Deznefksiya keçidi, arxiv şəkli

Artıq dezinfeksiya tunelləri hazırdır - FOTOREPORTAJ

335
(Yenilənib 21:03 25.06.2020)
"İstehsal olunan dezinfeksiya tunellərindən yalnız pandemiya dövründə deyil, həmçinin mövsümi bakteriya və virusların profilaktikası zamanı, eyni zamanda da gələcəkdə də yaranacaq yoluxucu xəstəliklərin qarşısını almaq məqsədilə istifadə oluna bilər"

Nigar İsgəndərova, Sputnik Azərbaycan

BAKI, 17 may — Sputnik. "Sumqayıt Kimya Sənaye Parkı" MMC-nin rezidenti “Sumqayıt Texnologiyalar Parkı” MMC (STP) və "SmartHome" şirkəti dezinfeksiya tunelinin istehsalına başlayıb. “Elsmart” brendi ilə istehsal olunan bu avadanlığın elektron sistemi "SmartHome", konstruksiyası STP-nin Elektrik Avadanlıqları Zavodunda hazırlanır.

© Photo : Courtesy of Sumgayit Technology Park
Deznefksiya tuneli

Sputnik Azərbaycan da zavoddakı son vəziyyəti öyrənib. STP-nin ictimaiyyətlə əlaqələr üzrə meneceri Rəşad Əliyev bizi görülən işlərlə bağlı məlumatlandırıb: "İstehsal olunan dezinfeksiya tunellərindən yalnız pandemiya dövründə deyil, həmçinin mövsümi bakteriya və virusların profilaktikası zamanı, eyni zamanda da gələcəkdə də yaranacaq yoluxucu xəstəliklərin qarşısını almaq məqsədilə istifadə oluna bilər. Məhsulun istehsalında məqsədi həm koronavirus pandemiyası dövründə virusun yayılmasını azaltmaq,  həm də təşkilatlara  vətəndaşları mövsümi və periodik viruslardan qorumağa imkan yaratmaqdır".

"Amma onu da qeyd edim ki, bu dezinfeksiya tunellərinin istehsalı yeni və fərqli fikir deyil. Analoji  qurğular xarici ölkələrdə fərqli məqsədlər üçün istifadə olunur. Pandemiya ilə əlaqədar olaraq belə bir dezinfeksiya avadanlığına ehtiyac  olduğundan paralel olaraq bir neçə ölkədə dezinfeksiya tunelləri nümunələri yaranıb. Bu cür avadanlıqları rahatlıqla istehsal edə biləcəyimizi düşünərək bu işə start verdik", - deyə R.Əliyev əlavə edib.

© Photo : Courtesy of Sumgayit Technology Park
Deznefksiya tuneli

Artıq demək olar ki, avadanlıqların kütləvi istehsalına başlanılıb. İlkin olaraq daha çox neft sektoru və istehsal müəssisələrindən sifarişlər qəbul etmişik. Artıq 30 ədəd sifariş qəbul olunub. R.Əliyev deyir ki, müxtəlif ixtisaslaşmış sahələrdən bu cür avadanlıqların sifarişi üçün müraicətlər olub. STP-nin rəsmisinin sözlərinə görə, bu dezinfeksiya tunellərinin həm yerli, həm də xarici bazarlarda satışı nəzərdə tutulub: "Qeyd edim ki, artıq xaricdən də sifarişlər qəbul etmişik ki, bu da bizə ixrac imkanlarını genişlədirmək üçün imkanlar yaradır. Ümumilikdə deyim ki, bu il 1000 ədəd belə dezinfeksiya tunelinin satışı nəzərdə tutulur. Bir sifarişçi tərəfindən daha çox belə avadanlıq sifariş edilərsə, qiymətdə endirimlər tətbiq ediləcək".

R.Əliyev deyir ki, məhsula qoyulan marja azdır, maya dəyəri isə satış qiymətinə yaxındır.

335

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

8
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

8