Bakıda parklanmış maşınlar

Daha bir qadağanı xatırlatdılar - karantində vacibdir

41
(Yenilənib 22:22 28.04.2020)
Eyni zamanda xahiş edirik ki, avtomobilləri park edərkən yanğınsöndürmə, o cümlədən də təcili tibbi yardım briqadasına məxsus avtomobillərin rahat hərəkəti nəzərə alınsın" - Ələsgər Əliyev

Nigar İsgəndərova, Sputnik Azərbaycan

BAKI, 28 aprel — Sputnik. "Vətəndaşlara sosial izolyasiya qaydalarına əməl etməklə yanaşı, yanğın təhlükəsizliyi qaydalarına da əməl etməyə səsləyirik".

Bu barədə Sputnik Azərbaycan-a açıqlamasında Fövqəladə Hallar Nazirliyinin Baş Əməliyyat İdarəsinin rəis müavini, polkovnik-leytenant Ələsgər Əliyev deyib. 

© Sputnik / Nigar Iskanderova
Ələsgər Əliyev

O bu günlərdə də avtomobilləri park edərkən bəzi nüansları diqqətə almağa səsləyib: "Çünki bu dövrdə yanğın təhlükəsizliyi məsələsi də gündəmə gəlir. Eyni zamanda xahiş edirik ki, avtomobilləri park edərkən yanğınsöndürmə, o cümlədən də təcili tibbi yardım briqadasına məxsus avtomobillərin rahat hərəkəti nəzərə alınsın. Düzgün parklanmanın olmaması hərəkətimizə maneə törədir".

 

 

41
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (379)
Əlaqədar
Bu il daha diqqətliyik: Hadisələr artıb, ölümlər azalıb
Psixoloji qaynar xəttə 550 müraciət edilib
Tək deyilsiniz, sizi düşünənlər var – Yetər ki bir dəfə zəng edin…
FHN: Koronavirus təhlükəsi ilə bağlı gigiyena tələblərinə əməl edin – VİDEO
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

2
(Yenilənib 16:26 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Fəridin səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

2
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Xəzər dənizi, arxiv şəkli

Xəzərdə zəlzələ olub

10
(Yenilənib 16:23 24.11.2020)
Xəzər dənizindəki zəlzələnin maqnitudası 3,2 bal, dərinliyi 62 km olub. Yeraltı təkanlar hiss olunmayıb

BAKI, 24 noyabr — Sputnik. Bu gün Xəzər dənizində zəlzələ olub. Sputnik Azərbaycan-ın Respublika Seysmoloji Xidmət Mərkəzinə istinadən verdiyi xəbərə görə, zəlzələ yerli vaxtla saat 14:11-də Xəzər dənizində qeydə alınıb.

Zəlzələnin maqnitudası 3,2, dərinliyi 62 km olub. Zəlzələ hiss olunmayıb.

10
Teqlər:
zəlzələ, Xəzər dənizi