Dezinfeksiya işləri, arxiv şəkli

Bakıda qapı-qapı düşüb pul yığanlar kimlərdir?

1140
(Yenilənib 13:54 20.02.2020)
"Bizim işimiz başımızdan aşır. Bütün Bakı şəhərinin dezinfeksiya işi bizim üzərimizdədir" - Akif Məmmədov

Zülfiyyə Quluyeva, Sputnik Azərbaycan

BAKI, 20 fevral — Sputnik. Son iki gündür ki, paytaxtda dezinfeksiya adı altında sakinlərdən pul yığılır. Bu barədə "Facebook" sosial şəbəkə istifadəçiləri məlumat veriblər. Məlumata görə, yaşayış binalarında dezinfeksiya üçün sakinlərdən üç manat məbləğində pul tələb olunur. Pulu aldıqdan sonra isə həmin şəxslər dezinfeksiya aparmadan aradan çıxırlar.

Bu hadisə jurnalist Mehman Mehdiyevin də başına gəlib. O, "Facebook" sosial şəbəkəsindəki hesabında yazıb ki, onlardan da bu məqsədlə pul tələb olunub: "Özlərini Sanitar Epidemiya Stansiyasının əməkdaşları kimi təqdim edən iki cavan oğlan yaşadığımız binada mənzillərin qapılarını döyüb, hər evdən 3 manat istəyiblər. Bunun qarşılığında blokda dezinfeksiya edəcəklərini deyiblər. Əllərində nə bir avadanlıq, əyinlərində nə bir xüsusi paltar olan bu şəxslər qonşuların təpkisindən sonra çıxıb gediblər".

Sputnik Azərbaycan məsələni dəqiqləşdirmək üçün Bakı Şəhər Dezinfeksiya Mərkəzinin rəhbəri Akif Məmmədovla əlaqə saxlayıb. A.Məmmədov Sputnik Azərbaycan-a faktı təsdiqləyib. O bildirib ki, bununla bağlı Mərkəzə çoxsaylı müraciətlər daxil olub:

"Mənim özümə də zəng edib bildirirlər ki, yaşayış binalarında mənzillərin qapısını döyüb dezinfeksiya adı altında sakinlərdən pul alırlar. Həmin şəxslər müxtəlif təmizlik şirkətlərinin işçiləridir. Onların bizim quruma aidiyyəti yoxdur. Bizim əməkdaşlarımız heç bir mənzilin qapısını döyüb demirlər ki, üç manat pul ver, bloku, yaxud da mənzili dezinfeksiya edək. Bizim işimiz başımızdan aşır. Bütün Bakı şəhərinin dezinfeksiya işi bizim üzərimizdədir".

A.Məmmədov deyib ki, sakinlərin binanın blokunda, mənzillərdə dezinfeksiya işini hər tanımadıqları şirkətə həvalə etməsi düzgün deyil: "Dezinfeksiya işləri dərmanlarla aparılır. Bu zaman sakinlər qapı-pəncərəni iki saat bağlı saxlayıb evdən çıxmalıdırlar. Mənzildə təmizlik işləri aparıldıqdan sonra evin sakinləri mənzilə qayıtmalıdırlar. Dezinfeksiya üçün istifadə edilən dərmanlar zəhərlənmə və digər fəsadlara səbəb ola bilər. Bunu sakinlər mütləq nəzərə almalı və ehtiyatlı davranmalıdırlar".

1140
Əlaqədar
Çirkli dayanacaq, çirkli avtobus, çirkli küçə: eləcə evdən işə, işdən evə
Nəqliyyatda dezinfeksiya işlərinə başlanıldı – Virusa görə
"Sofra"nı siçanlara görə bağladılar
Xlorofos içən uşaqdan xəbər var
Pulu sel kimi səpdiyimiz sahədə qorxunc vəziyyət – Tibb işçisinin işini evdar qadın görür
Körpə

Hərbi əməliyyatlar gedən müddətdə doğulan oğlanlara qoyulan adlar açıqlandı

0
(Yenilənib 18:55 28.10.2020)
Bir ay ərzində 41 oğlana Yusif, 41 oğlana Əli, 36 oğlana Uğur adı verilib, qız adlarında isə ilk yerlərdə Zəhra, Aylin, Məryəm yer alıb.

BAKI, 28 oktyabr — Sputnik. Son bir ayda, yəni Ermənistan-Azərbaycan arasında Dağlıq Qarabağ münaqişəsinin daha da gərginləşdiyi bir dövrdə dünyaya gələn körpələrə qoyulan adlar açıqlanıb. Ədliyyə Nazirliyindən Sputnik Azərbqaycan-a bildirilib ki, 27 sentyabrdan 27 oktyabradək Azərbaycanda 2353 uşaq dünyaya gəlib ki, onlardan 1282 nəfəri oğlan, 1071 nəfəri qız olub. Bu müddət ərzində doğulan əkiz uşaqların sayı 28 olub.

Nazirliyin məlumatına görə, bir ay ərzində 41 oğlana Yusif, 41 oğlana Əli, 36 oğlana Uğur adı verilib.

Qız adlarında isə ilk yerlərdə Zəhra, Aylin, Məryəm adları yer alıb.

0

Bakı Metropolitenində sərnişindaşıma fəaliyyəti daha bir ay dayandırıldı

8
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

8