Bakıda avtobus, arxiv şəkli

Ekspress avtobusların fəaliyyəti davam edəcək?

20
Operativ Qərargahın keçirdiyi mətbuat konfransında koronavirus pandemiyası ilə bağlı məhdudlaşdırıcı tədbirlərin yumşaldılması nəticəsində metronun açılması məsələsinə baxıla biləcəyi diqqətə çatdırılıb.

Zülfiyyə Quluyeva, Sputnik Azərbaycan

BAKI, 25 aprel — Sputnik. Metroda qatarların hərəkəti bərpa olunduqdan sonra ekspress xətlərin fəaliyyəti davam etdirilə bilər. Bu barədə Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev məlumat verib. O bildirib ki, martın 24-dən 31-dək metro ilə yanaşı ekspress xətlər də işləyib: "Bu barədə yekun qərar Nazirlər Kabineti yanında Operativ Qərargah tərəfindən qəbul olunacaq.  Həmin qərara uyğun olaraq sərnişindaşımaların təşkili üçün Bakı Nəqliyyat Agentliyi tərəfindən əvvəlcədən bütün zəruri tədbirlər görülüb".

Qeyd edək ki, dünən Nazirlər Kabineti yanında Operativ Qərargahın keçirdiyi mətbuat konfransında koronavirus pandemiyası ilə bağlı məhdudlaşdırıcı tədbirlərin yumşaldılması nəticəsində metronun açılması məsələsinə baxıla biləcəyi diqqətə çatdırılıb.

20

İki gün əvvəl ordudan tərxis olunan könüllü əsgər ölüb

16
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

16
Qəza, arxiv şəkli

Cəlilabadda ağır yol qəzası olub, ölən yaralananlar var

14
Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir. Ölən və yaralananların şəxsiyyəti dəqiqləşdirilir.

BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.

"Report"un məlumatına görə, qəza axşam saatlarında rayonun Alar kəndi ərazisində qeydə alınıb.

İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.

Ölən və yaralananların şəxsiyyəti dəqiqləşdirilir.

Faktla bağlı araşdırma aparılır.

14