Dönərxana, arxiv şəkli

Çörəkdə, lavaşda, manqalda... - asudə günlərimizin "simvol"u ucuzlaşdı

606
(Yenilənib 15:49 06.04.2020)
Bakıda ən uzun növbələri son illərdə teatr-kino kassaları önündə deyil, daha çox dönərxana qarşısında görürdük. Karantin rejimi başlandı, dönərlər də daha yavaş dönməli oldu...

Nigar İsgəndərova, Sputnik Azərbaycan

BAKI, 6 aprel — Sputnik. Ölkədə karantin rejiminin elan olunması bir çox sahələrdə müştərilərin azalmasına səbəb olub. Nazirlər Kabinetinin 30 mart qərarı ilə 31 mart 00:00-dan 20 aprelədək bütün ticarət və ictimai iaşə məkanlarında, o cümlədən restoran, kafe və çay evlərində müştərilərə yerində xidmətlər (supermarketlər, ərzaq mağazaları və apteklərin fəaliyyəti, evə götürmə, çatdırma və onlayn satışlar istisna olmaqla) qadağan edilir.

İndiyədək qərara uymayan bir neçə kafe sahibləri reydlər zamanı cəzalandırılıb. Bizim diqqətimizi çəkən isə populyarlığına görə Bakıda, demək olar ki, birinci olan dönərxanalardır.

Sputnik Azərbaycan bununla əlaqədar olaraq paytaxtın bir neçə yerində müşahidə aparıb. Paytaxtın bəzi yerlərində dönərxanalar bağlansa da, bəzilərində satış həyata keçirilir. Satışla yanaşı, həmişəki kimi çatdırılma xidməti də var.

Bəs alıcılıq qabiliyyəti azalıbmı? Apardığımız sorğu nəticəsində bəlli oldu ki, əlaqə saxladığımız bütün restoranlarda alıcılıq qabiliyyəti aşağı düşüb: "Siz sifarişi verin, biz vaxtında çatdıracağıq. Onsuz da səhərdən heç bir sifarişimiz olmayıb".

"Oturub dönər yeməyə icazə yoxdur. Sadəcə olaraq gəlib sifarişinizi özünüz də təhvil götürə bilərsiniz" , - restorandan bildirdilər.

Müştərilərin sayının azalması ilə əlaqədar qiymətlər də endirilib: "Ət dönəri əvvəl 2.80 AZN idisə, hazırda 2.30 AZN-dir. Toyuq dönəri isə 2 AZN-dən 1.70 AZN-ə düşüb. Amma əvvəl üstündə ayran verirdiksə, artıq ayran üçün əlavə pul ödəməli olacaqsınız", - deyə bizə digər restorandan verilən məlumatda bildirilib.

Böyük restoranların iş vaxtı 12:00-dan 15:00-dəkdir. 24 saat ərzində çatdırılma xidməti var. Lakin axşam saatlarından səhər 9-dək bəzi restoranlarda çatdırılma xidməti ödənişlidir. Digər yerlərdə qiymətlərdə enmələr olsa da, iri restoranlarda heç bir dəyişiklik yoxdur.

606
Əlaqədar
Başqa bölgədə qeydiyyatda olanlara evdən çıxmağa icazə verilirmi?
FHN koronavirusla bağlı vətəndaşlara müraciət etdi - VİDEO
Karantinə rəğmən: Bu günlərdə gözəl qalmaq üçün nə etməli?
Cərimə və həbs olunmamaq üçün oxuyun: karantində yasaqlar
Azərbaycan manatı, arxiv şəkli

190 manat iyunda da veriləcəkmi? - İki bəd xəbər birdən

1
(Yenilənib 13:02 02.06.2020)
"Məsələn, insanlar var idi, boşanıb, lakin şəxsiyyət vəsiqəsini dəyişməyib. Aktiv VÖEN-i olub, amma onu bağlatmayıb. Maşını olub, satıb, adından çıxarmayıb. Bu, şəxslərin data məlumatları düzəlsə də, lakin onlara yenidən 190 manat verilməyəcək".

BAKI, 2 iyun — Sputnik. İyun ayında 190 manatlıq birdəfəlik ödəmənin verilməsi nəzərdə tutulmur. Sputnik Azərbaycan-ın məlumatına görə, bunu Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin rəhbəri Fazil Talıbov deyib. O bildirib ki, karantin rejminin yumşaldılması, əmək bazarının canlanması insanlara yenidən öz iş yerlərinə dönməyə imkan verir:

"İnsanlar artıq öz gəlirlərini formalaşdırırlar və qazanclarını əldə edirlər. Vətəndaşlar göndərilən imtina cavablarından haqlı və haqsız narazılıqlarını bildirə bilərlər. Ərizələrə baxılma müddəti var, 1 ay müddətində cavab verilir. Biz bunu daha operativ həyata keçiririk.

Bəzi hallarda vətəndaşlar özləri haqqında olan məlumatlardan məlumatsız idilər. Məsələn, insanlar var idi, boşanıb, lakin şəxsiyyət vəsiqəsini dəyişməyib. Aktiv VÖEN-i olub, amma onu bağlatmayıb. Maşını olub, satıb, adından çıxarmayıb. Bu, şəxslərin data məlumatları düzəlsə də, lakin onlara yenidən 190 manat verilməyəcək. Çünki birdəfəlik ödənişin olduğu 600 min şəxsə artıq bütün ödənişlər edilib”.

1
Əlaqədar
Nazirliyin təklifinə əhəmiyyət vermədilər: 190 manat daha "şirin" gəldi
Bu tarixdə 190 manatın verilməsi başa çatır
Kişilər qadınlardan daha çox pul aldılar - Azərbaycanda
190 manatlıq birdəfəlik ödənişin iyun ayında da verilməsi təklif edilir
Bakı Şəhəri üzrə Təhsil İdarəsi

Daha bir dövlət qurumu vətəndaş qəbulunu dayandırıb

6
(Yenilənib 12:22 02.06.2020)
Bakı Şəhəri üzrə Təhsil İdarəsinin (BŞTİ) Vətəndaşların Qəbulu Mərkəzi 2020-ci il iyunun 15-dək fəaliyyətini dayandırıb.

BAKI, 2 iyun — Sputnik. Koronavirus infeksiyasının (COVİD-19) yayılmasının qarşısının alınması ilə əlaqədar görülən tədbirlər barədə Nazirlər Kabineti yanında Operativ Qərargahın müvafiq qərarları və Təhsil Nazirliyi tərəfindən bu istiqamətdə həyata keçirilən tədbirlər nəzərə alınaraq, Bakı Şəhəri üzrə Təhsil İdarəsinin (BŞTİ) Vətəndaşların Qəbulu Mərkəzi 2020-ci il iyunun 15-dək fəaliyyətini dayandırıb.

Bu barədə İdarədən Sputnik Azərbaycan-a verilən məlumatda bildirilir. Xəbərə görə, qeyd olunan dövr ərzində müraciətlər BŞTİ-nin Məlumat sorğu mərkəzi  (Telefon: 012-599-12-22) vasitəsilə cavablandırılacaq. Vətəndaşlar həmçinin, idarənin rəsmi info@baku.edu.gov.az, mailform@baku.edu.gov.az elektron poçt ünvanlarına müraciət edə bilərlər. İnternetə çıxış imkanı olmayan vətəndaşlar yazdıqları məktubları və ya digər müvafiq sənədləri İdarənin əsas giriş qapısının yanındakı poçt qutusuna sala bilərlər. Rəsmi məlumatları BŞTİ-nin internet saytı (www.baku.edu.gov.az) və sosial şəbəkələrdəki səhifələrindən izləmək tövsiyə edilir.

 

6