Ofisdə işləyən jurnalist, arsiv şəkli

Jurnalist universal olmalıdır

49
Rusiyalı jurnalist Andrey Stanavov həmkarları ilə keyfiyyətli reportajların yaradılmasının sirlərini bölüşüb

BAKI, 10 aprel — Sputnik. İndi keyfiyyətli məzmuna malik hazır kontent verə bilən universal jurnalistlərə tələbat artır. Onlar yaxşı şəkil çəkməyi bacarmalı və dilləri savadlı şəkildə bilməlidirlər.

Bunu rusiyalı media eksperti, jurnalist, "Rossiya seqodnya" MİA-nın "Ordu və güc strukturları" şöbəsinin rəhbəri Andrey Stanavov SputnikPro təhsil layihəsinin onlayn mövsümü çərçivəsində təşkil edilən vebinar zamanı deyib.

SputnikPro təhsil proqramı çərçivəsində "Çəkmək və yazmaq: sən meydanda tək multimedia müxbiri olanda" mövzusunda üçüncü onlayn vebinar aprelin 10-da keçirilib.

Əgər əvvəllər SputnikPro modulları ölkələr üzrə yerli KİV nümayəndələri, radio və TV əməkdaşları, tələbələr və digər arzu edənlər üçün keçirilirdisə, onlayn sessiya sosial təcrid qaydalarını pozmadan müxtəlif ölkələrdən olan jurnalistləri birləşdirməyə imkan verib. Vebinarda Rusiya, Azərbaycan, Belarus, Qazaxıstan, Qırğızıstan, Moldova da daxil olmaqla, 9 ölkədən 80-dən çox jurnalist iştirak edib. 

© Courtesy of Andrey Stanavov
Rusiyalı media eksperti, jurnalist, "Rossiya seqodnya" MİA-nın "Ordu və güc strukturları" şöbəsinin rəhbəri Andrey Stanavov

Onlayn görüş zamanı Andrey Stanavov qeyd edib ki, hazırkı şəraitdə lonqridlər daha çox populyarlıq qazanır.

"İnsanların hər şeyə çox az vaxtı var, kiminsə fiziki cəhətdən kifayət qədər gücü yoxdur. Adama kompüterdə şəkilli gözəl bir reportajı açmaq və özü üçün nəsə saxlamaq daha asandır”, - deyə o, bildirib.

Onun sözlərinə görə, reportaja/müsahibəyə hazırlaşarkən avadanlıq (noutbuk və ya planşet, obyektivli iki kamera, diktofon, mikrofon, ehtiyat batareya, power bank və s.) toplamaq, yer və şəxs haqqında bütün məlumatları öyrənmək, buraxılış rejimini və təhlükəsizlik tələblərini dəqiqləşdirmək lazımdır.

Reportaj üzərində işə yanaşmasından danışan natiq qeyd edib ki, istənilən hadisənin çəkilişlərini ümumi plana (düşmüş təyyarə, mühüm tədbir, kvadrokopterdən ibarət şəkil), iri plana (çəkiliş zamanı böyük planlara diqqət də vacibdir), portretlərə (insanlarla ünsiyyətsiz hadisəni işıqlandırmaq mümkün deyil, portretlər maksimal dərəcədə çox və keyfiyyətli işlənməlidir, mətbuat xidməti ilə deyil, bilavasitə rəhbərin iştirakı ilə şəkil çəkmək barədə razılığa gəlmək daha yaxşıdır) və süjetlərə (onlar materialı canlandırırlar, mətnin nəbzini yaradırlar) ayırır.

O deyib ki, fəaliyyətdə olan şəxslərin portretləri mümkün qədər çox olmalıdır. Bütün hekayələr konkret fəaliyyət göstərən şəxslərə bağlıdır. Fotoşəkillərin daha sonra göndəriləcəyinə razılaşmaq lazım deyil, çünki bu xüsusi materialla əlaqəli olmalıdır. "İnsanların portretlərini onların real işlərinə yaxın şəraitdə çəkmək lazımdır”, - spiker tövsiyə edib.

Bununla yanaşı, Andrey Stanavov jurnalistin etika normalarına riayət etməsinin vacibliyini vurğulayıb: "Hər yerə özünü soxmağa çalışan inadkar, həyasız jurnalistləri heç yerdə sevmirlər. Burada ehtiyatlı davranmaq lazımdır. Bundan əlavə, əgər həmsöhbət bir şey haqqında danışarkən "bu, yazmaq üçün deyil" deyə qeyd edərsə, dürüst olmalı, diktofonu söndürməli və "sensasion faktlar"ın dalınca qaçmamalıdır.

Yeni başlayan jurnalistlərə məsləhət verən spiker qeyd edib ki, reportyor ilk növbədə haqqında yazdığı mövzunu araşdırmalı, mühasibin nə danışdığını başa düşməlidir. "Nə isə aydın deyilsə, yenidən soruşmaqdan qorxmayın! Sonra yaxşı, savadlı mətn vermək üçün bir az ağılsız görünmək, başını yelləyərək özünə ağıllı görkəm verib heç nə başa düşməməkdən daha yaxşıdır”, - deyə Stanavov əlavə edib. 

SputnikPro - Sputnik Beynəlxalq İnformasiya Agentliyi və Radiosunun jurnalistlər, mətbuat katibləri, PR mütəxəssisləri, ali məktəblərin bu ixtisaslar üzrə təhsil alan yuxarı kurs tələbələri, əcnəbi həmkarları ilə təcrübə mübadiləsi etməyə, öz biliklərini bölüşməyə hazır olan mediamenecerlərin və jurnalistlərin silsilə təqdimatları və master-klassları layihəsidir.

Müxtəlif formatlarda mövcud olduğu dövr ərzində bu layihədə 80-dən çox ölkənin nümayəndəsi iştirak edib. SputnikPro-nun əyani master-klassları Azərbaycanda, Ermənistanda, Belarusda, Yunanıstanda, Gürcüstanda, Hindistanda, Qırğızıstanda, Türkiyədə və Estoniyada keçirilib.

SputnikPro layihəsinin nə olduğunu və spikerlərin digər ölkələrdəki master-klasslarda nə barədə danışdığını daha ətraflı öyrənmək üçün aşağıdakı linkdən istifadə edə bilərsiniz: https://www.facebook.com/SputnikProject/.

49
ABŞ-da etirazlar

Benksi etirazını bildirdi: “Kimsə qapını sındırmalı olacaq”

10
(Yenilənib 23:43 06.06.2020)
Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir

BAKI, 6 iyun — Sputnik. Britaniyalı məşhur küçə rəssamı Benksi Minneapolisdə afroamerikalı Corc Floydun polis tərəfindən öldürülməsindən sonra ABŞ-da başlanan etirazlara həsr etdiyi işini göstərib.

Sputnik Azərbaycan bildirir ki, o, şəkli özünün Instagram səhifəsində yerləşdirib.

Şəkildə rəssam qara insanın matəm portretini və onun üst tərəfindən asılmış, bir qırağı şamdan od alan Amerika bayrağını təsvir edib.

“Rəngli (qara) insanlar sistemə görə uğursuzluğa düçar olublar. Ağ sistemə görə”, - Benksi paylaşımında yazıb.

Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir.

Посмотреть эту публикацию в Instagram

Публикация от Banksy (@banksy)

“Bu düzgün olmayan sistem onların həyatını məşəqqətə çevirir, ancaq (boruları) təmir etmək – onların vəzifəsi deyil. Heç kim onları yuxarıdakı mənzilinə buraxmayacaq”, - yazan rəssam əlavə edib ki, bu, “ağ adamların problemidir” və buna görə istənilən halda kimsə “yuxarı qalxıb qapını sındırmalı olacaq”.

Mayın 25-də Minneapolisdə polis əməkdaşları afroamerikalı Corc Floydu həbs ediblər. Bu zaman onu yerə yıxıblar, polis zabitlərindən biri dizi ilə onun boynunu sıxıb. Floyd dəfələrlə nəfəs ala bilmədiyini desə də, buna əhəmiyyət verməyiblər. Nəticədə Floyd reanimasiyada dünyasını dəyişib. Bundan sonra ABŞ-da kütləvi etiraz və iğtişaşlar başlayıb.

10
Əlaqədar
İrqçilər yaddan çıxdı. Amerikadakı etirazlar necə soyğunlara çevrildi
Mən Corc Floydam: ABŞ-da başlayan etirazlar bütün dünyanı bürüyüb
Biz şokdayıq: azərbaycanlılar ABŞ-dakı iğtişaşlardan danışdılar
Amerika tənəzzülünün xronikası: uşaqlara polisə nifrət etmək öyrədilir
Yaşlı kişini ölümcül hala salan polislərə həmkarlarından dəstək - VİDEO
Bakıda küçədə tibbi maskada olan insanlar, arxiv şəkli

Koronavirusdan qorunmaq barədə sənəd: kontakt linzanı vasitə saymırlar

40
(Yenilənib 22:13 06.06.2020)
Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb

BAKI, 6 iyun — Sputnik. Tibbi Ərazi Bölmələrini İdarəetmə Birliyi (TƏBİB) koronavirus pandemiyası dövründə tövsiyə olunan fərdi qoruyucu vasitələri (PPE) açıqlayıb. Sputnik Azərbaycan-ın məlumatına görə, TƏBİB-in tövsiyəsində bildirilir ki, COVID-19 infeksiyasına yoluxduğu şübhələnilən xəsətəyə birbaşa müdaxilə edən və ya xəstəylə eyni məkanı paylaşan EMS klinisistləri Standart Ehtiyat Tədbirlərinə əməl etməli və PPE vasitələrindən istifadə etməlidirlər.

Tövsiyə edilən PPE vasitələrinə aiddir:

N-95 və ya daha yüksək səviyyəli respirator və ya üz maskası (respirator olmadıqda).

Aerozol generasiya edən prosedurları həyata keçirən zaman üz maskasının yerinə N-95 respirator və ya daha yüksək səviyyədə qoruyan respiratorlardan istifadə edilməlidir.

Gözlərin qorunması (yəni üzün ön və yan tərəflərini tam əhatə edən gözlüklər və ya birdəfəlik istifadə olunan üz qalqası). Şəxsi gözlük və kontakt linzalar adekvat göz qoruyucuları sayılmır.

Tək dəst birdəfəlik xəstə müayinə əlcəyi. Əlcəklər və izolyasiyaedici xalat yırtılıbsa və ya çox çirkləndiyi halda dəyişdirilməlidir.

Xalat çatışmazlığı olduqda, aerozol generasiya edən prosedurlarda, spreylərin istifadə edildiyi prosedurlarda və patogenlərin əldən-ələ və EMS klinisistlərinin geyimlərinə ötürülməsinə səbəb olan yüksək təmaslı xəstə baxımı fəaliyyətlərində iştirakları zamanı işçilər xüsusilə diqqətli olmalıdırlar (məs. xəstəni xərəyə yerləşdirən zaman).

Təchizat zənciri bərpa edildikdə, uyğun analizdən keçmiş təcili tibbi yardım həkimləri, COVID-19-un araşdırıldığı və ya şübhələnildiyi xəstələrlə kontakta girən zaman təkrarən respiratorlardan istifadə etməyə başlamalıdırlar.

Sürücülər xəstəyə birbaşa qulluq göstərirlərsə (məsələn, xəstələri xərəyə yerləşdirirlərsə), tövsiyə olunan bütün PPE vasitələrini geyinməlidirlər. Xəstə baxımını tamamladıqdan sonra və nəqliyyat vasitəsinin sürücüyə məxsus təcrid olunmuş hissəsinə girməzdən əvvəl sürücünün PPE-ni çıxarıb atması və bölmənin təmizliyini qorumaq üçün əl gigiyenasını yerinə yetirilməlidir.

Nəqliyyat vasitəsində təcrid edilmiş (qapalı) sürücü bölməsi yoxdursa, sürücü üz qalqasını və ya gözlükləri, xalat və əlcəkləri çıxarıb əl gigiyenasını yerinə yetirməlidir. Nəqliyyat zamanı respiratordan və ya üz maskasından istifadə edilməlidir.

Bütün personal işləyərkən üzlərinə toxunmaqdan çəkinməlidir.

Tibb müəssisəsinə çatdıqda, xəstə müəssisəyə daxil edildikdən sonra, EMS klinisistləri PPE vasitələrindən azad olmalı və əl gigiyenasını yerinə yetirməlidir. İstifadə olunmuş PPE-nin utilizasiyası rutin prosedurlara uyğun olaraq həyata keçirilməlidir.

Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb. Lakin "İzolyasiya Ehtiyat Tədbirlərinə dair Təlimata", həmçinin Səhiyyə Müəssisələrində infeksiyanın qarşısının alınmasına yönəlik xüsusi təlimatlara istinad etmək tələb olunur.

40
Mövzu:
Dünyanı cənginə almış bəla
Əlaqədar
Bakıda koronavirusa yoluxma ən çox bu rayondadır
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Hava və koronavirus arasında əlaqə varmı? Akademik izah edir
Koronavirusa yoluxanların sayı durmadan artır
Azərbaycanda millət vəkilinin yaxın qohumu koronavirusdan öldü