Bərbad yollar, arxiv şəkli

Bərbadı abad edirlər - üç il vaxt qoyulub

687
(Yenilənib 17:45 14.02.2020)
Qəsəbədaxili yolların təmiri investisiya proqramına da daxil edilib. Bu proqram çərçivəsində 2020-ci il ərzində təqribən 170 kilometr qəsəbədaxili yolların təmiri nəzərdə tutulub

İradə Cəlilova, Sputnik Azərbaycan

BAKI, 14 fevral — Sputnik. "Bu il Bakı qəsəbələrində yeni yolların çəkilişi xüsusi əhəmiyyət daşıyacaq. Keçən il biz bu işlərlə daha geniş miqyasda məşğul olmağa başlamışıq".

Sputnik Azərbaycan xəbər verir ki, bu barədə "Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı"nın icrasının birinci ilinin yekunlarına həsr olunan konfransda da Prezident İlham Əliyev danışıb.

O qeyd edib ki, bəzi qəsəbələrdə yollar bərbad vəziyyətdədir və bu, dözülməzdir. Onun sözlərinə görə, ən ucqar dağ kəndlərinə gözəl yollar çəkilir. Amma burada - Bakının ətrafında bəzi yerlərdə yolların vəziyyəti bərbaddır: "Ona görə müvafiq göstərişlər verilib. Keçən il bu sahəyə daha böyük diqqət ayrılıb və bu il də yol çəkilişi proqramları arasında bu sahə prioritet təşkil edəcək".

Ölkə başçısı əlavə edib ki, bu il min kilometr yolun çəkilişi nəzərdə tutulub.

Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli Sputnik Azərbaycan-a açıqlamasında bildirib ki, ölkə başçısı tərəfindən quruma qəsəbələrarası yollarla yanaşı, qəsəbədaxili yolların da təmir edilməsi tapşırığı verilib. Tapşırığın icrası ilə əlaqədar tədbirlər planı da hazırlanıb. Yerlərdə araşdırmalar aparılıb.

Araşdırmalar zamanı məlum olub ki, Bakının 60 qəsəbəsi üzrə 2300 kilometr daxili küçə və yolların təmirə ehtiyacı var.

"Bu işlər çərçivəsində ötən il ərzində ümumi uzunluğu 301,5 kilometr olan qəsəbədaxili küçə və yollar təmir edilib. Bu yolların 104 kilometri investisiya vəsaitləri hesabına, 197 kilometr avtomobil yolları məqsədli büdcə fondu hesabına təmir edilib. 2019-cu ilin dekabr ayının sonunda ölkə başçısı yeni bir sərəncam verdi. Bu sərəncama əsasən Xəzər, Binəqədi, Sabunçu rayonlarının qəsəbədaxili yollarını, o cümlədən Suraxanı rayonunun Yeni Suraxanı qəsəbəsinin daxilini əhatə edirdi", - deyə o bildirib.

A.Nəcəflinin sözlərinə görə, sərəncama əsasən, işlərə başlanılıb. Belə ki, Xəzər rayonunda 20 kilometr, Sabunçu rayonunda 15, Binəqədidə 30, Yeni Suraxanıda 31,6 kilometr qəsəbədaxili yolların təmirinə start verilib: "Bu ilin yanvar ayında ölkə başçısının sərəncamına əsasən, Abşeron rayonunda 29,2 kilometr uzunluğunda qəsəbədaxili yolların təmirinə başlanılıb. Bununla yanaşı, Xırdalan şəhərində 10,5 kilometr, Sumqayıt şəhərində isə 21,4 kilometr yolların təmirinə başlanılıb".

Qurum rəsmisi qeyd edib ki, ümumilikdə ölkə başçısının sərəncamları əsasında hal-hazırda 158 kilometrə yaxın daxili yolların təmiri aparılır.

Eyni zamanda qəsəbədaxili yolların təmiri investisiya proqramına da daxil edilib. Bu proqram çərçivəsində 2020-ci il ərzində təqribən 170 kilometr qəsəbədaxili yolların təmiri nəzərdə tutulub.

Ümumilikdə isə həm sərəncamlar, həm də investisiya proqramları çərçivəsində 330 kilometrə yaxın qəsəbədaxili küçə və yollar təmir ediləcək.

"Təbii ki, AAYDA-nın gördüyü işlər bununla yekunlaşmayacaq. Digər təmirə ehtiyacı olan qəsəbədaxili yolların təmiri aparılacaq. Ümumilikdə 2023-cü ilə qədər bütün təmirə ehtiyacı olan qəsəbədaxili küçə və yollar təmir edilərək vətəndaşların istifadəsinə veriləcək", - deyə A.Nəcəfli vurğulayıb.

687
Əlaqədar
Xırdalan sakinlərinin iki zülmü bitdi
Mədəniyyət Yeni Suraxanıya da çatdı - FOTO
Sabunçu rayonunda bu ərazilər təmir edilib
On minlərlə insanın həsrətlə gözlədikləri yolun bəxti nə vaxt açılacaq

Bakı Metropolitenində sərnişindaşıma fəaliyyəti daha bir ay dayandırıldı

4
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

4
Qədəbək

Sabah hava həlim olacaq

2
(Yenilənib 18:09 28.10.2020)
Oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

BAKI, 28 oktyabr — Sputnik. Oktyabrın 29-da Bakıda və Abşeron yarımadasının bəzi yerlərində arabir yağış yağacağı gözlənilir. Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 14-16, gündüz 19-21, Bakıda gecə 14-16, gündüz 19-21 dərəcə isti olacaq. Atmosfer təzyiqi 769 mm civə sütunundan 765 mm civə sütununa enəcək, nisbi rütubət 70-80 faiz təşkil edəcək.

Oktyabrın 29-da Azərbaycanın rayonlarında havanın əsasən yağmursuz keçəcəyi, bəzi yerlərdə duman olacağı gözlənilir. Mülayim şərq küləyi əsəcək. Havanın temperaturu gecə 9-14, gündüz 19-24, dağlarda gecə 3-8, gündüz 13-18 dərəcə isti olacaq.

Tibbi-meteoroloji proqnoza əsasən, oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

2
Qərənfil

Lev Tolstoyun qızı erməni vandalizmi haqqında

0
Material 1915-ci ildə ermənilər tərəfindən Van şəhərinin dinc əhalisinə – türklərə qarşı törədilən soyqırımın canlı şahidi olmuş Aleksandra Tolstoyanın xatirələrini əks etdirir

BAKI, 28 oktyabr — Sputnik. Türkiyənin "Alternatiftarih" portalı, Birləşmiş Ərəb Əmirliklərinin məşhur "Saadaonline" portalı, Misirin populyar "Əl-Vəsilə", "Nile Nyus", "Əl-Braq Nyus", "Dmc Nyus", İraqın "İraq Nyus" xəbər portalları Dövlət Tərcümə Mərkəzinin beynəlxalq virtual aləmdə yayılması məqsədilə müxtəlif dillərdə hazırladığı "Lev Tolstoyun qızı erməni vəhşilikləri haqqında" sənədli materialın yayımına başlayıb.

Sputnik Azərbaycan xəbər verir ki, material 1915-ci ildə ermənilər tərəfindən Van şəhərinin dinc əhalisinə – türklərə qarşı törədilən soyqırımın canlı şahidi olmuş Aleksandra Tolstayanın xatirələrini əks etdirir.

0