CƏMİYYƏT
Cəmiyyətin həyatında baş verən aktual hadisələr

Texniki baxışla bağlı rəsmi bildiriş: artıq sərbəstsiniz

Abunə olmaq
Yol polisi sürücülərin diqqətinə çatdırır ki, nəqliyyat vasitələrini texniki baxışdan keçirməyə imkanı olan şəxslər bu prosesi yerinə yetirsinlər

BAKI, 18 may — Sputnik. Baş Dövlət Yol Polisi İdarəsi nəqliyyat vasitələrinin texniki baxışı, qeydiyyat və təkrar qeydiyyatı ilə bağlı sürücülərə müraciət edib.

İdarənin şöbə rəisi, polis polkovniki Kamran Əliyev Sputnik Azərbaycan-a açıqlamasında bildirib ki, mayın 18-dən etibarən sms icazə sistemi ləğv edildiyi üçün sürücülərin sərbəst hərəkəti mümkün olacaq. "Odur ki, nəqliyyat vasitələrinin texniki baxış müddəti bitmiş və ya bitmək üzrədirsə, vətəndaşlar texniki baxış şöbələrinə yaxınlaşaraq bu prosesi icra edə bilərlər. Eyni zamanda nəqliyyat vasitələrinin alqı-satqı prosesi də bütün Qeydiyyat-İmtahan şöbələrində həyata keçirilir".

Kamran Əliyev güzəşt ediləcək şəxslər barədə də məsələyə aydınlıq gətirib. "Bölgələrə getmək imkanı olmayan və yaxud da Bakıya gələ bilməyən şəxslərə texniki baxışdan keçmədiyi üçün güzəştlər olacaq. Lakin yol polisi sürücülərin diqqətinə çatdırır ki, nəqliyyat vasitələrini texniki baxışdan keçirməyə imkanı olan şəxslər bu prosesi yerinə yetirsinlər".

Xəbər lenti
0