Əli-ayağı ziyarətgahı

Ləpiri öpüb, sağalmağa ümid edirlər O ziyarətgahın hesabına yüzlərlə adam dəfn edilib

1085
(Yenilənib 20:35 11.02.2020)
Bura gələnlər ziyarətgah haqqında ürək sözlərini yazırlar. Kitabda Azərbaycanın keçmiş prezidenti, ümummilli lider Heydər Əliyevin də ürək sözləri yer alıb

İradə Cəlilova, Sputnik Azərbaycan

BAKI, 12 fevral — Sputnik. Buzovna qəsəbəsinin qədim tarixə malik olan abidələrindən biri də “Həzrət Əli qədəmgahı” hesab edilən "Əli-ayağı" ziyarətgahıdır.

Mütəxəssislərin fikrincə, vaxtilə burada dindarların namaz və başqa dini ayinləri icra etmələri üçün məscid və gələn zəvvarlar üçün karvansaralar fəaliyyət göstərib. Qədəmgaha zamanında Təbrizdən, Dəməşqdən, Səmərqənddən, Kəlkətədən (Kəlküttə) və dünyanın müxtəlif iri ticarət-iqtisadi məskənlərindən gəlirmişlər.

Buzovnadakı bu pir uzun illər ərzində tikilib. Xalq arasında qədəmgah barədə müxtəlif tarixi rəvayətlər və xatirələr danışılır. Pirin peyğəmbərimiz Məhəmmədin yaxın silahdaşı, əmisi oğlu və kürəkəni olan Həzrət Əlinin adı ilə bağlı olması müxtəlif səbəblərlə izah edilir.

© Sputnik / Irade JELIL
"Əli-ayağı" ziyarətgahı

Deyilənə görə, Buzovna sakinləri Sadıq Hacıdadaş oğlu və Zeynal Balaqardaş oğlu pirin tarixi ilə bağlı maraqlı bir hadisə danışıblar. Belə ki, onların ulu babası Əliyar evlənəndən bir həftə sonra yuxu görüb. Yuxuda at üstündə oturan nurani bir qoca onu dəniz kənarına dəvət edib. O dəniz kənarına gedib və orada qonaq görüb. Nurani qoca həzrət Əlinin ayağının ləpirini və atının ayaqlarının izini göstərib, ona qədəmgaha sahib olmağı və paklığı qorumağı tapşırıb.

Şeyx Əliyar yuxudan sonra hər gün bu qayanın üstündə azan çəkər və namaz qılarmış. Şeyx Əliyar dünyasını dəyişdikdən sonra onun oğlu qədəmgah içəridə qalmaqla, burada məscid və zəvvarlar üçün karvansaralar tikdirir.

Qədəmgah 1861-ci ildə çar canişinliyi tərəfindən qeydə alınıb. Ziyarətgahın müqəddəsliyini qəbul edən çar canişinliyi 10 nəfər ruhaninin şahidliyi ilə 1861-ci ildə 12647 №-li siyahı nömrəsi ilə onu rəsmi qeydə alır və qədəmgaha qulluq və şeyxlik etməyi Şeyx Kərbəlayi Əliyarın oğlu Şeyx Hacı Hüseynəliyə tapşırır.

© Sputnik / Irade JELIL
Kitabda Azərbaycanın keçmiş prezidenti, ümummilli lider Heydər Əliyevin də ürək sözləri yer alıb

Həmin dövrdə qədəmgahın şöhrəti hər yerə yayılır. 1924-cü ildə şeyx dünyasını dəyişir və elə oradaca dəfn olunur.

SSRİ dövründə dinə, xüsusən də İslama mənfi münasibət olduğundan, bu ziyarətgahın sökülməsi üçün çalışanlar olsa da, heç kim buna nail ola bilməyib.

Buzovna sakinləri iddia edirlər ki, pirə gələnlər ayaq ləpirini öpməklə və dua etməklə şəfa, sağlamlıq, güc və mənən təmizlik tapırlar. Kənd sakinlərinin sözlərinə görə, ziyarətgaha övlad həsrətində olanlar da, bəxtini açmağa gələnlər də çoxdur.

© Sputnik / Irade JELIL
Qədəmgah 1861-ci ildə çar canişinliyi tərəfindən qeydə alınıb

Bu gün də ziyarətgaha ümid edib gələnlər var. Bəzən inanclı insanlar şəfa tapmaq üçün burada gecə qalmaq üçün də müraciət edir. Ancaq heç kimə tək qalmağa icazə verilmir. Qalmaq istəyənlərin şəxsiyyət vəsiqələrinin bir surəti də ziyarətgahda saxlanılır.

Pir yenidən 1987-ci ildən bərpa edilməyə başlanıb. Kənd ağsaqqalları ziyarətgahın bərpasını buzovnalı Arif Əhməd oğluna tapşırıblar. Altı il ərzində qəsəbə sakinlərinin sayəsində ziyarətgah bərpa edilib.

Burada məscid, kənardan gələn zəvvarlar üçün yataq otaqları, hər cür məişət avadanlıqları ilə təchiz edilmiş mətbəx, dərs otaqları, zəngin kitabxana və qiraətxana, qurbanlıqların kəsilməsi üçün sallaqxana, qaraj, kişilər və qadınlar üçün dəstəməzxana və digər lazımi xidmət otaqları istifadəyə verilir.

© Sputnik / Irade JELIL
Pirə gələnlər ayaq ləpirini öpməklə və dua etməklə şəfa, sağlamlıq, güc və mənən təmizlik tapırlar

  Ziyarətgahda toplanan ianələr hesabına ehtiyacı olanlara yardımlar da edilir. Bunun üçün xüsusi qeydiyyat aparılır.

Ziyarətgahın hesabına 2015-ci ilə qədər 350-ə yaxın kimsəsiz dəfn edilib.

© Sputnik / Irade JELIL
Pir yenidən 1987-ci ildən bərpa edilməyə başlanıb

Qeyd edək ki, dənizkənarında olduğu üçün ziyarətgaha daha çox yay aylarında gələnlər çox olur.

Ziyarətgahın xüsusi qeydiyyat kitabı var. Bura gələnlər ziyarətgah haqqında ürək sözlərini yazırlar. Kitabda Azərbaycanın keçmiş prezidenti, ümummilli lider Heydər Əliyevin də ürək sözləri yer alıb.

© Sputnik / Irade JELIL
"Əli-ayağı" ziyarətgahı
1085

Bakı Metropolitenində sərnişindaşıma fəaliyyəti daha bir ay dayandırıldı

8
(Yenilənib 18:23 28.10.2020)
Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişikliklərə əsasən Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

BAKI, 28 oktyabr - Sputnik. Bakı Metropolitenində sərnişindaşıma fəaliyyəti 2020-ci il 1 dekabr saat 06:00-dək dayandırılıb.

Sputnik Azərbaycan-ın məlumatına görə, bu, Nazirlər Kabinetinin "Xüsusi karantin rejimi ilə bağlı əlavə tədbirlər barədə" qərarına edilən müvafiq dəyişiklikdə əksini tapıb.

Qeyd edək ki, qüvvədə olan qərara əsasən, bu il oktyabrın 19-dan 2 noyabr saat 06:00-dək Bakı Metropolitenində sərnişindaşıma fəaliyyəti dayandırılmışdı.

Azərbaycanın bir sıra şəhər və rayonlarında ictimai nəqliyyatın hərəkətinə qoyulan məhdudiyyət də noyabr ayının 28-dək uzadılıb. Nazirlər Kabineti yanında Operativ Qərargahdan daxil olan məlumata görə, Bakı, Sumqayıt, Gəncə, Yevlax, Mingəçevir, Şəki, Şirvan, Lənkəran şəhərlərində və Abşeron, Göygöl, Samux, Sabirabad, Quba, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarda aşağıda qeyd olunan tarixlərdə həftəsonları ictimai nəqliyyatın hərəkəti dayandırılır:

31 oktyabr saat 00:00-dan 2 noyabr saat 06.00-dək;

7 noyabr saat 00:00-dan 9 noyabr saat 06:00-dək;

14 noyabr saat 00:00-dan 16 noyabr saat 06:00-dək;

21 noyabr saat 00:00-dan 23 noyabr saat 06:00-dək;

28 noyabr saat 00:00-dan 30 noyabr saat 06:00-dək.

Həmçinin 29 oktyabr saat 00:00-dan etibarən Lənkəran şəhəri, Cəlilabad və Masallı rayonlarına operativ və xüsusi təyinatlı nəqliyyat vasitələrinin, eləcə də yükdaşıyan avtomobillərin hərəkəti istisna olmaqla giriş-çıxış dayandırılır.

8
Qədəbək

Sabah hava həlim olacaq

5
(Yenilənib 18:09 28.10.2020)
Oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

BAKI, 28 oktyabr — Sputnik. Oktyabrın 29-da Bakıda və Abşeron yarımadasının bəzi yerlərində arabir yağış yağacağı gözlənilir. Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 14-16, gündüz 19-21, Bakıda gecə 14-16, gündüz 19-21 dərəcə isti olacaq. Atmosfer təzyiqi 769 mm civə sütunundan 765 mm civə sütununa enəcək, nisbi rütubət 70-80 faiz təşkil edəcək.

Oktyabrın 29-da Azərbaycanın rayonlarında havanın əsasən yağmursuz keçəcəyi, bəzi yerlərdə duman olacağı gözlənilir. Mülayim şərq küləyi əsəcək. Havanın temperaturu gecə 9-14, gündüz 19-24, dağlarda gecə 3-8, gündüz 13-18 dərəcə isti olacaq.

Tibbi-meteoroloji proqnoza əsasən, oktyabrın 29-da Abşeron yarımadasında mülayim gilavar küləyinin üstünlüyü və rütubətli hava şəraiti gözlənilir ki, bu da meteohəssas insanlarda narahatlıq hissi yarada bilər.

5
Ombudsman Səbinə Əliyeva və İsrailin Azərbaycandakı fövqəladə və səlahiyyətli səfiri Corc Dik arasında görüş

İsrail səfiri Ermənistanın mülki şəxsləri hədəfə alan hərbi hücumlarını pislədi

0
(Yenilənib 18:55 28.10.2020)
Səfir: "İsrail dövləti hər zaman Azərbaycanın ərazi bütövlüyünü dəstəklədiyini və bu mövqeyinin dəyişməz olduğunu bildirib".

BAKI, 28 oktyabr — Sputnik. Ombudsman Səbinə Əliyeva İsrailin Azərbaycandakı fövqəladə və səlahiyyətli səfiri Corc Diki qəbul edib.

Ombudsman Aparatından Sputnik Azərbaycan-a bildirilib ki, müvəkkil Azərbaycan və İsrail arasında qarşılıqlı dostluq və əməkdaşlıq əlaqələrinin yalnız iqtisadi-strateji baxımdan deyil, həm də ənənəvi tarixi mədəni köklərə əsaslandığını, Azərbaycan və İsrail xalqlarının daim tarixin çətin dönəmlərində qarşılıqlı anlaşmaya, tolerantlığa əsaslanan birgə yaşayış nümunəsini bütün dünyaya nümayiş etdirdiklərini bildirib.

Görüş zamanı Müvəkkil Ermənistanın Azərbaycana qarşı apardığı işğalçılıq siyasəti və hərbi təcavüzü nəticəsində kütləvi insan hüquqları pozuntuları barədə məlumat verib. Müvəkkil bu ilin 27 sentyabr tarixindən Ermənistanın yeni torpaq iddiaları ilə Azərbaycana qarşı başlatdığı hərbi təcavüzü və hərbi təxribatları nəticəsində raket hücümuna məruz qalmış mülki yaşayış məntəqələrinə faktaraşdırıcı missiya fəaliyyəti çərçivəsində baş çəkdiyini, yaralanan mülki şəxslərlə və həlak olanların yaxınları ilə görüşdüyünü bildirib. Qeyd olunub ki, araşdırmalar zamanı toplanan faktoloji materiallar əsasında hazırlanan 4 aralıq hesabat aidiyyəti beynəlxalq qurumlara göndərilib.

© Photo : The Commissioner for Human Rights. (Ombudsman) of the Republic of Azerbaijan
Ombudsman Səbinə Əliyeva və İsrailin Azərbaycandakı fövqəladə və səlahiyyətli səfiri Corc Dik arasında görüş

Müvəkkil, həmçinin bu gün günorta saatlarında Ermənistan silahlı qüvvələri tərəfindən yenidən Bərdə şəhərinin mülki əhalinin sıx hərəkətdə olduğu və ticarət obyektlərinin yerləşdiyi ərazisinə beynəlxalq hüquqla qadağan olunmuş kaset bombalardan zərbələr endirildiyini, nəticədə 20-dən çox mülki şəxsin həlak olduğunu, 60-dan çox şəxsin yaralandığını, mülki infrastruktur obyektlərinə və nəqliyyat vasitələrinə külli miqdarda ziyan dəydiyini səfirin diqqətinə çatdırıb.

Səfir qeyd edib ki, Azərbaycan ilə İsrail arasındakı dostluq əlaqələri dərin tarixi köklərə malikdir. İki ölkə arasında iqtisadi, enerji, təhlükəsizlik və turizm sahəsindəki əlaqələr əlaqələr, eyni zamanda Azərbaycan və İsrail xalqları arasındakı qarşılıqlı münasibətlər də çox yüksək səviyyədədir. C.Dik Ermənistan tərəfindən mülki şəxsləri hədəf alan hərbi hücumların ciddi təəssüf hissi doğurduğunu və vəziyyətlə yaxından tanış olmaq məqsədilə Gəncə və Mingəçevir şəhərlərinə getdiyini, xəsarət alan və mülkləri zərər görən şəxslərlə görüşdüyünü bildirib. Səfir Ermənistan tərəfindən beynəlxalq humanitar hüququn tələblərinin pozularaq mülki şəxslərə qarşı edilən hərbi hücumların ciddi şəkildə insan hüquqları pozuntusuna yol açdığını vurğulayıb. Qeyd olunub ki, İsrail dövləti hər zaman Azərbaycanın ərazi bütövlüyünü dəstəklədiyini və bu mövqeyinin dəyişməz olduğunu bildirib.

0
Mövzu:
Azərbaycan və Ermənistan arasında müharibə