Manat, arxiv şəkli

Koronavirus daha bir sahəni təhdid edir - İlk növbədə qiymətlərlə

853
(Yenilənib 14:36 27.02.2020)
Hələ koronavirusun avtombil bazarına heç bir təsiri olmadığını bildirən ekspert vurğulayıb ki, gələcəkdə bu problemin bazara təsir etməyəcəyinə heç kim zəmanət verə bilməz.

İradə Cəlilova, Sputnik Azərbaycan

BAKI, 27 fevral — Sputnik. Ötən ilin sonlarında Çində yayılmış koronavirus artıq bir çox ölkələrdə fəsadlarla nəticələnib. Virusun müşahidə edilmədiyi ölkələr öz sərhədlərini bağlayır. Bu isə bütün sahələrə öz mənfi təsirini göstərir.

Bəs kornavirusun yaratdığı iqtisadi fəsadlar Azərbaycan avtomobil bazarına təsir edəcəkmi?

Sputnik Azərbaycan bu məsələni araşdırıb.

Nəqliyyat məsələri üzrə ekspert Elməddin Muradlı isə bildirib ki, koronavirusla bağlı bir çox sahələrdə problemlər yaşanır.

"Hazırda avtomobil hissələrinin böyük əksəriyyəti Çindən gətirilir. Bu baxımdan düşünürəm ki, bu avtomobil bazarında qiymətlərə öz təsirini göstərəcək. Yaxın zamanda bu təhlükə sovuşmasa hesab edirəm ki, bazarda dəyişikliklər olacaq və bu dəyişikliklər heç də yaxşıya doğru olmayacaq" - ekspert bildirib.

Onun sözlərinə görə, vətəndaşlarda Çin avtomobillərinə qarşı yenicə inam yaranmağa başlanmışdı. Bazarlarda orjinal ehtiyat hissəsləri ilə yanaşı Çin istehsalı olan ehtiyyat hissələri də satılırdı.

Hələ koronavirusun avtombil bazarına heç bir təsiri olmadığını bildirən ekspert vurğulayıb ki, gələcəkdə bu problemin bazara təsir etməyəcəyinə heç kim zəmanət verə bilməz.

E. Muradlı qeyd edib ki, virusun yayılma tempi digər ölkələrlə də olan münasibətlərə zərər vura bilər.

"Ümumiyyətlə, biz bu il bu virusun təsirlərini hər bir sahədə hiss edəcəyik. Bir çox dünya brendləri var ki, onların zavodları Çində yerləşir. Bura avtomobil istehsalçıları da daxildir. Bu səbəbdən də hesab edirəm ki, iqtisadi baxımdan çətin il olacaq" - o bildirib.

Nəqliyyat eksperti Eldəniz Cəfər Sputnik Azərbaycan-a bildirib ki, Çində koronavirus yayılması Azərbaycan avtomobil bazarına heç bir təsir etmədi: "Halhazırda digər ölkələrdə viruslar yayılsa da, bu biizm avtomobil bazarından yan keçdi. Müxtəlif ölkələrin sərhədlərind aparılan müvəqqəti profilaktik işlərin avtomobillərin qiymətinə təsir edəcəyini düşünmürəm. Qıtlıq və ya qiymət bahalaşması müşahidə edilmir".

Ekspert həmçinin vurğulayıb ki, avtomobillərin Azərbaycana idxalı adi qaydada davam edir. Avtomobillərin digər ölkələrdən Azərbaycana idxalında heç bir problem müşahidə edilmir.

853
Körpə

Hərbi əməliyyatlar gedən müddətdə doğulan oğlanlara qoyulan adlar açıqlandı

0
(Yenilənib 18:55 28.10.2020)
Bir ay ərzində 41 oğlana Yusif, 41 oğlana Əli, 36 oğlana Uğur adı verilib, qız adlarında isə ilk yerlərdə Zəhra, Aylin, Məryəm yer alıb.

BAKI, 28 oktyabr — Sputnik. Son bir ayda, yəni Ermənistan-Azərbaycan arasında Dağlıq Qarabağ münaqişəsinin daha da gərginləşdiyi bir dövrdə dünyaya gələn körpələrə qoyulan adlar açıqlanıb. Ədliyyə Nazirliyindən Sputnik Azərbqaycan-a bildirilib ki, 27 sentyabrdan 27 oktyabradək Azərbaycanda 2353 uşaq dünyaya gəlib ki, onlardan 1282 nəfəri oğlan, 1071 nəfəri qız olub. Bu müddət ərzində doğulan əkiz uşaqların sayı 28 olub.

Nazirliyin məlumatına görə, bir ay ərzində 41 oğlana Yusif, 41 oğlana Əli, 36 oğlana Uğur adı verilib.

Qız adlarında isə ilk yerlərdə Zəhra, Aylin, Məryəm adları yer alıb.

0

Bakı Metropolitenində sərnişindaşıma fəaliyyəti daha bir ay dayandırıldı

8
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

8