Bakı-Sumqayıt yolunun genişləndirilməsi

Bakıya girişdəki "butulka"nı sındırmağa hazırlaşırlar: yenə tıxac gözləyək?

375
(Yenilənib 14:14 16.05.2020)
Mütəxəssislər bu ərazidə "butulka effekti" yarandığı üçün tıxac olduğunu iddia edirdilər. Belə ki, Xırdalan dairəsinin alt yolu hesab edilən tunelin olması yolu darlaşdırırdı və tıxac da məhz bu səbəbdən baş verirdi

İradə Cəlilova, Sputnik Azərbaycan

BAKI, 15 may — Sputnik. Ötən ilin sonlarında ölkə başçısı İlham Əliyev Bakı-Sumqayıt yolunun genişləndirilməsi ilə bağlı tapşırıq verdi. Həmin vaxtdan yolun genişləndirilməsi işlərinə başlanıldı.

Hazırda ərazidə təmir və genişləndirmə işləri yekunlaşmaq üzrədir.

Sputnik Azərbaycan xəbər verir ki, təmir işləri ilə bağlı ərazidə hərəkətin intensivliyində ləngimə müşahidə edilir.

Yolların kənarında sökülmüş tikintilər təmizlənib, hazırda asfaltlama işləri aparılır.

Azərbaycan Avtomobil Yolları Dövlət Agentliyinin mətbuat katibi Anar Nəcəfli Sputnik Azərbaycan-a açıqlamasında bildirib ki, Bakı-Sumqayıt yolunun yenidən qurulması və genişləndirilməsi istiqamətində işlər artıq yekunlaşmaq üzrədir. İşlərin tam olaraq iyun ayının əvvələrində bitəcəyi planlaşdırılır.

© Sputnik / Irade JELIL
Bakı-Sumqayıt yolunun genişləndirilməsi

O qeyd edib ki, hal-hazırda 20 Yanvar dairəsindən Xırdalan dairəsinə qədər olan hissədə işlər yekunlaşdırılıb. Bu istiqamətdə yol nişanlarının quraşdırılması və üfüqi xətlərin çəkilməsi həyata keçirilir.

Belə ki, hazırda Xırdalan tunelinin inşası üzərində işlər davam etdirilir. Bu ərazidə Xırdalan dairəsindən qalxan və düşən istiqamətdə yeni yollar inşa edilib. Tunelin genişləndirilməsi istiqamətində işlər görülür: "Qazma işləri yekunlaşdırılıb və hazırda tunelin divarlarının üzlənməsi davam etdirilir. Tuneldən sonra Masazır dairəsinə qədər olan istiqamətdə isə genişləndirmə işləri aparılır".

  • Bakı-Sumqayıt yolunun genişləndirilməsi
    © Sputnik / Irade JELIL
  • Bakı-Sumqayıt yolunun genişləndirilməsi
    © Sputnik / Irade JELIL
  • Bakı-Sumqayıt yolunun genişləndirilməsi
    © Sputnik / Irade JELIL
1 / 3
© Sputnik / Irade JELIL
Bakı-Sumqayıt yolunun genişləndirilməsi

A.Nəcəflinin sözlərinə görə, artıq işlər yekunlaşmaq üzrədir.

Xatırladaq ki, Bakıya giriş hesab edilən Bakı-Sumqayıt yolu hər zaman tıxac olub. Mütəxəssislər bu ərazidə "butulka effekti" yarandığı üçün tıxac olduğunu iddia edirdilər. Belə ki, Xırdalan dairəsinin alt yolu hesab edilən tunelin olması yolu darlaşdırırdı və tıxac da məhz bu səbəbdən baş verirdi. Hazırda tunel bir zolaq genişləndirilir. Yolun genişləndirilməsinin tıxacların qarşısını alıb-almayacağı isə sual altındadır.

375
Əlaqədar
Sumqayıt sakinləri karantindən birbaşa "ağ günə" çıxacaq
Karantindən ən qazanclı bura çıxacaq - FOTO
Çinlilər Bakının bir hissəsini dəyişirlər – Yolüstü körpülər salınacaq
Nərimanov rayonunda küçə və yollarda təmir işləri aparılır
Хостел, фото из архива

Bakıdakı hosteldə iki qadın boğularaq ölüb

7
(Yenilənib 23:01 16.04.2021)
Bakıdakı hostellərdən birinin müştərisi olan Dadaşova Ləman Əhməd qızı və onun rəfiqəsinin meyiti aidiyyəti üzrə təhvil verilib.

BAKI, 16 aprel - Sputnik. Bakının Səbail rayonunda dəm qazından iki nəfər ölüb. Sputnik Azərbaycan APA-ya istinadla xəbər verir ki, hadisə “İst hostel”in hamam otağında baş verib.

Bakıdakı hostellərdən birinin müştərisi olan Dadaşova Ləman Əhməd qızı və onun rəfiqəsi dəm qazından boğularaq ölüb. Hər iki qadının meyiti aidiyyəti üzrə təhvil verilib.

 

7
Məhəmməd Salah

Ronaldu, Neymar Salah Ağdam Füzulidə oynamağa dəvət alıblar - VİDEO

5
(Yenilənib 21:00 16.04.2021)
Ağdamın "Qarabağ" klubunun uşaqlardan ibarət komandasının üzvləri Uğur Qurbanlı və Raul Hüseynli dünya futbol ulduzlarından cavab gözləyirlər.

BAKI, 16 aprel — Sputnik, Teymur Tuşiyev. Ağdamın "Qarabağ" klubunun uşaqlardan ibarət komandasının üzvləri dünya futbol ulduzları Kriştianu Ronaldu, Neymar və Mohamməd Salahı Azərbaycanın işğaldan azad olunmuş Ağdam və Füzuli rayonlarında oynamağa dəvət ediblər.

Sputnik Azərbaycan xəbər verir ki, uşaqlardan ibarət U-11 komandasının kapitanı Uğur Qurbanlı və U-10 oyunçusu Raul Hüseynlinin iştirakı ilə çəkilmiş videoçarxda yeniyetmələr öz kumirlərini – Ronaldu (Yuventus), Neymar (PSJ) və Salahı (Liverpul) əslən olduqları Ağdam və Füzuliyə dəvət etmələri əks olunur. Həmin çarx Mediaturk YouTube kanalında yayımlanıb. Hər iki yeniyetmə səbirsizliklə dünya ulduzlarından cavab gözlədiklərini bildirib.

Qeyd edək ki, Ağdamın "Qarabağ" klubu öz uşaq futbolu akademiyasına oyunçular seçməkdə davam edir. Hazırda 2009-2011-ci il təvəllüdlü uşaqların seçimi elan olunub. Seçim Bakıda, Tofiq Bəhramov adına respublika stadionunda keçiriləcək. Seçimdə iştirak etmək istəyənlər klubun rəsmi saytı vasitəsilə ərizə ilə müraciət etməlidirlər.

5
Distant təhsil, arxiv şəkli

Bütün dünya repetitorların xidmətlərindən istifadə edir - Məleykə Abbaszadə

0
(Yenilənib 23:21 16.04.2021)
"Valideynlər öz övladlarının bu yarışda önə çıxmasını təmin etmək üçün onları əlavə məşğələlərə yazdırır və ya fərdi repetitor xidmətindən istifadə edirlər", - DİM sədri.

BAKI, 16 aprel — Sputnik. Test imtahanları repetitorların sayının artmasına təsir edibmi? Sputnik Azərbaycan-ın xəbərinə görə, Dövlət İmtahan Mərkəzinin Direktorlar Şurasının sədri Məleykə Abbaszadə tərəfindən mövcud imtahan və qəbul sistemi ilə əlaqədar son illər cəmiyyətdə ən çox səsləndirilən suallara "Facebook" səhifəsi vasitəsilə aydınlıq gətirib.

- Mərkəzi imtahan sistemi nəyə görə zəruridir?

- Almaniyanın Münhen Universitetinin professoru Ludger Woessmann tərəfindən həyata keçirilən ATƏT üzvü olan ölkələri və Almaniyanın əyalətlərini əhatə edən araşdırmanın nəticələri göstərir ki, mərkəzləşmiş imtahan sistemi olan ölkələrdə məktəblilərin fənlər üzrə bilikləri qeyri-mərkəzi sistemli ölkələrə nisbətən daha yüksəkdir. Müəllifin fikrincə, bu fərq orta hesabla bir illik tədris fərqinə bərabərdir. Eyni araşdırmaya əsasən mərkəzləşmiş sistemlərdə imtahan verən gənclər gələcəkdə əmək bazarında da daha çox uğur əldə edirlər. Digər tərəfdən Rusiya Ali İqtisadiyyat Məktəbi (AİM) tərəfindən keçmiş sovet respublikalarının imtahan sistemlərinin təhlilinə həsr olunmuş 2020-ci ildə nəşr olunmuş tədqiqatda mərkəzləşdirilmiş imtahan sisteminin ali məktəblərə qəbul prosesində korrupsiyanın qarşısını almaq və aşağı sosial-iqtisadi statusa malik ailələrdən olan abituriyentlərin ali təhsilə əlçatanlığını təmin etmək üçün səmərəli vasitə olduğu qeyd olunur.

Bəzi tədqiqatçılar mərkəzi qiymətləndirmə sisteminin əsas çatışmazlığı kimi müəllimlərin təşəbbüs və yaradıcılıq qabiliyyətini zəiflətməsini və onların tədris prosesini imtahanlarda nəticə alınacaq şəkildə qurduğunu irəli sürürlər. Lakin bu da bir həqiqətdir ki, müəllimlərin fərdi qiymətləndirmələri öz subyektiv yanaşması və konkret sinifin səviyyəsi əsasında formalaşır ki (psixologiyada bu fenomen "balaca göldə böyük balıq effekti" adlanır), bu da bir çox halda milli standartlardan uzaq olur və ölkə üzrə real müqayisə aparılmasına əngəl törədir.

Ümumiyyətlə imtahanların təhsil prosesinə təsiri məsələsi bütün dünyada elmi ictimaiyyət tərəfindən qızğın müzakirələrə səbəb olur və bu barədə hələ ki, vahid fikir formalaşmayıb. Bəzi alimlər yüksək əhəmiyyətli imtahanların istər-istəməz müəllimlərin və tələbələrin tədris yanaşmasına təsir etdiyini və onların daxili öyrənmə motivasiyasını zəiflədərək xarici motivasiyasını, yəni imtahandan yüksək nəticə almaq xatirinə öyrəndiyini irəli sürür. Digərləri isə ümumiyyətlə mərkəzləşmiş imtahanların üzərinə belə bir missiya qoymağın düzgün olmadığını qeyd edir. Belə ki, bu imtahanların məqsədi sadəcə seçmə həyata keçirməkdir. Onların fikrincə, bu halda bütün günahı imtahanların üzərinə atmaqdansa, diqqəti müəllim və valideynlərin mentaliteti üzərində işləməyə yönəltmək lazımdır.

Təbii ki, tələbələrin imtahanların formatı ilə tanış olması onların imtahan zamanı özlərini rahat hiss etmələri baxımından faydalıdır. Lakin bu heç də o demək deyil ki, dərslər yalnız imtahan testləri üzərində qurulmalıdır. Bütün proses iştirakçıları bilməlidirlər ki, imtahanda tədris prosesində əldə olunmuş bilik və bacarıqlar müəyyən bir forma (test) çərçivəsində qiymətləndirilir və əsas olan bu forma yox, əldə olunan bacarıqlardır. O da qeyd olunmaldır ki, uşaqlara mövzuların bütün aspektlərinin öyrədilməsi, onlarda mürəkkəb idraki qabiliyyətlərin və davamlı öyrənmə vərdişlərinin formalaşdırılması yüksək dərəcədə zehni əmək və peşəkarlıq tələb edən prosesdir. Peşəkarlıq səviyyəsi və motivasiyası aşağı olan bəzi müəllimlərin bu uzun və zəhmətli prosesi keçmək əvəzinə qısa yoldan gedərək tədris prosesini test sualları üzərində qurmağa üstünlük verməsi ehtimalını da nəzərə almaq lazımdır.

- Test imtahanları repetitorluğun artmasına səbəb olurmu?

- Nə qədər qəribə səslənsə də, bu da qlobal tendensiyadır. Araşdırmalar göstərir ki, bütün dünyada valideynlər tərəfindən təhsilin əhəmiyyətinin dərk olunması səviyyəsi artmaqdadır. Bunun əsas səbəblərindən biri təhsilin keyfiyyəti və aktual ixtisas kimi amillərin sosial rifahın təmin olunması baxımından digər amilləri üstələməsidir. Bu hal keyfiyyətli təhsil verən müəssisələr və aktual ixtisaslar uğrunda rəqabətin artmasına səbəb olur. Ölkəmizdə də ali təhsilin bütün vətəndaşlar üçün bərabər dərəcədə əlçatan olması və obyektiv qiymətləndirmə və seçmənin həyata keçirilməsi bu sahədə rəqabəti artırır. Valideynlər öz övladlarının bu yarışda önə çıxmasını təmin etmək üçün onları əlavə məşğələlərə yazdırır və ya fərdi repetitor xidmətindən istifadə edirlər.

Qeyd olunduğu kimi, bu sadəcə ölkəmizə xas olan tendensiya deyil, əksinə bütün dünyada gedən proseslərlə üst-üstə düşür. Belə ki, bu sahədə beynəlxalq miqyasda aparılan ən son araşdırmaya əsasən dünyada repetitorluq bazarının 2027-ci ilə qədər hər il orta hesabla 7.1% böyüməsi ehtimal olunur. Bunun əsas səbəbi rəqabətlə yanaşı, şagirdlərin özlərinə fərdi yanaşma tələb etməsidir. O da qeyd olunmalıdır ki, bu tendensiya onlayn repetitor xidmətlərinin də artmasına səbəb olur.

- Universitetlər öz tələbələrini özləri seçsə, daha yaxşı olmazmı?

- Bu arqumenti gətirənlər ölkəmizdə mərkəzləşmiş qəbul sisteminin tətbiqinin əsas səbəblərini unudurlar. Belə ki, bu sistem tətbiq olunana qədər ali məktəblərə qəbul sistemində subyektivlik, o cümlədən qohumbazlıq, favoritizm və digər növ bariz korrupsiya hallarının tüğyan etməsi heç kimə sirr deyildi. Qeyd olunan neqativ hallarla yanaşı, sistemin mahiyyətindən irəli gələn vahid standart və meyarların olmaması da qeyri-obyektiv qiymətləndirməyə və nəticə etibarı ilə ədalətsizliklərə səbəb olurdu. Nəzərə alınmalıdır ki, istənilən cəmiyyətdə asan yolla öz istəklərinə nail olmaq istəyən insanlar sistemdəki boşluqları sürətlə müəyyən edir və ondan istifadə edirlər. Bu cür boşluqları olan sistemdə cəmi bir neçə pis niyyətli şəxsin olması kifayətdir ki, bütün akademik ictimaiyyətin etibarını şübhə altına qoysun və vətəndaşların dövlətə olan inamını zədələsin. İnsan faktorunun təsirini minimuma endirən, aydın standartlara əsaslanan avtomatlaşdırılmış şəffaf qiymətləndirmə və seçmə sistemi qeyd olunan neqativ halları demək olar ki, tamamilə ortadan qaldırdı.

Ümumiyyətlə təcrübə göstərir ki, yaxşı planlaşdırılmış mərkəzləşmiş sistemlərin tətbiqi yerlərdə korrupsiyanın qarşısını almaq və vahid xidmət standartlarının tətbiqi baxımından səmərəli yanaşmadır. Buna ən uğurlu nümunələrdən biri kimi ASAN Xidməti göstərmək olar. İlk baxışdan bir-birindən tamamilə fərqli olan orqanların üst-üstə düşən funksiyalarının bir xidmət çərçivəsində birləşdirilməsi xidmət səviyyəsinin ciddi şəkildə yüksəlməsinə səbəb oldu. Burada həm ideyanın mükəməlliyini, həm də effektiv keyfiyyətə nəzarət mexanizmlərinin tətbiqini qeyd etmək lazımdır.

0