Sürücü sükan arxasında

Yollar bağlandı: kimlər haraya buraxılacaqlar?

532
(Yenilənib 21:24 23.03.2020)
Rayonlara getmiş şəxslərin Bakı, Sumqayıt şəhərlərinə və Abşeron rayonuna qayıtmalarına icazə verilir, lakin onlar xüsusi karantin rejimi müddətində respublikanın digər şəhər və rayonlarına buraxılmayacaqlar

BAKI, 23 mart — Sputnik. Xüsusi karantin rejimi tətbiq olunduqdan sonra Daxili İşlər Nazirliyinə KİV və ictimaiyyət nümayəndələrindən gələn suallara DİN Mətbuat Xidmətinin rəisi Ehsan Zahidov cavab verib.

Sputnik Azərbaycan həmin məlumatlıarı təqdim edir:

-Dünyada koronavirus pandemiyasının geniş yayıldığını nəzərə alaraq, koronavirus infeksiyasının  ölkəmizdə yayılmasının, onun törədə biləcəyi fəsadların qarşısının alınması, əhalinin sağlamlığının qorunması məqsədilə martın 24-də saat 00:00-dan etibarən ölkə ərazisində xüsusi karantin rejimi elan edilib. Bəs bundan sonra vətəndaşlarımızın ölkə ərazisindəki hərəkəti necə tənzimlənəcək?

- Elan edilmiş xüsusi rejimin tələblərinə görə xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla respublikanın şəhər və rayon qeydiyyatında olan nəqliyyat vasitələrinin, eləcə də rayon qeydiyyatında olan vətəndaşlarımızın Bakı, Sumqayıt şəhərlərinə və Abşeron rayonuna giriş və çıxışları tam məhdudlaşdırlır. Həmçinin, Bakı, Sumqayıt şəhərlərində və Abşeron rayonunda qeydiyyatda olan nəqliyyat vasitələrinin və bu şəhərlərdə qeydiyyatda olan vətəndaşlarımızın respublikanın digər şəhər və rayonlarına çıxışlarına da məhdudiyyət qoyulur.

- Bəs bu günə qədər respublikanın digər şəhər və rayonlarına getmiş və hazırda da orada olan Bakı, Sumqayıt şəhərlərində və Abşeron rayonunda qeydiyyatda olanlar geri qayıda biləcəklərmi?

- Bəli, onların Bakı, Sumqayıt şəhərlərinə və Abşeron rayonuna qayıtmalarına icazə verilir, lakin onlar xüsusi karantin rejimi müddətində respublikanın digər şəhər və rayonlarına buraxılmayacaqlar.

- Əvvəlcədən Bakı, Sumqayıt şəhərlərinə və Abşeron rayonuna gəlmiş respublikanın digər şəhər və rayon qeydiyyatında olan nəqliyyat vasitələrinin və vətəndaşların aqibəti necə olacaq? 

-  Onların qeydiyyatda olduqları şəhər və rayonlara  çıxışlarına məhdudiyyət tətbiq edilmir. Lakin, onlar Bakı, Sumqayıt şəhərlərini və Abşeron rayonunu tərk etdikdən sonra xüsusi karantin rejimi müddətində geri qayıda bilməyəcəklər.

Sonda Ehsan Zahidov qeyd edib ki, həyata keçirilən bütün tədbirlər vətəndaşlarımızın təhlükəsizliyinin təmin edilməsi və onların sağlamlığının qorunmasına xidmət edir. İnanırıq ki, vətəndaşlarımız xüsusi karantin rejimin bütün tələblərinə, o cümlədən Azərbaycan Respublikasının Nazirlər Kabineti yanında Operativ Qərərgahın tətbiq etdiyi sosial izolyasiya tədbirlərinə ciddi riayət edəcək, verilən tövsiyə və qərarları anlayışla qarşılayacaqlar.

532
Müsəlman zəvvarlar Həcc ziyarətində, arxiv şəkli

Hacı olmaq əvvəldən çətin idi, indi Səudiyyə Ərəbistanı bir söz deyir, infeksionist başqa

5
(Yenilənib 00:14 04.03.2021)
"Nəzərə almaq lazımdır ki, koronavirusun bir neçə ştammı var. Həccə isə dünyanın müxtəlif ölkələrindən insanlar gəlirlər"

Zülfiyyə Quluyeva, Sputnik Azərbaycan

BAKI, 4 mart — Sputnik. Ötən il koronavirus pandemiyası səbəbindən müsəlmanların çoxu hacı ola bilmədi. Bu il isə həcc ziyarəti müəyyən şərtlər əsasında baş tuta bilər. Səudiyyə Ərəbistanının səhiyyə naziri Təvfiq əl-Rabianın ictimaiyyətə verdiyi məlumata görə, bu il həcc ziyarəti üçün müqəddəs Məkkə və Mədinə şəhərlərinə getmək 2021-ci il iyulun ikinci yarısında mümkün olacaq. Onun sözlərinə görə, 2021-ci ildə həcc ziyarəti üçün tətbiq olunan qaydalara COVID-19-a qarşı peyvənd olunması da əlavə edilib. Nazir bildirib ki, həcc ziyarətinə qatılmaq üçün əsas şərtlərdən biri də koronavirusa qarşı peyvənd olunmaqdır.

Qeyd edək ki, hər il Azərbaycanda həcc ziyarətinə xeyli sayda insan gedir. Ötən il pandemiya səbəbindən həccə getmək istəyənlərin ödədiyi vəsait geri qaytarıldı. Bəs görəsən, bu il Azərbaycandan həcc ziyarətinə getmək mümkün olacaqmı?

Qafqaz Müsəlmanları İdarəsindən Sputnik Azərbaycan-a bildirilib ki, həcc ziyarəti üçün Səudiyyə Ərəbistanı tərəfindən Azərbaycana kvota ayrılmalıdır: "Hələ ki bununla bağlı Səudiyyə Ərəbistanından bizə bir məlumat daxil olmayıb. Azərbaycana həcc ziyarəti üçün ayrılacaq kvota bəlli deyil. Əgər belə bir müraciət olarsa, biz ictimaiyyətə məlumat verəcəyik".

O ki qaldı Azərbaycandan həccə gedəcək insanların koronavirus əleyhinə vaksin vurdurmasına, Qafqaz Müsəlmanları İdarəsindən bildirdilər ki, indidən bu barədə qəti fikir söyləmək mümkün deyil. Amma həcc ziyarəti üçün tətbiq olunan qaydalarda COVID-19-a qarşı məcburi peyvənd nəzərdə tutulacaqsa, Azərbaycandan gedəcək zəvvarlar da bu tələbə əməl etməlidirlər.

Həcc ziyarətinin qiyməti ilə bağlı da bir məlumat yoxdur. Qafqaz Müsəlmanları İdarəsindən aldığımız məlumata görə, kvota ayrıldıqdan sonra Azərbaycandan nümayəndə Məkkəyə gedərək orada hotellərlə bağlı danışıqlar aparacaq, bundan sonra həcc qiyməti bəlli olacaq. İdarədən ötən il həcc üçün müraciət edənlərin ödədiyi vəsaitin tam şəkildə geri qaytarıldığını da bildirdilər.

İnfeksionistlər isə vaksin vurdurduqdan sonra həccə getməyin təhlükəli olduğunu söyləyirlər. Tibb Universitetinin Yoluxucu xəstəliklər kafedrasının əməkdaşı, infeksionist Vüqar Cavadzadə Sputnik Azərbaycan-a açıqlamasında bildirib ki, hər il həcc ziyarətinə bir milyondan yuxarı insan gedir. Bu qədər insanın bir yerə toplaşması, sıx təması yoluxma riski yaradır: "Hətta həcc ziyarətinə vaksin tələbi qoyulsa belə, insanlar oraya gedib koronavirusun yeni mutasiya olunmuş formasını gətirə bilərlər. Nəzərə almaq lazımdır ki, koronavirusun bir neçə ştammı var. Həccə isə dünyanın müxtəlif ölkələrindən insanlar gəlirlər.

Bu gün Azərbaycanda virusa görə peyvənd edənlərin sayı 300 min nəfərdir. Ölkəmizdə yaşı 65-dən yuxarı olan insanların sayı isə 700 mindən yuxarıdır. Bu o deməkdir ki, yaşlı əhalinin çoxu peyvənd edilməyib. Həccə gedənlər arasında isə bu kateqoriya üstünlük təşkil edir. Bu gün virusa yoluxmada yaşlı insanlar risk qrupu sayılır. Odur ki, mən vaksin vurduranların belə həcc ziyarətinə getməsini məsləhət görmürəm. Biz peyvəndin nə dərəcədə effektivliyini də tam bilmirik".

Qeyd edək ki, ötən il pandemiya səbəbindən həcc ziyarətində 10 min nəfər iştirak edib. Zəvvarların 30%-i Səudiyyə Ərəbistanı, 70%-i ölkədə yaşayan xarici vətəndaşlar olub. Digər ölkələrdən gələn zəvvarlar həcc ziyarətinə buraxılmayıblar. Xüsusi icazələr xroniki xəstəlikləri olmayan, koronavirusa yoluxmayan, əvvəllər həcc ziyarətində olmayan və karantin müddətinə tab gətirməyə hazır olan 20-50 yaş arası insanlara verilib.

5
Teqlər:
infeksionist, tələb, pandemiya, vaksinasiya, vaksin, Koronavirus, epidemiya, COVID-19, Səudiyyə Ərəbistanı, Mədinə, Məkkə, Həcc ziyarəti, hacı
Qan nümunələri, arxiv şəkli

Alimlər COVID-19-la qan qrupunun əlaqəsini sübut etdilər

6
(Yenilənib 01:12 04.03.2021)
Araşdırma zamanı bəlli olub ki, RBD zülal kompleksi II qan qrupuna sahib insanların respirator hüceyrələrinə yapışmağa daha çox meyllidir.

BAKI, 4 mart - Sputnik. İkinci qan qrupuna malik insanların yeni tip koronavirus infeksiyasına yoluxmaq riski daha yüksəkdir. 

Sputnik Azərbaycan bildirir ki, bu barədə Amerika Hematologiya Cəmiyyətinin jurnalı olan Blood Advances yazır.

"Qan qrupu - problemdir, çünki o, irsi keçir, bu səbəbdən də biz onu dəyişə bilmirik. Ancaq biz virusun insanların müxtəlif qan qrupları ilə qarşılıqlı əlaqələrini daha yaxşı anlasaq, o zaman yeni dərmanlar və ya profilaktika metodları tapa bilərik", - tədqiqatın aparıcı müəllifi Şon Stouell hesab edir.

Tədqiqatda işltirak edən Bostondakı Brigham and Women's xəstəxanasının alimləri aşkarlayıblar ki, SARS-CoV-2 koronavirusu hər bir qan qrupunun qırmızı cisimləri - eritrositlərlə qarşılıqlı təsirdə olur. Mütəxəssislərin məlumatına görə, virus hüceyrələrə yapışmaq üçün RBD zülal kompleksindən istifadə edir, yoluxmanın yüngüllük dərəcəsi isə bu birləşmənin gücündən asılıdır. 

Araşdırma zamanı bəlli olub ki, RBD zülal kompleksi II qan qrupuna sahib insanların respirator hüceyrələrinə yapışmağa daha çox meyllidir.

Buna rəğmən, tədqiqatçılar vurğulayırlar ki, onların araşdırmasının nəticəsi COVID-19-un müxtəlif qan qruplarına sahib insanlarda necə keçməsini proqnozlaşdıra bilməz, çünki xəstəliyin ağırlığına təsir edən amillər çoxdur. 

6
Teqlər:
Koronavirus, COVID-19, epidemiya, qan qrupu, qan
Mövzu:
Yeni tip koronavirus pandemiyası