Xınalıq qəbristanlığı

Dağ başında, amma fəlakətdən uzaq: onları əcdadlarının sümükləri qoruyur

983
(Yenilənib 12:54 25.03.2020)
Xınalığın bir fərqi də var - indiki dövrə qədər, yerləşdiyi əraziyə, relyefinə baxmayaraq, heç bir fəlakətə məruz qalmayıb, müqəddəsdir yəni

Leyla Abdullayeva, Sputnik Azərbaycan

BAKI, 25 mart — Sputnik. Dağ başında qədimiliyin bir parçasıdır Xınalıq. Unikal insanından, dilindən çox danışmışıq. Amma bircə sirr verməyən daşları var bu kəndin. Xınalığın içərisinə doğru irəlilədikdə yaşıllığın arasından sanki çiçək əvəzinə uzunlu-gödəkli daşlar boy verir. Şümal, bıçaqla kəsilmiş marqarin parçasına bənzəyən daşlar. 

Kəndin ağsaqqalı Yusif Şabanov Sputnik Azərbaycan-a danışır ki, bunlar hansısa tikintidən qalmayıb, məzar daşlarıdır əslində. Yəni kəndin girəcəyindəki boş sahə düzənliyə bənzəsə də, qəbiristanlıqdır: "Xınalıq kəndində yerləşən bu qəbiristanlıq çox qədimdir. Dəqiq yaşını deyə bilməsək də, qədim olduğuna bir neçə sübut var. Onun yuxarıdakı, dağda yerləşən hissəsini yağışlar yuyub aparıb, kanyon yaranan hissəyə baxdıqda üst-üstə üç-dörd qəbrin eyni yerdə basdırıldığını görə bilərik.

Ümumiyyətlə, bu kəndin dörd bir hissəsində qəbiristanlıq yerləşir və hər məhəllənin öz məzarlığı var. Əslində, çox da böyük olmayan Xınalıq kəndi üçün bu qədər məzarlığın mövcudluğu insanda istər-istəməz maraq doğurur. Zaman-zaman gördüyünüz bu qəbiristanlığın batmasının da şahidi oluruq. Bu da yenə onun qədimliyindən xəbər verir".

© Sputnik / Leyla Abdullayeva
Xınalıq kəndində qədim qəbristanlıq

Yusif Şabanov qəbiristanlıqdakı qeyri-adi başdaşılardan da söz açır: "Buradakı qəbiristanlıqda iki böyük başdaşı var. Tarixi 1400-cü ilə qədər gedib çıxır. Həmin daşların uzunluğu 2,5-3 metrə qədərdir. Hələ bu onun torpaqdan üzdə olan hissəsidir. Yerin altında nə qədər hissəsinin qaldığı və ümumi uzunluğunun neçə metr olduğu məlum deyil. Bu uzunluqda daşların necə, hansı yolla gətirildiyi də məlum deyil.

Babalarımız güman edirdilər ki, onlar ancaq Xınalıqdan 14-15 km uzaqlıqda yerləşən Şah düzü adlanan ərazidən gətirilə bilərdi. Çünki bunlara bənzər daşlara ancaq orada rast gəlmək mümkündür. Bu başdaşlarının uzunluğu turistləri də təəccübləndirir.

Maraqlı bir məqamı da nəzərinizə çatdırım ki, düzəngahda böyük sahələr qala-qala o dövrdə ölüləri kəndin təpə hissələrində - torpağın çətin qazılan yerlərində dəfn ediblər. Babalarımız da bunu belə əlaqələndirirdilər ki, o dövrün insanları çox zəhmətkeş olduqlarına görə, yararlı torpaqlar zəbt olunmasın deyə belə çətin yerdə qəbiristanlıq salıblar".

  • Xınalıq qəbristanlığı
    © Sputnik / Leyla Abdullayeva
  • Xınalıq qəbristanlığı
    © Sputnik / Leyla Abdullayeva
  • Xınalıq qəbristanlığı
    © Sputnik / Leyla Abdullayeva
1 / 3
© Sputnik / Leyla Abdullayeva
Xınalıq qəbristanlığı

"Qəbiristanlıqların tarixini müəyyənləşdirmək istəsək, burada yaşayan xalqların kökünə nəzər yetirməliyik. Ərazidə qədimlərdə alban, ket tayfaları məskunlaşmışlar. Xınalığın özəlliyi də burada yerləşən sakinlərin Nuh peyğəmbərin nəslindən olmasıdır. Buraya Nuhdan sonra ilk insan həyatının başlandığı məkan da deyilə bilər. Bu kəndin bir fərqi də var - indiki dövrə qədər, yerləşdiyi əraziyə, relyefinə baxmayaraq, heç bir fəlakətə məruz qalmayıb, müqəddəsdir yəni. Buna görə də Xınalıq hər zaman Avropa və Asiya alimlərinin maraq dairəsində olub", - ağsaqqal deyir.

Yusif Şabanovun sözlərinə görə, bu qəbiristanlıqlardan başqa, Xınalığın hər-hansı bir hissəsində qazıntı aparılan zaman qədim insan sümüklərinə rast gəlmək mümkündür.

983
Mövzu:
Azərbaycanın görməli yerləri, turizm obyektləri (47)
Əlaqədar
Nuh peyğəmbərin azərbaycanlı "nəvələri" alimlərdən kömək istəyirlər
Qəbiristanlıqda başlayıb, qəbiristanlıqda bitən həyat – Qrızdakı bir günün REPORTAJI
Binəqədinin Kaliforniyadakı muzeyə meydan oxuyan abidəsi su içində qalıb - FOTO
Qızıldan qiymətli peyin, yaxud üstü bəzək, altı təzək
Göz dağına çevrilən məkan – Qəbələ muzeyinin bəxti nə vaxt açılacaq
Qoruyucu maskada olan müsəlman kişi cümə namazının başlamasını gözləyir, arxiv şəkli

Operativ Qərargahın mömin insanlardan gözləntisi var

3
(Yenilənib 11:41 15.08.2020)
Prezidentin köməkçisi: Möminlərdən epidemioloji vəziyyəti nəzərə alaraq qarşıdan gələn dini mərasimlərdə kütləviliyə yol verilməməsini xahiş edirik.

BAKI, 15 avqust — Sputnik. "Qarşıdan Məhərrəm ayı gəlir. Mömin insanların hissləri və inanclarına hörmətlə yanaşırıq. Bu kimi mərasimlər hər zaman ölkəmizdə keçirilib".

Sputnik Azərbaycan xəbər verir ki, bu sözləri Azərbaycan Respublikası Prezidentinin Administrasiyasının xarici əlaqələr şöbəsinin rəhbəri Hikmət Hacıyev deyib.

O bildiirb ki, hazırkı vəziyyətlə əlaqədar oaraq digər müsəlamn ölkələrinin də təcrübəsi öyrənilir: "Biz qarşıdakı ayda kütləviliyə yol verilməməsi üçün insanlara səslənirik. Mömin insanlarımızın, vətəndaşlarımızın bu qaydalara ciddi şəkildə riayət edəcəyini gözləyirik".

 

3
Prezident Administrasiyasının Xarici siyasət məsələləri şöbəsinin müdiri Hikmət Hacıyev

Prezidentin köməkçisi vətəndaşlara müraciət etdi

2
(Yenilənib 11:55 15.08.2020)
"Vətəndaşlardan xahiş edirik ki, sosial gigiyana qaydalarına əməl etsinlər və maskadan istifadə etsinlər"

BAKI, 15 avqust - Sputnik. “Dünya üzrə koronavirusa yoluxma sayı 21 milyondan çoxdur”.

Bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqində deyib.

“Azərbaycanda son günlər ərzində rəqəmlərdəki müsbət dinamika hər birimizi sevindirir. Bu rəqəmlərin aşağı düşməsi vətəndaşların məsuliyyətli davranışı və karantin qaydalarına əməl etməsi nəticəsində əldə olunub. Vətəndaşlardan xahiş edirik ki, sosial gigiyana qaydalarına əməl etsinlər və maskadan istifadə etsinlər”, - o bildirib.

2
AZAL şirkətinin sərnişin təyyarəsi, arxiv şəkli

Xaricdəki azərbaycanlıların gətirilməsi ilə bağlı problemlər var

0
(Yenilənib 11:55 15.08.2020)
Azərbaycanda olan Rusiya vətəndaşlarının quru yolu ilə ölkəsinə getməsi təmin olunur, eyni zamanda da eyni marşrut üzrə Rusiyada olan vətəndaşlarımızın müəyyən qrafiklə ölkəmizə keçidi təmin olunur

BAKI, 15 avqust — Sputnik. "Xaricdə olan vətəndaşların gətirilməsi ilə bağlı ciddi problemimiz var. Uçuş reyslərinin təşkilində müəyyən çətinliklər var. Mərkəzi Asiya, Qazaxıstan, Türkmənistanda bir neçə vətəndaşımız qalıb ki, gələn həftə onların bərə ilə gətirilməsi təşkil olunacaq".

Sputnik Azərbaycan xəbər verir ki, bu sözləri Azərbaycan Respublikası Prezidentinin Administrasiyasının xarici əlaqələr şöbəsinin rəhbəri Hikmət Hacıyev deyib.

O bildirib ki, Azərbaycanda olan Rusiya vətəndaşlarının quru yolu ilə ölkəsinə getməsi təmin olunur, eyni zamanda da eyni marşrut üzrə Rusiyada olan vətəndaşlarımızın müəyyən qrafiklə ölkəmizə keçidi təmin olunur: "Eyni mexanizmlə Gürcüstanda olan vətəndaşlarımızın və Azərbaycanda olan Gürcüstan vətəndaşlarının da keçidi təmin olunur".

0