Texniki baxış, arxiv şəkli

Texniki baxışla bağlı rəsmi bildiriş: artıq sərbəstsiniz

166
(Yenilənib 12:39 18.05.2020)
Yol polisi sürücülərin diqqətinə çatdırır ki, nəqliyyat vasitələrini texniki baxışdan keçirməyə imkanı olan şəxslər bu prosesi yerinə yetirsinlər

BAKI, 18 may — Sputnik. Baş Dövlət Yol Polisi İdarəsi nəqliyyat vasitələrinin texniki baxışı, qeydiyyat və təkrar qeydiyyatı ilə bağlı sürücülərə müraciət edib.

İdarənin şöbə rəisi, polis polkovniki Kamran Əliyev Sputnik Azərbaycan-a açıqlamasında bildirib ki, mayın 18-dən etibarən sms icazə sistemi ləğv edildiyi üçün sürücülərin sərbəst hərəkəti mümkün olacaq. "Odur ki, nəqliyyat vasitələrinin texniki baxış müddəti bitmiş və ya bitmək üzrədirsə, vətəndaşlar texniki baxış şöbələrinə yaxınlaşaraq bu prosesi icra edə bilərlər. Eyni zamanda nəqliyyat vasitələrinin alqı-satqı prosesi də bütün Qeydiyyat-İmtahan şöbələrində həyata keçirilir".

Kamran Əliyev güzəşt ediləcək şəxslər barədə də məsələyə aydınlıq gətirib. "Bölgələrə getmək imkanı olmayan və yaxud da Bakıya gələ bilməyən şəxslərə texniki baxışdan keçmədiyi üçün güzəştlər olacaq. Lakin yol polisi sürücülərin diqqətinə çatdırır ki, nəqliyyat vasitələrini texniki baxışdan keçirməyə imkanı olan şəxslər bu prosesi yerinə yetirsinlər".

166
Termometr, arxiv şəkli

Sabahın hava proqnozu açıqlandı

19
Tibbi-meteoroloji proqnoza gəldikdə isə, sentyabrın 29-da Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

BAKI, 28 sentyabr — Sputnik. Sentyabrın 29-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəz olunacaq.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Abşeron yarımadasında gecə 17-19, gündüz 23-26, Bakıda gecə 17-19, gündüz 24-26 dərəcə isti olacaq. Atmosfer təzyiqi norma daxilində 770 mm civə sütunundan 767 mm civə sütununa enəcək, nisbi rütubət gecə 60-70, gündüz 40-50 faiz təşkil edəcək.

Sentyabrın 29-da Azərbaycanın rayonlarında havanın əsasən yağmursuz keçəcəyi, lakin bəzi dağlıq ərazilərdə şimşək çaxacağı, arabir yağış yağacağı ehtimalı var. Şərq küləyi əsəcək. Havanın temperaturu gecə 14-19, gündüz 25-30, dağlarda gecə 7-11, gündüz 12-17 dərəcə isti olacaq.

Tibbi-meteoroloji proqnoza gəldikdə isə, sentyabrın 29-da Abşeron yarımadasında meteoroloji amillərin zəif və mülayim tərəddüdü gözlənilir ki, bu da meteohəssas insanlar üçün əsasən əlverişlidir.

19
Qərənfil, arxiv şəkli

Təhsil Nazirliyi Ermənistanın təcavüzü nəticəsində həlak olan məktəblilərimiz barədə

116
(Yenilənib 14:33 28.09.2020)
Təhsli Nazirliyi: 2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova Z.Rüstəmov adına Qaşaltı Qaraqoyunlu kənd tam orta məktəbinin şagirdləridir

BAKI, 28 sentyabr — Sputnik. "Sentyabrın 27-dən Ermənistan silahlı qüvvələrinin yaşayış məntəqələrimizi atəşə tutması nəticəsində Naftalan şəhərində bütöv bir ailə həlak olub. Təəssüflə qeyd edirik ki, bu təcavüz nəticəsində həlak olanlardan ikisi məktəblidir".

Sputnik Azərbaycan-a bu barədə Təhsil Nazirliyindən daxil olan məlumatda bildirilir ki, 2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova Z.Rüstəmov adına Qaşaltı Qaraqoyunlu kənd tam orta məktəbinin şagirdləridir. Ötən gündən başlayaraq Ermənistan tərəfi Azərbaycanın mülki əhalisini və infrastrukturunu məqsədyönlü şəkildə hədəfə almaqla beynəlxalq hüququn norma və prinsiplərini, 1949-cu il Cenevrə Konvensiyalarını kobudcasına pozur.

© AR Ministry of Education.
2007-ci il təvəllüdlü Şəhriyar Qurbanov və onun əmisi qızı, 2006-cı il təvəllüdlü Fidan Qurbanova

Təhsil Nazirliyinin rəhbərliyi və kollektivi Ermənistanın təcavüzü nəticəsində həyatını itirmiş bütün həmvətənlərimizin, o cümlədən Naftalan şəhərində bütöv bir ailənin və şagirdlərimizin həlak olmasından kədərləndiyini bildirir, dərin hüznlə başsağlığı verir.

"Bu gün tarix yazan və qürur mənbəyimiz olan əsgərlərimizə torpaqlarımızın işğaldan azad edilməsi yolunda uğurlar arzulayırıq!", - Nazirlik bildirib.

116
Türkiyə Prezidenti Rəcəb Tayyib Ərdoğan

Ərdoğan: "Türkiyə Azərbaycanın yanındadır. Artıq hesab vaxtı gəldi"

0
(Yenilənib 16:03 28.09.2020)
Ərdoğan: Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq.

BAKI, 28 sentyabr — Sputnik. Ötən gün Azərbaycan torpaqlarına hücum edən Ermənistanı bir daha qınayıram. Sputnik Azərbaycan "Anadolu" agentliyinə istinadən xəbər verir ki, bunu Türkiyə Prezidenti Rəcəb Tayyib Ərdoğan "Tarix, Siyasət və Ölkələrarası dəniz hüququ və Şərqi Aralıq dənizi simpoziumu"nda çıxışı zamanı bildirib.

"Türkiyə, bütün imkanları və bütün qəlbi ilə dost və qardaş Azərbaycanın yanında olmağa davam edəcək. Ermənistanın işğal etdiyi Azərbaycan torpaqlarını dərhal tərk etməsi ilə bölgə yenidən sülh və dincliyə qovuşacaq. Artıq hesab vaxtı gəldi. Azərbaycan istər-istəməz öz göbəyini özü kəsmək məcburiyyətində qalmışdır", – deyə Ərdoğan qeyd edib.

0