Albi Nur, arxiv şəkli

Karantinin faydaları: Qırğızlar Azərbaycan dilini öyrənirlər

133
(Yenilənib 19:12 18.05.2020)
Qırğızıstandan olan bloger Albi Nur sosial izolyasiya dövründə vaxt itirməmək üçün türk dilləri qrupuna daxil olan yeni bir dilin öyrənilməsi ilə məşğul olmaq qərarına gəlib.

BAKI, 18 may — Sputnik, Kəmalə Əliyeva. Qırğız blogeri Albi Nur koronavirus infeksiyasının yayılmasına qarşı mübarizə çərçivəsində tətbiq edilən karantin dövründə Azərbaycan dilini öyrənib. O, eyni zamanda Odlar Yurdunun mədəniyyəti ilə də yaxından tanış olub.

Sputnik Azərbaycan xəbər verir ki, Nur öz YouTube sosial şəbəkəsindəki səhifəsində abunəçilərinə Azərbaycan haqqında məlumat verən və onun zəngin mədəni irsi ilə tanışlığa imkan yaradan çarxlar bölüşür.

"Bu ölkəni dəlicəsinə sevirəm və buna görə karantin zamanı Azərbaycan dilini öyrənmək qərarına gəldim. Bu işdə Azərbaycandan olan abunəçilər mənə kömək ediblər. Çox gözəl dildir. Qırğız və türk dilinə bənzəyir, buna görə də onu öyrənmək mənə asan idi", - deyə Nur etiraf edib.

Yalnız dilimizi öyrənməklə kifayətlənməyən bloger Azərbaycan mədəniyyəti ilə də yaxından tanış olmaq, mahnılarını dinləmək qərarına gəlib. Azərbaycanlı dostlar da bu işdə ona kömək ediblər. Onların arasında Alim Qasımov, Aysel Əlizadə, Çingiz Mustafayev, Şəbnəm Tovuzlu, Damla, Miri Yusif və başqalarının ifasında kompozisiyalar var.

Mahnılar blogerin o qədər xoşuna gəldi ki, abunəçilərdən onun musiqi kolleksiyasını doldurmaq üçün ona daha çox Azərbaycan kompozisiyaları göndərməyi xahiş edib.

Qeyd edək ki, bu günlərdə Türkiyədə təhsil alan azərbaycanlı tələbə Kəmalə Rövşən YouTube kanalında öz qırğız tələbə yoldaşı Aydayla eyni kökə məxsus iki xalqın ortaq tərəflərini müzakirəyə çıxarıb. Ayday deyib ki, qırğız dili azərbaycanlılar, digər türkdilli xalqlar üçün çox asan dildir.

"Dillərimiz türk dil qrupuna aid olduğu üçün, sözlər, cümlə quruluşları eynidir. Coğrafiya ilə bağlı olaraq, bəzi sözlər dəyişik ola bilər. Amma məncə ikicə ay Qırğızıstanda qalsaz, dili asanlıqla çözə bilərsiz. Məsələn, qırğızlar da azərbaycanlılar kimi "mən" deyirlər, yataqxanaya isə cataqxana. Yaxşı isə qırğız dilində cakşı, qazax dilində isə jaksıdır. Araşdırılsa, bütün sözlərimiz eyni kökdən gəlir, sadəcə deyiliş fərqi var. Ona da qısa müddətdə alışmaq mümkündür", - deyə Ayday bildirib.

133

Emin Ağalarov Fatimə adlı qıza həsr etdiyi mahnını paylaşdı

0
(Yenilənib 23:28 20.09.2020)
Emin Ağalarov: "Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks".

BAKI, 20 sentyabr — Sputnik. Azərbaycanın xalq artisti Emin Ağalarov "Fatimə" adlı yeni mahnısının təqdimatını keçirib. Sputnik Azərbaycan-ın məlumatına görə, müğənni mahnını bütün Fatimə adlı qızlara həsr edib.

Ağalarov yeni kompozisiyanı özünün YouTube kanalında paylaşıb. Mahnıya sözləri və musiqini tanınmış rusiyalı ifaçı və bəstəkar Maksim Fadeyev yazıb.

"Bəlkə də bu mənim üçün çox gözlənilməz bir mahnıdır. Ancaq həmişə olduğu kimi - çox ürəyimcədir və hər şey sənin sayəndədir, Maks", - deyə Ağalarov yazıb.

Bu yeni lirik mahnı müğənninin pərəstişkarlarının da xoşuna gəlib. Eyni zamanda, onların bir çoxuna Fadeyevin qeyri-adi şərq adı olan Fatimədən istifadə edərək mahnı yazması qəribə gəlib.

https://www.youtube.com/watch?v=Wyzb1C0j_8U&feature=emb_logo

Maksim Fadeyev Azərbaycanın xalq artistinin bir çox hitlərinin, o cümlədən "Azərbaycan", "Gəl bir-birimizi tapaq", Bağışla mənim məhəbbətim", "Birinci Qar" hitlərinin, Ani Lorakla "Vidalaşmaq", "Deyə bilmərəm" kimi məşhur duetlərinin, həmçinin onun "MMM"adlı son hitinin müəllifidir.

Ağalarov "World Music Awards", "Azərbaycandan Ən Yaxşı İfaçı", "Qızıl Qrammofon", "MUZ-TV Mükafatı" və s. kimi beynəlxalq mükafatların laureatıdır. O, dünyanın müxtəlif ölkələrində konsertlərlə çıxış edir. Müğənninin musiqi xəzinəsində doqquz ingilis dilli albom, "Warner Music" və "Sony ATV Music Publishing" aparıcı musiqi şirkətləri ilə müqavilələr var.

0
Teqlər:
xalq artisti Emin Ağalarov, Emin Ağalarov, Emin Ağalarov
Əlaqədar
Çox sağ ol, müəllimim! Emin yeni mahnıya görə Fadeyevə təşəkkür edib
Emin Alyona Qavrilovadan boşanmasının səbəbini açıqladı
Emin onun həyatına təsir edən qeyri-adi oğlana sənədli film həsr edib
Emin Ağalarovdan şəhidlərimizlə bağlı paylaşım
Emin Ağalarovun oğlu yeni klipini təqdim edib

Azərbaycanda qeyri-adi tamaşa - Kələxana türbələri canlı dekorasiya oldu

85
(Yenilənib 22:38 20.09.2020)
Rejissor Cavid Təvəkkül: "Bu tipli tamaşalar həm tarixi abidələrin tanınması, həm də pandemiya dövründə aktyorların boş qalmaması üçün bir imkan idi"

Şahpəri Abbasova, Sputnik Azərbaycan

BAKI, 20 sentyabr — Sputnik. Azərbaycan teatr tarixində bir ilkə imza atıldı və bu imzanı Mingəçevir Dövlət Dram teatrı atdı. Şamaxının Kələxana kəndində yerləşən XVI əsrə aid "Kələxana türbələri"ndə şifahi xalq ədəbiyyatı incilərindən sayılan "Apardı sellər Saranı" xalq dastanı əsasında hazırlanan "Sara" tamaşasıyla Mingəçevir Dövlət Dram teatrı həm də 52-ci teatr mövsümünü açıq elan etdi. Tamaşanın quruluşçu rejissoru Cavid Təvəkkül tamaşa barədə Sputnik Azərbaycan-a danışıb:

"Canlı dekorasiyadan istifadə edilərək açıq səma altında oynanılan bu tamaşa teatr tarixində ilk idi. Azərbaycan teatrları arasında Mingəçevir teatrı Kələxana türbələrindən canlı dekorasiya kimi istifadə edərək sözün həqiqi mənasında bir ilkə imza atdı".

Rejissor əlavə edib ki, tamaşanın qurluşundan tutmuş nümayişinə qədər Nazirlər Kabineti Yanında Operativ Qərargahın bütün şərt və tələblərinə əməl edilib:

"Mizanlardan başlayaraq premyera öncəsinə kimi Operativ Qərargahın tövsiyələri, tələbləri nəzərə alınıb. Tamaşadan öncə tibbi personalın iştirakı ilə yaradıcı heyət yoxlanışlardan keçdi və premyeraya izn verildi. Tamaşa uğurla nümayiş olundu".

  • Kələxanada tamaşa
    © Sputnik / Shahperi Abbasova
  • Kələxanada tamaşa
    © Sputnik / Shahperi Abbasova
  • Kələxanada tamaşa
    © Sputnik / Shahperi Abbasova
  • Kələxanada tamaşa
    © Sputnik / Shahperi Abbasova
  • Kələxanada tamaşa
    © Sputnik / Shahperi Abbasova
1 / 5
© Sputnik / Shahperi Abbasova
Kələxanada tamaşa

Qeyd edək ki, "SARA" tamaşası şifahi xalq ədəbiyyatı nümunələrindən sayılan "Apardı sellər Saranı" xalq dastanının motivləri əsasında hazırlanıb. Tamaşada respublikanın xalq artisti Ella Yaqubova, əməkdar artist Şıxı Yaqubov, tərəqqi medallı Aydın Quliyev və teatrın gənc aktyorları rol alıb.

Onu da qeyd edək ki, bu tamaşada nümayiş boyu əntiq teatra cəhdlər təqdim edilib. Açıq səma altında tarixi abidələrdən fon kimi istifadə olunub. Yəni, bu dəfə adət etdiyimiz kimi dekorasiyalar dekoratorlar tərəfindən tamaşa üçün xüsusi olaraq hazırlanmayıb, tarixi memarlıq abidələri canlı dekorasiya rolunu oynayıb.

Tarixi abidələrinə, coğrafi şəraitinə, müasir infrastrukturuna görə qədim Şamaxı rayonu daim turistləri özünə cəlb edib. Sözügedən türbələr Şamaxı turizm xəritəsinə daxil ediləŕək istər xarici, istərsə də yerli turistlər tərəfindən tez-tez ziyarət olunan məkanlardan hesab olunur.

Cavid bəyin sözlərinə görə, bu tipli tamaşaların davamı gələ bilər:

"Bu tipli tamaşalar həm tarixi abidələrin tanınmasına, həm də pandemiya dövründə aktyorların boş qalmaması üçün bir imkan idi. Düşünürəm ki, bunun davamı gələcək. Şirvanşahlar sarayında, Xan sarayında da tamaşalar hazırlana bilər".

85
Teqlər:
Sara, Mingəçevir Dövlət Dram Teatrı, Nazirlər Kabineti yanında Operativ Qərargah, tamaşa, teatr, Şamaxı
Əlaqədar
Yararsız hala düşmüş Kələxana türbələri