Eldar Əzizov, arxiv şəkli

Bakı meri şikayət etdi: “Belə koronavirus oyunu olar?”

36
(Yenilənib 18:45 18.05.2020)
"Dezinfeksiya zamanı bitkilər məhv ola bilər. Əgər vətəndaşlar qaydalara riayət etməsələr, dezinfeksiya işlərinin də əhəmiyyəti olmayacaq".

BAKI, 18 may — Sputnik. Paytaxtda dezinfeksiya işləri aparılarkən qəsəbə yollarının bu prosesdən kənarda qalmasına aydınlıq gətirilib.

Sputnik Azərbaycan-ın məlumatına görə, Nazirlər Kabineti yanında Operativ Qərargahın keçirdiyi brifinqdə Bakı Şəhər İcra Hakimiyyətinin (BŞİH) başçısı Eldar Əzizov bildirib ki, küçə və prospektlərdə dezinfeksiya aparılarkən, sıxlıq nəzərə alınır. E.Əzizov deyib ki, dezinfeksiyanın çox edilməsi zərərlidir: "Bu zaman bitkilər məhv ola bilər. Əgər vətəndaşlar qaydalara riayət etməsələr, dezinfeksiya işlərinin də əhəmiyyəti olmayacaq".

Eldar Əzizov dezinfeksiya işlərində hər gün 2 minə qədər insanın çalışdığını da açıqlayıb. O, bildirib ki,  BŞİH-nin balansındakı liftlərdə dezinfeksiya aparılır: "BŞİH-nin balansında 11 mindən çox bina var. Biz o binalarda dezinfeksiya aparmışıq. Kooperativ və MTK-lar isə kollektiv mülkiyyət gedir. Onlar özləri bu dezinfeksiya işlərini aparmalıdırlar. Amma biz onlara da bu işdə kömək edirik".

E.Əzizov deyib ki, koronavirusla bağlı cəmiyyətdə inamsızlığın olması mənfi haldır: "Küçədə gəzərkən vətəndaşların cəmi 10 faizi maskadan istifadə edir. Avtobusda sərnişinlər tibbi maskadan istifadə etmir. Bəzi savadlı insanlar düşünür ki, bu bir oyundur. Ölkələr, sərhədlər bağlanıb, belə oyun olar?"

36
Tbilisidə küçədə qoruyucu maskada olan qız, arxiv şəkli

Gürcüstanda yeni antirekord yoluxma qeydə alındı

6
(Yenilənib 11:45 26.09.2020)
Son gün ərzində 60 nəfər sağalıb. Pandemiya başlayan gündən bu günə qədər 1819 nəfər sağalıb və 25 nəfər ölüb.

BAKI, 26 sentyabr — Sputnik. Ötən gün ərzində Gürcüstanda 296 yeni koronavirus yoluxması qeydə alınıb.

Sputnik Gürcüstan xəbər verir ki, bu pandemiya başlayan gündən ən yüksək göstəricidir.

Bundan əvvəlki antirekord isə 265 yoluxma faktı idi. Xatırladaq ki, ölkədə bu günə qədər 4960 fakt qeydə alınıb. Son gün ərzində 60 nəfər sağalıb. Pandemiya başlayan gündən bu günə qədər 1819 nəfər sağalıb və 25 nəfər ölüb.

Hazırda 5584 nəfər karantindədir. 41 Gürcüstan vətəndaşı müalicə üçün başqa ölkələrə gedib.

Qeyd edək ki, Gürcüstanda ilk yoluxma halı fevarlın 26-sı qeydə alınıb.

6
Ay, arxiv şəkli

Ay səthindəki radiasiya ölçüldü

5
(Yenilənib 11:23 26.09.2020)
"Transatlantik uçuşlarda sərnişin və pilotlar daha uzun müddət radiasiyaya məruz qalacaqları üçün bu çox böyük təsir hesab edilir".

BAKI, 26 sentyabr — Sputnik. Çinli alimlər insanların Ay səthində məruz qala bləcəkləri radiasiya səviyyəsini ölçüb.

Sputnik Türkiyə xəbər verir ki, bu səviyyənin dünya səthində olan radiasiyadan 200 dəfə çox olduğu müəyyən edilib.

Mütəxəssislərin fikrincə, Ay səthində insanlar hansı təhlükənin gözlədiyi hələ tam olaraq müəyyən edilməyib.

Qalaktik kosmik şüalara uzun müddət məruz qalmaq katarakt, xərçəng və mərkəzi sinir sisteminin degenerativ xəstəlikləri də daxil olmaqla müxtəlif xəstəliklərə səbəb ola bilər.

Araşdırma zamanı 2019-cu ildə Ayda fəaliyyət göstərən Çin robot enmə qrupu və kəşf vasitəsi Change 4-dən alınan məlumatlar əsas alınaraq hesablamalar aparılıb.

Alimlər ayda gündəlik ionlaşdırıcı radiasiya səviyyəsinin 1369 mikrosievert olduğunu müəyyən edilib. Bu da beynəlxalq Kosmos Stansiyasındakı həddən 2,6 dəfə çoxdur.

Çin Elmlər Akademiyası Milli Kosmos Mərkəzinin alimləri qrupunda olan Almaniya Keel Universitetinin nümayəndəsi Robert Şimmer Şinqruber qeyd edib ki, Ayda ölçülən radiasiya səviyyəsi dünya səthində olan radiasiyadan dəfələrlə çoxdur: "Transatlantik uçuşlarda sərnişin və pilotlar daha uzun müddət radiasiyaya məruz qalacaqları üçün bu çox böyük təsir hesab edilir".

5