Bakı Metropoliteninin Sahil stansiyası, arxiv şəkli

Metroda sərnişin sayı kəskin azalıb

50
(Yenilənib 11:24 12.05.2020)
"Karantindən daha öncəki adi iş günlərində metropoliten tərəfindən 700-800 min sərnişin daşınırdısa, istirahət günlərində bu rəqəm şənbə gününə görə 600 min, bazar gününə görə isə 450 min olurdu"

Nigar İsgəndərova, Sputnik Azərbaycan

BAKI, 12 may — Sputnik. "Bu gün baş verən texniki problemlə əlaqədar olaraq hələlik ötən günə dair statistikanı əldə etməmişəm. Amma ümumilikdə qeyd edim ki, ötən günlər əsasən istirahət və qeyri-iş günləri olduğundan metropolitenin yenidən fəaliyyətə başladığı ilk gündə - mayın 9-da sərnişin sayı 100 mindən bir qədər çox, növbəti gündə isə 80 mindən bir qədər artıq sərnişin daşındı".

Bu barədə Sputnik Azərbaycan-a açıqlamasında "Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov deyib.

O bildirib ki, karantindən öncəki günlərdə adi günlərlə yanaşı, istirahət və bayram günlərində də bu rəqəmlər qat-qat yüksək olub: "Karantindən daha öncəki adi iş günlərində metropoliten tərəfindən 700-800 min sərnişin daşınırdısa, istirahət günlərində bu rəqəm şənbə gününə görə 600 min, bazar gününə görə isə 450 min olurdu. Mayın 9 və 10-na olan sərnişindaşımaya dair statistikaya nəzər salsaq, həmin rəqəmlərin karantindən daha öncəki adi iş günləri ilə müqayisədə 7-9, karantindən daha öncəki bazar günləri ilə müqayisədə 4-5 dəfə, şənbə günləri ilə müqayisədə isə 6-7 dəfə az sərnişin daşınıb".

"Bu da ümumən sosial məsafənin qorunması və ümumiyyətlə Nazirlər Kabineti yanında Operativ Qərargahın qərar və metodiki göstərişinə uyğun sərnişindaşımanın optimal şəkildə həyata keçirilməsinə şərait yaradıb. Hazırda da sərnişin sıxlığı müşahidə olunmur", - deyə B.Məmmədov əlavə edib.

50
Əlaqədar
"Nəhayət, qovuşduq" - Bakı Metropoliteni bu gündən yeni qaydalarla işə başladı
Metronun işi yenidən dayandırıla bilər
Bakılıların ən çox toplaşdıqları məkanda yeni rejim: başqa cür olmaz! - FOTO
Metroya maskasız girdi, həbs edildi
Bakı Metropoliteninə giriş məhdudlaşdırılıb

Paytaxtda karantin rejimini pozan kafelər aşkarlandı

8
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

8
 Koronavirus testi, arxiv şəkli

TƏBİB koronavirus testindən keçənlərin sayını açıqladı

13
Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

BAKI, 28 may - Sputnik. Bu gün Azərbaycanda koronavirusla bağlı keçirilən test sayı 4006 olub.

TƏBİB-dən Sputnik Azərbaycan-a verilən məlumata görə, ümumilikdə ölkədə koronavirusla bağlı keçirilən test sayı 284 669-dur.

Qeyd edək ki, Azərbaycanda daha 191 nəfərdə koronavirus aşkarlanıb, 2 nəfər vəfat edib. Ümumilikdə ölkədə koronavirusa yoluxanların sayı 4759, vəfat edənlərin sayı 56, sağalanların sayı 3022-dir.

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

13