İlisu kəndində istirahət mərkəzi, arxiv şəkli

Turizmçilər karantindən sonraya hazırlaşır: yerli turistləri xaricə getməyə qoymayacaqlar

1029
(Yenilənib 12:35 28.04.2020)
Müzəffər Ağakərimovun sözlərinə görə, turizm mövsümünə hazırlıq işlərinin sürətləndirilməsinə ehtiyac var.

Zülfiyyə Quluyeva, Sputnik Azərbaycan

BAKI, 28 aprel — Sputnik. Turizm səyahətlərinin koronavirusa görə təxirə salınmasından sonra qarşıdan gələn mövsümdə ölkə daxilində bu sahənin canlanacağı qaçılmazdır. Bəs görəsən, Azərbaycanın turizm obyektləri artan tələbata cavab verə biləcəklərmi?

Azərbaycan Turizm Bürosunun (ATB) baş direktor müavini Bəhruz Əsgərov Sputnik Azərbaycan-a müsahibəsində deyib ki, turizm məkanlarının daxili turizmə tələbatı tam ödəyə bilməsi üçün müvafiq tədbirlər görülür: “Burada, özəl sektorla əməkdaşlıq və dialoq çox vacibdir. Turizm sənayesinin müxtəlif iştirakçıları ilə əlaqədəyik. Əminliklə deyə bilərik ki, yerli turistlərin Azərbaycanı tərk etmədən maraqlı və unudulmaz səyahəti üçün tam şərait yaradılacaq”.

Global Web Index-in araşdırmasına görə, artıq 50%-ə qədər turist məcburiyyət qarşısında və ya digər səbəblərdən səyahətlərini təxirə salıblar. Əsgərovun dediyinə görə, bu tendensiya Azərbaycandan da yan keçməyib. 2020-ci ilin yanvar və fevral aylarında ölkəyə gələn turist sayında artım müşahidə edilsə də, mart ayından etibarən qlobal situasiya - sərhədlərin bağlanması, uçuşların təxirə salınması səbəbindən bu say azalıb.

“Azərbaycan Turizm Bürosu olaraq biz bu situasiyadan daha güclü çıxmaq üçün dördmərhələli bərpa proqramı hazırlamışıq, daxili turizmə diqqət və dəstəyi prioritet kimi dəyərləndirmişik. İnanırıq ki, hotel və mehmanxanalar, iaşə obyektləri, istirahət və əyləncə mərkəzləri, eləcə də digər turizm obyektləri artan tələbata tam şəkildə cavab verə biləcək. Bunu təmin etmək üçün hal-hazırda müxtəlif layihələr həyata keçiririk. Bunlardan biri də daxili turizmi təbliğ etmək məqsədilə yaradılmış “Macəra yaxındadır” kampaniyasıdır”, - deyən Əsgərovun sözlərinə görə, kampaniya çərçivəsində yerli turistlər turizm şirkətləri və hotellər tərəfindən təqdim olunmuş zərflərdən yararlana biləcək.

ATB nümayəndəsi onu da qeyd edib ki, Azərbaycan Hotellər Assosiasiyası, Azərbaycan Turizm Bələdçiləri Assosiasiyası və Azərbaycan Turizm Agentlikləri Assosiasiyası mütəmadi olaraq müxtəlif tərəfdaşlarla görüşlər keçirir, onların tələb və ehtiyacları barədə məlumat alırlar. Eyni zamanda, pandemiyadan zərər çəkmiş turizm sahəsində fəaliyyət göstərən biznes və sahibkarlara da dövlət tərəfindən dəstəyin göstərilməsinə qəbul verilib. Bu da yaranacaq tələbatın qarşılanmasına müsbət təsir göstərəcək.

Mart ayında ictimaiyyətə təqdim olunmuş “Macəra yaxındadır” kampaniyasından da bəhs edən Bəhruz Əsgərovun sözlərinə görə, burada əsas məqsəd daxili turizmin təbliğatını aparmaq, yerli əhali arasında ölkənin turizm imkanlarını təşviq etməkdir. Kampaniyanın veb-səhifəsində müxtəlif yerli turizm şirkətlərinin və hotellərin təqdim etdiyi turizm xidmətləri və ya turizm paketlərindən ibarət təkliflər yerləşdiriləcək. Kampaniyaya bütün yerli şirkətlər qoşula bilər.

Həmsöhbətimiz burada azbüdcəli turistlərin də imkanlarının nəzərə alınacağını deyib.

Azərbaycan Turizm Assosiasiyası sədrinin müşaviri Müzəffər Ağakərimov isə Sputnik Azərbaycan-a açıqlamasında bildirib ki, gəlmə və getmə turizmi indi çox ağır dönəmdən keçir. Ona görə də turizm mövsümünə hazırlıq işlərinin sürətləndirilməsinə ehtiyac var. Onun fikrincə, bunun üçün bütün turizm şirkətləri güclərini birləşdirməlidir.

"Turizm şirkətləri öz biznes planlarını hazırlamalıdır ki, dövlət kiçik və orta sahibkarlığa dəstək versin. Turizmin çökməsinə imkan vermək olmaz. Kənd yaşıl turizminin inkişafı üzərində də iş aparmaq lazımdır. Monitorinq aparılmalı, otel və istirahət zonalarının sayı, nömrə fondu müəyyən olunmalıdır. Bundan sonra həmin istirahət məkanlarında qiymətlərin daxili turistlərin büdcəsinə uyğunluğu araşdırılmalıdır”, - deyən Ağakərimov qeyd edib ki, turistlərin istirahət etməkdən çəkinməməsi üçün otellərdə dezinfeksiya tədbirləri görülməlidir.

“Bütün bunlar cəld və çevik həyata keçirilməlidir. Mövsüm başlayanadək turizm potensialı olan bütün bölgələrdə daxili turistlərin tələbatına cavab verən sayda otellər, yerləşmə yerləri inşa edilməlidir. Çalışmalıyıq ki, daxili turistlərimiz xaricdə xərclədikləri pulu ölkəyə yönəltsinlər”, - deyə Ağakərimov əlavə edib.

1029
Oğuz meşələrində kəsilən qiymətli ağac növləri

"Bandotdel" meşədə əməliyyat keçirdi

7
Meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib.

BAKI, 28 noyabr — Sputnik. Daxili İşlər Nazirliyinin əməkdaşları tərəfindən Ekologiya və Təbii Sərvətlər Nazirliyinin mütəxəssisləri ilə birgə ölkə ərazisində meşə massivlərində ağacların qanunsuz olaraq kəsilməsi, yaşıllıq sahələrinin məhv edilməsi ilə məşğul olan daha bir dəstənin üzvlərinə qarşı uğurlu əməliyyat həyata keçirilib. DİN Mətbuat Xidmətindən Sputnik Azərbaycan-a verilən məlumata görə, Baş Mütəşəkkil Cinayətkarlıqla Mübarizə İdarəsinə Meşələrin İnkişafı Departamentinin əməkdaşlarından Oğuz rayonunun Filfilli, Xaçmaz və sair kəndlərinin ərazilərində yerləşən meşə zolaqlarında kütləvi şəkildə qanunsuz ağackəsmə əlamətlərinin müşahidə edilməsi barədə məlumat daxil olub. Hər iki qurumun əməkdaşları tərəfindən qeyd olunan xüsusatların hərtərəfli və obyektiv araşdırılması məqsədilə adıçəkilən kəndlərdə meşə zonaları nəzarətə götürülüb.

  • Oğuz meşələrində kəsilən qiymətli ağac növləri
    © AR Ministry of Internal Affairs
  • Oğuz meşələrində kəsilən qiymətli ağac növləri
    © AR Ministry of Internal Affairs
  • Saxlanılan şəxs Elşən Hüseynov
    © AR Ministry of Internal Affairs
  • Saxlanılan şəxs Etibar Muxtarov
    © AR Ministry of Internal Affairs
1 / 4
© AR Ministry of Internal Affairs
Oğuz meşələrində kəsilən qiymətli ağac növləri

Baş Mütəşəkkil Cinayətkarlıqla Mübarizə İdarəsinin əməkdaşları tərəfindən peşəkarlıqla həyata keçirilən əməliyyat tədbiri nəticəsində qısa zamanda müəyyən olunub ki, həmin meşələrdə qiymətli növ ağacların qanunsuz kəsilərək emal sexlərinə satışı Oğuz rayon sakinləri Elşən Hüseynov və əvvəllər məhkum olunmuş Ehtibar Muxtarov tərəfindən həyata keçirilib. Həmin şəxslər əməliyyat nəticəsində saxlanılaraq Baş İdarəyə gətiriliblər.

Elşən Hüseynov və Ehtibar Muxtarov tərəfindən qanunsuz olaraq kəsilmiş ağaclar, onların oduncaqlarının yeri və digər ləvazimatlar maddi sübut kimi Baş İdarənin əməkdaşları tərəfindən aşkar olunaraq götürülüb. Ekspert rəyi ilə məlum olmuşdur ki, bu şəxslər qanunla qorunan meşə sahələrinə külli miqdarda maddi ziyan vurublar. Həmçinin araşdırma zamanı dəstə üzvləri tərəfindən ağacların yaş halda kəsildiyi məlum olub. Onlar ifadələrində etdikləri cinayəti etiraf ediblər.

Qeyd olunan faktlarla bağlı dəstə üzvləri barəsində Baş İdarənin İstintaq və Təhqiqat İdarəsində cinayət işi başlanılıb. Hazırda cinayət işi üzrə bütün halların tam, hərtərəfli araşdırılması, eləcə də dəstənin digər üzvlərinin saxlanılması istiqamətində zəruri əməliyyat-istintaq tədbirləri davam etdirilir.

7
Teqlər:
meşə ərazisi, meşə sahəsi, meşə, Oğuz rayonu, Ekologiya və Təbii Sərvətlər Nazirlyi, ekologiya, Daxili İşlər Nazirliyi
Bərbərxana, arxiv şəkli

Restoran bərbərxanaların fəaliyyəti dayandırılıb

14
Noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

BAKI, 28 noyabr — Sputnik. Bu gündən noyabrın 30-dək bütün ölkə ərazisində restoran, bərbərxana və gözəllik salonlarının fəaliyyəti dayandırılıb.

Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargahın qərarında bildirilir.

Qərara əsasən, 2020-ci il 21 noyabr saat 00:00-dan 28 dekabr saat 06:00-dək şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə, həmçinin, restoran, bərbərxana və gözəllik salonlarında xidmət dayandırılır.

14
Teqlər:
epidemiya, pandemiya, restoran, bərbər, Nazirlər Kabineti yanında Operativ Qərargah