Yasamal rayonu ərazisində dezinfeksiya işləri

Gəmi kapitanlığından dezinfeksiyaya - GÜNÜN QƏHRƏMANLARI

1112
"İşimi sevərək görürəm. Ümidlərim böyükdür, düşünürəm ki, tezliklə bu virusdan yaxa qurtara biləcəyik. Hər kəsi evdə qalmağa, zərurət olmadan evdən çıxmamağa səsləyirik. Biz də sizin üçün işləyirik" - Vəsilə Rəhimova

Nigar İsgəndərova, Sputnik Azərbaycan

BAKI, 5 aprel — Sputnik. Artıq bir neçə həftədir ki, bütün dünyada olduğu kimi Azərbaycanda da #evdeqal aksiyasına start verilib. Hazırda dünyanın əksər ölkələrində koronavirusun geniş yayılması ilə əlaqədar evdən kənardakı hər bir yer sağlamlığımız, ailəmiz, yaxınlarımız üçün risk faktorudur.

Nazirlər Kabinetinin Operativ  Qərərgahı isə zərurət yaranmadığı halda evdən çölə çıxmamağı tövsiyə edir. Bəs zərurət yarandıqda? Maraqlıdır, çöldə təhlükəsizliyimiz necə təmin olunur? Elə Sputnik Azərbaycan-ın əməkdaşı da bu suala cavab tapmaq üçün evdən çıxıb, Bakı Şəhər İcra Hakimiyyətinin (BŞİH) Yasamal rayonu üzrə 21 və 64 saylı Mənzil Kommunal Təsərrüfat Birliyində (MKTB) karantin dövründə görülən işlər və bu işləri görən heyətlə tanış olub. Bu gün insanları xilas etmək, sağlamlığımızın qeydinə qalmaq həkimlər, polislər, hərbçilərlə yanaşı, həm də "JEK işçiləri" adlandırdığımız insanların üzərinə düşür. BŞİH-in müxtəlif rayonlar üzrə hər MKTB-də dezinfeksiya işi üçün 9 məsul işçi ayrılıb.

© Sputnik / Nigar Iskanderova.
Yasamal rayonu ərazisində dezinfeksiya işləri

Yasamal rayonu 21 saylı MKTB-nin rəisi Laçın Hacıyev deyirb ki, hazırda onların nəzarətində olan binaların sayı 38-dir: "38 bina, 158 giriş hər gün bizim əməkdaşlar tərəfindən dezinfeksiya olunur. Bizim ərazimizə daxil olan meydançalar, parklar isə dəmir barmaqlıqlara alınır. "Cavid" parkı, o cümlədən də "Space" telekanalının qarısında olan park da dəmir barmaqlıqlarla mühasirələnib".

Hacıyevin sözlərinə görə, hazırda 21 saylı MKTB-də bu işlə məşğul olanların sayı 9-dur ki, onlardan da 4-ü qadındır: "Elə ilk dəfə olaraq bizim MKTB-də xanımlar bu işi görməyə başladılar. Bəzən onların binalarının dezinfeksiya edilməsindən heç vətəndaşların xəbəri olmur, bəziləri isə "siz burda nə işlə məşğulsunuz?" deyə sual verirlər. Bir də görürsən zəng vurub şikayət edirlər ki, binaları dezinfeksiya olunmayıb. Onlara başa salırıq ki, həmin binada dezinfeksiya işi səhər saatlarında, onlar yuxuda olarkən görülüb".

© Sputnik / Nigar Iskanderova.
Yasamal rayonu 21 saylı MKTB-nin rəisi Laçın Hacıyev

Həmişə yaxşı işlərə kölgə salmaq istəyənlərin olduğunu vurğulayan JEK müdiri bildirib ki, onlara mənzillərin dezinfeksiyası ilə bağlı tapşırıq verilməyib. Onlar yalnız mənzillərin çölünü və binaların girişlərini dezinfeksiya etməyə məsuldurlar.

Xatırladaq ki, koronavirusa qədər binaların dezinfeksiya edilməsi yalnız Respublika Gigiyena və Epidemiologiya Mərkəzi tərəfindən aparılırdı.

50 yaşlı Vəsilə Rəhimova da dezinfeksiya işini həyata keçirən JEK əməkdaşlarındandır. O, məcburiyyət qarşısında qaldığından bu işlə məşğul olduğunu, amma işindən zövq aldığını deyib: "Yaxınlıqda yaşayıram deyə, bu iş mənə əl verir. Yoldaşım əlildir, iki azyaşlı övladım var. Onlara görə işləmək məcburiyyətindəyəm".

Rəhimova artıq 3 ildir JEK-də işləyir. Səkkiz saatlıq işə görə 240 manat maaş alır. Amma bu maaşa qane olmaq məcburiyyətindədir. "Həm yaxınlıqda kirayədə qalırıq, tez-tez evə baş çəkirəm. Mənə görə ən uyğun iş budur. Övladlarıma, ailəmə görə bu işi digərlərindən daha üstün tutdum", - deyə Rəhimova bildirib.

© Sputnik / Nigar Iskanderova.
Mənzil-Kommunal Təsərrüfatı Birliyinin əməkdaşı Vəsilə Rəhimova

Ali təhsili olmayan Vəsilə xanım bura qədər başqa heç yerdə işləməyib, evdar qadın olub. Amma JEK-də təmizlik xidmətinə başladığından, işini sevərək görüb. O, ümid edir ki, koronavirusdan tezliklə yaxa qurtara biləcəyik. Oxuculara isə sözü budur: "Hər kəsi evdə qalmağa, zərurət olmadan evdən çıxmamağa səsləyirik. Biz də sizin üçün işləyirik".

Binaları dezinfeksiya edənlərdən biri olan, 58 yaşlı Nürəddin İsmayılovdur. Deyir ki, hər gün səhər 8-dən etibarən MKTB-nin tabeliyində olan əraziləri dezinfeksiya edirlər: "Fevralın 24-dən etibarən biz bu işə başlamışıq. Bütün binaları, binaların girişini, zibil konteynerlərini dezinfeksiya edirik. Çalışırıq ki, şəhərimizdə koronavirus olmasın".

© Sputnik / Nigar Iskanderova.
Mənzil-Kommunal Təsərrüfatı Birliyinin əməkdaşı Nürəddin İsmayılov

İsmayılov əvvəllər gəmilərdə uzaq səfərlər üzrə kapitan olub. Tale elə gətirib ki, kapitanlıqdan bu işə keçməli olub. Yasamal rayonu MKTB-də fevraldan etibarən çalışır. Həmsöhbətimiz hökumət tərəfindən başladılan #evdeqal kampaniyasını çox müsbət və zamanında atılan addım kimi dəyərləndirir: "Nəvələrim də var, bir azyaşlı övladım da. Kiçik qızım 2-ci sinifdə oxuyur. Nəvələrimi, azyaşlı övladlarımı görmək, birgə vaxt keçirtmək üçün evə qaça-qaça gedirəm. Daha çox onlara dərslərini oxumağı aşılayıram, birgə mütaliə edirik".

Keçmiş gəmi kapitanı hesab edir ki, asan iş heç yerdə yoxdur, əsas odur, gördüyün işə ürəyini qoyasan, vicdanlı olasan. 250 manata qane olmaq məcburiyyətində qalan İsmayılov deyir ki, maaşları artırılsa, daha yaxşı olar. İndiki vaxtda isə fikirləşir ki, təmizliyə riayət etmək, evdən çölə çıxmamaq, "evdə qal" aksiyasına dəstək vermək lazımdır.

© Sputnik / Nigar Iskanderova.
Yasamal rayonu ərazisində dezinfeksiya işləri

Qeyd edək ki, hər gün bu işçilərə xüsusi geyimlər, maskalar, xüsusi eynəklər verilir. Onların maskaları saatda bir dəfə, birdəfəlik istifadə üçün nəzərdə tutulan xüsusi geyimləri də hər gün yenisi ilə əvəzlənir. Laçın Hacıyev bu cür tibbi avadanlıqların tapılmasında müəyyən qədər çətinliklərinin olduğunu deyib.

1112

Maska məsələsi niyə belə uzanır?

4
(Yenilənib 11:02 02.06.2020)
Milli Məclisin növbədənkənar iclasında "Ünvanlı dövlət sosial yardımı haqqında" qanunda, İnzibati Xətalar Məcəlləsində dəyişikliklərə baxılacaq

BAKI, 2 iyun — Sputnik. Milli Məclisin növbədənkənar iclası keçirilir.

Sputnik Azərbaycan xəbər verir ki, iclasın gündəliyinə 3 məsələ daxil edilib.

İlk olaraq İnzibati Xətalar Məcəlləsində dəyişikliyə üçüncü oxunuşda baxılacaq. Qeyd edək ki, Məcəlləyə edilən yeni əlavəyə görə, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfindən həmin tələblərin pozulmasının qarşısının alınmamasına görə cərimələr müəyyən edilib.

"Ünvanlı dövlət sosial yardımı haqqında" qanunda, İnzibati Xətalar Məcəlləsində dəyişikliklərə baxılacaq.

4
Əlaqədar
Dərini maska və əlcək altında necə qorumalı – dermatoloq tövsiyəsi
Alış-veriş "dəliləri", kim tutar sizi? - FOTO
"Başabəla" dəyişiklik parlamentdən keçdi
Maska taxmayanlara agentlikdən "sürpriz"
Təqvim,  arxiv şəkli

İyun ayının qeyri-iş günləri açıqlandı

47
(Yenilənib 11:15 02.06.2020)
Bu ay şənbə və bazar günləri də daxil olmaqla, 5 günlük iş həftəsində çalışanlar üçün 10, 6 günlük iş həftəsində çalışanlar üçün isə 6 gün qeyri-iş günü olacaq.

BAKI, 2 iyun — Sputnik. İyun ayında iki bayramın olması istirahət günlərinin sayını artırıb. Sputnik Azərbaycan-ın məlumatına görə, 15 İyun – Milli Qurtuluş Günüdür.  26 İyun isə – Silahlı Qüvvələr Günüdür. Beləliklə, bu ay şənbə və bazar günləri də daxil olmaqla, 5 günlük iş həftəsində çalışanlar üçün 10, 6 günlük iş həftəsində çalışanlar üçün isə 6 gün qeyri-iş günü olacaq.

47
ABŞ-da epidemioloji vəziyyət

Koronavirusdan ölənlərin sayı 375 mini keçdi

0
(Yenilənib 11:13 02.06.2020)
Koronavirusa yoluxmaların sayına görə ilk pillədə ABŞ qərarlaşıb. Demək olar ki, indi hər altıncı yoluxmuş şəxs bu ölkənin vətəndaşıdır

BAKI, 2 iyun — Sputnik. Dünyada koronavirusa yoluxanların sayı 6 271 577-ə çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 375 656 nəfər vəfat edib, 2 697 328 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 1 milyon 811 min 277 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 414 328 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla
Əlaqədar
Bu rəqəmlər heyrət doğurur: koronavirusa görə də uşağa bu qədər pul verərlər?
Dərini maska və əlcək altında necə qorumalı – dermatoloq tövsiyəsi
Daha bir antirekord - Koronavirusdan bir gündə 5 nəfər ölüb
Virusa yoluxub sağalmısınızsa, çox sevinməyin - Hər şey daha kəskin şəkildə qayıda bilər