Uşaq, arxiv şəkli

Uşaqlar peşə seçərkən niyə problemlə qarşılaşırlar?

71
(Yenilənib 13:03 19.02.2020)
Testlər 20 sualdan ibarətdir və testlərdən sonra məsləhətçilərimiz uşağa və valideyninə peşə seçməkdə yardım edirlər.

BAKI, 13 fevral — Sputnik. Hər il aprel-may aylarında yuxarı sinif şagirdləri arasında lisey siniflərinin formalaşması ilə bağlı proseslər gedir. Siniflər formalaşır. Bəzi hallarda uşaqlar və valideynlər bu prosesə hazır olmurlar. Sonradan bu problemlər ali təhsil mərhələsində özünü göstərir.

Peşə təhsili nə zaman seçilməlidir?

Bu gün Sputnik Azərbaycan-ın media mərkəzində "Uşaqların peşə seçimi" mövzusunda tədbir keçirilib.

Təhsil Nazirliyi yanında İctimai Şuranın sədr müavni Nadir İsrafilov çıxış edərək bildirdi ki, bu mövzu bu gün əhəmiyyətli problemdir və dəfələrlə gündəmə gəlib.

© Sputnik / Irade JELIL
"Uşaqların peşə seçimi" mövzusunda tədbir

"Məzunlar gələcək karyeralarını qurmaq, peşə seçmək mövzularında müəyyən problemlərlə qarşılaşırlar. Sovet dövründə hər hansı bir şagirdin hansı fənnə, hansı sahəyə marağı çox idisə, sənədlərini o fənn üzrə aidiyyəti institutlara verirdi. Nisbətən zəif olan uşaqlar, özlərinə güvəni olmayanlar 9-cu sinifdən sonra peşə məktəblərinə üz tuturdular", - deyən ekspert vurğulayıb ki, 1991-ci ildən test üsulunun tətbiqi ilə əlaqədar mərkəzləşdirilmiş imtahanlar keçirilməyə başladı.

Bu səbəbdən də ixtisas seçimində müəyyən problemlər meydana gəlir. Problemlər ondan ibarətdir ki, bu məzunlar marağı olmayan ixtisaslara düşə bilirlər. Bu keçid balı ilə əlaqədar olur.

N.İsrafilovun sözlərinə görə, 2011-ci ildə kütləvi surətdə təmayülləşmə siniflərinin yaradılmasına başlanılıb. Bu layihə ilk olaraq Bakıda yaradılıb. Sonradan 187 məktəbdə 702 sinifi və 15 mindən artıq şagirdi əhatə edirdi.

"İxtisaslara yönləndirmə 8 istiqamət üzrə həyata keçirilir. Kim hansı istiqaməti seçirsə, o istiqamət üzrə formalaşdırılır. 2019-2020-ci illər üçün xüsusi istedadlı siniflər yaradılıb. 47 rayonda 162 sinif yaradılıb ki, bu da 4 mindən çox şagirdi əhatə edir. Bu ali məktəblər üçün nəzərdə tutulub", - deyə N.İsrafilov əlavə edib.

Onun sözlərinə görə, bir müddət əvvəl peşələrə maraq azalmışdı. Ona görə də 2016-cı ildə Prezidentin sərəncamına əsasən Dövlət Peşə Agentliyi yaradıldı. Agentlik yaradıldıqdan sonra peşələrə maraq artmağa başladı. Bundan sonra Bakıda Koreyanın böyük kompleks mərkəzi tikildi.

Hazırda orta ümum təhsil məktəblərində peşə sinifləri açılıb.

Dövlət tərəfindən, Təhsil Nazirliyi tərəfindən müvafiq tədbirlərin həyata keçirilməsinə baxmayaraq, peşə seçimi sahəsində problemlər qalmaqdadır: "Ali məktəbə maraq o səviyyədə artıb ki, məzunlar ali məktəbə daxil ola bilmədikləri üçün günahlandırılır".

Ekspertin fikrincə, bir müddət əvvəl Dövlət İmtahan Mərkəzi idea artıb ortaya. Belə ki, peşə və ixtisaslar nüfuzlu və nüfuzsuz ixtisas və peşələrə bölünüb. Məsələn diplomat, hüquqşüans nüfuzlu, aqronom, zootexnik isə nüfuzsuz peşə hesab edilir. Buna görə də bütün valideynlərin arzusudur ki, uşaqları nüfuzlu ixtisaslar seçsinlər. Məzunların ixtisas seçimində valideynin təsiri böyükdür, bunu faktlar da təsdiq edir.

Psixoloq Nigar Qadaşovanın sözlərinə görə, onun çalışdığı təhsil mərkəzində peşə testləri həyata keçirilir. Peşə testləri zamanı valideyn-uşaq münasibətləri müəyyən edilir.

Эксперт в области образования, профконсультант инновационного образовательного центра Дерс еви Нигяр Гадашева
© Sputnik / Irade JELIL
"Uşaqların peşə seçimi" mövzusunda tədbir

"Bununla yanaşı həqiqətən peşələr nüfuzlu və nüfuzsuz peşələrə bölünüb. Valideynlər daha çox uşaqlarının nüfuzlu peşələrə önəm verməsini arzulayırlar. Bizim peşə məsləhətləri zamanı məsləhətçilərimiz bütün peşələr barədə ətraflı məlumatlar verir. Bəzən olur ki, valideynlər öz uşaqlarının seçdiyi peşələrlə razılaşa bilir. Ancaq bildiyiniz kimi, müəyyən ixtisaslar var ki, yüksək bal tələb edir. Biz hüquqşünas olmaq istəyən uşağa "get arzunun arxasınca" deyə bilmərik. Çünki uşağın da öz bacarıqları və potensialı var. Ola bilər ki, uşaq heç o balı yığmasın.

Bu səbəbdən də peşə məsləhətləri zamanı biz uşağın bilik və bacarıqları əsasında onu hansısa peşəyə istiqamətləndirərkən bunu əsaslandıraraq edirik".

Onun sözlərinə görə, bu günə qədər mərkəzdə 760 nəfər testdən keçib. Onlardan 400 nəfərə yaxını bu testi rus dilində, 350-ə yaxın şəxs isə Azərbaycan dilində keçib. Testlər 200 sualdan ibarətdir və testlərdən sonra məsləhətçilərimiz uşağa və valideyninə peşə seçməkdə yardım edir.

71
Üzünü əli ilə tutan kişi, arxiv şəkli

Stressin yarandığı bölgə müəyyən edildi

0
(Yenilənib 00:04 01.06.2020)
Göründüyü kimi, bütövlükdə insanlarda stress səviyyəsi beynin qeyd edilən iki şəbəkəsi ilə əlaqəlidir.

BAKI, 1 iyun — Sputnik. Yel Universitetinin alimləri beyində stress mərkəzini və onun fəaliyyətini müəyyən ediblər.

Sputnik Azərbaycan Rusiya mətbuatına istinadla xəbər verir ki, araşdırma ilə müəyyən edilib ki, daha yüksək səviyyəli stress hipotalamusda, daha az hissə isə frontal beyin qabığında yığılır.

Araşdırmaçılar 60 sağlam insanda stressin müxtəlif formalarını yaratmaq üçün onlara müxtəlif xoşagəlməz görüntülər (hirs, iyrənclik, qorxu və kədər kimi) və sakitləşmələri üçün növbəli şəkildə uyğun obrazlar göstəriblər.

Təcrübədə iştirak edən şəxslər funksional maqnetik rezonans görüntüləmə cihazı ilə müşahidə ediliblər və beyin fəaliyyətləri ölçülüb. Görüntülərdən sonra yaşadıqları stress və həyəcan dərəcəsi qiymətləndirilib.

Tədqiqatçıların fikrincə, eksperiment zamanı böyük fəaliyyətə malik olan beyin hissəsində daha çox stressin yığıldığı müəyyən edilib.

Göründüyü kimi, bütövlükdə insanlarda stress səviyyəsi beynin qeyd edilən iki şəbəkəsi ilə əlaqəlidir.

"Bu şəbəkələrin fərqli rol oynamalarına baxmayaraq, bizim əldə etdiyimiz nəticələr onu deməyə əsas verir ki, insanlar stressi azaltmaq üçün adaptiv yolla həm müsbət, həm də mənfi şəbəkələrdən istifadə edirlər", - deyə araşdırmada deyilir.

Hippokampusun stressi necə tənzimlədiyini öyrənmək üçün çox şey lazım olmasına baxmayaraq, tədqiqatçılar əmindirlər ki, funksional sinir şəbəkələrinin kəşfi stress müalicə etmə metodlarının inkişafına kömək edə bilər.

"Bu nəticələr hippokampus və frontal beyin qabığı arasındakı əlaqələrin gücünü artırmağa və ya fizioloji stress mərkəzlərinə siqnalın azaldılması kimi terapevtik müdaxiləni bir neçə məqsədə uyğunlaşdırmağa kömək edə bilər", – deyə baş tədqiqatçı Rajita Sinha bildirib.

0
Əlaqədar
Yarımbeyinli insanların sirri açıldı
Xərçəngi sağaltmır, amma alimlər məsləhət görürlər
Bu əlamətləriniz varsa xərçəng ola bilərsiniz
Baş gicəllənməsi hormonal xəstəliklərlə bağlı ola bilər
Yaşlanmanı necə gecikdirmək olar? Alimlər yolunu tapıblar
Opera müğənnisi Yusif Eyvazov, arxiv şəkli

Məşhur azərbaycanlı arıqlamağın sirrini bölüşür

27
Vokalçı Yusif Eyvazov artıq çəkidən qurtulmaq istəyən pərəstişkarlarına stressiz və mənşəyi məlum olmayan dərmanlarsız arıqlamağın yollarını öyrətmək niyyətindədir

BAKI, 31 may - Sputnik, Kəmalə Əliyeva. Azərbaycanın Xalq artisti Yusif Eyvazov pərəstişkarlarına onun xarici görkəmini tamamilə dəyişən qəfil arıqlamağının sirrini açacağına söz verib.

Sputnik Azərbaycan bildirir ki, o, Instagram-dakı səhifəsində artıq çəkidən qurtulmaq istəyən hər bir kəsə kömək etməyə hazır olduğunu deyib.

Посмотреть эту публикацию в Instagram

Публикация от Yusif Eyvazov Tenor Official (@yusif_eyvazov_official)

“Dostlar, siz öz həyatınızı, öz bədəninizi dəyişə bilərsiniz. Necə bilirsiniz, mən sizə öz idman zalımdan onlayn məşqlər keçsəm, sağlam qida haqda, orqanizm üçün stres yaşatmadan, tədricən, sağlam yolla, kimya və dərmansız kilolardan qurtulmaq barədə danışsam, necə olar?” – deyə Y.Eyvazov izləyicilərinə müraciət edib.

Xatırladaq ki, azərbaycanlı vokalçı 2019-cu ildən arıqlamağa başlayıb. O, 30 kq artıq çəkidən qurtulub.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. Onun adı "Dünyanın ən yaxşı tenorları" kitabına daxil edilib. O, bir sıra beynəlxalq müsabiqələrin laureatı və qalibidir. Onun qazandığı mükafatlar arasında Gianandrea Gavazzeni (dünya şöhrətli italyan dirijoru, pianoçusu, bəstəkarı, musiqi tənqidçisi və yazıçısı — red.) fəxri medalı da var. Eyvazov Milanın "La Skala" operasının və Monte-Karlonun "Kral" operasının kollektivləri ilə birlikdə dünya səhnələrində çıxış edir.

2015-ci ildə Rusiyanın xalq artisti Anna Netrebko ilə ailə qurub.

27
Əlaqədar
Koronavirus maneə deyil, yenə isti olacaq - "Jara" baş tutacaq
Samirə Əfəndi Səfurə Əlizadənin hitinə ikinci nəfəs verib
Bakılı qız Rusiya telekanalının realiti-şousunun finalına yüksəldi
Sevgilisindən ayrılan azərbaycanlı müğənniyə qızlar təklif yağdırırlar
Hüseyn Həsənov yeni avtomobilinə külli miqdarda pul xərcləyib