Şadlıq sarayı, arxiv şəkli

Keçi can hayında, qəssab da toy sahibi nəsə bilir, toyxana

601
(Yenilənib 21:39 21.04.2020)
Restoran sahiblərindən biri deyir ki, karantin rejimi başa çatdığı təqdirdə xüsusilə tələsən cütlüklər müraciət edə bilərlər

Nigar İsgəndərova, Sputnik Azərbaycan

BAKI, 21 aprel — Sputnik. Bütün dünyanı ağuşuna alan COVID-19 virusuna yoluxanlarla bağlı rəqəmlərin öncəki həftələrlə müqayisədə daha az olması yaxın günlərlə bağlı pozitiv proqnozlar verməyə əsas verir. Öncəki günlərlə müqayisədə Azərbaycanda yoluxanların sayında azalması insanlarda tezliklə hər şeyin qaydasına düşəcəyi, həyatın normal axara qayıdacağı fikrini formalaşdırıb.

Bəzi məlumatlara görə, mart və aprel aylarında toylarını təxirə salmış şəxslər artıq şadlıq saraylarına üz tutmaqdadırlar. Sputnik Azərbaycan may-iyun aylarında şadlıq saraylarındakı vəziyyətlə maraqlanıb.

Əlaqə saxladığımız şadlıq sarayları maya təyin olunan toyların aqibətindən danışıblar. Onlar bildirilər ki, maya təyin olunan toyların hamısının tarixi dəyişdirilib. Hələlik bu gedişlə may ayına toy nəzərdə tutulmayıb. Amma şadlıq saraylarından onu da bildirilər ki, karan bu dəfə uzadılmasa, yəni mayın 4-də başa çatsa, yəqin ki, gələn toy etmək istəyənlər olacaq.

Restoran sahiblərinin sözlərinə görə, əvvəlki aylara təyin olunan toyların tarixi iyun, iyul, avqusta çəkilib. Bundan başqa, tarixən Azərbaycanda may ayında toy etməmək adəti var. Bu dəfə isə may ayının böyük hissəsi Ramazan ayına təsadüf edir. Bu səbəbdən də, şadlıq saraylarının rəhbərləri bu ayda ciddi aktivlik gözləmirlər. Amma yenə də, karantin rejimi başa çatdığı təqdirdə xüsusilə tələsən cütlüklərin müraciət edə biləcəyini bildirilər.

"Kim istəsə, gəlib mayın 4-dən sonraya toy təyin edə bilər. Amma karantin davam edərsə, bu zaman vaxt dəyişəcək. Ola bilər ki, karantin daha 2 həftə də uzadılsın. Yəni, bu ehtimal da var. Mayın 4-nə kimi biz də qadağanın davam edib-etməyəcəyini biləcəyik. Necə ki, bir neçə gün öncə karantin müddətinin yenidən artırılacağı açıqlandı, bu dəfə də öncədən bir məlumat veriləcək. Artırılmasa, elə orucluqda da toy edə bilərsiniz", - deyə restoranlardan birinin sahibi əlavə edib.

Onlar elə iyun və sonrakı ayların da hələ qeyri-müəyyən olduğunu, müraciətlər olsa da, dəqiq vaxt demədiklərini bildirilər.

Qiymətlərə gəldikdə isə restoran sahibləri nə azalma, nə də artım olduğunu və qiymətlərdə hansısa dəyişikliyin proqniozlaşdırılmadığını deyirlər.

Hələlik isə restoran sahibləri nikbinlik nümayiş etdirərək, gələn aydan vəziyyətin onların xeyrinə dəyişəcəyinə ümid edirlər.

601

Paytaxtda karantin rejimini pozan kafelər aşkarlandı

8
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

8
 Koronavirus testi, arxiv şəkli

TƏBİB koronavirus testindən keçənlərin sayını açıqladı

12
Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

BAKI, 28 may - Sputnik. Bu gün Azərbaycanda koronavirusla bağlı keçirilən test sayı 4006 olub.

TƏBİB-dən Sputnik Azərbaycan-a verilən məlumata görə, ümumilikdə ölkədə koronavirusla bağlı keçirilən test sayı 284 669-dur.

Qeyd edək ki, Azərbaycanda daha 191 nəfərdə koronavirus aşkarlanıb, 2 nəfər vəfat edib. Ümumilikdə ölkədə koronavirusa yoluxanların sayı 4759, vəfat edənlərin sayı 56, sağalanların sayı 3022-dir.

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

12