaq olma ehtimalı var. Şəhər ətrafında yaşayan insanlar çalışırlar ki, 1 manatlıq taksidən yararlansınlar, evlərinə daha yaxın ərazidə düşə bilsinlər. Həmin qəsəbələr çox seyrək tikildiyindən orada keyfiyyətli ictimai nəqliyyatın olması, demək olar ki, qeyri-mümkündür. Məhz belə yerlər üçün tələbata uyğunlaşan nəqliyyat daha yaxşı işləyə bilər. Dəmiryolu nəqliyyatı inkişaf etdikcə onlar sərnişinləri uzaq yerlərdən iri nəqliyyat qovşaqlarınadək gətirib çıxara biləcəklər. Bu ərazilərdə kifayət qədər şəxsi nəqliyyatı olmayan insan yaşayır. Belə bir xəttin açılması onların şəraitini yaxşılaşdıracaq", - deyə ekspert əlavə edib.

256
Əlaqədar
Karantin rejiminin fəsadları - Sürücülər niyə aqressivdir?
Bu taksilərdə iki nəfərdən artıq sərnişin daşınmasına icazə verilmir
Bakıda 1 manatlıq taksilər əvəzlənəcək
Bakıda 1400-dən çox avtobusda şəffaf arakəsmələr quraşdırılıb
İnternat məktəbi, arxiv şəkli

Azərbaycan internatlarında yaşayan balacalarla bağlı kədərli statistika

3
(Yenilənib 12:55 23.09.2020)
Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər

BAKI, 23 sentyabr — Sputnik. "Hazırda Azərbaycanda müəssisələrdə valideyn himayəsindən məhrum olan 1500 uşaq var".

Sputnik Azərbaycan-ın məlumatına görə, bu sözləri Sosial Xidmətlər Agentliyinin Övladlığagötürmə və valideyn himayəsindən məhrum olmuş uşaqlarla iş departamentinin müdiri Cavid Şahmalıyev deyib. O bildirib ki, 0-3 yaşa qədər uşaqlarla bağlı qeydiyyat səhiyyə müəssisələri tərəfindən aparılır: "3 yaşdan yuxarı uşaqlarla bağlı qeydiyyat isə Təhsil Nazirliyinin və İcra Hakimiyyətinin nəzdində olan uşaq evlərində aparılır. Həmçinin dövlət statusu olmayan sığınacaqlarda da uşaqlar var".

C.Şahverdiyev övladlığa uşaq götürmə ilə bağlı tələblərə də toxunub. O bildirib ki, hər valideyn himayəsindən məhrum olunmuş uşaq övladlığa götürülmə üçün münasib sayılmır: "Bunun üçün təhlillər aparılır, valideyn razı olarsa, uşaq övladlığa verilir. Hər hansı şəxs valideyn hüququndan məhrum edildikdən sonra bir müddət onların rəftarları qiymətləndirilir. Davranışları etinasız olarsa, onların övladları qanunla övladlığa verilə bilər".

3
Əlaqədar
İnternat məktəblərinə qəbul qaydası dəyişib
İnternat məktəbinin direktoru kimsəsiz uşaqlara olmazın işgəncələr verib
Təhsil Nazirliyi internat məktəbi ilə bağlı iradlara cavab verdi
İnternat məktəbinin itkin düşmüş şagirdi tapılıb
İnternat yetirməsi: "Bizi ac saxlayırdılar, dövlət geyim versə də, onu vermirdilər"
Faiq Bağırov, arxiv şəkli

Rüşvət almaqda günahlandırılan sabiq XİN rəsmisi ev dustaqlığına buraxıldı

5
(Yenilənib 12:50 23.09.2020)
XİN-in Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbiri ev dustaqlığı ilə əvəz edildi.

BAKI, 23 sentyabr — Sputnik. Səbail rayon Məhkəməsində Xarici İşlər Nazirliyinin (XİN) Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatətə baxılıb.

Sputnik Azərbaycan xəbər verir ki, bu barədə "e-mehkeme.gov.az" saytı məlumat yayıb. Hakim Azər Tağıyevin sədrliyi ilə keçirilən prosesdə qərar elan olunub.

Qərara əsasən, F. Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatəti təmin edilib.

Qeyd edək ki, F.Bağırov Dövlət Təhlükəsizliyi Xidməti tərəfindən saxlanılıb. Ona Cinayət Məcəlləsinin 311-ci (rüşvət alma) maddəsi ilə ittiham verilib.

Onun barəsində Səbail Rayon Məhkəməsinin qərarı ilə 4 ay müddətinə həbs qətimkan tədbiri seçilib.

5
Artilleriya bölmələrinin döyüş atışlı təlimləri

Artilleriya bölmələrimiz döyüş atışları üçün atəş mövqelərini tutublar

0
(Yenilənib 13:07 23.09.2020)
Milli Ordunun Raket və Artilleriya birləşmələrinin təlimləri keçirilib: Məqsəd artilleriya bölmələrinin idarəedilməsi vərdişlərinin təkmilləşdirilməsi, peşəkarlığın artırılması, döyüş əməliyyatları zamanı fəaliyyətlərin planlaşdırılmasıdır.

BAKI, 23 sentyabr — Sputnik. Müdafiə nazirinin təsdiq etdiyi 2020-ci ilin döyüş hazırlığı planına uyğun olaraq Raket və Artilleriya birləşmələrinin döyüş atışlı taktiki təlimləri keçirilib.

Sputnik Azərbaycan Müdafiə Nazirliyinə istinadla xəbər verir ki, Müdafiə nazirinin təsdiq etdiyi 2020-ci ilin döyüş hazırlığı planına uyğun olaraq Raket və Artilleriya birləşmələrinin döyüş atışlı taktiki təlimləri keçirilib.

Təlimlərin məqsədi artilleriya bölmələrinin idarəedilməsi vərdişlərinin təkmilləşdirilməsi, peşəkarlığın artırılması, döyüş əməliyyatları zamanı fəaliyyətlərin planlaşdırılması və digər qoşun növləri ilə qarşılıqlı fəaliyyətin təşkilidir.

Cəmləşmə rayonlarına çıxarılan artilleriya bölmələri döyüş atışlarını yerinə yetirmək üçün atəş mövqelərini tutublar.

Raket və artilleriya qoşunlarının müxtəlif bölmələri təlimin senarisinə uyğun olaraq ehtiyat mövqelərə yerdəyişmə etdikdən sonra döyüş atışları icra edərək şərti düşmən hədəflərini məhv edib.

0
Əlaqədar
Müdafiə Nazirliyi: Genişmiqyaslı təlimlər Ermənistanı qorxuya salıb
İlham Əliyev: "Bu təlimlər bəzi ölkələrdə narahatlıq doğurur"
Azərbaycan Hərbi Dəniz Qüvvələri Xəzərdə taktiki təlimlər keçirir - VİDEO
Ordu tam şəkildə ayağa qaldırılır – İrimiqyaslı təlimlər keçiriləcək
Azərbaycan Türkiyə ilə birgə genişmiqyaslı hərbi təlimlər keçirəcək