Qar, arxiv şəkli

Lerikin dağ kəndlərinə bir metrdən çox qar yağıb Hərəkət dayanıb

102
(Yenilənib 17:38 11.02.2020)
Lənkəran, Lerik, Astaranın dağlıq kəndlərinə gedən yollarda qarın çox yağması səbəbindən hərəkət çətinləşib. Amma həmin yollarda qar uçqunu olmayıb.

Zülfiyyə Quluyeva, Sputnik Azərbaycan

BAKI, 11 fevral — Sputnik. Bölgələrimizə yağan güclü qar bəzi dağlıq kəndlərin rayon mərkəzləri ilə əlaqəsini kəsib.

Sputnik Azərbaycan-ın məlumatına görə, Lerik rayonunun bir sıra dağlıq ərazilərindəki kəndlərə, eləcə də Rvarud kəndinə 1 metr 20 sm qar yağıb.

Nəticədə Lerikin Çayrud, Rvarud, Andurma, Veri, Rəzgov, Anzoli, Təngəbin kəndlərinə gedən yollar bağlanıb. Bu kəndlərin sakinləri rayon mərkəzinə getməyə yol tapmırlar. Qar örtüyünün hündürlüyünün 1 metri keçməsi nəticəsində kəndin əsas yolları keçilməz olub. Sakinlərin verdiyi məlumata görə, hazırda bu kəndlərdə nəqliyyatın hərəkəti mümkünsüzdür. Məlumata görə, qar hələ yağmaqda davam edir.

Sputnik Azərbaycan-a açıqlamasında Lerik rayon 52 saylı yol istismar idarəsinin baş mühəndisi Ziyafət İsmayılov bildirib ki, qarın yağması nəticəsində dağlıq kəndlərin əksəriyyətində yollarda hərəkət çətinləşib: "Elə dağlıq kəndlər var ki, qar örtüyünün hündürlüyü 90 sm-ı keçib. İdarənin işçiləri səhər saat 7-dən yollardadır. Bütün texnikalar yolların təmizlənməsinə cəlb olunub. Artıq Lənkəran-Lerik yolu açılıb. Rvarud kəndinə gedən yolun da çox hissəsi qardan təmizlənib. Bu istiqamətdə iş davam edir".

Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli isə Sputnik Azərbaycan-a açıqlamasında bildirib ki, dağlıq kəndlərin əksəriyyətində qarın yağması səbəbindən yollarda hərəkət çətinləşib. Amma A.Nəcəfli heç bir dağlıq kənddə yolun bağlanmadığını bildirib: "Lənkəran, Lerik, Astaranın dağlıq kəndlərinə gedən yollarda qarın çox yağması səbəbindən hərəkət çətinləşib. Amma həmin yollarda qar uçqunu olmayıb. Yəni yollarda xüsusi nəqliyyat vasitələrinin hərəkəti mümkündür. Amma bununla belə, yollarda qarın təmizlənməsi istiqamətində işlər davam etdirilir ki, qarın yağması hərəkətdə problem yaratmasın".

A.Nəcəfli deyib ki, qarın yağması davam etdiyindən, təmizlənən yollar yenidən qarla örtülür.

102
Bakıda yağışlı hava

Sabah yağışlı dumanlı hava gözlənilir

0
Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir

BAKI, 27 oktyabr — Sputnik. Oktyabrın 28-də gözlənilən hava şəraiti ilə bağlı proqnoz açıqlanıb. Azərbaycan Ekologiya və Təbii Sərvətlər Nazirliyinin Milli Hidrometeorologiya Xidmətinin Sputnik Azərbaycan-a verdiyi məlumata görə, oktyabrın 28-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-21, Bakıda gecə 13-15, gündüz 19-21 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət gecə 70-80, gündüz 45-50 faiz təşkil edəcək.

Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir. Mülayim şərq küləyi əsəcək.

Havanın temperaturu gecə 9-14, gündüz 19-24, dağlarda gecə 5-9, gündüz 11-16 dərəcə isti olacaq.

Tibbi-meteoroloji proqnoza gəlincə, oktyabrın 28-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün nisbətən əlverişlidir.

0
Mən Gəncəyəm filmin hazırlanması

"Mən Gəncəyəm" - Gəncədə baş verən terror haqqında sənədli film çəkildi

15
(Yenilənib 12:47 27.10.2020)
Filmdə ilk dəfə Gəncəyə gedən aktyorun qeydləri və orada yaşanan hadisələr olduğu kimi, real hadisələr əsnasında öz əksini tapıb

Şahpəri Abbasova, Sputnik Azərbaycan

BAKI, 27 oktyabr — Sputnik. Gəncə hadisələrini özündə əks etdirən "Mən Gəncəyəm" adlı sənədli film çəkilib. Sputnik Azərbaycan xəbər verir ki, filmdə ilk dəfə Gəncəyə gedən aktyorun qeydləri və orada yaşanan hadisələr olduğu kimi, real hadisələr əsnasında öz əksini tapıb. Daha böyük auditoriyaya çatdırmaq üçün filmdə ingilis dilində titr da yerləşdirilib.

© Sputnik / Stringer
"Mən Gəncəyəm" filmin hazırlanması

"Mən Gəncəyəm" filminin rejissoru Ramil Ağasıyev açıqlamasında bildirdi ki, oktyabrın 17-də növbəti dəfə Ermənistan silahlı qüvvələri Azərbaycanın ikinci ən böyük şəhəri olan Gəncəni raket atəşinə tutaraq dinc sakinləri hədəf aldı: "Bu hadisə media vasitəsi ilə dünyaya çatdırılsa da biz bunu film şəklində yerli və xarici dildə təqdim etmək istədik. Bildiyiniz kimi, düşmənin məqsədli şəkildə şəhərin mərkəzi hissəsində yerləşən çoxmənzilli yaşayış binalarını ağır artilleriyadan – "Skad" raketlərindən atəşə tutması nəticəsində 14 nəfər həlak olub, 48 nəfər yaralanıb. 10 dan artıq çoxmənzilli binaya və 100-dən çox müxtəlif təyinatlı obyektə ziyan dəyib. Bu terrordur. Dinc sakinlərin hədəf alınması düşmənin sağlam təfəkkürünün olmamasından xəbər verir. Biz bu yaşanan hadisələri sənədli film şəklində təqdim etmək qərarına gəldik. Filmdə aktyor Ziya Ağa ilk dəfə Gəncəyə gedir və bu hadisələri öz gündliyində qeyd edir. Əslində, bu, bir insanlıq faciəsidir".

Rejissor açıqlamasında ordumuzun bu günlərdə bir tarix yazdığını və hər bir vətəndaşın öz cəbhəsində döyüşdüyünü əlavə etdi.

Qeyd edək ki, filmin quruluşçu operatoru Fahir Səmədoğlu, icraçı prodüseri Zamiq Əlövsətoğludur. Montajı isə Rasim Ramazanova məxsusdur. Filmdə yaşanan hadisələr aktyor Ziya Ağanın qeydləri ilə təsvir edilir.

15
Mövzu:
Azərbaycan və Ermənistan arasında müharibə