Kompüter istifadə edən şəxs, arxiv şəkli

Sosial media ekspertlərindən mühüm açıqlama: "Onlar təzyiqə hazır olmalıdırlar"

921
(Yenilənib 15:12 07.04.2020)
Bu günə qədər onlayn xidmət təklif etməyən xidmət sektorları  sosial mediadan yararlanmağa məcburdur.

Kamal Almuradlı, Sputnik Azərbaycan

BAKI, 6 aprel — Sputnik. Bildiyiniz kimi, bütün dünya koronavirus pandemiyası ilə əlaqədar olaraq bir sıra çətinliklərlə üzləşib. Həmçinin ölkəmizdə də qabaqlayıcı tədbirlər sırasından karantin elan olunub və bir çox şirkətlər, mağazalar öz işlərini onlayn olaraq davam etdirmək məcburiyyətində qalıb.

Belə olan təqdirdə isə sosial media mütəxəssislərinə tələbat artır. Bu gün sosial şəbəkələr müştərilərə verilən ən güclü silahlardan biridir. Təsəvvür edin, hətta bir sosial şəbəkə istifadəçisi belə şirkətin imicinə ciddi şəkildə təsir etmək gücünə malikdir.

Yaranan vəziyyətlə bağlı "sosial mediaya yaranan tələbatı hansı yönümdə inkişaf etdirmək olar və yaxud bunun hansı müsbət və mənfi tərəfləri ola bilər?" kimi suallara cavab tapmaq üçün Sputnik Azərbaycan sosial media eksperti Emin Hüseynzadəyə müraciət edib.

E.Hüseynzadə bildirdi ki, "Evdə qal" kampaniyasının təbii nəticəsi olaraq, insanlar üz-üzə danışıb məlumat almaq imkanından böyük miqdarda məhrumdurlar. Buna görə də əhali internetdə daha çox vaxt keçirir:

"Sosial mediada böyük canlanma baş verir. Yeni qruplar yaranır və dərhal populyarlıq yığır. Məsələn, "Evdar Kişilər Klubu" çox qısa müddətdə yaranaraq minlərlə insanı öz ətrafına toplayıb. Sosial media mütəxəssisləri üçün bu, çağırışdır. Onlar belə təzyiqə hazır olmalıdırlar.

Digər tərəfdən bilməlidirlər ki, karantinin dayanması ilə sosial mediaya olan tələbat nisbətən azalacaq. Oflayn ünsiyyətin azalmasının əsas mənfi cəhəti odur ki, internet üzərindən saxta xəbərlərin yayılması tezləşir. Digər tərəfdən, internet nəslinə aid olmayan əhali, qismən qapalı sosial şəbəkələr, məsələn, "Whatsapp"-dan istifadə edən nəsil müxtəlif məlumatların doğru-dürüstlüyünü müəyyən edə bilmir. Belə dövrdə saxta və yarımdoğru məlumatları ifşa edənlərin fəaliyyəti arzuolunan və müsbətdir".

E.Hüseynzadə həmçinin bildirdi ki, bu gün kifayət qədər sosial media mütəxəssisləri var. Ancaq onların doğru məlumat yayması sahəsində fəaliyyət göstərməsi üçün təlimlər, ixtisaslaşma mütləqdir. Bunu qısa zamanda etmək isə çətindir. Digər tərəfdən, belə mütəxəssislərin işləməsi üçün maddi maraq da olmalıdır. Belə adamlara, qruplara pul ayrılmalıdır. Əhali rəsmi məlumatlara inandığından daha çox bir-birinin, "özü kimi" olanların sözlərinə inanmağa meyllidir. Ona görə pandemiya dövründə belə qrupların yaranması, təşviq edilməsi maliyyələşdirilməsi arzuolunandır.

Marketinq üzrə mütəxəssis Vüqar Babanın fikrincə, yaranmış vəziyyətə operativ uyğunlaşa bilən şirkətlər həm bizneslərində az itkiylə üzləşəcək, həm də daha etibarlı, dayanıqlı, güclü şirkət imicini qazanacaqlar: "Karantin rejiminin tətbiqi onlaynlaşmanı sürətləndirdi. İnternetin, rəqamsallığın həyatımızdakı rolunu artırdı. Təbii ki, sosial medianın payı belə olan şəraitdə artır. Bu rejimə qədər məşhur olan onlayn xidmət göstərən şirkətlər işini öz qaydasında, deyərdim, daha da yaxşı formada davam etdirir. Bu günə qədər onlayn xidmət təklif etməyən xidmət sektorları isə sosial mediadan yararlanmağa məcburdur. Çünki bu gün sosial media onların köməyinə çatır.

İşlərini düzgün qura bilənlər bu vəziyyətdən daha az itkiylə çıxacaqlar. Xidmətlərin onlayn formada aparılması özü istifadəçi üçün ümumilikdə vaxt itkisinə yol verilməməsi baxımından da, sürətli olmasıyla, seçim intervalının böyüklüyü ilə hər zaman əlverişli hesab oluna bilər".

Vüqar Babanın sözlərinə görə, onsuz da inkşaf onlaynlaşmaya aparırdı. Gec-tez şirkətlər işini onlayn olaraq inkişaf etdirməli idi. Yaranmış vəziyyət isə prosesi bir az sürətləndirdi və bu mərhələni daha tez keçməyə məcbur etdi. Sadəcə, zamanı bir az qabaqlamış olacaqlar.

Qeyd edək ki, sosial şəbəkələr şirkətlər üçün bu gün bir satış platformasına çevrilib. Bu platformada uğur qazanmaq üçün isə işi peşəkarlara həvalə etmək lazımdır.

921
Əlaqədar
“Nəhayət ki, evimdə-eşiyimdəyəm” – İki həftəlik karantindən sonra həyata davam
Düşmənlə bir otaqda: karantinin əzab verən daha bir üzü
Yadındamı ötən günlər - karantin, icazələr? Bir də çoxlu makaron...
Multiplikasiya effekti: karantindən əvvəl onlara ümidimiz böyük idi

Bəzi kəndlərdə həftə sonları çölə çıxmaq tam qadağan oluna bilər

0
Qərargah: Epidemioloji vəziyyətlə əlaqədar ayrı-arı kəndlərdə də həftə sonları çölə çıxmaq tam qadağan oluna bilər.

BAKI, 3 iyun - Sputnik. “Bu dəfə məhdudiyyətlərin tətbiqi birinci klastrda, yəni narıncı sahədə nəzərdə tutulur”.

Bunu Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri  Ramin Bayramlı bildirib.

Onun sözlərinə görə, növbəti həftə ərzində məhdudlaşmaya bütün ölkə ərazisi daxil edilə bilər, bu məsələ müzakirə masası üzərindədir: “Bu, yenə də epidemioloji vəziyyətdən və bölgələrimizdə insanların qaydalara əməl etməsindən asılıdır. Böyük şəhərlərlə yanaşı, bir sıra kəndlərdə vəziyyət narıncı sahənin epidemioloji göstəricilərinə uyğun olsa, həmin kəndlərdə də məhdudiyyət tətbiq olunacaq. Bütöv rayon olmasa da, kəndlərdə həftə sonları çölə çıxmağın tam qadağan olunması tətbiq oluna bilər.

Qeyd edim ki, bir neçə gündür bəzi kəndlərimizə giriş-çıxış dayandırılıb. Hətta kəndlər içərisində bəzi yaşayış sahəsinə belə giriş-çıxış dayandırılıb. Beynəlxalq təcrübədə də bundan dəfələrlə istifadə olunub. Orada testi pozitiv çıxan şəxslərin müayinələri aparılıb, müvafiq xəstəxanalara yerləşdirilib. Neqativ olan şəxslər isə müvafiq olaraq karantin rejimində saxlanılırlar”.

0
Supermarketdə qadın, arxiv şəkli

Operativ Qərargah: Vətəndaşlar həftəsonları üçün ərzaqlarını əvvəlcədən ala bilərlər

11
(Yenilənib 20:20 03.06.2020)
Bunu Nazirlər Kabinetinin Mətbuat Xidmətinin rəhbəri İbrahim Məmmədov Operativ Qərargahın bu gün keçirilən brifinqində deyib.

BAKI, 3 iyun - Sputnik. “Karantin rejiminin tətbiqi də, yumşaldılması da zərurətdən doğub. Məhdudlaşdırmaya yenidən getmək də situasiyadan irəli gəlir”.

Bunu Nazirlər Kabinetinin Mətbuat Xidmətinin rəhbəri İbrahim Məmmədov Operativ Qərargahın bu gün keçirilən brifinqində deyib.

“Məhdudlaşdırmanı heç kim istəmir. Əgər qaydalara əməl etməsək, bu, çox ciddi iqtisadi problemlərə apara bilər. Bizim belə bir problemimiz yoxdur. Ərzaqla bağlı problem yoxdur. Amma vətəndaşlar həftəsonları üçün öz ərzaq azuqələrini əvvəlcədən ala bilərlər”, - İ.Məmmədov bildirib. 

11