Bakıda çimərlik, arxiv şəkli

Çimərliklər üçün yol tapıldı Elektron sistem olacaq

38
(Yenilənib 18:11 18.05.2020)
Böyük çimərliklərdə administrasiyalar yaradılacaq. Rayon icra hakimiyyətinin rəsmiləri buna nəzarət edəcək.

BAKI, 18 may — Sputnik. Çimərliklərdən istifadə ilə bağlı qaydalar hazırlanır. Sputnik Azərbaycan-ın məlumatına görə, bunu Nazirlər Kabineti yanında Operativ Qərargahın keçirdiyi brifinqində Bakı Şəhər İcra Hakimiyyətinin (BŞİH) başçısı Eldar Əzizov bildirib. 

E. Əzizov deyib ki, qaydalara əsasən, insanlar evdən çıxmadan gedəcəyi çimərliyi seçə biləcək: "Böyük çimərliklərdə administrasiyalar yaradılacaq. Rayon icra hakimiyyətinin rəsmiləri buna nəzarət edəcək. Ola bilsin ki, bəzi çimərliklərdə sıxlıq yaransın. Elektron sistemdən istifadə etmək niyyətindəyik".

Nazirlər Kabinetinin mətbuat katibi İbrahim Məmmədov qeyd edib ki, çimərliklərlə bağlı metodiki göstərişlər hazırlanıb. Yaxın günlərdə bu qaydalar ictimaiyyətə açıqlanacaq.

38

İki gün əvvəl ordudan tərxis olunan könüllü əsgər ölüb

19
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

19
Qəza, arxiv şəkli

Cəlilabadda ağır yol qəzası olub, ölən yaralananlar var

14
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

14